మిషన్ “చంద్రయాన్ 3 “ ద్వారా చంద్రుడిమీద మన విక్రమ్ safelanding కావడం మన భారతీయులందరికీ గర్వ కారణం. ఈసందర్భంగా ఎప్పుడో దాదాపు 60 ఏళ్ల నాడు మహాకవి శ్రీశ్రీ గారు తన “ఖడ్గ సృష్టి “ లో వ్రాసిన కవితా పంక్తులు గుర్తుకొస్తాయి - కవులు దార్శనికులు ,సామాజిక శాస్త్రవేత్తలు అనడానికి ఈ కవితే నిదర్శనం !!
“ మబ్బుతునక జేబురుమాలు
మాటు చేసుకున్న జాబిల్లీ !
ఏమో బహుశా త్వరలో
నీ ఇంటికి రావొచ్చు మేము
స్వాగతం ఇస్తావు కదూ !
ఆతిధ్యానికర్హులమే మేము !
చంద్ర మండలానికి ప్రయాణం
సాధించరాని స్వప్నం కాదు
గాలికన్నా బరువైన వస్తువుని
నేల మీద పడకుండా నిలబెట్ట లేదూ ?
పరమాణువు గర్భంలోని
పరమ రహస్యాలు
మహాకాశ వాతావరణంలోని
మర్మాలు తెలుసుకున్నాక
సరాసరి నీదగ్గరకే ఖరారుగా వస్తాంలే
అపుడు మా రాయబారుల్ని
ఆదరిస్తావు కదూ నువ్వు ?
(ఇది శ్రీశ్రీ గారు 1966 లోనే అందించిన “మానవుని ప్రోగ్రెస్ రిపోర్ట్”)
కామెంట్‌లు లేవు:
కామెంట్‌ను పోస్ట్ చేయండి