దీపావళి
వెలిగింపవే! వీధి వీధుల విజ్ఞాన దివ్యప్రభాజాల దీపమాల! కట్టింపవే! కమ్ర కల్యాణ భారతీ ద్వారాల మంగళ తోరణాలు! వినిపింపవే! విశ్వవీణపై విద్యాప్ర వీణవై స్వాతంత్ర్య వీరగీతి! మ్రోగింపవే! జగన్మోహకమ్ముగ దిగ్ది గంతాల విజయ సంక్రాంతి భేరి!
మానవానంద మాధవీ మందిరమున భద్రపీఠిక గొల్వయ్యె భాగ్యలక్ష్మి శ్రీపదాబ్జద్వయమ్ము నర్చింపరావె! హృదయ పుష్పాంజలుల్ సమర్పించిపోవె !
~ సుధాంశు
*8 - భజగోవిందం / మోహముద్గర*
🍅🍅🍅🍅🍅🍅🍅🍅🍅🍅🍅🍅
*భజగోవిందం శ్లోకం:-6*
*యావత్పవనో నివసితి దేహేతావత్పృచ్ఛతి కుశలం గేహే।*
*గతవతి వాయౌ దేహేపాయే భార్యాబిభ్యతి తస్మిన్క యే॥ భజ ॥6.*
*ప్రతి॥* పవనః = ఊపిరి (జీవం); యావత్ = ఎంతవరకు; దేహే = దేహమునందు; నివసితి = వుంటుందో; తావత్= అంతవరకు; గేహే = ఇంటియందు; కుశలం = క్షేమసమాచారము సంగతిని; పృచ్ఛతి = అడుగుతారు; దేహాపాయే= దేహానికి అపాయము కలిగి న స్థితిలో; వాయౌ= ఊపిరి, జీవము; గతవతి = పోయినట్టి దయితే( అప్పుడు); భార్యా = అర్ధాంగికూడా; తస్మిన్ = ఆ; కాయే =' శరీరమునుగూర్చి; బిభ్యతి = భయపడి పోతుంది.
*భావం:-*
శరీరంలో ఊపిరివున్నంతవరకే ఇంటిలోని ఎవరైనా దగ్గరుకువచ్చి నీ గురించిన కుశల ప్రశ్నలనడిగేది, నీనుంచి ఊపిరి తప్పుకొని వెళ్ళిపోతే, శరీరం నశించిపోయే స్థితిలో అపాయంలో పడిపోతే, అప్పుడు నీ దగ్గరకు వచ్చేవాళ్ళూ క్షేమమడిగే వాళ్ళూ వుండరు. నీ అర్ధాంగియైన స్త్రీ కూడ ఆ శరీరాన్ని చూసి జడుసుకొని భయపడుతుంది.
*వివరణ:-*
విచారణచేత మహోన్నతమైన సత్యపదార్థాన్ని అన్వేషించ టానికిగాను మనసును ఆ పదార్థంవైపుకు నడిపించాలి. అంటే గుడ్డిగా ప్రేమించటం, మమకారం పెంచుకోవటం శుష్కమైన అనుభవాలు పొందాలని కోరటం అనే వైపునుంచి దానిని మళ్ళించటం అన్నమాట. అది చాలా అత్యవసరమైనట్టి సంగతి. నిస్సంగత్వమనేది యీ ప్రాపంచిక వస్తు విషయాలను గూర్చి వుండాలి. కాని నిస్సంగత్వమనే ఈ భావం కొన్ని మతగ్రంథాల్లో అవసరమైనదానికన్న ఎక్కువగానే నొక్కి చెప్పటం జరుగుతోంది. బౌద్ధమతంలో అలాంటిది అతిగ వున్నదనిపిస్తుంది. అలా చెప్పినట్లయితే సాధకుడికి జీవితం మీద బ్రతకటానికి తగిన శ్రమపడడం మీద ఒక విముఖత కలుగుతుంది. జీవితంలో పసకనపడదు. ఉత్సాహం పల్చనై పారి యింకిపోతుంది.
జీవితం మీద ధ్యానం సాధకునికి "ప్రపంచం వట్టి దుఃఖమయం” అనిపించే టట్లుండరాదు. ఎక్కడో చీకటి భోగాలకు అతన్ని లాక్కుపోరాదు. అలాగే జీవితం సుఖమయమని సుఖం అనుభవించటానికే - ఏ పద్ధతైనేమి అనే గుడ్డి పంథాకూడా పనికి రాదు. విద్వాంసులు ఈ విషయంలో చాల జాగ్రత్తగా చెప్పారు. బహిర్గతమైన విషయ ములపై ధ్యాసవుంచి నిస్కారమై ప్రాపంచిక విషయాలమిదా అతిగా మనసుని ప్రవర్తిం పజేయటాన్ని నిరాకరిస్తూ అందరినీ మానవుల సేవలో నిమగ్నులు కావలసిందని అంతర్గతమైన దృష్టిని అలవరుచు కోవలసిందనీ వారు ఆదేశించారు.
ఋషులు అన్నారు - జీవితాన్ని యధాతధంగా చూడవలసిందీ అని అలా చూడటంలో అసంగత్వమనేది పాటించ మన్నారు. అప్పుడే ప్రపంచపు సరియైన దృశ్యం చూచినవాళ్ళ మవుతాము. ఆ పైన జీవితానికి వాస్తవికతలేని తనాన్ని చెప్పారు. మనసులో ఏముంటే అదే ఎదుట వున్నదన్నప్పుడు వాస్తవికత ఎక్కడుంటుందిగనక, దీనివల్లనే ఒకానొక స్వాస్థ్యమైన ఆశావాదమును అలవాటు చేయడం జరిగింది. జీవితం మీద సాధకుడికి పూర్వమున్న విలువలు తగ్గిన క్షణాన గురువులు వేదాంతికమైన క్రొత్త విలువ లను వారి మనసులో తగినసమయంలో ప్రవేశపెట్టుతారు.
పాశ్చాత్య దేశాలకు చెందిన విమర్శలకు ఇలాంటి శ్లోకాల్లోని ఈ బహళార్థా లు సాధక ప్రయోజనాలను గుర్తించక వ్యతిరేకంగా మాట్లడతారు, పూర్వ దేశాల జీవితంలో వితాన్ని చీకటిగా దుఃఖమయంగా చిత్రించుతారని మనిషిలో జీవితంలో వుండే బ్రతకాలనే చింతనే పారద్రోలు తారనీ - అభివృద్ధి నిరోధకంగా చెబుతారనీ విమర్శిస్తూ వుంటారు.
సంగ్రహంగా చెప్పాలంటే దేహాన్నే అన్నిటికన్న మిన్నగా పూజించుట మనేది తగని పని దానికోసమే అన్నీ చేయటం దానికోసమే డబ్బు సంపాదించటం దానికోసమే తగలేయటం చేస్తాం. ఇదే పరమార్థమనకొంటే ఇంతకంటే శోచనీయమై విషయం లేదు. ఇంత కంటే మూర్ఖత్వం లేదు. శరీరమే అన్నిటికంటే గొప్పదైనదీ పూజించ దగింది, అయితే అది శాశ్వతంగా వుండేదైనా కాదే. క్షణాల్లో మారిపోతుంది. కృశించి పోతుంది, ముసలి దవుతుంది. రాలి పోతుంది. శరీరంతో కష్ట పడాల్సిందే, పనిచెయ్యాలి, పోరాడాలి, కూడబెట్టాలి, ఇతర్లను మేపాలి, జనాన్ని సృష్టించాలి, గుడ్డలు గేహాలు యివ్వాలి.-- ఇవన్నీ దేనికది ఆలోచిస్తే అవుసరమైనవే కాని మొత్తం జీవితకాలం యిలానే వెచ్చించి వేయడం మనిషి సామర్థ్యాలను మట్టిపాలు చెయ్యటం వంటిది. ఈ శరీరం పెరిగి సడలి, చేవలేనిదై, చివరకు మట్టిపాలై పోతుంది కదా!
శరీరం కోసమే శరీరంలో నివసించి వుంటామనే దృష్టి రాక్షస దృష్టి రాక్షస రాజు పేరు విరోచనుడు అతడొకప్పుడు విజ్ఞాన వేత్తయయిన బ్రహ్మదగ్గరకు వెళ్ళుతాడు. ఆయన ఉపదేశించిన జ్ఞానం విరోచనుడికి ఇతడి సంస్కారాన్ననుసరించి అర్థమైంది, విరోచనుడు నమ్మినదేమిటంటే- (నేను అనేది వేరు, శాశ్వతుడైన ఆత్మవేరు) ఈ నేను అనేది శరీరమే. ఆ యాత్మను సేవించి పూజించటమే పరమోత్కృష్టమైన మతము! అని ఇది సరియైనది కాదు, ఈ శ్లోకంలో ఒక ఆలోచనా పద్ధతి తెలియ బరచబడింది. ఆ దోవలో విచారించుతూపోతే శరీరంతోగల ప్రేమబంధము అంతమయిపోయి, మనిషిలోని వ్యర్థమైన పై మెరుగులు విచ్ఛిన్నమై పోతవి.
జీవి చనిపోయిన తరువాత మిగిలేది కళ్ళకు కనబడటానికి శరీరం మాత్రం ఏ జంతువైనా చనిపోతే దాని శరీరంలోని చర్మం మాంసం మొదలైనవి ఇతర్లకు ఉపయోగిస్తవి. కాని మనుష్యుడు చనిపోతే అతని శరీరానికి యే మాత్రం విలువలేదని చెప్పవచ్చు, ఒక్క జుగుప్సను కలిగించే విలువతప్ప, ఇలాంటి పనికిరాని మురికి మూట అయిన శరీరం కోసమే బ్రతికినన్నాళ్ళున్నూ ధనం ఆర్జించటం, కూడబెట్టడం, గొంతులు కొయ్యటం, దుష్ప్రవర్తనలో తగులుకోవటం క్రూరమయిన యుద్ధాలు ప జెయ్యటమూనూ జరుగుతూ వున్నాయి. చివరకు ఆ శరీరం పడిపోయిన స్థితిలో ఇన్నాళ్ళు ఎంతో సన్నిహితంగా ప్రియులుగా వున్న భార్యయే జీవిత భాగ స్వామిని యే తన ప్రియుడి శరీరం - భర్త శరీరం అలాంటి స్థితిలో చూసి విపరీతమయిన భయానికి లోనవుతుంది.
జీవితంలోని ఈ భావ తాత్పర్యమును అనుసంధానం చేయటంవల్ల పై మెరు గుల మీదనుంచి మనసు మళ్ళి ప్రయోజనకరమైన అసంగత్వము అలవాటు అగుతుంది. శరీర రక్షణం చేయవలసిందే - ఎందుకంటే అది మనకు ఉపకరిస్తుంది. కనుక దాన్ని శుభ్రముగాను అందంగానూ వుంచాల్సిందె, మేపాలి దుస్తులు తొడగాలి, బాగు చేస్తుండాలి. మనకున్న యితరమైన వాహనాలను యెలా కడిగి శుభ్రముచేసి కాపాడుకొంటామో అలాగే దీన్ని కూడా పోషించు కోవాలి. శరీరాన్ని సేవించాలి. - కాని ఎల్లప్పుడూ - ఆ శరీరం ఒకానొక వస్తువని అది విశాలమైన యితర క్షేత్రాల్లో మనం ఉత్తీర్ణత పొందటాని కనువైన వస్తువు మాత్రమేననే విషయం, జ్ఞాపకంలో వుంచుకొని మరీ సేవించాలి.శరీరం శాశ్వతంగా మనకు వుండేదికాదు. ఇప్పుడున్న సమర్థతనే నిరంతరం కలిగి అది మనకు ఉపయోగపడుతూ వుండేది కాదు. అది నశించి పోతుంది తప్పనిసరి.
ఈ సమ్యగ్విజ్ఞానంతో శరీరంలో మనం మనినట్లయితే- దుఃఖపుంజం తగ్గి అత్యంత స్వాఫ్ట్యపూర్ణమైన జీవితం నడపవచ్చు.
*సశేషం*
🌔🌔🌔🌔🌔🌔🌔🌔🌔🌔🌔🌔
మానవ శరీరంలోని వ్యర్ధాలను బహిష్కరించు అవయవాల గురించి వివరణ -
మానవ శరీరం ఒక సజీవమైన యంత్రం శరీరము నందు ఎలాంటి అన్యపదార్ధము చేరినను దానిని బయటకి బహిష్కరింప చేయుటకు శరీరము పనిచేస్తుంది . ఉదాహరణకు కాలుకు ముల్లుగాని , కొయ్యగాని గుచ్చుకొని విరిగిన దానిని శరీరము నుంచి బయటకి పంపుటకు చీముపట్టి ఆ తరువాత సులభముగా బయటకి వచ్చును. ఇదే విధముగా శరీరంలోని అంతరావయవములలో ఏదేని మలపదార్దము ( అన్య పదార్థము లేదా రోగ పదార్థము ) చేరినచో అది బయటకి పంపుటకు శరీరంలోని నాలుగు బహిష్కరణ అవయవాలు పనిచేయును . ఇప్పుడు వాటి గురించి మీకు వివరిస్తాను . అవి
* ప్రేవులు .
* మూత్రపిండములు .
* ఉపిరితిత్తులు .
* చర్మము .
* ప్రేవులు -
మల పదార్థము మొదట ప్రేవులలో నిలువచేరి వివిధ వ్యాధులను కలుగచేస్తుంది . అందువలనే " సర్వరోగా మలాశయః " అన్నారు. ఈ మల పదార్థం మలబద్ధక సమస్య వలన బయటకి వెళ్లక ప్రేవులలో నిలువ ఉండి అచ్చట కొంతకాలానికి మురిగిపోయి విషవాయువులు తయారైయ్యి రక్తములో కలిసి ప్రవహించి ఇతర అంతర అవయవములకు అవరోధము కలిగించి రోగములను కలుగచేయును .
మలబద్ధకం వలన మొదట అజీర్ణము చేయును . అజీర్ణము వలన విరేచనములు ఆ తరువాత బంక విరేచనాలు , రక్తవిరేచనాలు , అమీబియాసిస్ , అసిడిటీ , అల్సర్ ఇలా ఒకదాని తరువాత ఒకటి వచ్చును. ఇవన్నియు జీర్ణకోశ సంబంధ వ్యాదులు. ఈ వ్యాధులన్నింటికి మలబద్ధకమే కారణం . ఈ సమస్య ప్రారంభములోనే జాగ్రత్తవహించని యెడల దీర్ఘకాలిక వ్యాధిగా మారి తరువాత తీవ్ర సమస్యలు తెచ్చును .
* మూత్రపిండములు -
ప్రేవులు పూర్తిగా పనిచేయని స్థితిలో శరీరంలోని మాలిన్యములు బయటకి పంపుటకు మూత్రపిండములు బాగుగా పనిచేయవలసి ఉంటుంది. అందుకే మలబద్దకం సమస్య ఉన్నవారికి మూత్రం అధికంగా వచ్చును. కొంతకాలమునకు మూత్రపిండములు కూడా అలసిపోయి చెడిపోవును . కావున మూత్రపిండములలో రాళ్లు , మూత్రనాళములో రాళ్లు , మూత్రకోశములో రాళ్లు మొదలగు వ్యాధులు సంభవించును . దీనివల్ల రక్తములో మూత్రము కలియుట , రక్తపోటు మొదలగు సమస్యలు కలుగును.
* ఊపిరితిత్తులు -
మూత్రపిండ వ్యాధులకు మందులు వాడిన శరీరంలోని మురికిని బయటకి పంపుటకు ఉపిరితిత్తులు ప్రయత్నించును. దగ్గు , జలుబు , అలర్జీ , దమ్ము ద్వారా శరీరంలోని తెమడను బయటకి పంపుటకు ప్రయత్నించును. ఈ సమస్యను కూడా అణుచుటకు మందులు వాడుచున్న శరీరం నందలి మలిన పదార్థము చర్మము క్రిందికి వెళ్లి చర్మవ్యాధులను కలగచేయును .
* చర్మము -
రక్తములో ఉన్న మాలిన్యాలను చర్మము ద్వారా బహిష్కరించుటకు ప్రయత్నించునప్పుడు గజ్జి , తామర , పుండ్లు , గడ్డల రూపములో కనిపించును. దీనిని మనం మందులతో అణిచివేయుచుండిన చర్మవ్యాధి , కుష్టు మొదలగు వ్యాధులు వచ్చును .
పైన వివరించిన నాలుగు బహిష్కరణ అవయవాలు చక్కగా పనిచేసినంత కాలం ఏ రోగము దరిచేరదు . ఇందులో ఏ ఒక్కటి తన విధిని సరిగ్గా నిర్వర్తించలేకపోయినా శరీరము అంతా రోగగ్రస్తం అవుతుంది. అంతేకాని శరీరంలో వివిధ అవయవములకు సంబంధం లేదు అనుకోకూడదు.
ఈవిధముగా శరీరంలోని నాలుగు బహిష్కరణ అవయవాలు మందుల వలన దోషపూరితమై ఒకదాని పని ఇంకొకటి చేసి రోగగ్రస్తము అగును. కావున సమస్య మొదలగు క్రమము నందే సరైన జాగ్రత్తలు పాటించి ఎప్పటికప్పుడు శరీరంలోని మాలిన్యాలను బయటకి పంపవలెను.
ఈ మధ్యకాలంలో చాలా మంది ఉదయాన్నే లేవగానే మలవిసర్జనకు వెళుతున్నాము .మలబద్ధక సమస్య లేదనుకుంటున్నారు. నిజానికి రోజుకు రెండుసార్లు మలవిసర్జన చేయుట అత్యుత్తమ పద్దతి. అదేవిధముగా ఋతువు మారినప్పుడల్లా విరేచనౌషధములు తీసుకుని ఉదరమును మరియు ప్రేవులను శుభ్రపర్చుకోవలెను. ఉదయాన్నే మలవిసర్జన చేసినప్పుడు బయటకి వెళ్లునది కేవలం 60 % మాత్రమే . మిగిలిన 40 % ప్రేవులకు పట్టి ఉండును. అది అలా మురిగిపొయి విషవాయువులు వెలువడి రక్తములో కలిసి శరీరంలోని మిగతా అవయవాలకు చేరుకుని ఆయా అవయవ సంబంధ రోగాలను కలుగ చేయును . కావున ఋతువు మారినప్పుడల్లా విరేచనౌషధాలను తీసుకుని ఉదరము మరియు ప్రేవులను శుభ్రపర్చుకోవలసిందిగా ముఖ్య సూచన .
సమాప్తం
మరిన్ని అనుభవపూర్వక ఆయుర్వేద ఔషధ చిట్కాల కొరకు మరియు సంపూర్ణ సమాచారం కొరకు నేను రచించిన గ్రంధాలు చదవగలరు . .
గమనిక -
నేను రాసిన " ప్రాచీన ఆయుర్వేద ఔషధాలు " మరియు " ఆయుర్వేద మూలికా రహస్యాలు " రెండు గ్రంథాలలో ఎన్నొ రహస్య చిట్కాలు , మా కుటుంబపరంగా గత 250 సంవత్సరాల నుంచి మా పెద్దవారు మాకు అందించిన ఎంతో అనుభవసారాన్ని ఈ గ్రంథాలలో అందరి అర్థం అయ్యే విధంగా సామాన్య బాషలో వివరించాను. ఇంట్లో ఉండి మరియు అందుబాటులో ఉన్న వాటితోనే పెద్ద పెద్ద రోగాలు నయం చేసుకునే విధంగా అత్యంత సులభయోగాలు మన ప్రాచీన భారతీయులు రచించిన చెట్లను బట్టి భూమిలో నీటిని కనుక్కునే విధానాలు , వృక్షాలకు ఆయుర్వేద మూలికల ఉపయోగించి దిగుబడి పెంచే వృక్షాయుర్వేద చిట్కాలు , రైతులకు ఉపయోగపడే విధంగా ఏయే నక్షత్రాలలో పంటలు వేస్తే ఫలితాల ఎక్కువుగా ఉంటాయో తిథి, నక్షత్ర, వారాలతో సహా ఇవ్వడం జరిగింది. ఆయుర్వేదం నేర్చుకోవాలి అనుకునేవారికి ఇది మంచి దిక్సూచిలా ఉపయోగపడును.
