విధులను తప్పించుకొనగ

 *2090*

*కం*

విధులను తప్పించుకొనగ

విధి నిన్నిల వేరు విధుల వేధించునయా,

విధులను నిర్వర్తించగ

విధి నీవెంబడి సహకరించు వివిధము(వితతము) సుజనా.

*భావం*:-- ఓ సుజనా! విధులను(కర్తవ్యాలను అంటే తప్పకుండా చేయవలసిన పనులను) తప్పించుకుంటే విధి(బ్రహ్మ) నిన్ను వేరే రకరకాలుగా బాధపెడుతుంది. అదే విధులను నిర్వర్తించడానికి ప్రయత్నాలు చేస్తే ఆ విధి (బ్రహ్మ) యే నీకు తోడుగా ఉండి పలువిధాలుగా సహాయం చేస్తుంది.

*సందేశం*:-- కర్తవ్యాలను ఎన్నడూ తప్పించుకోవడానికి ప్రయత్నాలు చేయవద్దు, దాని వలన ఎక్కువగా కష్టపడవలసి వస్తుంది. చెడ్డ పేరు కూడా వస్తుంది. అదే కర్తవ్య నిర్వహణ చేస్తే కష్టాలు తగ్గుతాయి, మంచి పేరు కూడా వస్తుంది.

*** *కొంపెల్ల శ్రీనివాస శర్మ*