శివానందలహరి

 🕉️🕉️🕉️🕉️🕉️🕉️🕉️🕉️🕉️

*జగద్గురు ఆదిశంకరాచార్యులు*

                  *విరచిత*

         *”శివానందలహరి”*

             *రోజూ ఒక శ్లోకం* 

       *తాత్పర్యం, ఆడియోతో*

🕉️🕉️🕉️🕉️🕉️🕉️🕉️🕉️🕉️

*"జగతః పితరౌ వందే పార్వతీ పరమేశ్వరౌ"*

🕉️🕉️🕉️🕉️🕉️🕉️🕉️🕉️🕉️

*ఈ శ్లోకంలో శంకరులు తన మనస్సును ఈశ్వరుని పాదపద్మములను ఆశ్రయింపుమని దానికి ఉపదేశం చేశారు.*

*శ్లోకము: 60*

*రోధస్తోయహృతశ్శ్రమేణ పథికః ఛాయాంతరో ర్వృష్టితః*

     

*భీత స్స్వస్థగృహం గృహస్థ మతిథిః దీనః ప్రభుం ధార్మికమ్,*

     

*దీపం సంత మసాకులశ్చ శిఖినం శీతావృతస్త్వం తథా*

     

*చేత స్సర్వభయాపహం వ్రజ సుఖం శంభోః పదాంభోరుహమ్ !!*

*పదవిభాగం :~*

*తోయహృతః = నీటివేగమున కొట్టుకుని పోవువాడికి*

*రోధః = తీరము (వలె)*

*శ్రమేణ = అలసటతో ఉన్న*

*పథికః = బాటసారికి*

*ఛాయాం తరోః = చెట్టు యొక్క నీడలా*

*వృష్టితః = వర్షము వలన*

*భీతః = భయపడినవాడికి*

*స్వస్థగృహం = సుఖమైన ఇల్లువలె*

*అతిథిః = భోజన సమయమునకు పొరుగూరు నుండి వచ్చిన వాడికి*

*గృహస్థమ్ = సంసారివలె*

*దీనః = దరిద్రుడికి*

*ప్రభుం ధార్మికమ్ = ధర్మాత్ముడైన రాజువలె*

*సంతమసాకులః చ = చీకటిలో కొట్టుకొనుచున్నవాడికి*

*దీపం = దీపమువలె*

*శీతావృతః = చలిపట్టుకున్నవాడికి*

*శిఖినం చ = అగ్ని హోత్రము వలె*

*త్వమ్ = నీవు*

*తథా = ఆ ప్రకారముగా*

*సర్వభయాపహం = ఎల్ల భూతములను బాపునదియు*

*సుఖం = సుఖకరమైనదియగు*

*శంభోః పదాంభోరుహమ్ = శివుని యొక్క పాదకమలములను.*

*వ్రజ = ఆశ్రయింపుము*

తాత్పర్యము :

*ಓమనసా ! నీవు, నీటిలోకొట్టుకొని పోవు వాడికి తీరమును వలె, శ్రమచెందిన బాటసారికి చెట్టు నీడను వలె, వాన వలన భయపడే వాడికి సుఖకరమైన ఇంటినివలె,* *అతిథికి గృహస్థుని వలె, ఆర్తుడైన దరిద్రుడికి ధనిక ప్రభువును వలె, చీకటిచే ఆవరింప బడ్డవాడికి దీపమునువలె, చలిచే బాధపడువాడికి అగ్నిని వలె, సర్వ భయములనూ పోగొట్టునట్టియూ సౌఖ్యకరమైనట్టియూ, శివుని పాద పద్మములను చేరుకో.*

*వివరణ :~*

*ఒక్కొక్క రకమైన కష్టం, లేక ఇబ్బంది వస్తే , దాని ఉపశమనం కోసం ఒక్కొక్కరిని ఆశ్రయిస్తాము, ఆ సమస్య పరిష్కరించడానికి ఆవ్యక్తి లేక ఆవస్తువే ఉపకరిస్తుంది. కానీ సామాన్యంగా మన మానవులకు కలిగే అన్ని భయాలనూ పోగొట్టి, రక్షణ కల్పించే శక్తి, ఒక్క పరమేశ్వరునికే ఉంటుంది.* *జగన్నాటక సూత్రధారుడైన పరమేశ్వరుని పాదాలను ఆశ్రయిస్తే అన్ని సమస్యలకూ పరిష్కారం లభిస్తుంది. మన బాధలన్నీ తొలగి శుభాలు కలుగుతాయి. అందువల్ల ఇతర వృథా ప్రయాసలు విడచి, ఈశ్వర పాదారవిందాలను ఆశ్రయించమని శంకరులు సలహా ఇస్తున్నారు. ఆపద వస్తే శంకర పదమే శరణ్యం అని గుర్తించాలి. అందువల్లే శంకరులు ఆ శంభుని పాదపద్మాలను ఆశ్రయించమని తన మనస్సుకు హితోపదేశం చేశారు*

 

*"సర్వ బాధాప్రశమనం, సర్వ సౌఖ్యకరం నృణామ్ ". అంటే ఈశ్వరుని పాదములు సమస్త బాధలనూ తొలగించి, మానవులకు సర్వసౌఖ్యాలనూ కల్గిస్తాయని చెప్పబడింది.*

 

*"న భయం క్వచిదాప్నోతి " అని చెప్ప బడింది.” " సర్వ దుఃఖాతిగో భవేత్ " అనగా అన్ని దుఃఖాలనూ అతిక్రమింపగలడు. అని కూడా ఈశ్వర పాదములకు గల ప్రభావాన్ని గూర్చి తెలుపబడింది.*

*(తరువాయి శ్లోకం రేపు అధ్యయనం చేద్దాం.)*

*ఓం నమఃశివాయ।*

*నమః పార్వతీ పతయే హర హర మహాదేవ॥*

☸️☸️☸️☸️☸️☸️☸️☸️☸️

*క్రొత్తగా నేర్చుకుంటున్న వారికి ఉపయుక్తంగా ఉంటుందని పై శ్లోకం ఆడియో దిగువనీయబడింది. వినండి*👇

🕉️🕉️🕉️🕉️🕉️🕉️🕉️🕉️🕉️