నా మూడొవ గ్రంథము నందు 50 రకాల మొక్కల గురించి అత్యంత విపులంగా ఇవ్వడం జరిగింది . ఈ మొక్కలన్నియు ప్రతి ఒక్కరికి తెలిసినవి మరియు మన ఇంటి చుట్టుపక్కల ఉన్నటువంటివే . ఈ గ్రంధములలో మీకు లభ్యమయ్యే సమాచారం మరే గ్రంథములలో లభ్యం అవ్వదని చెప్పగలను . మొక్కలను సులభముగా గుర్తించుటకు రంగుల చిత్రములు కూడా ఇవ్వడం జరిగినది . ఏయే జబ్బులకు ఎటువంటి ఆహారపదార్థాలు తీసుకోవలెనో , తీసుకోకూడదో కూడా సంపూర్ణముగా మీకు ఇందులో లభ్యం అగును . ఔషధాలు మరియు తీసుకోవాల్సిన ఆహారవిహారాలు ఒకేదగ్గర లభ్యం అగును .
ప్రాచీన ఆయుర్వేద ఔషధాలు గ్రంథము 288 పేజీలతో ఉండును . దీని విలువ 400 రూపాయలు , ఆయుర్వేద మూలికా రహస్యాలు గ్రంథము 384 పేజీలతో ఉండి 500 రూపాయలు , సర్వమూలికా చింతామణి గ్రంథము 352 పేజీలతో ఉండును . దీని విలువ 550 రూపాయలు . అందరికి అర్ధమయ్యేలా సులభ బాషలో ఉండును. గ్రాంథిక భాష ఉపయోగించలేదు .
ఈ గ్రంథములు కావలసిన వారు 9885030034 నంబర్ కు Phonepay or Googlepay or Paytm కు డబ్బు పంపించి ఇదే నంబర్ కు Whatsup నందు screenshot పెట్టి మీ పూర్తి Adreass ఇవ్వగలరు . కొరియర్ చార్జీ 100 రూపాయలు అదనం .
ఈ గ్రంథాలు కావలసినవారు క్రింద ఇచ్చిన నంబర్ కి ఫోన్ చేయగలరు .
కాళహస్తి వేంకటేశ్వరరావు
అనువంశిక ఆయుర్వేద వైద్యులు
9885030034
*నమస్తే సదా వత్సలే మాతృ భూమే*
*కలియుగాబ్ది 5125*
*శ్రీ శాలివాహన శకం 1946 స్వస్తి శ్రీ చాంద్రమాన క్రోధి నామ సంవత్సరం దక్షిణాయణం - శరదృతువు - ఆశ్వయుజ మాసం - కృష్ణ పక్షం - చతుర్దశి - చిత్ర - గురు వాసరే* (31.10.2024)
ప్రముఖ వేదపండితులు, తణుకు /తాలూకా ఇరగవరం వాస్తవ్యులు
*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.
.🙏🙏
భవదీయుడు
దశిక ప్రభాకరశాస్త్రి
9849795167
-----------------------------------------------
*పిల్లలకి బతుకుతో పాటు భారతీయత కూడా నేర్పండి*
💎🌅 *_-|¦¦|శుభోదయమ్|¦¦|-_* 🌄🪔
🙏 *శ్రీ కాళహస్తీశ్వర శతకము* 🙏
*చదువుల్ నేర్చిన పండితాధములు స్వేచ్చాభాషణ క్రీడలన్*
*వదరన్ సంశయ భీకరాటవులఁ ద్రోవల్దప్పి వర్తింపఁగాఁ*
*మదనక్రోధకిరాతు లందుఁగని భీమప్రౌఢిచేఁ దాఁకినం*
*బెదరుం జిత్తము చిత్తగింపగఁదవే శ్రీకాళహస్తీశ్వరా!!!*
*శ్రీ కాళహస్తీశ్వర శతకము - 70*
*తాత్పర్యము: ప్రభో, శ్రీకాళహస్తీశ్వరా! వేదములు చదివితిమని చెప్పుకొనుచున్న ధూర్త పండితులు కొందఱు మాటల గారడీతో మాకు భోదలు చేయబోగా వాటిని విన్న మేము... అర్ధం కాక సంశయమను అరణ్యములను పట్టి దోవతప్పి తిరగాడుతున్నాము. అటువంటి మాపై కామక్రోధములనే మృగములు దాడిచేస్తున్నాయి .... మేము ఈ విధముగా మతి తప్పి తిరుగాడుతూ ఉంటే మమ్ము ఆదుకొనక ఉపేక్ష వహించెదవేమయ్యా ప్రభో?*
✍️🌷🌺🌹🙏
🎻🌹🙏శ్రీ కొండగట్టు ఆంజనేయస్వామి ఆలయం... (కరీంనగర్ జిల్లా )
🌸🌿🌸🌿🌸🌿🌸🌿🌸🌿🌸🌿
🌿తెలంగాణలో పేరెన్నికగన్న పుణ్యక్షేత్రాల్లో కొండగట్టు కూడా ఒకటి. ఇది కరీంనగర్ జిల్లాలో ముత్యంపేట గ్రామానికి 35 కిలోమీటర్ల దూరంలో ఉంది. ఇది జిల్లాలోని జగిత్యాల నుంచి 15 కిలోమీటర్ల దూరంలో ఉంటుంది.
🌸 తెలంగాణా ప్రాంతంలో
ప్రసిద్ధి చెందిన
శ్రీ ఆంజనేయ స్వామి దేవాలయాలలో శ్రీ కొండ గట్టు ఆంజనేయస్వామి దేవాలయం అత్యంత విశిష్ట మైనది .
ఈ ఆలయం అత్యధిక భక్త జన సందోహాన్ని ఆకర్షించి ,ప్రతి వారికి ఆ స్వామి గుండెల్లో కొలువై ఉండేట్లు చేసింది .
🌿ఈ దేవాలయము అనేక కొండలు, గుట్టలు, దట్టమైన అరణ్యములతో వెలసియున్నది.
ఈ గట్టు మీదనే శ్రీ ఆంజనేయ స్వామి వారు వెలిసినందున దీనికి 'కొండగట్టు' అను పేరు వచ్చింది.
🌸 పూర్వం రామ రావణ యుద్ధం జరిగే సమయంలో లక్ష్మణుడు కొద్ది సేపు మూర్చపోతాడు.
ఆ సమయంలో సంజీవని తేవడానికి హనుమంతుడు వెలుతారు. సంజీవని మూలికలు దొరక్కపోవడంతో ఆ మూలికలు ఉన్న పర్వతం మొత్తాన్ని పెకిలించుకొని లంకకు తిరుగు ప్రయాణమవుతాడు.
🌿మార్గమధ్యంలో ఆ పర్వతం లోని కొంత భాగం కిందికి పడుతుంది. అలా పడిన క్షేత్రమే కొండగట్టుగా రూపాంతరం చెందిందని చెబుతారు.
సుమారు 400 సంవత్సరాల క్రితం సింగం సంజీవుడు అనే యాదవుడు ఆవులు మేపుతూ, ఈ కొండ ప్రాంతమునకు రాగా, ఒక ఆవు తప్పిపోయింది.
🌸సంజీవుడు వెతుకుతూ ఒక పెద్ద చింతచెట్టు క్రింద నిద్రపోయాడు. స్వప్నంలో స్వామి వారు కనిపించి, “నేనిచ్చట కోరంద పొదలో ఉన్నాను. నాకు కాస్త ఎండ ముండ్ల నుండి రక్షణ కల్పించు, నీ ఆవు జాడ ఇదిగో” అంటూ చెప్పి అదృశ్యమయ్యాడు.
🌿 సంజీవుడు ఉలిక్కిపడి లేచి, ఆవును వెతకనారంభించగా, వేయి సూర్యుల కాంతి విరజిమ్మే ఆ పవిత్ర పవనసుతుడు కంటపడ్డాడు. సార్థక నాముడు సంజీవునికి మనస్సులో నిర్మల భక్తిభావం పొంగి పొరలింది. ఆనంద బాష్ప జలాలు రాలీ, స్వామివారి పాదాలను తడిపాయి. దూరం నుండి ఆవు ‘అంబా’ అంటూ పరిగెత్తుకు వచ్చింది.
🌸 సంజీవుడు గొడ్డలితో కోరంద పొదను తొలగించగా, శంఖు చక్ర గదాలంకరణతో, విశ్వరూపమైన పంచముఖాలలో ఒకటైనా నారసింహ వక్త్రముతో ఉత్తరాభిముఖంగా ఉన్న శ్రీ ఆంజనేయస్వామి వారి రూపమును చూసి ముగ్ధుడయ్యాడు.
🌿ఓ వైపు నృసింహస్వామి మరో వైపున ఆంజనేయస్వామి ముఖాలు కలిగిన ఆ విగ్రహాన్ని గ్రామస్తులంతా కలిసి ప్రతిష్ఠించారు.
తన సహచరులతో కలిసి స్వామివారికి చిన్న ఆలయం నిర్మించాడు.
అక్కడే తనకు తోచిన రీతిలో ధూప ధీప నైవేద్యాలను స్వామివారికి సమర్పించేవారు.
🌸స్వామివారి విభిన్న రూపంతో పాటు కోరిన కోర్కెలు తీరుస్తూ ఉండటం వల్ల ఈ దేవాలయానికి వచ్చే భక్తుల సంఖ్య క్రమంగా పెరుగుతూ వచ్చింది.
ప్రస్తుత దేవాలయాన్ని 160 ఏళ్ల క్రితం కృష్ణారావు దేశ్‌ముఖ్‌ కట్టించాడు.
🌿 ఈ క్షేత్రంలో నారసింహస్వామి ముఖము (వక్త్రము) ఆంజనేయ స్వామి ముఖము, రెండు ముఖములతో వేంచేసి యుండడం
ఈ క్షేత్ర ప్రత్యేకత. ఇలా ద్విముఖాలతో ఆంజనేయస్వామివారు కనిపించడం భారత దేశంలోనేకాదు, ప్రపంచంలోనే ఎక్కడా లేదని చెబుతారు.
🌸 నరసింహస్వామి అంటే సాక్షాత్తు విష్ణు స్వరూపం కాబట్టి కొండగట్టు ఆంజనేయస్వామి వారికి శంఖము, చక్రము, వక్ష స్థలములో రాముడు, సీత కలిగియుండటం ప్రత్యేక విశేషంగా ఇక్కడి గ్రామస్థులు చెబుతారు.
అందువల్లే ఈ రూపాన్ని దర్శించుకోవడానికి దేశ విదేశాల నుంచి ఎక్కువ సంఖ్యలో భక్తులు ఇక్కడికి వస్తుంటారు.
🌿 దేవాలయమునకు దక్షిణ దిశలో ఒక బావి ఉన్నది . దానిలోని నీటినే స్వామి వారికి అభిషేక ,ఆరాధనా కార్యక్రమాలకు ఉపయోగిస్తుంటారు .
ఆలయ ఆవరణలో శ్రీ వెంకటేశ్వర స్వామి ,ఆళ్వారులు ,శ్రీ లక్ష్మి దేవి అమ్మ వారి విగ్రహాలు కూడా ఉన్నాయి .
🌸 దీర్ఘకాల రోగాలతో బాదపడుతున్న వారు ,గ్రహ దోషాలతో సతమతమవుతున్న వారు స్వామివారిని దర్శించుకుంటే తమ కోరికలు తొందరగా నెరవేరుతాయని భక్తుల విశ్వాసం .
🌿 ముఖ్యంగా సంతానం లేనివారు ఇక్కడ పూజలు చేస్తే ఫలితం ఉంటుందని చెబుతారు.
స్థానికుల కథనం ప్రకారం ఈ గుడిలో 40 రోజుల పాటు పూజలు చేస్తే సంతానం లేని వారికి సంతానం కలుగుతుందని భక్తులు నమ్ముకం
అందువల్లే మంగళ, శనివారాల్లో ఎక్కువ సంఖ్యలో ఇక్కడికి భక్తులు వస్తుంటారు.
🌸 ఈ దేవాలయం దగ్గర్లో మునుల గుహ, తిమ్మయ్యపల్లె శివారులోని బొజ్జ పోతన గుహలు ,భేతాలుడి ఆలయం, పులిగడ్డ బావి, కొండలరాయుని గట్టు ,
ఆలయానికి వెళ్లే దారి పక్కన సీతాదేవి రోధించినట్టు చెప్పే కన్నీటిగుంతలు భక్తులకు దర్శనమిస్తాయి.
ఇటువంటి దర్శనీయ స్థలాలు ఎన్నో ఉన్నాయి.
🌿కొండగట్టుపై నిద్ర చేస్తే మంచి జరుగుతుందని అని భక్తుల నమ్మకం.
నిత్యం వేలాది మంది భక్తుల దర్శిస్తుంటారు.
🌸ఏటా చైత్ర పౌర్ణమిరోజు హనుమంతుని చిన్నజయంతి, వైశాఖ బహుళదశమినాడు వచ్చే పెద్ద హనుమాన్ జయంతిని ఘనంగా నిర్వహిస్తారు. ఈ సందర్భంగా లక్షలాది దీక్షాపరులు అంజన్నను దర్శించుకొని ముడుపులు కడతారు... స్వస్తి..🚩🌞🙏🌹🎻
🌸🌿🌸🌿🌸🌿🌸🌿🌸🌿🌸🌿
*సీసపద్యము*
జగముల వెలిగించు జగదేక శక్తివై
జనముల నుతులొందు జనని వీవు
ఎల్లజీవులనెల్ల చల్లంగ కాచేటి
ఆదిశక్తిగ నీవు అవని వెలుగ
రాక్షస గణముల శిక్షించి వధియించి
సజ్జనంబులనెల్ల సాకు తల్లి
నీదు రక్షణ మందు నెగడేటి జనికెల్ల
నిత్యకల్యాణంబు సత్య మిదియె.
*తే.గీ.*
సింహమైన ను తలవంచి సేవలొనరు
త్రిభువనంబుల యందున విభవమొందు
ఆది శక్తిమాయమ్మగ నలరు తల్లి
జనుల గాచెడి యమ్మకు జయము జయము.
*అందరికీ దుర్గాష్టమి,మహానవమి,విజయదశమి శుభాకాంక్షలు.*
విలంబితమైననూ విశేష నుతులివియె.
*** *కొంపెల్ల శ్రీనివాస శర్మ*
61. " మహాదర్శనము "-- అరవై ఒకటవ భాగము-- దేవతానుగ్రహము
61. అరవై ఒకటవ భాగము-- దేవతానుగ్రహము
మహారాజు, మంత్రి మొదలగు రాజ పురుషులను పిలిపించుకొని జ్ఞాన సత్రము జ్యేష్ఠ శుద్ధ సప్తమి నుండీ పౌర్ణమి వరకూ జరగవచ్చునని నిర్ధారించినాడు. దూరపు మిశ్ర , ఫణి , హిమాలయములకు అవతల అక్షమాల , చీనా దేశముల నుండీ , దక్షిణ దేశపు ప్రసిద్ధ గురుకులములనుండీ, బ్రహ్మ , శ్యామ , మలయ దేశముల నుండీ విద్వాంసులు రావలెను అని అతని ఇచ్ఛ. " మా ఆహ్వానము వెళ్ళి చేరుటకు ఒక నెల. అక్కడినుండీ దూతలు తిరిగి వచ్చుటకు ఒక నెల , దూర దేశముల నుండీ విద్వాంసులు వచ్చుటకు ఒకటిన్నర నెల , మొత్తానికి ఎలాగైననూ మూడు నెలలు కావలెను. కాబట్టి జ్యేష్ఠ శుద్ధమే సరియైనది. " అని అందరూ చేరి సిద్ధాంతము చేసినారు. ఆ దినపు విశేషమేమంటే రాజు మంత్రాలోచనా మండలములో రాజపురోహితుడు భార్గవుడు లేడు.
రాజాజ్ఞ ప్రకారము ఆ నాటి నుండే యజ్ఞ మంటపము , విద్వద్వసతి , జలాశయముల నిర్మాణము ఆరంభమైనది. మరుసటి దినము శుభ ముహూర్తములో రాజు అమృత హస్తములతో జ్ఞాననగరపు శంఖు స్థాపన , శిలాన్యాస ప్రతిష్ఠ అయినది. నగరోద్యానములో వసతులు , అక్కడక్కడ కృత్రిమ జలాశయములు , దానికి దక్షిణాన విశాలమైన బయలులో యజ్ఞమంటప ఏర్పాట్లయినాయి.
యజ్ఞ మంటపము విద్వాంసులు , మహారాజులు , ప్రేక్షకులూ మొదలైనవారు కూర్చొనుటకు అనుకూలముగా విశాలముగా రచింపవలెను అని రూఢి అయినది.
గంగా యమునా తీరములలో, సింధూ సరస్వతుల సమీపములో , దక్షిణాన నర్మదా , తపతీ , కృష్ణా , గోదావరీ , కావేరీ , తామ్రపర్ణీ తీరములలోను , సముద్ర తీరములలోనూ గురుకులములనూ , ఆశ్రమములనూ కట్టుకొని ఉన్న విద్వద్వరేణ్యుల కందరికీ ఆహ్వానములు వెళ్ళినాయి. అట్లే, దూర దేశపు రాజులకు , తమ వద్దనున్న మహా విద్వాంసులను పిలుచుకొని జ్ఞాన సత్రమునకు రావలెనని పిలుపు వెళ్ళింది. అలాగే హిమాచలము నుండీ దక్షిణపు సముద్రము వరకూ ఉన్న నానా దేశముల అధిపతులందరూ విద్వాంసులతో పాటు రావలెనని ఆహ్వాన పత్రికలు వెళ్ళినవి.
జ్ఞాన నగరపు నిర్మాణము వేగముగా జరుగుతున్నది. చెరువులు , బావులు , తటాకములు రూపు దిద్దుకుంటున్నాయి. కృత్రిమ కొండలు , వనాలు , కట్టలతో కూడిన మహా వృక్షములూ రాజవీధులూ అన్నీ సృష్టియగుచున్నవి. విశాలమైన భవ్యమైన యజ్ఞ మంటపము పైకి లేస్తున్నది. నగరపు వర్తకులు రాబోవు జన సమూహములకని ధాన్యాదులను రాజ సహాయముతో సేకరిస్తున్నారు. రాజాజ్ఞగా రాజధాని అంతా సింగారిస్తున్నారు. రాజధాని చుట్టు పక్కల గోపాలులు ఏడు దినముల జ్ఞాన సత్రమునకు వచ్చువారికి కావలసిన పాలు , పెరుగు , నెయ్యి , మొదలగునవి సేకరించుటకు కావలసిన ఏర్పాట్లు చేసుకుంటున్నారు. అంతా జాగృతమై నగర నిర్మాణము వైపుకు పరుగెడుతున్నది. రాజు ప్రతి దినమూ మిత్రులూ , పరివారముతో కూడి గుర్రములపై కూర్చొని వచ్చి అన్నీ వీక్షిస్తూ పర్యవేక్షిస్తూ వెళుతున్నారు.
ఒక దినము రాజుకు ఏదో ఆలోచన వచ్చి, " నేనెంతటి వాడను ? ఈ భారీ కార్యమునకు చెయ్యి వేసి నగుబాటయితే గతి యేమిటి ? భారత ఖండపు రాజులందరికీ , దేశపు రాజులందరికీ , మా రాజ్యపు చుట్టు పక్కల ఉన్న రాజ్యముల , మహానదీ తీరముల గురుకులాధ్యక్షులకందరికీ ఆహ్వానములను పంపించుట అయినది కదా ? వారంతా వస్తే గతి యేమి ? " అని కలవరమైనది. ఒకోసారి , " ఆలోచన ఎందుకు ? మా నగరములో కుబేరులనే కొనుక్కోగల వర్తకులున్నారు , రాజ దివాణము లోని ధనము చాలకపోతే వారితో తీసుకుంటే సరి. " అని ధైర్యము తెచ్చుకొనును.
