దత్తపది

కీర్తి - ఆర్తి - మూర్తి - స్ఫూర్తి. (దత్తపది) 

*సజ్జన స్వభావము (స్వేచ్ఛా ఛందము*) 

కీర్తినెప్పుడు గోరకుండును కీడు సేయడు నెప్పుడున్

ఆర్తిబాపునె నన్ని వేళల నాదుకొంటయె దీక్షయౌ

మూర్తిమత్వము ధర్మదేవత ముందునుండుట జూడమే

స్ఫూర్తి నిచ్చును తోటివారికి సోముడే దిగివచ్చెనో

పూర్తి సజ్జన విగ్రహంబును పోల్చ రాదుగ యేరికిన్.

అల్వాల లక్ష్మణ మూర్తి

: *అవధానంబను విద్య నాంధ్రులకు నా యాంగ్లేయులే నేర్పిరే*

*ఆంగ్లేయుడు*

ఈ సమస్యకు నాపూరణ. 

రవియే గ్రుంకని సార్వభౌమతను మీరారాధనల్ సేయరే

వ్యవసాయంబును వృద్ధి జేసితి మిటన్ వ్యక్తంబుగాన్ జూడవే

అవధానంబను విద్య నాంధ్రులకు నా యాంగ్లేయులే నేర్పిరే

*తెలుగు భారతీయుడు*

అవకాశంబులు నన్ని హక్కులును మావై యుండగా ప్రేలుటా!

భువిలో ముందుగ నాగరీకులములే పూర్వమ్ము మా గొప్పలే.

అల్వాల లక్ష్మణ మూర్తి.