🌲🌲🌲🌲🌲🌲🌲🌲🌲🌲🌲🌲
*ధార్మికగీత - 124*
*****
*శ్లో:- దుర్లభం త్రయ మే వై తత్ ౹*
*దేవానుగ్రహ హేతుకమ్ ౹*
*మనుష్యత్వం ముముక్షత్వం ౹*
*మహాపురుష సంశ్రయమ్ ౹౹*
*****
*భా:- దేవుని యొక్క అను గ్రహానికి పాత్రుడు అవ్వాలంటే లోకంలో మూడే మూడుకారణ మవు తున్నాయి.* *1. "మనుష్యత్వం":- ప్రతి మనిషిలో కామ,క్రోధ,లోభ, మోహ, మద, మాత్సర్యాలు, ఆష్టవిధ మదాలు*, *తాపత్రయాల మాలిన్యము పశుత్వ లక్షణాలతో ప్రస్ఫుట మౌతుంది. దానిని పూర్తిగా* *నిర్మూలనము చేసికొని, మానవత్వ* *పరిమళాలను గుబాళింప జేసుకోవాలి. అదే మనుష్యత్వము*. *2."ముముక్షత్వము":- మోక్షము కావాలనే కోరిక ప్రబలంగా ఉన్నవారు మానవతా విలువలతో నడుచుకుంటూ, దేహాభిమానాన్ని, అహంకార మమకారాలను , విషయ- వాసనలను వదిలి, ఇంద్రియ నిగ్రహంతో, వైరాగ్య భావంతో ఆత్మ సాక్షాత్కారానికై చేసే నిరంతర కఠోర సాధనా ప్రక్రియ ముముక్షత్వము. 3. "మహా పురుష సంశ్రయము":- పైన చెప్పబడిన మానవత్వ, మోక్షాపేక్షల సాధనకై జ్ఞాన సంపన్నులైన మహాత్ములను గాని, సద్గురువులను గాని ఆశ్రయించి, వారిని దీక్షా దక్షతలు, శ్రద్ధా సక్తులు, భక్తి ప్రపత్తులతో వివిధ శుశ్రూషలు చేసి, ఆత్మజ్ఞాన సముపార్జనము చేయాలి. ఈ మూడింటిని శ్రద్ధాళువై, చిత్తశుద్ధితో, ఏకా గ్రతతతో, నిష్ఠతో సాధించిన నాడు దైవ సాక్షాత్కారం తప్పక లభించ గలదని సారాంశము*.
*****
*సమర్పణ : పీసపాటి*
🌲🌲🌲🌲🌲🌲🌲🌲🌲🌲🌲🌲
కామెంట్‌లు లేవు:
కామెంట్‌ను పోస్ట్ చేయండి