ఇటునుండీ తరిమేస్తే మరలా అటునుండీ వచ్చు వేసవి ఈగల వలె మరుక్షణమే ఆలోచన వచ్చి కలచి వేయును. " వచ్చు విద్వాంసులకు వారికి దారి వెచ్చములకు కాక ఒక వెయ్యి సువర్ణములైనా సంభావనలు ఇవ్వక పోతే జ్ఞాన సత్రము అదెంతటిది ? వచ్చే విద్వాంసులు ఒక్కొక్కరే వస్తారా ? వారి ప్రధాన శిష్యులని నలుగురైదుగురునైనా వెంట పిలుచుకొని వస్తారు. వారినందరినీ వట్టి చేతులతో పంపుటకగునా ? వారికి ఒక్కొక్క నూరైనా ఇచ్చుట వద్దా ? వారందరూ ఇక్కడున్నంత వరకూ వారికి భోజనాది ఉపచారములు కావద్దా ? ఎలాగెలాగ చూచిననూ ఒక కోటి సువర్ణములైననూ లేకపోతే ఎలాగ ? ’ అని మరలా భీతి అయినది.
రాజుకు , ఆ రాత్రి భోజనము సహించలేదు. హంస తూలికా తల్పము పై పడుకున్ననూ కంటికి నిద్ర రాలేదు. తన రాజ్యపు ఉత్పత్తి యెంత ? వెనకటి వారు సేకరించి పెట్టిన ధనము ఎంత ఉంది ? తాను ప్రయత్నిస్తే ఇంకా ఎంత సమకూర్చవచ్చు ? అని అంతా లెక్క వేసినాడు. ఎలాగెలాగ లెక్క వేసిననూ యాభై లక్షలకన్నా మించుట లేదు. తనకు ఈ జ్ఞాన సత్రమునకు కావలసినది ఒక కోటి. రాజుకు యోచన బలమై శిరోభారము మొదలైనది. తీరని యోచన కొనసాగి జ్వరము కూడా వచ్చినది. ఇంకా ఒక్క క్షణము కూడా నిద్ర లేదు. రాజభవనపు బయటి ప్రాకారము నుండీ పిలచినా వినపడునంత నిశ్శబ్దముగా ఉన్న సమయములో , తన నిశ్వాసపు శబ్దము చెవికి ఉరుము వలె వినిపించునట్లై రాజు ఇక పండుకొనలేక లేచి కూర్చున్నాడు.
అప్పుడు ఇంకొక యోచనా లహరి వచ్చినది., " ఔను , ఇదంతా నేను చేస్తున్నది దేనికోసము ? బ్రహ్మిష్ఠుడైన గురువును సంపాదించుటకు. ఇంతవరకూ నాకు తెలిసినవారిలో భగవానులు ఆ పట్టమునకు యోగ్యులు. సరే , విదేశములలో విద్వాంసులే లేరా ? వారెవరైనా వీరికన్నా ప్రబలులైతే ఏమి చేయవలెను ? నేనుగా ఇతడి అవమానమునకు కారణమవుతాను కదా ? మరి , నేను అంత అభిమానవశుడనై చేస్తున్నానా ? లేదు , అలా అనుటకు లేదు. ఆనాడు ఆతని ఆశ్రమమునకు వెళ్ళి సంహితా బ్రాహ్మణోపనిషత్తులను విన్నపుడు మొదలై , దినదినమూ పల్లవించి పెరిగిన అభిమాన మహా వృక్షము ఇప్పుడు హృదయమంతా నిండిపోయినది. నేను కూడా ఆ అభిమానమునకు వశుడనై పోకూడనంత దూరము , తిరిగిరాలేనంత దూరము వెళ్ళినాను. ఇక వెనుతిరిగి వచ్చుట కానిపని. ఇప్పుడు నాకున్న సర్వస్వమునూ , దానితో పాటు భవిష్యత్తును కూడా చేర్చి వితరణ చేసి ఈ సత్రమును సాధించవలెను. సాధ్యమా ? సాధ్యమా ? "
రాజుకు ఆందోళన , భయమూ దిగులూ పట్టుకున్నాయి. " అవివేకమైనది కదా , దీనిని సరిదిద్దుకొనుటకు సాధ్యమయ్యేటట్లు లేదు కదా ? " అని హృదయ భారము ఎక్కువైంది. వేలకొద్దీ , కాదు ..లక్షలకొద్దీ సైన్యము ఎదురైనా బెదరక ముందుకురికే వాడు ఇప్పుడు బెదిరిపోయినాడు. పిల్లవాడికి గొగ్గయ్యను చూపినట్లై , ఒణికి పోయేటట్లు బెదరినాడు. ఆ అర్ధరాత్రిలో ఒళ్ళంతా చెమట్లు పట్టి స్నానము చేసినట్లయినది. ఆ చింతా భీతి లో , కలవరపు భయము లో రాజుకు తానెక్కడున్నానన్నది మరపు వస్తున్నది. ఏమి చేయవలెనన్నదీ అర్థము అగుట లేదు. కమ్మిన చీకటిలో ఉన్న కనులు కూడా పోయినట్లైనది. చెవులతో నైనా ఏదైనా విని గుర్తు పట్టి వెళదామన్నా చెవులు కూడా మూసుకు పోయినట్లు అయింది. పైకి లేచుటకు ఊపిరి చాలదు , పండుకొని యుండుటకు అగుట లేదు , కనులు తెరచుటకు కూడా భయమగుచున్నది. చివరికి తాను ఎవరు ? ఏమిటి ? అనునది మరచిపోయి, ఎందుకు భయపడుతున్నదీ మరచిపోయి , భయము మాత్రము మిగిలి శరీరమంతా గడ గడ ఒణుకుతున్నది.
అట్లే కొంతసేపు అతడు నలుగుతుండగా , ఆయాసము మితిమీరినట్లై జీవుడు స్వస్థానమును వదలి గొంతుకు దిగినాడు. " ఛీ, ఇంత బెదరిన వాని దేహములో మేముండ కూడదు " అని కరణములన్నీ వదలివెళ్ళినాయా అన్నట్లు కరణములు నిశ్చేష్టమౌతున్నాయి. దేహము అలసిపోయి , ఊరికే పడిఉన్నది. జీవుడు కలగంటున్నాడు.
కలలో ఒక భారీగా ఉన్న పెద్ద తోపు. అక్కడ చీకటి చేతితో దేవుకొని నింపుకోగలిగినంత దట్టముగా కమ్ముకొని ఉంది. ఎటు తిరిగిననూ ఒక భారీ వృక్షము అడ్డముగా ఉంది. చెట్లమధ్యలో సందు చూసుకొని వచ్చుటకు కనులున్ననూ వాటి సహాయము విఫలమైనట్లుంది. ఏదో భయమగుచున్నది. చీకటి జంతువులైన ద్విపాద , చతుష్పాదములన్నీ అక్కడ చేరి తనపై దాడి చేసేందుకు కసరత్తు చేస్తున్నట్లున్నవి. తానొకడే , చేతిలో ఒక ఎండు పుల్ల కూడా లేదు. అవి వందలకొద్దీ ఉన్నట్టనిపిస్తున్నది , ఏమి చేయుటో పాలు పోవుటలేదు.
అప్పుడు ఎవరో ఒకరు , ’ జనకా ’ అని పిలుస్తూ వస్తున్నారు. " భయమెందుకు ? జనకా , ఈ చీకటి , ఈ చెట్లు , ఈ పైన పడుటకు కాచుకున్న జంతువులు అన్నీ నీ మనో సృష్టి. ’ మీరంతా నేనే ’ అను . దానికదే మందు. నువ్వు ప్రత్యేకుడివి కాదు అను. ఇదంతా చేరితే ఒకటి , ఆ ఒకటి నువ్వే అను. " అంటున్నారు. జనకుడు తనకు అది అర్థము కాకున్ననూ వారు చెప్పినట్లే అంటున్నాడు. దేహమే తాను అన్న భావము కరగిపోతున్నట్లనిపిస్తున్నది. చైతన్యుడైన తాను అంతటా ఉన్న సర్వ వ్యాప్తుడను అను అనుభవము కలుగు తున్నది. అప్పుడు వేటిని చూచి భయపడ వలెనో , వాటిలో ఉన్న వాడూ , అవి అయి ఉన్నవాడూ తానే అని గోచరమగుచున్నది. పైన ఆకాశములోనూ , చుట్టుపక్కల ఉన్న జడ చేతనములన్నీ ప్రసన్నమగుచున్నవి. మనసూ శరీరము లలో నిండిపోయిన కలవరమూ , భయమూ , దిగులూ అన్నీ మాయమగుచున్నవి. ఎవరో , " అభయం వై ప్రాప్తోసి జనకా " అని తలపై చేయి పెడతారు. తాను సంతోషముతో వారికి పాదాభివందనము చేస్తాడు. లేచి చూస్తే వారు తనకు చిర పరిచితులే అనిపిస్తుంది. అయినా పరిచయము గుర్తు రాదు. అలాగే కళ్ళప్పగించి చూస్తూ ’ తమరు భగవానులు కాదా ?’ అంటాడు. వచ్చినవారు నవ్వుతారు.
నవ్వు గలగల శబ్దము తగ్గుతుండగా దృశ్యము మారిపోవు చున్నది. సువర్ణమయ కాంతి ఉన్న ఏదో దివ్య లోకము. అక్కడ ఒక కొండంత ఇల్లు. దాని ముందర తాను సర్వాభరణ భూషితుడై , దివ్య వస్త్రాలంకృతుడై నిలుచుకొని ఉన్నాడు. తన మెడలోనున్న హారముల ప్రసూనములు అప్పుడే వికసిస్తూ చుట్టుపక్కల వ్యాపించియున్న గంధమునకు గంధానులేపనము చేస్తున్నట్లున్నాయి.
వాకిటనున్న వారు వచ్చి చేతులు జోడించి ," దయచేయవలెను , తమకోసమై దేవగురువులు వేచియున్నారు " అని లోపలికి పిలుచుకొని వెళతారు. లోపల ఒక మాళిగ దాటి ఇంకొక మాళిగకు వెళితే అక్కడ గోడకి ఆనుకొని కట్టినట్లున్న ఒక బంగారు మంటపము. అటు ఇటు బంగారు స్థంభములపై బంగారు కుంభములలో నేతి దీపాలు వెలుగుచున్నాయి. ఆ మంటపములో ఒక రత్న పీఠముపై ఒకరు విరాజిల్లుతున్నారు. పిలుచుకొని వచ్చినవాడు ద్వారములోనే నిలచి , జనకునితో , ’ అదిగో , వారే దైవగురువులు. దయ చేయండి ’ అని చేయి నోటికడ్డము పెట్టుకొని చెప్పి తాను వెనుతిరిగిపోతాడు.
జనకుడు భయభక్తులతో ఆ పురుష చిన్మయ విగ్రహము వద్దకు వెళ్ళి , నమస్కారము చేసి ప్రసాదాకాంక్షి వలె చేతులు జోడించి నిలుచున్నాడు. దేవగురువు తరుణ ప్రాయుడి వలె కనిపించు వృద్ధుడని తోచును. అతడు నవ్వితే దిక్కు దిక్కులన్నీ వెలుగుచున్నట్లున్నాయి. చూడగా , ఆ కాంతివేరే అతడు వేరే అనుటకు లేదు. ఆతడు మాట్లాడిస్తాడు, " జనకా , నీ భయమంతా నివారణ అయినదా ? "
ఆ ప్రశ్నతోనే జాగృతిలో తనను ఆవరించిన భీతి మరలా వచ్చినట్లవుతుంది . ముఖము వివర్ణమవుతుంది . దేహము కాలినట్లవుతుంది. ఒంటిలో చెమటలు కనిపిస్తాయి, " దేవా , కాపాడవలెను. ఈ భీతి చెరగిపోవునట్లు అనుగ్రహించవలెను" అని రాజు మరలా నమస్కారము చేస్తాడు.
దేవగురువు నవ్వి అంటాడు, " భీతి పోయినది . కానీ దాని స్మరణము నిన్నింకా వదలలేదు. విను, నువ్వు చేయుటకు పూనుకున్న కార్యము దేవతలది. కాబట్టి దీని వ్యయము నంతా దేవతలే వహిస్తారు. నీ రాజ భవనపు దక్షిణములో అరటి తోట ఉంది కదా ! అక్కడున్న పనస చెట్టు పక్కనే ఒక మనిషిలోతు తవ్వించు. అక్కడ నాలుగు భోషాణములలో సువర్ణము దొరకును. దానిని తీసుకొని వినియోగించు. దానిని నీకు కావలసినట్లు వెచ్చము చేయి. నీ రెండవ భీతికి కారణము లేదు. సర్వజ్ఞుడు ఓడిపోవుట ఉంటుందా ? ఇకమీద నీవెనుక మేమున్నామని నమ్మకముంచుకొని ధైర్యంగా వర్తించు. అంతా జయమవుతుంది" అని చేయెత్తి ఆశీర్వాదము చేసినాడు, రాజు తేలికైన మనసుతో దేవగురువుకు నమస్కారము చేసినాడు.
అతడికి మెలకువ అయింది. ముఖము వాడిపోయి పానుపుపై పడిఉన్నవాడు పైకి లేచినాడు. నిన్నటి రాత్రి ఉన్న చెడ్డ గుర్తులేవీ లేవు. దేహము లఘువుగా ఉంది. చిత్తాదులన్నీ ప్రసన్నముగా ఉన్నాయి. సన్నగా వీస్తున్న చల్లగాలి ఉదయమవుతున్న సూచనను తెచ్చింది. తొలగుతున్న చీకటి అది నిజమేనని సాక్ష్యము చెపుతున్నది. అక్కడొకటి , ఇక్కడొకటిగా అరుస్తున్న పక్షులు ఔను, ఔను అంటున్నట్లున్నాయి .
రాజు కిందటి రాత్రి జరిగినదంతా జ్ఞాపకము తెచ్చుకున్నాడు. ఆశ్చర్యమైనది. అయినంతలో ఏ కొంచమూ మరచిపోలేదు. అలాగే , కల గుర్తొచ్చింది. అదికూడా ఏ మాత్రమూ మరపు రాకుండా అన్నీ గుర్తొచ్చినాయి. మొదటినుండీ చివరివరకూ వివరాలన్నీ గుర్తున్నాయి.
రాజుకు తాను కన్న కల తన కలవరము వల్ల కలిగినది అనిపించలేదు. భగవానులు వచ్చినారు , ’ అంతా నువ్వే ’ అన్నారు. ’ అభయం వై ప్రాప్తోసి జనకా ’ అన్నారు. ఆ తరువాత దేవ గురువుల దర్శనమై , వారు నిధి విషయము చెప్పినారు. ’ ఇకమీద నీవెనుక మేమున్నామన్న నమ్మకముతో వర్తించు. అంతా జయమవుతుంది ’ అన్నారు." సర్వజ్ఞుడే గెలుస్తాడు " అన్నారు. ఇంకొంచము సేపటికి స్నానము చేసి , నిత్య కర్మలన్నీ ముగించి అరటితోటలో తవ్విస్తే అప్పుడు కల నిజమగునా కాదా అని తెలుస్తుంది ’ అని నిర్ణయించుకొన్నారు. అంతలో ప్రాతః కాలపు మంగళవాద్యములూ , దాని వెనకే వందిమాగధుల స్తుతీ వినిపించినాయి. ఆ సుశ్రావ్యమైన వాద్య గీతములు భవిష్యత్తు యొక్క దూతలవలె ఉండి అతనిని ఉత్తేజపరచినాయి.
" మంత్రి , కోశాధికారులకు అయినంత వేగముగా వచ్చుటకు వర్తమానము చేయి. తవ్వుటకు నలుగురైదుగురు మనుషులను సిద్ధముగా ఉండమని చెప్పు " అని సేవకుడికి చెప్పి రాజు స్నానమునకు వెళ్ళినాడు.
రాజు అన్నీ ముగించుకొని వచ్చు వేళకు మంత్రి , కోశాధికారి ఇద్దరూ వచ్చి కనిపించినారు. రాజు వారి మర్యాదను స్వీకరించి , తనకు ఆదినము పొద్దున్నే అయిన కల లోవి ఎంత చెప్పవలెనో అంత చెప్పి ,వారిని పిలుచుకొని అరటి తోటకు వచ్చినాడు. అరటితోటలో ఉన్న పనస చెట్టు పక్కన తవ్వుటకు అవకాశమున్నది పూర్వ దిక్కులో మాత్రమే. పడగ విప్పిన ఫణిరాజు అక్కడ వీరికోసమే కాచుకొనియున్నట్లు , వీరిని చూడగనే పడగ దింపి వెళ్ళిపోయినాడు. అక్కడే రాజు తవ్వించినాడు. మనిషి లోతు తవ్వగానే పారకు ఏదో లోహపాత్ర తగిలింది. ఖణేల్ మని శబ్దమయింది. అందరి కుతూహలమూ ఇనుమడించింది.
ఇంకొంచము తవ్వగనే ఒక లోహ భోషాణము దొరికింది. దానిని పైకి తీసినారు. దానిని ఎత్తుటకు లావుగా పుష్టిగా ఉన్న నలుగురు కావలసినంత భారముగా ఉంది. దాని పైన ఒక రాతి ఫలకముతో మూసినారు. రెండువైపులా పట్టుకొనుటకు లోహపు చెవులవంటి కొండీలున్నాయి. భోషాణము ఇత్తడిది. అయినా కొంచము కూడా రంగు మాయలేదు.
మంత్రీ , కోశాధికారి చేరి భోషాణమును ఎత్తినారు. పైకి వస్తుండగా రాజుకూడా దానిని పట్టి పైకి లాగినాడు. మూతతీసి చూడగా దానిలో మూడు వేళ్ళ వెడల్పు ఉన్న సువర్ణపు నాణెములు. ఆ నాణేములపై , ఒకవైపు ఛత్రమున్న సింహాసనము పై ఆశీర్వాదము చేస్తున్న ముద్రయున్న రాజొకడు , ఇంకొకవైపు ఏదో అజ్ఞాత లిపిలో ఉన్న ఏదో ఒక శ్లోకము. మధ్యలో ఒక చెట్టూ, దాని మొదట్లో ఒక ఆవు.
దానికింద ఇంకొక భోషాణము. దానిని పైకి తీస్తే , దానికింద ఇంకొక భోషాణము. దానినీ పైకి తీసి చూస్తే దానికింద కూడా ఇంకొక భోషాణము. మంత్రి , కోశాధికారులు తోటమనుషులను పిలచి వారి సహాయముతో ఆ భోషాణములను తీయించి అన్నీ రాజభవనమునకు పంపించినారు. కోశాధికారి , ఇతరుల సహాయముతో , ఒక భోషాణములోని నాణెములను లెక్కించినారు. ఒక్కొక్క భోషాణములోనూ ఒక్కొక్క లక్ష ప్రకారము మొత్తం నాలుగు లక్షల నాణెములున్నాయి. కోశాధికారి , " ఇవి ఒక్కొక్క దానికీ మన నాణెములు ఇరవై అయిదు , ఆ లెక్క ప్రకారము దీని వెల ఒక కోటి. " అన్నాడు.
రాజుకు వెనుకటి దినము తాను కోరినది ఒక కోటి అని గుర్తొచ్చింది. " ఇదంతా జ్ఞాన సత్రము కోసమే ప్రత్యేకంగా వినియోగించవలెను ’ అన్నాడు.
కోశాధికారి, " అనుమతి అయితే దీనినంతా కరగించి మన నాణెములుగా అచ్చు వేయిస్తాను " అన్నాడు.
రాజు , " పది వేల నాణెములు తీసి ఉంచండి , మిగిలినవి మన నాణెములు చేయండి " అన్నాడు.
ఆ దినము సంజ లోపల రాజధాని నిండా సమాచారము వ్యాపించింది. ఎక్కడ చూచినా జనాలు గుంపులు గుంపులుగా అదే వార్తను చిన్న గొంతులతో చర్చిస్తూ ఔనా ? అనేవారే ! వీధి జనాల నోటిలో పడిన వార్త క్రమేణా ఇళ్ళకు కుడా వ్యాపించింది. గృహిణులు చేస్తున్న పనిని వదలి , పక్క ఇంటికి వెళ్ళి, ’ ఏమండీ , అది నిజమేనా ? అంటారు. ఆమె, " ఏమోనమ్మా! వారు మాట్లాడుకుంటున్నారు, రాజభవనములో అది ఏదో తోటలో దొరికిందంట. లెక్క పొద్దుటినుంచీ చేస్తున్నా ఇంకా ముగియలేదంట" అంటుంది.
