తెలుగు వెలుగు

 తెలుగు వెలుగు 

భావాల బదిలీ సాధనం...భాష

అదే మన అందరి నోట పలుకు తెలుగు భాష

ఆంధ్రుల మాట...అమర భాష...తెలుగు యోష 

ఆంధ్ర భాష...సరళ...సుమధురం

భావ ప్రకటనకు తెలుగు భాష అన్వయం..

మృదుమధుర పలుకులు తెలుగు తేనియ ఊటలు 

భాషలందు...తెలుగు లెస్సయే...సందేహరహితమది 

పాళి..ప్రాకృతములు కూడ తెలుగు పిన్నమ్మలే 

తెల్లదొరల వెంట నడచి ఆంగ్ల భాష మోహము 

ఆవహించి...అమ్మ భాషను నెట్టి, అతిథి వశమైనా

నేడైనా నీ భాష శాశ్వతమని జననం నుంచి మరణం

వరకూ వెంటనడచి అమ్మ...నాన్న....పిలుపులోని

మాధుర్యం...గమనించి, గౌరవించి,  ప్రేమించు...

ఆ సవతి ప్రేమ చేటు కాదుగానీ తృప్తిలేనిదని గమనించు

విశ్వభాషలనెన్ని నేర్చిన...మాతృభాష లో బ్రతుకు

సంప్రదాయపు సంబరాలలో సంతోషం కలిగించు 

రాజుల నోట రాజసంగ పలికేను 

కొంగ్రొత్త భావాల నెలవుగా  మారేను 

నన్నయ్యాది కవుల దీవెనలతో ఎదిగేను 

ఆధునిక సాహిత్య తెలుగు శిఖరాలను తాకేను

డాక్టర్ దేవులపల్లి పద్మజ, విశాఖపట్నం