208వ రోజు: (భాను వారము) 02-07-2023
మన మాతృ భాష సేవలో
ఈ రోజు పదమ:
దత్త పుత్రుడు: కులటుడు, దత్తకుడు, దత్త్రియుడు, పోష్యపుత్రుడు, పోషయసుతుడు
ఈ రోజు పద్యము:
సన్నుత కార్యదక్షు డొకచాయ నిజప్రభ యప్రకాశమై/
యున్నపుడైన లోకులకు నొండక మేలొనరించు సత్వసం/
పన్నుడు భీము డా ద్విజులప్రాణము కావెడి ఏకచక్రమం/
దెన్నికగా బకాసురుని నేపున రూపడగించి భాస్కరా!
ఓ భాస్కరా! భీముడు బ్రాహ్మణ వేషములో అజ్ఞాతముగా గడుపవలసి వచ్చిన సమయమున కూడా ఏకచక్ర పురము నందలి బ్రాహ్మణ కుటుంబమును బకాసురుని బారి నుండి రక్షించగలిగినాడు. కనుక కార్యదక్షుడైనవాడు ఏ కారణము చేతనైననూ తన గొపుపతనము మరుగు పరచుకొనవలసి వచ్చిననూ, ఇతరులకు తనకు చేతనైనంత మేలు ఏదైననూ చేయగలడని భావము.
కామెంట్‌లు లేవు:
కామెంట్‌ను పోస్ట్ చేయండి