ఇంకో చోట ఒకడు అడిగినాడు , " మీరెన్నైనా చెప్పండి , నిక్షేపము దొరకవలెనంటే దేవాంశ ఉండవలెను. మన మహారాజులు దేవతలపై చాలా భక్తికలవారు. అదీకాక వారే దేవాంశ సంభూతులు. లేకపోతే ఇంత ధనము దొరుకుతుందా ? "
" అది ఎవరు దాచినదో ? అదేమైనా తెలిసిందా ? "
" ఇంకో విశేషమేమిటో తెలుసా ? దొరికినవన్నీ నాణెములు. ఒక్కొక్క నాణెమూ అరచేతి వెడల్పూ అరచేతి మందము. ఆ నాణెము చెడగొట్టి ఇప్పటి నాణెములు చేస్తే ఒక్కొక్కటీ నూరు అవుతాయంట ! "
" ఇదంతా అయినాక , మహారాజులు దొరికినదంతా జ్ఞాన సత్రానికే ఖర్చుపెడతారంట ! అది కాదా అసలు గొప్ప ? "
" అదేమి గొప్ప లెండి , మీకు మనుష్య స్వభావము తెలియదు , అంతే. ఇప్పుడు జ్ఞాన సత్రము చేయవలెను అని పూనుకున్నారు. సమయానికి సరిగ్గా ఒక నిక్షేపము దొరికింది. దానిని, ఉద్దరగా దొరికినది ఊరి నిర్మాణానికి అని ఆ సత్రానికి కేటాయించినారు. ఏమి మహా ! "
" అదీ నిజమే అనండి , లేకపోతే ఈ కోట్లాది సువర్ణాలు ఎక్కడనుండీ తేవలెను ? మూడునాలుగు తరాలనుండీ రాజ భవనములో కూడబెట్టిన ధనమంతా తీయాల్సి వచ్చేది. "
" రాజ భవనములో నిజంగా ఎంత సేకరించి ఉంటారండీ ? "
" ఎంతేమిటి ? ఒక కోటి ఉంటే ఎక్కువ. మన విదేహరాజులు ఇతరులవలె కాదు. వీరు చేస్తున్నట్లు వెనుక జ్ఞాన సత్రములు జరిగి ఉండక పోవచ్చు . కానీ ప్రతి సంవత్సరమూ విద్వత్ సభలు జరిగి , విద్వాంసులకు కావలసినంత ఇచ్చేవారు. వీరు కూడా ఇతర రాజుల వలె భద్రముష్టి గల వారైతే ఎంతో కూడబెట్టి ఉండవచ్చును. "
ఆ వేళకు ఇంకొకడు వచ్చి గుంపులో చేరినాడు. " ఇంకొక సంగతి తెలుసా ? ఆ నాణెములపైన ఏదో రాసి ఉందట. దానిని చదువుటకు మన ఈ నగరములోనే ఎవరూ లేరంట ! "
" అది మధ్యాహ్నపు వార్త. సంజ వార్త తెలుసా ? ఆ ముసలి శిల్పి చదివినాడంట ! వాడికి నూరు సువర్ణాలు ఇచ్చినారంట ! "
" ఏమి రాసి ఉందంట ? "
" అదేమో దేవేంద్రుడు , మనువు , మన మహారాజు పేరు చెప్పి ఇది జ్ఞాన సత్రమునకు అని రాసి ఉందంట. "
" హా! అలాగ చెప్పండి . లేకపోతే ఆ ధనమునంతా ఈ జ్ఞాన సత్రానికి కేటాయించేవారో కాదో ? "
ఇలాగే రాత్రి ఒక జాము వరకూ వ్యర్థపు మాటలు నడచినాయి. జనాలకు వ్యర్థపు మాటలు మాట్లాడడమంటే అదేమి పిచ్చో ? అందులోనూ కాంత, కనకం అంటే ఒళ్ళంతా చెవులవుతాయి. మిథిలలోనూ అలాగే అయింది.
Janardhana Sharma
*శంకరుల స్తోత్రాలలోని భగవత్ తత్వాన్ని తెలుసుకోండి*
*శంకరతవ హితమేగం పద్య వక్ష్యే,చృణు*
మీ ప్రయోజనార్థం ఒక శ్లోకం చెబుతాను’’ అంటారు శ్రీ శంకరులవారు. వారి ఆ బోధన ఎప్పుడు ఉపయోగపడుతుంది?
*శుకాగమో యాతి సతతం*
"మీరు ఎల్లప్పుడూ ఆనందాన్ని కోరుకుంటారో, వారి ఈ బోధన మీకు ఉపయోగపడుతుంది."
*ప్రబోధం* అంటే ఏమిటి?
తను ఇతరులకోసం చెప్పే మంచి బోధనలు.
*స్వబ్నే దృష్టం సకలం హి* *మృషా జాగ్రతీ స స్మర దత్వాతీతి॥*
“మీ కలలో కనిపించేదంతా అబద్ధమని మీకు తెలుసు. అలాగే జాగృత స్థితి మిథ్య అని తెలుసుకోవాలి” అనేది ఆయన బోధ.
ఈ విధంగా భగవత్పాదులు వేదాంత తత్వశాస్త్రంతో పాటుగా తన స్తోత్రాలతోనూ మనకు అనుగ్రహించారు.కావున కేవలం శ్లోకాలను కంఠస్థం చేసి భగవంతుని సన్నిధిలో పఠించడంతో ఆగిపోకుండా భగవత్పాదులు చెప్పిన తత్వాన్ని వాటిలో కూడా ప్రయోగిస్తే ప్రతిఒక్కరికీ ఎంతో విశేషమైన ఫలితం లభిస్తుంది.
-- *జగద్గురు శ్రీశ్రీశ్రీ భారతీతీర్ధ మహాస్వామి వారు*
60. " మహాదర్శనము " --అరవైయవ భాగము --. పూర్వ సిద్ధత
60. అరవైయవ భాగము -- పూర్వ సిద్ధత
మాఘ శుద్ధ త్రయోదశి నాడు బయలుదేరుట అని నిర్ణయమైనది. ఇంకా పదునైదు దినములుంది. పుష్య బహుళ ద్వాదశి దినము ఆలంబిని కొడుకును చూచి వచ్చుటకు బయలుదేరింది. సంధ్య వేళకు బండి ఆశ్రమము చేరినది. సంధ్యాస్నానానికి వెళ్ళుటకు సిద్ధమైన భగవానులు తల్లివచ్చిందని ఆమెను తీసుకొని పోవుటకు వచ్చినారు. వెంట కాత్యాయని వచ్చినది. మైత్రేయికి తెలిసి , ఆమె కూడా అత్తను చూచుటకు పరుగెత్తి వచ్చింది.
ఆలంబినికి కొడుకునూ కోడళ్ళనూ చూసి సంతోషము ఉప్పొంగినది. కొడుకు తల్లిని చూసి అంతే సంతోషపడినాడు. ఇద్దరు కోడళ్ళూ అత్త వచ్చిందని తల్లిని చూచినదానికన్నా ఎక్కువ సంతోషపడి ఉబ్బిపోయినారు. కొంతసేపు కుశల ప్రశ్నలు అయినాయి.
భగవానులు , ’ అమ్మా , మిగిలిన మాటలు తరువాత మాట్లాడుదాము , ఇప్పుడు స్నానానికి వేళయింది ’ అని లేచినారు. కాత్యాయని కూడా లేచింది. భగవానులు , ’ ఇప్పుడు నువ్వు వద్దు. అమ్మ దగ్గర మాట్లాడుతూ ఉండు. మైత్రేయి స్నానానికి నీరు ఇస్తుందిలే , " అన్నారు. కాత్యాయని తల్లిదగ్గర గారాలుపోవు పిల్ల వలె గారాలుపోతూ అడిగింది : " అదంతా కాదు , చూడమ్మా , వీరు అక్కను చూడగానే అంతర్ముఖులై ఎక్కడంటే అక్కడ ధ్యానమునకు కూర్చుంటారు. ఈ పుణ్యాత్మురాలు కూడా వారిని చూడగానే కళ్ళు మూసుకుని కూర్చుంటుంది. ఇప్పుడు వీరిద్దరూ బచ్చలింట్లో కళ్ళు మూసుకుని కూర్చుంటే , తర్వాత నేనెక్కడికి వెళ్ళవలెను ? కాబట్టి స్నానము , భోజనము మొదలైన బాహ్య కర్మలన్నిటిలో నేను వెంట ఉండవలెను. ఔనా కాదా , మీరే చెప్పండమ్మా ! "
భగవానులు నవ్వుతూ అన్నారు: " చూచితివా అమ్మా ! ఈమె ఎంత మాటకారి అయినదో ! ఈమె అన్నది కాబట్టి చెపుతున్నాను. నీకు తెలుసు, మొదటినుండీ నేను అంతర్ముఖుడను. పెళ్ళినాడు ఉద్ధాలకులు " నువ్వు ఆమెతో ఉన్నపుడు బహిర్ముఖుడవై ఉండవలెను " అని అనుజ్ఞ ఇచ్చినారు. కాబట్టి మైత్రేయితో ఉన్నపుడు నాకు సహజమైన అంతర్ముఖత్వము , ఈమె తో ఉన్నపుడు ఉద్ధాలకుల అనుజ్ఞ ప్రకారము అభ్యాసమైన బహిర్ముఖత్వము. నాదేమైనా తప్పుందా ? "
ఆలంబినికి ఆ మొగుడూ పెళ్ళాల మాటలు బహు ముచ్చట అనిపించినది. ఇద్దరినీ దగ్గరికి తీసుకొని ఒక్కొక తొడపై ఇద్దరినీ కూర్చోబెట్టుకోవలెను అనిపించినది. కానీ , ఏమి చేయుట ? ఇద్దరూ పెద్దవారు. తన మనోభావమునూ , తనకైన మనోల్లాసమునూ కన్నులతోనే వ్యక్త పరస్తూ , " కాత్యాయని చెప్పినట్లే కానీ. నేను మైత్రేయితో మాట్లాడుతూ ఉంటాను , మీరు స్నానము చేసి రండి. " అన్నది.
కాత్యాయని , " అక్కా , నేను అగ్నిహోత్రమయ్యే వరకూ రాను. కాబట్టి మా స్నానము తరువాత నువ్వూ స్నానము చేసి , అమ్మకూ స్నానము చేయించి మడి బట్టలివ్వు. ఆమె సంధ్యా కర్మలకు నీరు మొదలైనవి ఇచ్చి , ఆమె అనుష్ఠానమునకు కూర్చున్న తరువాత నువ్వు నీ అనుష్ఠానమునకు కూర్చో. అమ్మా ! మీ అనుష్ఠానము ముగిసేలోగా నేను వచ్చేస్తాను" అని వెళ్ళిపోయింది. వడివడిగా వెళుతున్న ఆ భామినిని ఆలంబిని కళ్ళప్పగించి చూస్తూ , ’ ఇటువంటి ఈమె ఆశ్రమపు రాణియగుటలో అతిశయమేముంది ? ’ అనుకున్నది.
ఎంతైనా మైత్రేయి కూడా ఆడది కదా ? అత్త చూస్తున్న రీతిని చూడగనే ఆమె కాత్యాయని విషయములో ఏమేమి ఆలోచించినదో గ్రహించినది, " ఆమె అలాగే అత్తా ! జనుల స్వభావములను ఎంత సూక్ష్మముగా గ్రహిస్తుందనుకున్నారు ? అది చాలదన్నట్టు తాను ఆజ్ఞ ఇస్తున్నపుడు అదేమో విశ్వాసమూ , వినయమూ చూపించి , ఆజ్ఞలోని నిష్ఠురత్వాన్ని పోగొడుతుంది. అలాగ ఉన్నందువల్లనే ఆశ్రమములోని జనాలు , గోవులు కూడా ఆమె మాటను మీరలేరు. నాకైతే ఆమె మాటంటే గౌరవము ! అత్తా , నిజంగా చెపుతున్నాను, ఈమె నన్ను సొంత అక్కలాగా చూసుకుంటుంది. ఎక్కడ , ఏమి చేస్తే , ఏమి పలికితే అక్కడ నొచ్చుకుంటానో అని ఒళ్ళంతా కళ్ళతో చూస్తూ ఉంటుంది. వరసకు నేను చెల్లెలు కదా ? అయినా నన్ను పెద్దదాని వలె చూస్తుంది. ఆమె గుణము ఎంత పొగడినా చాలదు. " అన్నది.
ఆలంబినికి ఆ స్తుతి మనసుకు ఎంతో తృప్తినిచ్చింది. " అలాగైతే , నీ పని యేమిటి ? వంటా వార్పూ అంతా ఆమెదేనా ? "
" నా పని ఏమిటి ? పొద్దున్నే లేచి స్నానము చేసి అనుష్ఠానమునకు కూర్చోవడము. మరలా భోజనము వేళకు వచ్చి ఆమెతో పాటు భోజనము చేయడము. ఎప్పుడైనా ఆమె బయట చేరితే ఆమె పనులన్నీ నేను చేయడము. ముఖ్యముగా వారికి కావలసినది స్నానము, వేళకు సరిగా భోజనము. వారు మాత్రం ఇంకేమి ఉపచారములు అడుగుతారు ? "
" సరే , నీ భర్త నీతో సరిగ్గా ఉంటున్నారు కదా ? "
" వారు దేవతా పురుషులు. ప్రియ శిష్యుడితో ఉండుటకన్నా ఎక్కువగా విశ్వాసముతో ఉంటారు. అయినా , నా మనసు, వారికన్నా కాత్యాయనికే నా మీద ప్రేమ ఎక్కువ అంటుంది. "
" నాకు ఈ మాట విని చాలా సంతోషమైనది. మీ సవతులు ఇలాగ అక్కచెళ్ళెళ్ళ వలె ఉండుట మా భాగ్యము. ఈ జన్మంతా ఇలాగే ఉండండి అని నా ఆశీర్వాదము. మంచిది , మైత్రేయీ , కాత్యాయని ఊరగాయలు ఏమేమి పెట్టింది ? ఇంకా వడియాలు , వడలు , ఉప్పుమిరపకాయలు చేయలేదా ? ముఖ్యంగా మిడి మామిడికాయ పెట్టిందా లేదా ? "
మైత్రేయి నవ్వి అంది , " నేనింకా , కాత్యాయని భగవతియై ఆశ్రమములో ఎలాగ నడచుకొంటున్నది అని అడుగుతారనుకున్నాను. మీరు గృహిణి కార్య భారమును గురించి అడిగినారు. మిడి మామిడికాయ అయినది. పనిభారము ఎక్కువైతే నన్ను పిలుస్తుంది. అలాకాక ఎప్పటి వలె అయితే , ఆమె చేసే పనిలో చేయి వేసేందుకు వెళితే , " ఈ చాకిరీ అంతా నాకు వదిలేయి. నువ్వు పుట్టింది కళ్ళు మూసుకుని కూర్చొనుటకు. నువ్వు వెళ్ళు. నువ్వు నీ పని చేయి , మీ సేవ నన్ను చేయనీ " అంటుంది. నేను ఏ జన్మలో ఈశ్వరాధనను ఎంతబాగా చేసినానో ? దాని ఫలముగా మీ ఇంట చేరినాను. "
ఆ వేళకు కాత్యాయని స్నానము చేసి వచ్చి , ’ అక్కా, లే , ఇక నువ్వు స్నానము చేసి అమ్మకు స్నానానికి నీరు ఇవ్వవలెను ’ అన్నది. మైత్రేయి స్నానానికి వెళ్ళినది. కాత్యాయని ఘడియ కొకసారి వచ్చి ఆలంబినిని మాట్లాడిస్తుంది. " ఎంత పని చేసినారమ్మా , మీరు వచ్చేది ముందే తెలిసి ఉంటే ఎంత బాగుండెడిది ? పైగా అక్కడినుండీ మాంచి ఎండలో బయలుదేరి వచ్చినారు. దారిలో ఎంత ఆయాసమైనదో, ఏమో ? " అని అనేక రకాలుగా ఉపచారము చేసినది.
రాత్రి మొదటి జాములో తల్లీ కొడుకులు ఇద్దరూ భోజనానికి కూర్చున్నారు. కాత్యాయని మంత్రదండము ఉన్నదాని వలె , పులుసు , కూర , పచ్చడి చేసింది. వాటితో పాటు వడియాలు , వడలు , సజ్జన హృదయము వలె సుఖమైన నెయ్యి , రాతి వలె గట్టిగా తోడుకున్న పెరుగులతో భోజనము తృప్తికరముగా ఉండినది.
మైత్రేయి , కాత్యాయినులు భోజనము చేసి వచ్చే వేళకు తల్లి తాంబూలము వేసుకుంటూ తాను వచ్చిన పని కొడుకుకు చెప్పింది. కొడుకు ఎవరెవరు వస్తారు అని విచారించినాడు. ఆమె , వచ్చువారందరినీ చెప్పింది. కొడుకు అడిగినాడు, " దేవి గార్గి మనతో పాటు వచ్చేదేమిటి ? ఆమె విద్యా ప్రస్థానమే వేరు కదా ? "
తల్లి , రాజ భవనము సమాచారము చెప్పి, జ్ఞాన సత్రపు సంగతి ఎత్తి , ఆమె వచ్చుటకు కారణమిదీ యని వివరంగా చెప్పింది.
కొడుకన్నాడు , : " మీరు అంత దూరము వెళ్ళనవసరము లేదు. జ్ఞాన సత్రము కావాలన్నా , వైశాఖ బహుళము వరకూ అగునట్లు లేదు. దేశ , విదేశములనుండీ విద్వాంసులనందరినీ పిలిపించవలెనంటే దానికి పూర్వ సిద్ధత ఎంత కావలెను ? ఏమి కథ ? ఒక వేళ మనము వచ్చులోపల అది జరిగిపోయిందనుకో , నష్టమేమిటి ? అదంతా అటుండనీ , నువ్వు బయలుదేరు అంటున్నావు. మాత్రాజ్ఞా పాలించుట మాత్రమే నాపని. వీరిని అడుగు , వీరేమంటారో ? "
కాత్యాయని " మేము కూడా తోక వెంబడి నారాయణా అంటాము , ఏమే అక్కా ? " అన్నది.
" మైత్రేయి, " అంతే కాక ? " అన్నది .
Janardhana Sharma
*భగవంతుని నిశ్చలమైన ఏకాగ్రతతో ధ్యానించండి*
మనం చేసే మంచి పని లేదా పూజ ప్రచారం కోసం కాదు, దేవుడు వాటిని ప్రసన్నం చేసుకోవాలి అని మన అభిప్రాయం ఉండాలి. అందుకే భీష్ముడు..
*యత్భక్త్యా పుండరీకాక్షం స్తవైరర్సేన్నరః సదా...*
..అని చెప్పారు
భక్తితో భగవంతుని నామాన్ని జపిస్తే అదే గొప్ప పుణ్యం అని సూచించారు.
కనీసం పది నిమిషాలైనా భగవంతుని నామాన్ని భక్తితో చెబితే అది మహా పుణ్యం.. కొందరు పూజా సంధ్యావందనం చేస్తున్నారు.. అప్పుడే అతని మదిలో వేయి ఆలోచనలు మెదులుతాయి. కనీసం ఆ పది నిముషాలు ఇతర విషయాలను మరచిపోయి భగవత్ పూజపై మనసును నిలపండి.. అది మీకు పరమ దైవానుగ్రహాలను కలిగిస్తుంది.. భక్తిశ్రద్ధలతో కొద్దిసేపు పూజ చేసినా విశేష ఫలితాలను ఇస్తుంది.. కాబట్టి భక్తి ప్రేమికులందరూ విధేయులుగా భగవంతుని భక్తితో పూజించి ఆయన అనుగ్రహం పొందాలి...
-- *జగద్గురు శ్రీశ్రీశ్రీ భారతితీర్ధ మహాస్వామి వారు*
ఇదం కాష్టం ఇదం కాష్టం
నద్యాం వహతి సంగతః౹
సంయోగాశ్చ వియోగాశ్చ
కా తత్ర పరివేదనా॥*
తా -
ప్రవహించే నదిలో రెండు కట్టెలు దగ్గరకు చేరతాయి. కొంతదూరం కలిసి పయనిస్తాయి తరువాత విడిపోతాయి. అదేవిధంగా మానవుడు ఈ ప్రపంచ ప్రవాహంలో కొంతకాలం సంయోగసుఖమును, మరికొంతకాలం వియోగదుఃఖమును అనుభవిస్తాడు. దానికి పరివేదన చెందనవసరం లేదు.
