శ్రీ రామ పద్యార్చనమ్*

 *విశ్వావసు నామ సంవత్సర శ్రీ రామ పద్యార్చనమ్*

*4*

*చం*

అవనిన రావణాసురుని యాగడముల్చెలరేగి వేగగన్

భువిజని రామభద్రునిగ భూజనిసీతను పెండ్లి యాడి తా

నవనిన రామరాజ్యమను నాకము జూపిన దేవదేవుడౌ

దివిపతి విష్ణుమూర్తి కి వె ధీజన పూజలునిత్య(దివ్య) హారతుల్.

*భావం*:-- భూలోకంలో రావణాసురుని ఆగడాలు చెలరేగి బాధలు పడుతున్న తరుణంలో భూలోకంలో రామభద్రునిగా పుట్టి భూజనియైన సీతామహాలక్ష్మి అమ్మవారి ని పెండ్లాడి భూలోకులకు రామరాజ్యం అనబడే స్వర్గమును జూపిన దేవదైన శ్రీ మహావిష్ణువు కు ఇవియే గొప్ప పూజలు నిత్య ( గొప్ప) హారతులు.

*** *కొంపెల్ల శ్రీనివాస శర్మ*