గణ -తంత్రము

 ఓం శ్రీ మాత్రేనమః

ఓం శ్రీ గురుభ్యో నమః

26-1-25

గణ -తంత్రము

డా.రఘుపతి శాస్త్రుల

గణతంత్రము జనములకై

గుణమణులగు నాయకులను కూరిమి గూర్చన్

వినుతమునగు ప్రభుత గన అ

గణితమునగు లాభమొంద గలుగగ వెలసెన్

(కూరిమి=మేలు-అగణితము=ఊహించనంతటి-లాభము=ప్రయోజనము)

ధీమంతుడు అంబేడ్కరు

క్షేమమ్మును గూర్చుకొరకు కీర్తిని గన నీ

భూమిని భారత జనములు

ధీమంతులు గావెలుగగ తీర్చెను శ్రమతో

(ధీమంతులుగా =విద్వాంసులుగా)

గతమును స్మరియించుచు నా

గతమున మనమొంద గలుగు కామితముల సం

గతుల సమీక్షను జేయుచు

స్తుతమతి మెలగంగ  మనకు శోభలనొసగున్

(ఆగతము=భవిష్యత్తు=సంగతులు=సాంగత్యములు-కామితములు=కోరికలు)

పౌరులదౌ స్వేచ్ఛకు ఒన

గూరినదౌ రక్ష యిద్ది కూర్మి నొసగగా

నేరీతి ని గనుచుంటిమొ

ఓరిమితో గనగ వలయు ఉత్తమ సరణిన్

గణతంత్ర పర్వమియ్యది

గుణగణమణులకు శుభము లకుంఠిత దీక్షన్

గణములుగా జయసంపద

లనయమ్మును గూర్చు గాత ఔదార్యముతో

(గుణగణమణులు=ఉత్తములు)

 మిత్రులందరికీ 76వ గణతంత్ర దినోత్సవ శుభాకాంక్షలు