ఈ రోజు పంచాంగం 30.10.2024 Wednesday,
స్వస్తి శ్రీ చాన్ద్రమాన క్రోధి నామసంవత్సర: దక్షిణాయనం శరదృతు ఆశ్వీయుజ మాస కృష్ణ పక్ష త్రయోదశి తిథి సౌమ్య వాసర: హస్త నక్షత్రం వైదృతి యోగః: వణిజ తదుపరి భద్ర కరణం. ఇది ఈరోజు పంచాంగం.
త్రయోదశి మధ్యాహ్నం 01:14 వరకు..
హస్త రాత్రి 09:42 వరకు.
సూర్యోదయం : 06:17
సూర్యాస్తమయం : 05:42
వర్జ్యం : ఈరోజు లేదు.
దుర్ముహూర్తం : పగలు 11:37 నుండి 12:22 వరకు.
అమృతఘడియలు : మధ్యాహ్నం 02:55 నుండి 04:43 వరకు.
రాహుకాలం : మధ్యాహ్నం 12:00 నుండి 01:30 వరకు.
యమగండం: ఉదయం 07:30 నుండి 09:00 వరకు.
ఈరోజు మహాశివరాత్రి
.
శుభోదయ:, నమస్కార:
🔯 *ఋణానుబంధాలు* 🔯
*ఋణానుబంధ రూపేణ పశు పత్నీ సుతాలయా....*
పూర్వజన్మలో మనకు గల ఋణాను బంధాలు...!
💥ఇతరులతో పూర్వజన్మలో మనకు గల ఋణాను బంధాలు తీర్చుకోవడానికే ఈ జన్మలో భార్యగా, భర్తగా, సంతానంగా, తల్లిదండ్రులుగా, మిత్రులుగా, నౌకర్లుగా, ఆవులు, గేదెలు, కుక్కలు ఇలా ఏదో ఒక రకమైన సంబంధంతో మనకి తారస పడుతుంటారు...
💥ఆ ఇచ్చి పుచ్చుకునే ఋణాలు తీరగానే దూరమవడమో, మరణించడమో జరుగుతుంది. ఈ విషయాన్ని మనం చక్కగా అర్థం చేసుకో గలిగితే మన జీవిత కాలంలో మనకి ఏర్పడే సంబంధాల మీద మోజు కలుగదు.
💥ఇతర జీవులతో మన ఋణాలు ఎలా ఉంటాయి అంటే...
💥మనం పూర్వ జన్మలో ఒకరి నుంచి ఉచితంగా ధనం కానీ, వస్తువులు కానీ తీసుకున్నా, లేదా ఉచితంగా సేవ చేయించుకున్నా ఆ ఋణం తీర్చుకోవడానికి ఈ జన్మలో మన సంపాదనతో పోషించబడే భార్యగా, సంతానంగా, మనతో సేవ చేయించుకునే వారి గాను తారసపడతారు.
💥ద్వేషం కూడా బంధమే, పూర్వజన్మలో మన మీద గల పగ తీర్చుకోవడానికి మనల్ని హింసించే యజమానిగా లేదా సంతానంగా ఈ జన్మలో మనకి వారు తారసపడవచ్చు...
💥మనం చేసిన అపకారానికి ప్రతీకారం తీర్చుకోవడానికి ఈ జన్మలో శత్రువులుగానో, దాయాదులుగానో, ఏదో ఒక రకంగా మనకు అపకారం చేసే వారిగా ఎదురవుతారు.
💥మనం చేసిన ఉపకారానికి బదులుగా ఉపకారం చేయడానికి ఈ జన్మలో మిత్రులుగానో, సహాయకులు గానో ఎదురవుతారు...
ఉదాహరణకు ఒక జరిగిన కథ...
💥కొల్లూరు లోని మూకాంబికా తల్లి ఆలయం దగ్గర అడుక్కునే ఒక కుంటి బిచ్చగాడు ఉదయం ఆరు నుంచి రాత్రి పది గంటల దాకా గుడి పక్కన బిచ్చం అడుక్కుంటూ ఉండేవాడు. ఆ వృత్తిలో నెలకి పదివేలకు పైనే సంపాదించేవాడు. కానీ తను సౌకర్యవంతమైన జీవితం గడిపితే బిచ్చం వేయరని సాధారణ జీవితం గడుపుతూ, రోడ్డు పక్కన ఎవరి పంచలోనో పడుకుంటూ, మూకాంబికా తల్లి ఆలయంలో పెట్టే ఉచిత భోజనాన్ని తింటూ, చిరిగిన దుస్తులు ధరిస్తూ ఉండేవాడు.
💥తన సంపాదనతో ఇద్దరి కొడుకులను ఎం.బీ.బీ.ఎస్ చదివిస్తున్నాడు.
💥ఒకసారి మూకాంబికా తల్లి దర్శనానికి వచ్చిన ఒక మహానుభావుడు ఆ బిచ్చగాడిని చూసి ఇలా చెప్పాడు.
💥పూర్వజన్మలో ఇతను ఇద్దరు వ్యక్తుల దగ్గర డబ్బులు తీసుకుని, వాళ్లు చాలా బాధలో ఉన్నప్పుడు ఇతను, ఇవ్వగలిగే స్థితిలో ఉండి కూడా ఇవ్వలేదు.అందుకే ఈ జన్మలో తాను కష్టపడి సంపాదిస్తూ వున్నా, తాను బాధలు పడుతూ, వాళ్లను చదివిస్తూ వాళ్ల రుణాన్ని తీర్చుకుంటున్నాడు. అని..
💥అంతే కాక మనకు తెలిసి తెలియక చేస్తున్న చిన్న చిన్న తప్పులు కూడా మనకు బంధాలు అవుతాయని నిరూపించే ఒక కథ...
💥ఒకసారి మహర్షి బస చేసిన అతిథిగృహం బయట ఉన్న చెత్తకుండీలో తిని పారేసిన విస్తరాకులు కోసం అనాథ బాలలు వీధి కుక్కలతో పోట్లాడుతున్నారు. అది చూసిన కొందరు భక్తులు బాధగా స్వామిని అడిగారు, స్వామి ఈ దారుణ పరిస్థితికి కారణం ఏమిటి అని.
💥ఈ పిల్లలంతా వారి గత జన్మలో ఆహార పదార్థాలను అధికంగా దుర్వినియోగం చేశారు, అందుకని వారు ఈ జన్మలో ఆహారం కోసం పరితపిస్తున్నారు, అని స్వామి జవాబు చెప్పారు.
💥నీటిని దుర్వినియోగం చేస్తే ఎడారిలో పుడతారు. ఏ వనరులను దుర్వినియోగం చేసినా దాని ఫలితాన్ని తప్పక అనుభవించాల్సి ఉంటుంది అన్నారు మహర్షి...
💥ఒకమారు శ్రీ విద్యా ప్రకాశానందగిరి స్వామి వారు బందరుకి వెళ్తూ గురువైన శ్రీ మలయాళ స్వామి వారి అనుమతి తీసుకుని వెళుతూ ఉంటే, ఆయన వెనక్కి పిలిచి నీ చేతి సంచి ఏది అని అడుగుతే, పక్కనున్న మిత్రుడి చేతిలో ఉంది అని చెబుతారు. అప్పుడు మలయాళ స్వామి వారు నువ్వు మోయగలిగి ఉండి, ఈ జన్మలో నీ మిత్రుడు చేత సంచీని మోయిస్తే వచ్చే జన్మలో నువ్వు అతని బియ్యం బస్తాను మోయాల్సి ఉంటుంది అన్నారు.
💥ఇలాంటివి మనము తెలిసి తెలియక చాలా చేస్తూ ఉంటాం, మనం ఇతరుల నుంచి మొహమాటం చేతనో, మర్యాదకో, కృతజ్ఞత గానో, గౌరవంతోనో లేదా మరే ఇతర కారణాల ద్వారానో ఉచితంగా స్వీకరించిన వన్నీ కర్మ బంధాలై జనన మరణ చక్రంలో మనల్ని బంధిస్తాయి...
💥కొత్త వాళ్ల నుంచి పెన్ను లాంటి వస్తువులను తీసుకోవడం, మన పెట్టె లాంటివి మోయించడం, పక్క వాళ్ళు షాప్ కి వెళ్తుంటే నాకు ఫలానాది తీసుకురా అని చెప్పడం, ఇలాంటివి అనేక సందర్భాల్లో ఇతరుల సేవలను ఉచితంగా తీసుకుంటాం.
💥అవి కర్మ బంధాలవుతాయి అని తెలియక మన జీవితకాలంలో చేసే ఇలాంటి వేలకొద్దీ కర్మబంధాల్లో చిక్కుకుపోతుంటాము...
💥ఆరడుగుల తాచుపాము విషం ఎంత ప్రమాదకరమో, అలాగే అంగుళం తాచుపాము విషం కూడా అంతే ప్రమాదకరం,అలాగే కర్మ ఎంత పెద్దదైనా, చిన్నదైనా దాని ఫలితం దానికి ఉండి తీరుతుంది తప్ప మాయం కాదు...
💥ఒకతను వెళ్తూ ఓ చోట కొందరు రక్షక భటులు ఓ దొంగను చుట్టుముట్టడం చూసాడు. మరికొంత దూరం వెళ్ళాక ఓ రాజు చుట్టూ కూడా ఉన్న కొంతమంది రక్షక భటుల్ని చూసాడు. అతను ఆగి రాజుని సందేహంగా అడిగాడు. ''రాజా! దొంగ చుట్టూ ఇలాగే రక్షక భటులున్నారు. మీ చుట్టూ కూడా రక్షక భటులున్నారు. ఆ దొంగకి, మీకూ గల తేడా ఏమిటీ?''
💥అందుకా రాజు నవ్వి జవాబు చెప్పాడు. ''తన చుట్టూ రక్షక భటులున్న ఆ దొంగ బంధితుడు. అతను పారిపోకుండా వాళ్ళు కాపలా ఉన్నారు. నేను స్వేచ్ఛ కల వాడిని. ఈ రక్షక భటులు నన్ను కాపాడటానికీ వీరంతా నా చుట్టూ ఉన్నారు. నేను వెళ్ళిపొమ్మంటే వెళ్ళిపోతారు''.
💥ఆ రక్షక భటులు కర్మలు. దొంగ చుట్టూ పారిపోకుండా ఉండి అతని నేరాలకి తగిన శిక్ష పడేలా చేసే రక్షక భటులు స్వార్ధకర్మల్లాంటి వాళ్ళు. స్వార్ధ కర్మలు మనల్ని బంధిస్తాయి. కాని రాజు చుట్టూ ఉన్న రక్షక భటులు నిస్వార్ధకర్మల్లాంటి వారు. నిస్వార్ధ కర్మలు మనిషిని రక్షిస్తాయి తప్ప బంధించలేవు.
💥త్వరగా పెరిగే ఓ లత, ఓ కొబ్బరి చెట్టు కాండాన్ని అల్లుకుని ఆ కొబ్బరి చెట్టుతో గర్వంగా చెప్పింది.
💥''చూడు, నేను ఎంత త్వరగా పెరిగి నిన్నంతా అల్లుకున్నానో? మరి నువ్వో? ఓ అంగుళం కూడా పెరగలేదు.''
💥ఆ కొబ్బరి చెట్టు చిన్నగా నవ్వి జవాబు చెప్పింది. ''వేలకొద్దీ లతలు నాతో ఇదే మాటన్నాయి. గాలి తాకిడికి అవి వెళ్ళిపోయాయి నేను మాత్రంబలంగా ఇక్కడే ఉన్నాను''....
*Many people think that the Chief Minister of Uttar Pradesh wears saffron attire*
*That's why one is a "Sanyasi".*
But the facts that have come to light about him are these - must read
●Ajay Mohan Bisht (original name) after retirement
Yogi Adityanath
Age-50 years
Place of Birth- Panchur Village, Garhwal, Uttarakhand
●Highest marks in the history of Uttar Pradesh from HNB Garhwal University (100%)
●Yogi ji is a student of Mathematics, who has passed B.Sc Mathematics with gold medal.
●He is the spiritual leader of the oldest Gorkha Regiment of the Indian Army. * There is a huge group of Yogi supporters in Nepal who worship Yogi as a Guru.
●Amazing excellence in martial arts. Record of defeating four people simultaneously.
●Famous swimmers of Uttar Pradesh. Crossed many huge rivers.
●An accounting expert who beats even computers. Famous mathematician Shakuntala Devi also praised Yogiji.
●Only four hours of sleep at night. Wakes up every day at 3:30 am.
●Yoga, meditation, goshala, aarti, puja are the daily routine.
●Eat only twice a day..
Completely vegetarian. The food includes tubers, roots, fruits and local cow's milk.
●He has never been admitted to the hospital for any reason till now.
●Yogi Adityanath is one of the best wildlife trainers in Asia. He loves wildlife very much.
●Yogi's family still lives in the same condition as before he became MP or Chief Minister.
●Yogi has gone home only once after taking sannyasa years ago.
●Yogi has only one bank account and no land or property is in his name nor does he have any expenses.
●He spends his food and clothing from his own salary and deposits the remaining money in the relief fund.
*This is the profile of Yogi Adityanath..*
* There is no AC or room cooler in Yogi ji's sleeping room, there is only one ceiling fan.
* Yogi ji sleeps on a wooden bed with a blanket and a sheet spread over it no Dunlop cushion & pillow
This should be the profile of a true leader in India.
Only such saints can make India a world leader again.
If you like this information, may kindly share.
*నమస్తే సదా వత్సలే మాతృ భూమే*
*కలియుగాబ్ది 5125*
*శ్రీ శాలివాహన శకం 1946 స్వస్తి శ్రీ చాంద్రమాన క్రోధి నామ సంవత్సరం దక్షిణాయణం - శరదృతువు - ఆశ్వయుజ మాసం - కృష్ణ పక్షం - ద్వాదశి - ఉత్తరాఫల్గుణి - భౌమ వాసరే* (29.10.2024)
ప్రముఖ వేదపండితులు, తణుకు /తాలూకా ఇరగవరం వాస్తవ్యులు
*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.
.🙏🙏
భవదీయుడు
దశిక ప్రభాకరశాస్త్రి
9849795167
-----------------------------------------------
*పిల్లలకి బతుకుతో పాటు భారతీయత కూడా నేర్పండి*
🌸🌸🌸🌸🌸🌸🌸🌸🌸🌸🌸
*నాస్వామి నన్ను రక్షిస్తాడు!*
*ఒక ఆవు ఒకరోజు గడ్డి మేయడానికి అడవిలోకి వెళ్లిoది. పాపం దానికి సమయం తెలియలేదు ఇంతలో సాయంత్రం అయ్యింది, చీకటిపడేలా ఉంది.*
*ఇంతలో ఒక పులి తనవైపు పరిగెత్తు కుంటూ రావడం ఆ ఆవు చూసింది. పులి నుంచి తప్పించుచుకోవడం కోసం ఆవు అటూ ఇటూ పరుగులెట్టి, పారిపోతోంది, పులి కూడా అంతే వేగంగా అవుని వెంబడిస్తోంది. చివరికి అవుకు ఎదురుగా ఒక చెరువు కనిపించింది, పులి నుంచి తప్పించుకునే కంగారులో ఆవు చెరువులోకి దూకేసింది, పులి కూడా ఆవుని పట్టుకోవాలని దాని వెనుకే ఆ చెరువులోకి దూకేసింది.*
*దురదృష్టవశాత్తు ఆ చెరువులో నీళ్ళు చాలా తక్కువ ఉన్నాయి, ఆవు ఈదుకుంటూ ఈదుకుంటూ చెరువు మధ్యలోకి వెళ్ళిపోయింది.*
*అక్కడ చాలా లోతైన బురద ఉంది. అందులో ఆవు పీకెవరకూ కూరుకు పోయింది.*
*ఆవుని వెంబడిస్తూ వచ్చిన ఆ పులి కూడా ఆ బురదలో చిక్కుకుని పీకల్లోతు లో మునిగి కేవలం తన ప్రాణాలు రక్షించుకోవడం కోసం ఆవుకి కొద్ది దూరంలో ఆగిపోయింది. ఇక అంతకుమించి ముందుకి వెళితే ఆ పులి పూర్తిగా బురదలో కూరుకుపోయి చనిపోతుంది.*
*ఈ స్థితిలో ఉన్న ఆ "ఆవు-పులీ" రెండూ ఒక దానికి ఒకటి ఎదురు ఎదురుగా కదలలేని స్థితిలో నిలబడిపోయాయి.*
*కొద్దిసేపయ్యాక, ఆవు పులితో ఇలా అంది, "నీకెవరైన యజమాని గానీ గురువు గానీ ఉన్నారా?” అని అడిగింది.*
*దానికి ఆ పులి గర్వంతో ఇలా అంది,“నేనే ఈ అడవికి రాజుని, స్వయంగా నేనే ఈ అడవి అంతటికీ యజమానిని, నాకు వేరే ఎవరు యజమాని ఉంటారు? అంది గొప్పగా.*
*అప్పుడు ఆవు ఇలా అంది, “నీ గొప్పదనం, నీ శక్తి ఇవేవీ కూడా ఇప్పుడు నిన్ను ఈ స్థితిలో రక్షించలేక పోయాయి కదా..,” అంది.*
*అప్పుడు ఆ పులి, ఆవు తో ఇలా అంది, “నీ పరిస్థితి కూడా నాలాంటిదే కదా, నువ్వు కూడా నాలాగే పీకల్లోతులో మునిగిపోయావు, చావుకు దగ్గరలో ఉన్నావు. మరి ఇప్పుడు నిన్ను ఎవరు రక్షిస్తారు.??” అంది.*
*అప్పుడు ఆవు చిరునవ్వుతో ఇలా అంది, "నా స్వామి నన్ను రక్షిస్తాడు., సాయంత్రం అయ్యేసరికి నేను ఇంటికి చేరకపోతే నన్ను వెతుక్కుంటూ, ఎంత దూరమైన వచ్చి నన్ను ఈ బురదనుంచి బయటకు లాగి క్షేమంగా ఇంటికి తీసుకెళతాడు. మరి నిన్ను ఎవరు బయటకు లాగుతారు?”అంది.*
*ఇలా అన్న కొద్దిసేపటికి ఆ ఆవు యొక్క యజమాని నిజంగానే వచ్చాడు. వచ్చీ రాగానే ఆ ఆవుని గట్టిగా పట్టుకుని అతి కష్టం మీద ఆ బురదగుంట నుంచి ఆ ఆవుని బయటకు లాగి, తన ఇంటికి తీసుకెళ్లాడు. వెళ్లేటప్పుడు ఆ ఆవు తన యజమాని కేసి ఎంతో కృతజ్ఞతా పూర్వకంగా చూసింది.*
*కావాలంటే ఆ ఆవు, మరియు దాని యజమాని..వాళ్లిద్దరూ కలిస్తే ఆ పులిని బయటకు లాగగలరు, కానీ అది వాళ్ళ ప్రాణాలకు ముప్పు అని గ్రహించి, ఆ పులిని బురదలో వదిలేసి వెళ్లిపోయారు.*
*ఈ కథలో... ఆవు’- సర్వసమర్పణ చేసిన సాధకుని హృదయo.*
*‘పులి’ - అహంకారం నిండిఉన్న మనస్సు.*
*‘యజమాని’ - సద్గురువు/పరమాత్మ.*
*’బురదగుంట’- ఈ సంసారం/ప్రపంచం.*
*మరియు,*
*ఆ ఆవు-పులి యొక్క సంఘర్షణ* :
*నలుగురిలో మనం మన ఉనికిని చాటుకోవడం కోసం చేసే జీవన పోరాటం.*
*నీతి :*
*ఎవరిమీదా ఆధారపడకుండా జీవించడం అనేది మంచి ఉద్దేశ్యమే. కానీ,*
*"నేనే అంతా, నా వలనే అంతా జరుగుతోంది, నేను లేకపోతే ఏమీ లేదు.. నాకు ఎవరి అవసరం లేదు, రాదు." అనే భావన ఎన్నడూ మనలో కలుగరాదు.*
*దీనినే 'అహంకారము' అంటారు. మన వినాశనానికి ఇదే బీజం అవుతుంది.*
*ఈజగత్తులో 'సద్గురువు'(పరమాత్మ) ను మించిన హితాభిలాషి ,మన మంచిని కోరుకునే వారు మన రక్షణ బాద్యతను వేరే ఎవరుంటారు.?? ఉండరు.*
*ఎందుకంటే.?? వారే అనేక రూపాల్లో వచ్చి, ఆయా సమయాల్లో మనల్ని నిరంతరం అనేక ఆపదల నుంచి రక్షిస్తూ ఉంటారు.*
*పరమాత్మా అంతటా...అన్నిటా నీవే ఉన్నావు...! అంతా నీ ఇష్టప్రకారమే జరుగనీ..!!*
*卐ॐ ఓం శ్రీ 🌹గురుభ్యోనమః ॐ卐*
🍁 *మంగళవారం*🍁
🌹 *29, అక్టోబర్, 2024*🌹
*దృగ్గణిత పంచాంగం*
*స్వస్తి శ్రీ క్రోధినామ సంవత్సరం*
*దక్షిణాయణం - శరత్ఋతౌః*
*ఆశ్వీయుజ మాసం - కృష్ణపక్షం*
*తిథి : ద్వాదశి* ఉ 10.31 వరకు ఉపరి *త్రయోదశి*
*వారం:మంగళవారం*(భౌమవాసరే)
*నక్షత్రం : ఉత్తర* సా 06.34 వరకు ఉపరి *హస్త*
*యోగం : ఐంద్ర* ఉ 07.48 వరకు ఉపరి *వైధృతి*
*కరణం : తైతుల* ఉ 10.31 గరజి రా 11.53 ఉపరి *వణజి*
*సాధారణ శుభ సమయాలు*
*ఉ 10.30 - 01.00 సా 04.30 - 05.30*
అమృత కాలం :*ఉ 10.25 - 12.13*
అభిజిత్ కాలం : *ప 11.28 - 12.14*
*వర్జ్యం : రా 04.04 - 05.53 తె*
*దుర్ముహూర్తం : ఉ 08.23 - 09.09 రా 10.37 - 11.26*
*రాహు కాలం : మ 02.45 - 04.11*
గుళికకాళం : *మ 11.51 - 01.18*
యమగండం : *ఉ 08.57 - 10.24*
సూర్యరాశి : *తుల*
చంద్రరాశి : *కన్య*
సూర్యోదయం :*ఉ 06.04*
సూర్యాస్తమయం :*సా 05.38*
*ప్రయాణశూల : ఉత్తరం దిక్కుకు పనికిరాదు*
*వైదిక విషయాలు*
ప్రాతః కాలం : *ఉ 06.04 - 08.23*
సంగవ కాలం : *08.23 - 10.42*
మధ్యాహ్న కాలం :*10.42 - 01.00*
అపరాహ్న కాలం:*మ 01.00 - 03.19*
*ఆబ్ధికం తిధి : ఆశ్వీజ బహుళ త్రయోదశి*
సాయంకాలం : *సా 03.19 - 05.38*
ప్రదోష కాలం : *సా 05.38 - 08.07*
రాత్రి కాలం : *రా 08.07 - 11.26*
నిశీధి కాలం :*రా 11.26 - 12.16*
బ్రాహ్మీ ముహూర్తం : *తె 04.25 - 05.14*
_______________________________
🌹 *ప్రతినిత్యం*🌹
*_గోమాతను 🐄 పూజించండి_*
*_గోమాతను 🐄 సంరక్షించండి_*
🌹🙏 *అంజని పుత్ర స్తోత్రం..!!*🍁
స్థిర నిల్యావర హనుమంత
ఈశ బాలక హనుమంత
జయ బజరంగబలి
జయజయ జయ బజరంగబలి
🍁 *ఓం శ్రీ*🍁
🌹 *ఆంజనేయాయ నమః*🌹
🍁🪷🌹🛕🌹🌷🪷🌷🍁
*సర్వే జనాః సజ్జనో భవంతు !*
*సర్వే సజ్జనా స్వజనో భవంతు !!*
*సర్వే స్వజనా సుకృతో భవంతు !*
*సర్వే సుకృత జనః సుఖినో భవంతు !!*
<><><><><><><><><><><><><><><><>
🌷 *సేకరణ*🌷
🌹🌿🍁🍁🌿🌹
*న్యాయపతి వేంకట*
*లక్ష్మీ నరసింహా రావు*
🌷🍃🍁🍁🍃🌷
🌹🌷🍁🍁🍁🍁🌷🌹
*భగవంతుని నిశ్చలమైన ఏకాగ్రతతో ధ్యానించండి*
మనం చేసే మంచి పని లేదా పూజ ప్రచారం కోసం కాదు, దేవుడు వాటిని ప్రసన్నం చేసుకోవాలి అని మన అభిప్రాయం ఉండాలి. అందుకే భీష్ముడు..
