లోపము
-------------
సీ||
పంచమ స్వరమున బాడునేమో గాని
పికము నలుపనుచు బేరు గలుగు!
సొంపైన రంగుతో నింపైన వాసనల్
చల్లు గులాబీకి ముల్లు గలుగు!
కడలి గంభీరమై కన్పట్టునే గాని
యుదకంపు రుచిమాత్ర ముప్పనౌను!
రాయంచ నడకలు రమణీయమే గాని
కంఠస్వరము కొంత కఠిన మనుచు
తే.గీ||
మంచి నెంచక తప్పుల నెంచువాని
జెంతకును బిల్చి నల్వురు జెప్పిరిటుల!
"ఇతరులందున లోపాల నెంచునట్టి
లోపముండెను గాదె నీలోన మనుజ!"
---------కోడూరి శేషఫణి శర్మ
కామెంట్లు లేవు:
కామెంట్ను పోస్ట్ చేయండి