చాణక్య నీతి

 చాణక్య నీతి

బ్రతుకంగవృత్తియు ,  బంధువర్గంబు ,

ఆగమవిద్యయు , నాత్మగౌరవము ,

అభివృద్ధి కొఱకునై నవకాశములును ,

మేల్గోరు వారలు , మిత్రవర్గంబు ,

లే దేశమందున యెన్నంగ లేవొ

యా దేశమందున నావాసముంట

నరయ చింతించంగ నవివేకమగును.             

వణిజుండు , బాపడు , వైద్యున్డు , రాజు ,

నిరతంబుపాఱెడు నిర్మలనదియు ,

పైన చెప్పినయట్టి పంచ యంశములు 

యున్నట్టి యూరిలో నుండుము యెపుడు .

అవిలేని సమయాన ననిశంబు నీవు 

వూరిని వదులుము నుండకో క్షణము.                

ఇహలోక యాత్రకై వీలగు వృత్తి ,

పాపచింతలనుండి భద్ర తభయంబు ,

చెడుకార్యములుసేయ సిగ్గులజ్జయును ,

దాతృత్వమున దేలు దాక్షిణ్యవరులు ,

తగుశక్తి నిచ్చెడి త్యాగులౌ నరులు ,

యెచ్చోట నుండరో యెంచి చూడగను 

నచ్చోట నుండుట యర్హత గాదు

✍️గోపాలుని మధుసూదన రావు 

🙏