*యత్భక్త్యా పుండరీకాక్షం స్తవైరర్సేన్నరః సదా...*
..అని చెప్పారు
భక్తితో భగవంతుని నామాన్ని జపిస్తే అదే గొప్ప పుణ్యం అని సూచించారు.
కనీసం పది నిమిషాలైనా భగవంతుని నామాన్ని భక్తితో చెబితే అది మహా పుణ్యం.. కొందరు పూజా సంధ్యావందనం చేస్తున్నారు.. అప్పుడే అతని మదిలో వేయి ఆలోచనలు మెదులుతాయి. కనీసం ఆ పది నిముషాలు ఇతర విషయాలను మరచిపోయి భగవత్ పూజపై మనసును నిలపండి.. అది మీకు పరమ దైవానుగ్రహాలను కలిగిస్తుంది.. భక్తిశ్రద్ధలతో కొద్దిసేపు పూజ చేసినా విశేష ఫలితాలను ఇస్తుంది.. కాబట్టి భక్తి ప్రేమికులందరూ విధేయులుగా భగవంతుని భక్తితో పూజించి ఆయన అనుగ్రహం పొందాలి...
-- *జగద్గురు శ్రీశ్రీశ్రీ భారతితీర్ధ మహాస్వామి వారు*
స్వామి శివానంద విరచిత శివయోగసాధన - 8 (Scroll down for english)
శివమానస పూజ
మానసపూజ అంటే మానసికంగా పూజించడం. పువ్వులు, చందనం మొదలైనవాటితో చేసే బాహ్యపూజ కంటే మానసపూజ చాలా ప్రభావంతమైనది. మానసపూజ చేసినప్పుడు మీకు మరింత ఏకాగ్రత ఉంటుంది.
మానసికంగా స్వామిని వజ్రాలు, ముత్యాలు, పచ్చలు మొదలనవి పొదిగిన సింహాసనంపై కూర్చోబెట్టండి. ఆయనకు ఆసనం ఇవ్వండి. అర్ఘ్యం, మధుపర్కం మరియు అనేక రకాల పుష్పాలు, వస్త్రాలు మొదలనవి ఇవ్వండి. ఆయన నుదుటన మరియు శరీరానికి చందనం పూయండి. అగరబత్తీలు వెలిగించండి. దీపములు చూపించండి. కర్పూరం వెలిగించి, హారతి చూపించండి. అనేకరకాల ఫలాలు, మధురపదార్ధాలు, పాయసము, కొబ్బరికాయ మరియు మహానైవేద్యం సమర్పించండి. షోడశోపచారపూజ చేయండి.
పంచాక్షరి మంత్రలేఖనం
చక్కని పుస్తకంలో 'ఓం నమః శివాయ' అని అరగంట లేదా ఎక్కువ సమయం రాసుకోండి. ఈ సాధనను చేయడం ద్వారా మీకు మరింత ఏకాగ్రత వస్తుంది. ఇంకుతో మంత్రాన్ని స్పష్టంగా రాయండి. మంత్రాన్ని రాసేటప్పుడు మౌనాన్ని పాటించండి. మంత్రాన్ని మీరు ఏ భాషలోనైనా రాయవచ్చు. అటుఇటు చూడటం విడిచిపెట్టండి. మంత్రాన్ని రాసేటప్పుడు మానసికంగా మంత్రాన్ని ఉచ్ఛరించండి. మంత్రం మొత్తాన్ని ఒకేసారి రాయండి. మంత్రం రాసే పుస్తకం పూర్తవ్వగానే దాని మీరు ధ్యానం చేసుకునే గదిలో ఒక పెట్టెలో పెట్టుకోండి. సాధనలో క్రమబద్ధంగా ఉండండి.
చిన్న నోటుపుస్తకాన్ని మీ జేబులు పెట్టుకుని, ఆఫీస్ లో ఖాళీ సమయం దొరికినప్పుడు రాయండి. మీ జేబులు మూడు వస్తువులు పెట్టుకోండి, అవి భగవద్గీత, మంత్రం కోసం చిన్న పుస్తకం మరియు జపమాల. మీరు గొప్పగా ప్రయోజనం పొందుతారు.
ఇంకా ఉంది ...........
- స్వామి శివానంద
------------------------
Siva Manasa Puja
Manasa Puja is mental worship. Manasa Puja is more powerful and effective than the external worship with flowers, sandals, etc. You will have more concentration when you do Manasa Puja.
Mentally enthrone the Lord on a Simhasana, set with diamonds, pearls, emeralds, etc. Offer Him a seat. Offer Arghya, Madhuparka and various sorts of flowers, clothes, etc. Apply sandal paste to His forehead and body. Burn incense and Agarbatti (scented sticks). Wave lights. Burn camphor and do Arati. Offer various kinds of fruits, sweetmeats, Payasa, cocoanut and Mahanaivedyam. Do Shodasa-upachara or the sixteen kinds of offerings in worship.
Panchakshara Mantra Writing
Write down in a fine note book ‘Om Namah Sivaya’ for half an hour or more. You will have more concentration by taking recourse to this Sadhana. Write the Mantra in ink clearly. When you write the Mantra observe Mouna. You may write the Mantra in any language. Give up looking hither and thither. Repeat the Mantra mentally also when you write the Mantra. Write the whole Mantra at once. When the Mantra notebook is completed, keep it in a box in your meditation room. Be regular in your practice.
Keep a small notebook in your pocket and write Mantra when you get leisure in the office. Have three things in your pocket, viz., the Gita, Mantra notebook and a Japa Mala or rosary. You will be immensely benefited.
To be continued....
- Swami Sivananda
*卐ॐ ఓం శ్రీ 🌹గురుభ్యోనమః ॐ卐*
🕉️ *ఆదివారం*🕉️
🌹 *28, అక్టోబర్, 2024*🌹
*దృగ్గణిత పంచాంగం*
*ఈనాటి పర్వం*
*సర్వేషాం రమా ఏకాదశి*
*స్వస్తి శ్రీ క్రోధినామ సంవత్సరం*
*దక్షిణాయణం - శరత్ఋతౌః*
*ఆశ్వీయుజ మాసం - కృష్ణపక్షం*
*తిథి : ఏకాదశి* ఉ 07.50 వరకు ఉపరి *ద్వాదశి*
*వారం:సోమవారం*(ఇందువాసరే)
*నక్షత్రం : పుబ్బ* మ 03.24 ఉపరి *ఉత్తర ఫల్గుణి (ఉత్తర)*
*యోగం : బ్రహ్మ* ఉ 06.48 వరకు ఉపరి *ఐంద్ర*
*కరణం : బాలువ* ఉ 07.50 *కౌలువ* రా 09.10 ఉపరి *తైతుల*
*సాధారణ శుభ సమయాలు*
*ఉ 09.00 - 11.00 సా 03.30 - 04.30*
అమృత కాలం :*ఉ 08.12 - 10.00*
అభిజిత్ కాలం : *ప 11.28 - 12.14*
*వర్జ్యం : రా 11.33 - 01.21*
*దుర్ముహూర్తం : మ 12.14 - 01.01 & 02.33 - 03.20*
*రాహు కాలం : ఉ 07.30 - 08.57*
గుళికకాళం : *మ 01.18 - 02.45*
యమగండం : *ఉ 10.24 - 11.51*
సూర్యరాశి : *తుల*
చంద్రరాశి : *సింహం/కన్య*
సూర్యోదయం :*ఉ 06.04*
సూర్యాస్తమయం :*సా 05.39*
*ప్రయాణశూల : తూర్పు దిక్కుకు పనికిరాదు*
*వైదిక విషయాలు*
ప్రాతః కాలం : *ఉ 06.04 - 08.23*
సంగవ కాలం : *08.23 - 10.42*
మధ్యాహ్న కాలం :*10.42 - 01.01*
అపరాహ్న కాలం: *మ 01.01 - 03.20*
*ఆబ్ధికం తిధి : ఆశ్వీజ బహుళ ద్వాదశి*
సాయంకాలం : *సా 03.20 - 05.39*
ప్రదోష కాలం : *సా 05.39 - 08.08*
రాత్రి కాలం : *రా 08.08 - 11.26*
నిశీధి కాలం :*రా 11.26 - 12.16*
బ్రాహ్మీ ముహూర్తం : *తె 04.24 - 05.14*
________________________________
🌷 *ప్రతినిత్యం*🌷
*_గోమాతను 🐄 పూజించండి_*
*_గోమాతను 🐄 సంరక్షించండి_*
🕉️ *శ్రీ శివ తాండవ స్తోత్రం*🕉️
లలాట చత్వరజ్వల ద్ధనంజయ స్ఫులింగభా
నిపీత పంచసాయకం నమన్నిలింప నాయకం
సుధామయూఖ లేఖయా విరాజమాన శేఖరం
మహా కపాలి సంపదే శిరోజటాల మస్తు నమః
🕉️ *ఓం నమః శివాయ*🕉️
🕉️🪷🌹🛕🌹🌷🪷🌷🕉️
*సర్వే జనాః సజ్జనో భవంతు !*
*సర్వే సజ్జనా స్వజనో భవంతు !!*
*సర్వే స్వజనా సుకృతో భవంతు !*
*సర్వే సుకృత జనః సుఖినో భవంతు !!*
<><><><><><><><><><><><><><><><>
🌷 *సేకరణ*🌷
🌹🌷🕉️🕉️🌷🌹
*న్యాయపతి వేంకట*
*లక్ష్మీ నరసింహా రావు*
🌷🌹🕉️🕉️🌹🌷
🌹🍃🌿🕉️🕉️🌿🍃🌹
58. " మహాదర్శనము "--యాభై ఎనిమిదవ భాగము --ఆందోళన
58. యాభై ఎనిమిదవ భాగము-- ఆందోళన
భగవానులు గురుశిష్య సంబంధమై కట్టె విరచి రెండు ముక్కలు చేసినట్లు కరాఖండిగా మాట్లాడి బయలు దేరి వచ్చిన తరువాత , జనక మహారాజు స్థితి విచిత్రముగా మారిపోయింది. " నేను మహారాజుగా శిష్యత్వమును యాచించిననూ ఈతడు గురువును పరీక్ష చేసి వరించు , అంతవరకూ నువ్వు శిష్యుడవూ కాదు , నేను గురువునూ కాదు " అనేసినారే అని కోపము. మరలా , " వారు చెప్పినదీ న్యాయమే. చూచిన వారినందరినీ గురువంటుంటే బతుకుట కష్టము కాదా ? అని సమాధానము. గురువులను వెదకుట ఎలాగ ? అని ఆందోళన. "
జనకుని అభిమానమునకు ఇది రెండవ చెంపపెట్టు. మొదటి సారికూడా ఇదే భగవానులు , అప్పుడు కుమార యాజ్ఞవల్క్యుడై దేవతా రహస్యమును గురించి దేవతనే అడిగితే చాలు అని తిరస్కారము చేసి వెళ్ళిపోయినారు. ఇప్పుడు శిష్యునిగా అంగీకరించమంటే అన్యాపదేశముగా అది సాధ్యము కాదు అని తిరస్కారము చేసి వెళ్ళిపోయినారు. అయితే , అప్పటికన్నా ఈతూరి తిరస్కారము ఎక్కువ. అప్పుడు జనక యువరాజు, ఇప్పుడు జనక మహారాజు.
" సరే , వారిది తప్పు అందామా అంటే , ఆ దినము ఆశ్రమములో మాకు మాత్రమే కాదు , మావారందరికీ కావలసినట్లు యథేఛ్ఛగా ఉపచారములు చేసినారు. అదీగాక , విద్వన్మణియైన దేవి గార్గి కూడా వారిని , ఈ భరత ఖండములోనే అంతటి విద్వాంసులు ఉన్నారో లేరో అని మెచ్చుకున్నారు. ఇలాగున్నపుడు , విద్వదభిమానమునకు పేరు మోసిన విదేహ రాజవంశపు వాడినైన నేను వారిని ఎలా శిక్షించగలను ? నేను రాజాజ్ఞగా ఆ గురుశిష్య సంబంధమును మాట్లాడలేదు. ఏమున్ననూ అది వ్యక్తిగతం. ఈ ప్రశ్నను రాజావమానము అనుటకు లేదు. అలాగ అనవలెనంటే ధర్మమునే తలకిందలు చేసినట్లవుతుంది. ఏమి చేయుట ? "
జనకునికి ఇదే యోచన అయింది. ఎంత యోచించినా భగవానులే సరి అనిపిస్తుంది. ఎలాగెలాగ చూచిననూ గురు పరీక్ష జరగవలెనని మనసు ఒప్పుకుంటున్నది. అయితే పరీక్ష ఎలాగ జరగ వలెను ? అదే ఒక శిరోభారముగా మారింది. ఎంత ఆలోచించినా విధము తెలియరాలేదు.
ఈ చింతలో జనకునికి ఇంకేమీ కాబట్టలేదు. మంత్రి వచ్చినపుడు రాజు నిశ్చింతగా ఉన్నట్టు కనిపించిననూ మాట్లాడునపుడు తప్పించుకొని వస్తున్న దీర్ఘ నిఃశ్వాసలు మనోక్షోభను చూపించినాయి. దేనికీ బెదరని మంత్రి , రాజు కృశించుటనూ , రాజ కార్యములలో మొదటి వలె ఆసక్తి చూపకుండుటనూ చూచి చకితుడై , రహస్యముగా పరిజనమును విచారించినాడు. " భగవానులు వచ్చి వెళ్ళినప్పటినుండీ రాజుగారికి భోజనము మీద అంత అభిమానము లేదు , ఏదో బలవంతానికి తింటున్నట్లే భోంచేస్తారు. ముఖం గంటు పెట్టుకుని ఉండక పోయినా ఎప్పుడూ ఏకాంతములోనే ఉంటారు. తమ ఆలోచనలు ఇతరులెవ్వరికీ తెలియజేయరు. " మొదలైనవి తెలుసుకొని, దీనికేమి కారణముండవచ్చును ? అని విచారించి చూచినారు. భగవానులు వచ్చిన దినము చామర , వ్యజనములు ధరించిన వారిని పిలిపించి అడిగినారు. వారు , " మేము అంతగా గమనించలేదు. కానీ భగవానులు వెళ్ళునపుడు ఏదో గురుపరీక్ష జరగవలెను , ఆ తరువాత చూద్దాము అనో , ఇంకేదో చెప్పినట్లు జ్ఞాపకము. " అన్నారు. మంత్రి దానిపైన కట్టడమును కట్టుటకు సిద్ధుడైనాడు.
ఒకదినము వారికి తోచింది: " మహారాజుల చింతకు కారణమును వారినుంచే ఎందుకు తెలుసుకోరాదు ? అక్కడా ఇక్కడా విచారించి నేను కట్టు ఊహ నిజమూ కావచ్చు , అబద్ధమూ కావచ్చు. " అని మరుదినము తానే వెళ్ళాలని నిర్ధారించుకున్నాడు.
మరుదినము మంత్రి రాజకారణపు నెపముతో దొరవారి వద్దకు వెళ్ళు వేళకు అక్కడికి భార్గవుడు వచ్చినాడు. రాజు అతడితో మాట్లాడుతున్నాడు. మంత్రి వచ్చినాడని తెలియగనే రాజు అతడిని రప్పించుకున్నాడు. " రండి , ఈ దినము తమరి ఆవశ్యకత ఎప్పటికన్నా మాకు ఎక్కువగా ఉంది . మావల్ల సాధ్యము కాని విషయములన్నీ తమరే కదా పరిహరించేది. ఆ సంగతి కన్నా ముందు మన పురోహితుల సంబంధమైన కొన్ని మాటలు మాట్లాడవలెను. అడగండి " అని తన పక్క మంత్రిని కూర్చోబెట్టుకొని , " చెప్పండి , పురోహితులవారూ , తరువాత ? " అన్నారు.
