కర్తవ్యాన్ని ఉపదేశించేది

 *కర్తవ్యాన్ని ఉపదేశించేది కాలమే..!!*

కాలాన్ని ఎంత లాలించినా

ప్రతిక్షణం ఎంత బ్రతిమాలినా

ఇష్టమైనప్పుడే పలకరించేది 

కర్తవ్యాన్ని ఉపదేశించిందే కాలమే.....

కాలంకన్నా వేగంగా వెళ్లలేం

ప్రయాణంలో కదిలిపోయే నిశ్శబ్దం

ఘోర తపస్సును సైతం ఎదిరించి

మనసులో అలజడి చేసే సముద్రం...

సువాసనల హృదయాన్ని కదిలించి 

జీవితాన్ని కమ్మేసే సుగంధం మాల

కాంతిలా వెలుగులు విరజిమ్ముతూ 

ప్రతి ముఖంలో ఆనందరేఖల చిరునవ్వే...

చూపులకు అందని నింగి వలయం

సప్తవర్ణాల సొగసుల నిలయం 

ఓర చూపుతోనే తొలిచే సూది మొనలు 

జీవితాన్ని మార్చే మాయదారి కాలమే..

అర్థంకాని కావ్యంగా ప్రతిక్షణం కదిలిపోతూ

ఆనందంలో ఏడ్చే స్వప్న సంధ్యల రేయి 

మధురమైన నిశ్శబ్దంలో కలిసిపోతూ

మూత మూసిన కళ్ళకు విప్పలేని మంత్రం..

గుండె గూటిలో నిత్యం మ్రోగే ఘడియలు

అనిర్వచనీయ గానంతో పలకరిస్తూ

ఎప్పటికీ తీరని జీవిత నిండు ప్రయాణాన్ని 

ముగించడానికి మ్రోగే ప్రళయగంటలు కాలమే..

కొప్పుల ప్రసాద్ 

నంద్యాల 

9885066235