శివానందలహరి

 🕉️🕉️🕉️🕉️🕉️🕉️🕉️🕉️🕉️

*జగద్గురు ఆదిశంకరాచార్యులు*

                *విరచిత*

         *”శివానందలహరి”*

            *రోజూ ఒక శ్లోకం* 

       *తాత్పర్యం, ఆడియోతో*

🕉️🕉️🕉️🕉️🕉️🕉️🕉️🕉️🕉️

*"జగతః పితరౌ వందే పార్వతీ పరమేశ్వరౌ"*

🕉️🕉️🕉️🕉️🕉️🕉️🕉️🕉️🕉️

*శంకరులు ఈ శ్లోకంలో తనను రక్షింపుమని ఈశ్వరుణ్ణి కోరారు.*

*శ్లోకం : 66*

*క్రీడార్థం సృజసి ప్రపంచమఖిలం క్రీడామృగాస్తే జనాః*

*యత్కర్మాచరితం మయా చ భవతః ప్రీత్యై భవత్యేవ తత్ ।*

*శంభో స్వస్య కుతూహలస్య కరణం మచ్చేష్టితం నిశ్చితం*

*తస్మాన్మామక రక్షణం పశుపతే కర్తవ్యమేవ త్వయా ।।*

*తాత్పర్యము :-*

*ಓ పరమేశ్వరా !  ಓ పశుపతీ !  నీవు నీ వినోదము కొరకే, ఈ సర్వ ప్రపంచాన్నీ సృష్టిస్తున్నావు.  ఈ జనమంతా  నీ వినోదం కోసం ఏర్పడ్డ జంతువులు. వారి వారి పెంపుడు జంతువుల నడవడులు, వారికి ప్రేమాస్పదములు కావడం జగత్ప్రసిద్దమే.  కాబట్టి నేను చేసే సత్కర్మలు గానీ, దుష్కర్మలు గానీ, ఏ చేష్టలయినా, నీకు అవి తృప్తికరములే అవుతాయి. కాబట్టి నీవు నన్ను రక్షింపవలసిన వాడవు అవుతున్నావు.  (పిల్లలు తమ ఆట బొమ్మలను తాము రక్షించుకొనే విధంగా నీవే నా రక్షణమును చేయవలసి యుంది ) అది నీ కర్తవ్యం.*

*వివరణ :-*

*శంకరులు ఈ శ్లోకంలో ఈశ్వరుడికి ఇలా నివేదించారు*

*" ಓ శంభూ ! పశుపతీ ! ఈ ప్రపంచాన్ని సర్వమునూ నీవే నీ ఆట కోసం పుట్టిస్తూ వున్నావు. నీవు సర్వ వాంఛలూ తీరినవాడవు. అలాటప్పుడు  ఈ పంచభూతాలు అనే ముడి పదార్థాలతో నీవు నిర్మించే ఈ ప్రపంచం, నీవు సరదాగా ఆడుకోవడం కోసమే. ఈ ప్రపంచములోని జనులంతా నీ చేతిలోని కీలుబొమ్మలు*. *వీరంతా నీ విలాసం కోసం సృష్టించబడ్డ మృగాలు.  వీరు నీవు ఆడించినట్లల్లా ఆడుతారు.* *నీవు తిప్పేవాడవు, వారు తిరిగేవారు. నీవు జగన్నాటక సూత్రధారివి. ఈ ప్రపంచానికీ దీనిలోని ప్రజలకు ఏమాత్రం స్వతంత్రత లేదు* 

*కాబట్టి నాతప్పేమీ లేదు . నేను చేసిన తప్పేదైనా వుంటే నేను ఒకడిని ఉన్నానని అనుకోవడం మాత్రమే. ప్రపంచములో ఉన్నదంతా నీవే. అందువల్ల నేను మంచి చేసినా ,చెడు చేసినా అది నీకు ప్రీతికరంగా ఉండాలి .  నేను చేసిన చేష్టలన్నీ నీ వేడుకకు సాధనములు.  కాబట్టి నన్ను రక్షించడం నీ కర్తవ్యం.*

*తోలుబొమ్మలాటలో బొమ్మలన్నీ సూత్రధారుని ఇష్టానుసారంగా తిరిగి వినోదాన్ని కల్పిస్తాయి. అదేవిధంగా జగన్నాటక సూత్రధారుడైన పరమాత్మ ఇచ్ఛాను సారంగా నడిపే మన జీవితరూపమైన ఈ జగన్నాటకం, పరమేశ్వరుని కి వినోదాన్నే కల్పిస్తుంది.*

*(తరువాయి శ్లోకం రేపు అధ్యయనం చేద్దాం.)*

*ఓం నమఃశివాయ।*

*నమః పార్వతీ పతయే హర హర మహాదేవ॥*

☸️☸️☸️☸️☸️☸️☸️☸️☸️

*క్రొత్తగా నేర్చుకుంటున్న వారికి ఉపయుక్తంగా ఉంటుందని పై శ్లోకం ఆడియో దిగువనీయబడింది. వినండి*👇

🕉️🕉️🕉️🕉️🕉️🕉️🕉️🕉️🕉️