" ఎన్ని సార్లు చెప్పేది , మహాస్వామీ , నేను వారి , అనగా భగవానుల తండ్రిగారి బాల్య మిత్రుడను. ’ నేను ఆశ్రమమునకు వస్తాను , ఇక్కడ అన్నీ కొడుకుకు అప్పజెప్పి ’ అని అడిగితే , ’ అంచెలుగా మీ వైరాగ్యము దృఢమై , మీరు మరలా ప్రపంచము వైపుకు తిరుగుటలేదని ధృవము చేసుకొని రండి ’ అన్నారు. వారన్నదీ మంచిదైంది. నా అహంకారము అంతవరకూ అంతటి దెబ్బ తినిఉండలేదు. అయితే దాని ఫలము మాత్రము నిజముగా మంచిదైంది. నాకు నాలుగు దినములనుండీ ఆలోచన. ఎందుకలాగన్నాడు అని విమర్శ చేసుకొని చూచినాను. అతని మాట నిజము. నాకు తెలియకుండానే అసహనము వచ్చి నిండి మనసును పట్టి పీడించేది. దీనినుండీ వదిలించుకొనుట ఎట్లు అని కూర్చొని ఆలోచించినాను. ఇది తానుగా వదలదు . కాబట్టి ఈ ఉదయము కొడుకునూ , భార్యనూ పిలిచి వ్యవహారముల నన్నిటినీ వారికి అప్పజెప్పినాను. నేను కొంతకాలము ఆశ్రమములో ఏకాంతముగా ఉంటానని చెప్పినాను. వారిని ఒప్పించినాను. ఇక నాకు బదులుగా మరియొకరిని రాజపురోహితుడిగా చేసుకొని నన్ను విడుదల చేయమని ప్రార్థించుటకు వచ్చినాను. "
జనకుడు అడిగినాడు: " అన్నీ వదలి భగవానుల ఆశ్రమానికి ఎందుకు వెళ్ళవలెను ? అలాగ ఆశ్రమవాసులు కావలెనంటే తమరే ఒక ఆశ్రమమును కల్పించుకుంటే చాలుకదా ? "
భార్గవుడు నవ్వినాడు : " మహారాజులు చెపుతున్నది చూస్తే , ఈ సంసారము వద్దు , ఇంకొక సంసారము కట్టుకో అన్నట్లుంది. నేను సంసారమునే త్యాగము చేయవలెనని ఉన్నాను మహాస్వామీ , ఆశ్రమమును కట్టుకొంటే , దినమూ పొద్దుటినుండీ సాయంత్రము వరకూ దాని గురించే చింతయై నేను అంతర్ముఖుడను కావాలనుకున్నది జరగదు. కాబట్టి నేను ఆశ్రమమును కట్టను. ఆశ్రమమును కట్టిఉన్న వారి ఆశ్రమమునకు వెళ్ళెదను. అక్కడ స్వాతంత్ర్యముంటుందా ? అంటారా ? సంకల్పమునే వదల వలెను అనువానికి స్వాతంత్ర్యపు ప్రశ్న ఎందుకు ? వారు అక్కడి నుండీ పంపించి వేస్తేనో ? అంటారా ? ఇల్లు వదలి ఉండుట అభ్యాసమైతే , మనసును వదలుట కూడా అవుతుంది . కాబట్టి నిశ్శంకగా వెళ్ళిపోతాను. అనుమతి కావలెను. "
" మాకూ ఇటువంటిదే ఒక సందర్భమొచ్చింది. అయితే మేము తమంత సులభముగా బట్టకు కావిరంగు అద్దుకొని వెళ్ళలేము. మంత్రిగారు వినవలెను , మా సంకటము కూడా భగవానుల వలననే వచ్చింది . ఆ దినము వారు వచ్చినపుడు వారి మాట మాకు బాగా నచ్చింది. మమ్మల్ని శిష్యులుగా పరిగ్రహించి , పూర్ణవిద్యను అనుగ్రహించండి అన్నాము. వారేమనవలెను ? ’ పరీక్ష చేసి గురువులను ఎంచుకోండి , అంతవరకూ మేము మేమే , మీరు మీరే ! మీ దేశములో ఉన్నాము . మీరు రాజులు , మీరు అడిగినదానికి సమర్పణా పూర్వకముగా ఉత్తరమునివ్వ వలెను, ఇస్తాము ’ అన్నారు. అంటే ఏమిటి ? మాటలకు ఇలాగ మోహము చెందితే మీకు గురువు దొరకడు అని నోరు తెరచి చెప్పినట్లే కదా ? అంటే , నువ్వొక పిచ్చివాడివి , నీకెందుకు వేదాంతము ? అన్నట్లే. ఇప్పుడు నేనేమి చేయవలెను ? చెప్పండి , మీరిద్దరూ ప్రవీణులు. మాకోసం ఈ సమస్యను పరిష్కరించండి. "
మంత్రికి రాజు చర్యలన్నీ అర్థమైనవి. ఈ ప్రశ్న రాజు మనోబుద్ధులనే కాదు , అహంకారమునే కాదు , ఆతని తత్త్వమునే పట్టి కెలికివేసింది అన్నది అతడికి అర్థమైనది. అయినా , " తానెందుకు ఇప్పుడు నోరు విప్పవలెను ? పురోహితుడు ఏమి చెప్పునో విని తరువాత విషయమును విమర్శిద్దాము " అనుకొని , లాంఛనముగా రాజు ముఖము చూసి , అనంతరము పురోహితుని ముఖము చూసి , ’ అనుజ్ఞ ఇవ్వండి ’ అన్నాడు.
రాజ పురోహితుడన్నాడు: " మహా స్వామీ , గురు పరీక్ష కూడా ఒక జాతక పరీక్షలాగానే. దీనిని పరిష్కరించుటకు మూడు దారులున్నాయి. మొదటిది , దైవ నిర్భర చిత్తులై దైవము తలచినట్లు కానిమ్ము అని నిశ్చయించుకొని , దైవ వ్యాపారమును నిరీక్షిస్తూ కూర్చొనుట. అయితే అక్కడ అహంకారము నిరోధించుకొని ఉండవలెను. కాబట్టి పౌరుషవంతులకు అది అంతగా నచ్చదు. రెండోది శాస్త్ర మార్గము. కన్యాపరీక్ష , వర పరీక్ష చేసినట్లు ఇక్కడ కూడా శకునాదుల చేత మొదట యోగ్యతాయోగ్యతలను చూచుకొని అనంతరము ఋణాఋణీభావము విమర్శ చేసి నిర్ణయించుట. దీనిపై కూడా స్వాభిమానులకూ , పౌరుషవంతులకూ అంత గౌరవము ఉండదు. ఇక మిగిలినది మానుష మార్గము. ఒకే జాతివైన కొన్ని పదార్థములను చూచి , వాటిలో గుణ తారతమ్యములు మొదలైనవి కనిపెట్టి ఉత్తమమైన దానిని ఎంచుకొనుట. ఇది రాజస్థానము. కాబట్టి మూడవదైన మానుష మార్గమే సరియని తోచుచున్నది. "
" అంటే ? " రాజు అడిగినాడు.
మంత్రి అన్నాడు:" పురోహితుల అభిప్రాయము ఇది : బ్రహ్మవిద్యా సంపన్నులని ప్రఖ్యాతులైన వారందరినీ పిలిపించేది. వారు పరస్పర వాదముల చేత తమ తమ యోగ్యతలను ప్రదర్శించెదరు. వారిలో ఉత్తములని మనసుకు తోచినవారిని ఎంచుకొనుట. అవునా పురోహితుల వారూ ? "
" ఔను కానీ అది అంత సులభము కాని కార్యము. ఇప్పుడు భగవానుల విషయమై చూస్తే , మొదటిది వారు ఆజన్మశుద్ధులు. వారు గురుద్రోహులు అని ఇతరులు వారిని నిందించుట నాకు తెలుసు. అదీ ఒక రహస్యము , వినండి. వైశంపాయనులకు వారిని వదలివేయవలెనని దైవ సందేశము వచ్చి యాజ్ఞవల్క్యులు అక్కడినుండీ వచ్చేసినారు. నిజముగా వారు గురుద్రోహులు కాదు , అంతేకాదు , దైవానుగ్రహ సంపన్నులు. కర్మ కాండ , బ్రహ్మ కాండ రెండింటిలోనూ నిష్ణాతులు అనునది అందరూ ఒప్పుకొనియే తీరవలెను. అయినా రాజ గురువులగుటకు అర్హులా యని పరీక్ష చేసి నిర్ణయించుటయే మంచిది."
" పరీక్ష ఎలా జరగవలెనన్నది చెప్పనేలేదే ? "
పురోహితులు మంత్రుల ముఖమును చూచినారు. ఆ చూపులో , ’ ఆ వివరములను నిర్ణయించుటకు మాకన్నా మీరు సమర్థులు ’ అని స్పష్టముగా చెప్పినట్లుంది. మంత్రులు అది అంగీకరించి అన్నారు : " మహా స్వామీ , బ్రహ్మజ్ఞానులందరూ చేరునట్లు ఒక కూటమిని పిలవవలెను. స్వయంవరములో చేయునట్లు , ఒక భారీ పణమును ఒడ్డవలెను. తమలో బ్రహ్మిష్టులు ఎవరో వారు దానిని తీసుకోండి అనవలెను. అప్పుడు తమకు అపఖ్యాతి లేకుండా వారు వారే నువ్వెక్కువా ? నేనెక్కువా ? అని వాద వివాదములు చేయుదురు. వారిలో అందరికీ సమాధానము చెప్పి నిలుచువారే అందరి కన్నా ఎక్కువ. "
" అది నోటి మాటలతో వాదము చేయు సభ గా మారితే ? "
" అలాగగుటకు లేదు. బ్రహ్మజ్ఞానమనునది వట్టి మాటలు కాదు. అలాగే వట్టి శాస్త్రమూ కాదు . అక్కడ అనుభవము ముఖ్యము. ఉత్త అనుభవము మాత్రము ఉన్నవారు వాదభూమిలో దిగి బతుకుటకు లేదు. కాబట్టి అనుభవపు వెనుక శాస్త్రపు బలమున్నవారు మాత్రము రంగభూమికి దిగుతారు. శాస్త్రానుభవముల తో పాటూ వాచోవైభవము కూడా ఉంటే ఇక చెప్పనవసరము లేదు. "
పురోహితులు మధ్యలో మాట్లాడినారు: " శాస్త్రము చెప్పునదంతా భగవానులకు అన్వయిస్తుంది. వారికి శాస్త్రానుభవములతో పాటూ వాచోవైభవము కూడా ఉంది. అదీకాక, వారు సర్వజ్ఞులు. వారిని మించగలవారు ఎవరూ ఉన్నట్లు కనపడదు. "
రాజన్నాడు , " మేము కూడా భగవానులకన్నా వేరెవరూ లేరు అనేవారమే ! కానీ , ప్రత్యక్షమైననూ ప్రమాణీకరించి చూడవలెను అని మనము ఈ ఆటను రచించవలసినదే. "
" సరే , నా ప్రార్థనను కూడా ఒప్పుకొన వలెనని మరొకసారి వేడుకుంటున్నాను "
" నేను అప్పుడే చెప్పితిని , తమరు మా తండ్రిగారి కాలము నుండీ ఉన్నవారు. రాజభవనము లో ఎప్పుడేమి జరగ వలెనను దానిని తెలిసిన వారు. తమరిని వదలిపెట్టుట ఎలాగ ? "
" దయచేసి వదిలేయండి "
మహారాజు చాలా ఆలోచించినారు. " తమకిష్టమైనట్లే కానీ "
Janardhana Sharma
దాశరధీ! కరుణాపయోనిధీ!
"రంగదరాతిభంగ,ఖగరాజతురంగ,విపత్పరంపరో/
త్తుంగతమఃపతంగ,పరితోషితరంగ,దయాంతరంగ,స /
త్సంగ,ధరాత్మజాహృదయసారసభృంగ,నిశాచరాబ్జమా /
తంగ,శుభాంగ,భద్రగిరిదాశరధీ! కరుణాపయోనిధీ!
రచన:కంచర్లగోపన్న.
(రామదాసు)
భావం:శతృసంహారీ! గరుడవాహనా! ఆపదోధ్ధారీ!రంగనాధసేవితా! కరుణాన్వితహృదయా! సత్సంగా!సీతాహృత్పద్మభృంగా!రాక్షసకులభీభత్సకరా!శుభాంగా! భద్రగిరినిలయా! దశరధకుమారా! కరుణాసాగరా! నన్నేలుముస్వామీ!
విశేషములు: తెలుగునవెలసిన శతక సముదాయమున దాశరధీ శతకము వెలలేనిది.పరమభక్తాగ్రేసరుడగు రామదాస విరచితమైనయీశతక మునందలి ప్రతిపద్యమొక అమృతబిందువు.భక్తిరస సింధువు.
స్వస్తి!🙏🌷🌷🙏🌷🌷🌷🌷🌷🌷🌷🌷💄🌷🌷🌷🌷🌷💄🌷💄💄💄
*సుఖ దుఃఖాలు- పాపపుణ్యములు*
పెద్దలు అన్నారు - సుఖ దుఃఖాలు కావడి కుండలని. అది మన అనుభవంలో సత్యంలాగ తోస్తున్నది. ప్రపంచంలో జన్మించిన ప్రతి ఒక్క మనుష్యుడు సుఖ-దుఃఖాల్ని చవిచూస్తూ ఉంటాడు. ఎవ్వడూగూడ జీవితంలో కేవలం దుఃఖాన్ని గాని, కేవలం సుఖాన్ని గాని అనుభవించటం లేదు. అది దుర్లభం. రెంటినీ అనుభవిస్తూనే ఉన్నాడు. ఉండాలి కూడా. అందుకనే మహాకవి కాళిదాసు ఇలా అన్నాడు
*कस्यात्यंतं सुखमुपनतं* *दुःखमेकस्ततोवा |*
*नीचैर्गच्छत्युपरिचदशा* *चक्रनेमिक्रमेण||*
ఐతే ఇపుడు మనము ఇక్కడ విచారించదలచిన అంశం ప్రతి ఒక్కడూ ఏ సుఖదుఃఖాల్ని తన జీవితంలో అనుభవిస్తూ ఉన్నాడో, అవి నిర్హేతుకములా, లేక సహేతుకములా? అంటే, ఈ సుఖ-దుఃఖాలు వాటంతట అవే, కారణం లేకుండా వచ్చి పడుచున్నవా? లేక వాటికి కారణమేమైనా ఉందా?అన్నది.
లోకంలో ఏ ఒక్క వస్తువు కారణం లేకుండగా, తనంతటతానే పుట్టటం లేదు. ఐతే ఆ కారణం ఏమిటో, కొన్నిటి విషయంలో మనకు తెలియకపోవచ్చు. మనకు తెలియనంత మాత్రాన, కారణం లేదు అనటం సాహసమే ఔతుంది. పైన, కిందా మనం చూడని లోకాలు ఎన్నో ఉన్నాయి. అంత మాత్రాన, వాటిని మనం లేవు అని అనగలమా! అంటే మనం పిచ్చివాళ్లం అని పిలిపించుకొనవలసి వస్తుంది.
ప్రతి పదార్ధము యొక్క పుట్టుకకు, దాని కారణం ఉండి తీరవలసినదే, అని అన్నపుడు, మనకు కలిగే సుఖదుఃఖాలకు కూడా ఒక కారణం ఉండాలి కదా! అది ఏమి అయి ఉంటుందనే జిజ్ఞాస కల్గుతుంది. శాస్త్రం చెప్తుంది... మన సుఖదుఃఖాలకు కారణం మనం చేసిన ధర్మాధర్మములే అని. మనం అధర్మం చేసి ఉంటే దాని ఫలితంగా దుఃఖాన్ని అనుభవిస్తాం. ఈ ధర్మాధర్మములే పాపపుణ్యములని చెప్పబడినాయి.
*पुण्योवै पुण्येन कर्मणा भवति,* *पापःपापेन*
అని శాస్త్రం వచనం. అంటే పుణ్యకర్మల నాచరించేవాడు తత్ఫలమైన సుఖాన్ని, పాపకర్మలు ఆచరించేవాడు తత్ఫలమైన దుఃఖాన్ని అనుభవిస్తాడని ఆ శ్రుతి తాత్పర్యము.
మనమంతా శాస్త్రాన్ని ప్రమాణంగా అంగీకరించే ఆస్తికులమే గాని, శాస్త్రం ప్రమాణం కాదు, మా బుద్దే ప్రమాణం,మాకు అన్నీ తెలుసు, మాకు తెలిసిందే సత్యం.. అనే నాస్తికుల కోవకు చెందిన వారము కాదు. ఆస్తికుడంటే పరలోకమును, ఈశ్వరుని పుణ్యపాపములను, స్వర్గ -నరకములను నమ్మేవాడు. ఎవనికి ఏ విధమైన విశ్వాసం లేదో వారు నాస్తికులు. మన శాస్త్రం ఈ విధంగా చెప్తున్నది. మనం ఇక్కడ అనుభవించే సుఖదుఃఖాలు, మనం పూర్వ జన్మలలో చేసిన పాపపుణ్యములు, లేక ధర్మాధర్మముల ఫలితములై యున్నవి.వాటినుంచీ ఎవ్వడూ తప్పించలేడు. అందుకే పుణ్యకర్మలు, దానధర్మాలు చేసి పుణ్యప్రాప్తి పొందుదురు గాక.
హరనమః పార్వతీ పతయే
హర హర మహాదేవ
*జగద్గురు శ్రీ శ్రీ శ్రీ భారతీ తీర్ధ* *మహాస్వామివారు*
🕉 *మన గుడి : నెం 482*
⚜ *కేరళ : వర్కల, త్రివేండ్రం*
⚜ *శ్రీ జనార్దనస్వామి ఆలయం*
💠 ఈ ఆలయం స్థానికంగా వర్కళేశ్వర (వర్కాల ప్రభువు) అని పిలువబడే జనార్దనస్వామి రూపంలో విష్ణుమూర్తిని ఆరాధించడానికి అంకితం చేయబడింది.
💠 వర్కలా , తిరువనంతపురంలోని సముద్రతీర సబర్బన్ పట్టణం , దీనిని జనార్దనపురం లేదా ఉదయమార్తాండపురం లేదా బలిత్ అని కూడా పిలుస్తారు.
ఇక్కడ జనార్దనుడి కుడి చేయి అతని నోటి వైపుకు ఎత్తబడింది. దేవుడి చేతులు ఆయన నోటి దగ్గరకు వచ్చినప్పుడు, కలియుగం అంతం అవుతుందని చెప్పబడింది.
జనార్దనుడిని ప్రసన్నం చేసుకోవడానికి దేవతలు తపస్సు చేసిన ప్రదేశంగా చెప్పబడే ప్రదేశంలో ఈ ఆలయం ఉంది.
💠 రాగి రేకుల గోపురం, చెక్కతో చెక్కిన నవగ్రహాలు ,రాగి పూతతో ఉన్న పైకప్పుతో సాంప్రదాయ కేరళ ఆలయ వాస్తుశిల్పం కనులకు కనువిందు చేస్తుంది.
💠 ప్రధాన మందిరంలో జనార్దనమూర్తి (విష్ణువు) 4 చేతులను కలిగి ఉన్నాడు, వీటిలో శంఖు ,చక్రం, గద మరియు కుంభం ఉంచారు.
💠 అలల తాకిడికి పాత దేవాలయం మునిగిపోయిందని, కొత్త ఆలయాన్ని పాండ్య రాజు నిర్మించాడని కొందరు అంటున్నారు. ఇక్కడి చక్ర తీర్థం భక్తులకు సకల రోగాలను నయం చేసే శక్తిగలదని చెబుతారు.
పూర్వీకుల ఆత్మలకు నివాళులు అర్పించడం ఇక్కడ ఒక ముఖ్యమైన ఆచారం.
🔆 *స్థల పురాణం*
💠 ఒకసారి, శ్రీవిష్ణువు నారద మహర్షి వీణ నుండి సంగీతాన్ని అనుసరించి సత్యలోకానికి చేరుకున్నాడు.
శ్రీమహావిష్ణువు అకస్మాత్తుగా తాను సత్యలోకానికి చేరుకున్నానని గ్రహించి, బ్రహ్మ తన ముందు సాష్టాంగపడటం గమనించకుండా వెనక్కి వెళ్లిపోయాడు.
నారద మహర్షి పాదాలకు బ్రహ్మ సాష్టాంగ నమస్కారం చేస్తున్నట్లు కనిపించడంతో దేవతలు బ్రహ్మను చూసి నవ్వడం ప్రారంభించారు.
