రామాయణమ్ 303
...
మహారాజా వాడెవడో భయంకర రూపముతో ఉన్న వానరుడు అశోకవనమును ధ్వంసము చేసి అడ్డు వచ్చిన వారిని అరచేతితోనే చావమోది చంపేశాడు.వాడు అంతకు మునుపు సీతతో మాటలాడినాడు ప్రభూ!.
.
వానికి నీవు భయంకరమైన దండన విధింపుము.
.
రాక్షస్త్రీల మాటలు వినగానే రావణుడి నేత్రాంచలములనుండి ,మంటతో కూడిన దీపములనుండి వేడివేడి నూనెబిందువులు కారినట్లు, కన్నీటిబిందువులు రాలెను .
.
మండుచున్న అగ్నిహోత్రము వలే ఎర్రనైన కన్నులు మరింత పెద్దవి చేసి ధూర్తవానరుని పట్టుకొనుడు అనుచు ఎనభైవేల మంది శూరులైన కింకరులను ఆజ్ఞాపించెను.
.
ప్రభువాజ్ఞ అయిన వెంటనే వివిధ ఆయుధములతో వారు హనుమంతుని పైకి యుద్ధమునకు బయల్వెడలిరి.
.
మిడతలదండు అగ్నివైపు దూకినట్లుగా వారంతా ఆ మహాబలుడి మీదకు దూసుకుంటూ పోసాగిరి.
.
వారిని చూడగనే సమరోత్సాహముతో తోకను నేలపై విసరికొట్టి దేహము ఇంకా పెద్దది చేసి లంకా నగరము ప్రతిధ్వనించునట్లుగా జబ్బలు చరచి నిలబడెను.
.
ఆ ధ్వనికి పక్షులు రాలిక్రింద పడిపోయెను.
.
శ్రీరామ చంద్రునకు జయము అంటూ జయఘోషలు చేయసాగెను.
.
వూటుకూరు జానకిరామారావు
కామెంట్‌లు లేవు:
కామెంట్‌ను పోస్ట్ చేయండి