శ్లోకం

 👆శ్లోకం 

వేద్యో వైద్యః సదాయోగీ                        

 వీరహా మాధవో మధుః |                       అతీంద్రియో మహామాయో                    మహోత్సాహో మహాబలః ||

ప్రతిపదార్ధ:

వేద్య: - సర్వులచేత తెలుసుకొనదగినవాడు. 

వైద్య: - సమస్త విద్యలకు నిలయమైనవాడు.

సదాయోగి - నిత్యము స్వస్వరూపమునందు విరాజిల్లువాడు.

వీరహా - ధర్మరక్షణ నిమిత్తము వీరులైన అసురులను వధించినవాడు. 

మాధవ: - అర్హులగువారికి ఆత్మజ్ఞానమును ప్రసాదించువారు.

మధు: - భక్తులకు మధురమైన మకరందము వంటివారు. 

అతీంద్రయ: - ఇంద్రియములద్వార గ్రహించుటకు వీలులేనివాడు. 

మహామాయ: - మాయావులకు మాయావియైనవాడు. 

మహోత్సాహ: - ఉత్సాహవంతుడు.

మహాబల: - బలవంతులకంటెను బలవంతుడైనవాడు.