తన వాళ్ళ కోసం

 Credits :- Raghav Indra  ❤️🔥

కూతుళ్లే కాదు ...కొడుకులు కూడా ఇల్లొదిలి వెళ్తారు ..కూతురు పెళ్ళైతే ..కొడుకు పెళ్లికి ముందే ..

తనవారి కోసం ..ఇంటికోసం ..

ఎప్పుడైనా ఆలోచించారా ..?? 

తలగడ లేకపోతే పడుకోడానికి ససేమిరా అనేవాడు ..ఇప్పుడు కటిక నేల పైనా కిక్కురుమనకుండా పడుకుంటున్నాడు .

తినడానికి వంద సాకులు చెపుతూ ఏడిపించేవాడు ...ఇప్పుడు ఏది దొరికితే అదే తింటున్నాడు .

తన గదిలోకి ఎవరికి రానివ్వని ,తన వస్తువులను ముట్టుకోనివ్వని వాడు ..ఇప్పుడు ఒకే గదిలో అందరితో ఉంటూ షేర్ చేసుకుంటూ అడ్జస్ట్ అవుతున్నాడు .

ఇల్లు ,తనవాళ్ళని ఎంతో మిస్ చేస్తూకూడా ...అబ్బే నే బాగానే ఉన్నా అంటూ తన ఫీలింగ్స్ దాచేస్తున్నాడు .

వందల కలలుకన్నవాడు ..వర్తమానం లో జీవిస్తూ ఏదైనా సరే ఫర్వాలేదు అనుకుంటున్నాడు .

కెరీర్ కోసమో ,జాబ్ కోసమో కాగితంలా తయారయ్యాడు .

ఎర్రటి ఎండలో నడుస్తూ అనుకుంటున్నాడు ..నేను కాలితేనే కదా ఇంట్లో దీపం వెలిగేది ..అని .

వర్షంలో తడుస్తూ తిరుగుతున్నాడు ..కొద్దిగా ..ఇంకొద్దిగా కష్టపడైనా సరే సంపాదించాలి ..కన్నవాళ్ళని చూసుకోవాలి అనుకుంటూ .

కూతుళ్ళే కాదు సార్ ...కొడుకులూ ఇల్లొదిలి వెళ్తున్నారు ..తన వాళ్ళ కోసం ..!!