గణతంత్ర దినోత్సవమే

: ధరణిని భారతీయ గణతంత్ర దినోత్సవమే ప్రశస్తమై 

వరలిన తీరు పౌరుల నిబద్ధ హవిద్ధ విశుద్ధ సిద్ధ హృ 

త్కరణ సకారణాత్మక సుధామధురోదిత చర్వణీయ సం 

భరిత విభాస భావ గుణ భాషణ భూషణమే మహాశయా!

: తరళత భారతీయ గణతంత్ర దినోత్సవమే ప్రశస్తమే

కరణినిఁజూచినన్ జనులకై జనతంత్రముకై వికంబు కం 

ధర హిమ శీతపర్వత వితానముపై వెలుగొందునట్టి సుం 

దరతర కేతనంబున సధర్మువు చక్రము దారి జూపగన్

[

: తనువున భారతీయ గణతంత్ర దినోత్సవ సంబరాలు చిం 

దిన నవతారకావళుల తేజములు క్రమ విస్ఫులింగ వీ 

రనివహ శౌర్యకాంతులు కలాపి తటిద్గుణ వేగ వేగులున్ 

జనగణతా విధాయిక విశాల మహత్ప్రభుతా కృతజ్ఞతల్