దీనితో బ్రహ్మదేవుడు కోపించి దేవతలను మానవులుగా పుట్టమని శపించాడు.
💠 దేవతలు, తమ తప్పును గ్రహించి, బ్రహ్మదేవుని శాపం నుండి విముక్తిని కోరారు. నారద మహర్షి యొక్క వస్త్రం పడే ప్రదేశంలో జనార్దనుడిని ప్రసన్నం చేసుకోవడానికి వారు తపస్సు చేయవలసి ఉంటుందని బ్రహ్మ దేవుడు వారికి చెప్పాడు.
💠 బ్రహ్మ వర్కాల ప్రదేశంలో యజ్ఞం (అగ్ని యాగం) చేయడానికి భూమిపైకి వచ్చాడని మరొక పురాణం పేర్కొంది .
అతను యజ్ఞం చేయడంలో మునిగిపోయాడు , అతను తన సృష్టి పాత్రను మరచిపోయాడు. దాని గురించి బ్రహ్మకు గుర్తు చేయడానికి విష్ణువు వృద్ధుడి రూపంలో యాగశాలలోకి ప్రవేశించాడు.
💠 బ్రహ్మదేవునికి సహాయంగా ఉన్న బ్రాహ్మణులు వృద్ధుడినికి ఆహారం ఇచ్చారు. ఏది తిన్నా అతని ఆకలి తీరలేదు.
బ్రహ్మదేవుడి సహాయకులు వెళ్లి విషయం చెప్పారు. ఆ వృద్ధుడు మరెవరో కాదని తెలుసుకున్న బ్రహ్మదేవుడు అతనిని చూడటానికి వెంటనే వచ్చాడు, కానీ విష్ణువు ఆభోజనం తినడం చూసి ఆశ్చర్యపోయాడు.
బ్రహ్మదేవుడు దానిని తినకుండా విష్ణువును అడ్డుకుని, “ప్రభూ, నీవు దీనిని తింటే, అంతిమ ప్రళయం ఈ ప్రపంచాన్ని మింగేస్తుంది. "అప్పుడు విష్ణువు యాగాన్ని ఆపి తన సృష్టి పనిని ప్రారంభించమని బ్రహ్మదేవుడిని అభ్యర్థించాడు.
💠 దీని తరువాత, ఒక రోజు, నారదుడు , విష్ణువును అనుసరించి, వర్కాల మీదుగా ఆకాశం మీదుగా నడుస్తున్నాడు.
అక్కడికి వచ్చిన బ్రహ్మ విష్ణువుకు నమస్కరించాడు.
నారదుని మాత్రమే చూసిన 9 మంది ప్రజాపతులు , బ్రహ్మ తన కుమారుడికి నమస్కరిస్తున్నాడని భావించి బ్రహ్మను చూసి నవ్వారు.
వారు పాపం చేసినందుకు చింతించారు.
వారి విముక్తి కోసం ప్రార్థించడానికి సరైన స్థలం నారదుడి ద్వారా చూపబడుతుందని బ్రహ్మ చెప్పాడు.
💠 నారదుడు తను ధరించిన వల్కలాన్ని భూమి వైపు విసిరాడు. ఇది వర్కాలపై పడింది. ప్రజాపతులకి తమ ప్రాయశ్చిత్తానికి ఒక చెరువు కావాలి.
నారదుడు దాని కోసం విష్ణువును అభ్యర్థించాడు మరియు దేవత తన సుదర్శన చక్రాన్ని ఉపయోగించి సృష్టించాడు. ప్రజాపతులు అక్కడ తపస్సు చేసి వారి పాపాల నుండి విముక్తి పొందారు.
దేవతలు అక్కడ విష్ణువు ఆలయాన్ని నిర్మించి, జనార్దనుని రూపంలో పూజించారని నమ్ముతారు.
💠 నారదుడు ధరించిన తన వల్కలాన్ని (జింక చర్మంతో చేసిన వస్త్రం) విసిరివేసాడు, ఆ ప్రదేశంలో వల్కలం దిగింది.
వస్త్రం పడిపోయి, దేవతలు తపస్సు చేసిన ప్రదేశం కేరళలోని వర్కాలలో ఉందని చెబుతారు.
💠 భాగవత పురాణం మరియు మహాభారతం ప్రకారం బలరాముడు కన్యాకుమారి ఆలయం మరియు దక్షిణాదిలోని ఇతర దేవాలయాలకు తన తీర్థయాత్ర సమయంలో ఈ క్షేత్రాన్ని సందర్శించినట్లు పేర్కొన్నాయి .
💠 ఆలయంలో ప్రార్థనలు చేయడం మరియు సమీపంలోని పాపనాశం బీచ్‌లో స్నానం చేయడం వల్ల పాపాలు తొలగిపోతాయని నమ్ముతారు.
వర్కలా పితృకర్మ చేయడానికి ఉత్తమమైన ప్రదేశంగా కూడా పరిగణించబడుతుంది , అందుకే దీనిని కొన్నిసార్లు "దక్షిణ కాశీ అని "గయా ఆఫ్ ద సౌత్" అని కూడా అంటారు.
💠 లోపలి మందిరం ప్రవేశానికి ఇరువైపులా హనుమంతుడు మరియు గరుడ విగ్రహాలు ఉన్నాయి . ప్రధాన మందిరంలో శ్రీదేవి మరియు భూదేవి సమేతంగా జనార్దనుని విగ్రహం ఉంది .
💠 చింగమాసం (ఆగస్టు-సెప్టెంబర్) లో కృష్ణుని జన్మదినమైన అష్టమి రోహిణి ఇక్కడ పండుగగా జరుపుకుంటారు.
నేటి యువత కు భగవన్ రమణ మహర్షి ఆదర్శం
_-----_---------- --_--------
నేడు ఆధునిక భారతవాని లో ఉన్న ప్రతి ఒక్క యువత భగవన్ రమణ మహర్షి ని ఆద్శరం గా తీసుకుంటే చదువులలో వత్తిడిని,ఆలోచనలలో నూతన ఒరవడిని సృష్టించవచ్చు భగవన్ చాల చిన్న వయసులోనే 16 ఏండ్ల వయసులో ఆత్మ జ్ఞానం కోసం మౌనన్ని ఆశ్రయించడం ఆమౌన సాధన లో గోప్ప అనిర్వచనీయమైన అనుభూతికి లోను కావడం జరిగింది. ఆ 16ఏండ్ల వయస్సు లో ఉన్న యువత కు ఒక తెలుగు సామెత ఉంది "మీసం వచ్చే సమయంలో దేశలు కనిపించావు." ఆ భగవన్ గురించి చిన్నతనం నుంచి మనకు తెలిసిన విషయాలను మన పిల్లలకు వివరిస్తే వాళ్ళు లో ఆత్మ విశ్వాసం పెరిగి ఏది మంచి,ఏది చెడు, అనే విచారణ ద్వారా తెలుసు కుంటారు. అటువంటి వయసు లో యోగ, ప్రాణయమం, ధ్యానం వంటివి నేర్పించగలిగితే శరీరం అలసట లేకుండా చైతన్య వంతమైతుంది.ధ్యానం వల్ల మనసు ప్రశాంతంగా ఉంటూ, వారి వ్యక్తిత్వ వికాసం వారి అభివృద్ధికి మరింత దోహదపడుతుంది.సద్గురు వులతో అప్పుడప్పుడు సత్ సాంగత్యం వలన నేను ఎవరు? అని తెలుసు కోవడానికి వీలు కలుగుతుంది.వారి ఆలోచన లు చైతన్య వంతమై జీవితం అంటే ఆనంద మయమై ఈసమాజనికే ఒక ఆదర్శంగా జీవిస్తారు. నాకు తెలిసిన యోగలు దాదాపు అదే వయస్సు లోనే ఆత్మ జ్ఞానం కోసం పరుగులు పెట్టినవారే. ఓం అరుణాచలేశ్వరాయనమః. రమణ సమూహం లో చేర దలచినవారు ఈ నెంబర్ కు మెసేజ్ పెట్టండి 9490860693
*శ్రవణ కళ*...
*ART of LISTENING*
🙏🌹🙏🌹🙏
*వినడం కూడా ఒక కళ*...
నిజమైన ఆధ్యాత్మిక సాధన అంటే శబ్దాలు వినబడకుండా చేసుకునే ప్రయత్నం కాదు.
నిశ్శబ్దాన్ని కూడా వినగలిగేలా చేసుకోగలిగిన సౌలభ్యం.
విభిన్న విశ్వాసాలతో సతమతమయ్యే మనుషులు...
ప్రార్థనలో బైబిల్... ఖురాను... గీత... వగైరా గ్రంథాలను ఆలకిస్తున్నారు.
కానీ దైవం చెప్పింది ఎంతమంది వింటున్నారు అన్నది ప్రశ్న..?
గబ్బిలాలు నీటి అడుగున ఉన్న జీవుల కదలికల శబ్దాన్ని కూడా వినగలవు.
కానీ *మనిషి కన్నీటి అడుగున ఉన్న రొదను కూడా సాటి మనిషి వినలేక పోతున్నాడు*
.
వినడానికి సమయం లేదంటారు కొందరు...
*వినడం కోసమే వాళ్లు కూర్చున్నప్పటికీ*
*ఎవరికోసమైతే మన దుకాణం*... *వ్యవహారం... ఉద్యోగం... *ఉన్నదో వాళ్లను వినడానికి మనకు సమయం ఉండదు*.
నాయకులు ప్రజలను విసుక్కుంటారు...
డాక్టర్లు పేషంట్లను.. టీచర్లు స్టూడెంట్స్ ను.. పోలీసులు పీడితులను.. ఉద్యోగస్తులు ప్రజలను..
*మే ఐ హెల్ప్ యు*
*MAY I HELP YOU*
అన్న బోర్డు కింద కూర్చున్న వ్యక్తి...సహాయానికి వచ్చిన వారినీ విసుక్కుంటారు.
ఎదుటి వారిని ఎంత వినకపోతే...
ఎంత నిర్లక్ష్యం చేస్తే...
అంత గొప్ప వాడన్న దురభిప్రాయం సమాజంలో నాటుకుంది...
సమయం ఇవ్వ లేకపోతే బిజీ అని అర్థం.
బిజీ అంటే ప్రముఖులనీ...
గొప్ప వాళ్ళనీ పరమార్ధం.
వినడం అంటే సొంత ఆలోచనలకు స్వస్తి పలకమని కాదు... మనలోపలి ఆలోచనా ప్రమిదని బయటి దివ్వేతో వెలిగించమని అర్థం... మనుషులంతా ఎవరి ఆలోచనలతో వాళ్లే వెలిగిపోతే చెవులు ఉండేవి కావు.
తెలియనిది అడిగి తెలుసుకోవాలి.
అది పిల్లలైనా పెద్దలైనా.
*అన్ని నాకే తెలుసన్న భావన వినడంలోని సౌందర్యాన్ని కోల్పోయేలా చేస్తుంది*.
అడగడం అంటే ఎదుటివారి మనస్సుకు దండ వేసి నమస్కరిస్తున్నట్లే.
వినడం అంటే శబ్దం పలకని అర్ధాన్ని గ్రహించినట్లే.
శబ్దం లేని చోట కూడా భావం ఉంటుంది.
వాక్యాల వెనక దాగిన భావాన్ని గ్రహించడం వినడం అవుతుంది.
అడ్డగించక ప్రతిఘటించక విమర్శించక..కాదనక... అవుననక ... అసలు ఏమీ అనకుండా గ్రహించడమే వినడం.
చాలామంది మేధావులు.. జ్ఞానులు... అని
స్వథ్రువీకరించుకునే అజ్ఞానులు...
సలహాకి.. జోక్యానికి మధ్య గోడను గమనించరు.
*ఎవరైనా సలహా ఇస్తే తమ సామ్రాజ్యాన్ని దొంగిలిస్తున్నట్లుగా భావిస్తారు*.
*అందుకే ఎదుటి వాళ్లు సలహా ఇవ్వకుండా... ఇచ్చినా వినకుండా ఒక బంకరును నిర్మించుకుంటారు*.
కానీ విషయం ఏమిటంటే కొందరికి సరియైన సమయంలో లభించిన సలహా మహమ్మారిని నిర్మూలించే వైద్యంలా పనిచేస్తుంది...
అందుకే వినాలి...
వినే విధంగా మన మనసుకు మనం యోగాభ్యాసం చేయించాలి...
అప్పుడే మనసుకు...
సరి అయిన శక్తి లభిస్తుంది...
మానసిక శక్తియే దైవ శక్తి...
🙏🌹🙏🌹🙏
🔔 *ఆరోగ్యం* 🔔
గుండెపోటు రావడానికి మూడు గంటల ముందు కనిపించే లక్షణాలు.
ప్రసిద్ధ కార్డియాలజిస్ట్ల ప్రకారం -
ఒకరికి హార్ట్ ఎటాక్ ఉందని అనుమానం ఉంటే, అతన్ని నడవడానికి అనుమతించకూడదు. మెట్లు ఎక్కడం లేదా దిగడం లాంటివి అనుమతించకూడదు. వీటిలోఏ ఒకటి జరిగినా రోగి మనుగడ కష్టతరం అవుతుంది.
గుండెపోటు (హార్ట్ ఎటాక్)ని మూడు గంటల ముందుగానే పసిగట్టగల అవయవం మన మెదడు. మన శరీర కార్యకలాపాల్లో చిన్నపాటి ఆటంకాలు ఏర్పడినా మెదడు వెంటనే అప్రమత్తం చేస్తుంది.
ఏదయిన ఒక వివాహ వేడుకలో, బహిరంగ ప్రదేశాల్లో లేదా ఇంట్లో ఒక పురుషుడు లేదా స్త్రీ పొరపాటున పడిపోతున్నట్లు కనిపిస్తే, మనం వెంటనే వారిపై దృష్టి పెట్టాలి.
కానీ తనకు ఏమీ జరగలేదు, నేను బాగున్నాను అని వారు చెప్పవచ్చు
మనం కూడా ఏదో పైత్యం అని తేలిగ్గా వదిలేయకూడదు.
మెదడు ప్రకటించే హెచ్చరికను చూడగానే వారి ఆరోగ్యం మనకు స్పష్టంగా తెలుస్తుకోవడానికి వారిని
S TR చేయమని చెప్పాలి..
STR అంటే:
SMILE (నవ్వమని చెప్పటం),
TALK (మాట్లాడమని చెప్పటం)
RAISE BOTH HANDS ( రెండు చేతులును పైకెత్తమని చెప్పటం)
ఇలాంటి కార్యక్రమాలు చేయమని చెప్పాలి.
వారు ఈ మూడింటిని సరిగ్గా చేయాలి!ఇందులో ఏ ఒకటైన
వారు సరిగ్గా చేయకపోయినా సమస్య పెద్దదే! వెంటనే ఆసుపత్రికి తరలించడం వల్ల మరణాన్ని నివారించవచ్చు.
ఈ లక్షణం తెలిసి 3 గంటల్లోపు ఆసుపత్రికి వస్తే ప్రాణనష్టం చాలా వరకు అరికట్టవచ్చు అంటున్నారు వైద్యులు.
వారు ఈ మూడింటిని బాగా మరియు సరిగ్గా చేసినట్లయ్తే, మరింత ధృవీకరించకోవడానికి ఒక ముఖ్యమైన చర్య చేపట్టాలని ఇటీవలి వైద్య అధ్యయనం చెబుతోంది.
తప్పక వారిని వారి నాలుకను బయటకు చాచమని అడగాలి
వారు తన నాలుకను నిటారుగా చాచినట్లయితే, వారు సాధారణ మరియు ఆరోగ్యంగా ఉన్నారని నిర్ధారించవచ్చు, వారు దానిని నేరుగా సాగదీయకపోతే అంటే ఒకే వైపు కుడి లేదా ఎడమ వైపుకు వంగి ఉంటే తదుపరి 3 గంటలలోపు ఎప్పుడైనా, వారికి ఎటాక్ కలుగవచ్చు.
ఇది చదివిన ప్రతి ఒక్కరూ కుల,మత భేదాలు లేకుండా మానవతా దృక్పథంతో అందరికి అవగాహన కల్పించవలసిందిగా
వైద్యుల గణాంకాల ప్రకారం దీన్ని అందరికి చేరవేయడం ద్వారా 10 శాతం మరణాన్ని నివారించవచ్చు
సాటి మనిషిని కాపడుకోగలిగే ఈ అవగాహన అందరికీ పంచండి.
*నమస్తే సదా వత్సలే మాతృ భూమే*
*కలియుగాబ్ది 5125*
*శ్రీ శాలివాహన శకం 1946 స్వస్తి శ్రీ చాంద్రమాన క్రోధి నామ సంవత్సరం దక్షిణాయణం - శరదృతువు - ఆశ్వయుజ మాసం - కృష్ణ పక్షం - ఏకాదశి - మఘ - భాను వాసరే* (27.10.2024)
ప్రముఖ వేదపండితులు, తణుకు /తాలూకా ఇరగవరం వాస్తవ్యులు
*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.
.🙏🙏
భవదీయుడు
దశిక ప్రభాకరశాస్త్రి
9849795167
-----------------------------------------------
*పిల్లలకి బతుకుతో పాటు భారతీయత కూడా నేర్పండి*
అశ్వగంధ చూర్ణం ఉపయోగాలు -
కొంతకాలం క్రితం అశ్వగంధ గురించి కొన్ని వివరాలు మీకు అందించాను. ఈ మధ్యకాలంలో అశ్వగంధ గురించి మరింత విలువైన సమాచారం తెలుసుకున్నాను . వీటిలో చాలా వరకు నేను నా పేషెంట్స్ కి ఇచ్చినప్పుడు కొన్ని ఇతర సమస్యలు తీరడం నా దృష్టికి వచ్చింది. ఇప్పుడు నా స్వానుభావాలు మరియు కొన్ని అత్యంత పురాతన గ్రంథ పరిశోధనలో నాకు లభ్యమైనవి కూడా మీకు వివరిస్తాను .
స్వచ్ఛమైన అశ్వగంధ తయారీ విధానం -
మెట్టభూములు మరియు అడవులలో లభ్యమగు మంచి ముదురు పెన్నేరు గడ్డలను తెచ్చి మట్టి , ఇసుక , దుమ్ము వంటి వ్యర్థపదార్థాలు లేకుండా శుభ్రపరచుకొని నీడ యందు ఎండించవలెను . పూర్తిగా ఎండిన తరువాత కత్తితో ముక్కలుగా కొట్టి ఒక గిన్నెలో వేసి అవి మునుగునంత వరకు దేశి ఆవుపాలు పోసి సన్నటిసెగపైన పాలు ఇగురునంత వరకు ఉడికించవలెను . అలా ఉడికించిన తరువాత గడ్డలను బాగుగా ఎండించవలెను . ఆ దుంపల యందు తడి పూర్తిగా ఆరిపోయేంత వరకు ఎండించవలెను . లేనిచో ఆ దుంపలకు బూజు పట్టును . ఇలా పూర్తిగా ఎండిన దుంపలను మరలా ఉడికించి ఎండించవలెను . ఇలా మొత్తం 11 సార్లు చేసి ఆ తరువాత బాగుగా ఎండించి చూర్ణం చేసి వస్త్రగాలితం చేసుకుని వచ్చిన మెత్తటి చూర్ణాన్ని తడి తగలకుండా జాగ్రత్తగా నిలువచేసుకోవలెను .
మోతాదు -
2 నుంచి 3 గ్రాముల మోతాదులో ఉదయము మరియు సాయంత్రం భోజనానికి అరగంట ముందు ఆయా సమస్యను బట్టి వైద్యులు సూచించిన అనుపానంతో వాడవలెను .
అశ్వగంధ 7 సార్లు శుద్ది చేయవలెను అని చెప్పుదురు . 11 సార్లు శుద్ది చేసిన ప్రశస్తముగా ఉండును . మరియు బలంగా పనిచేయును .
ఔషధోపయోగాలు -
* శరీరానికి అమితమైన బలాన్ని ఇచ్చును . శుష్కించు శరీరం కలవారు దీనిని వాడుట వలన శరీరానికి కండపట్టి బలంగా తయారగుదురు .
* నిద్రలేమితో బాధపడువారికి ఈ అశ్వగంధ అత్యంతద్భుతముగా పనిచేయును . అశ్వగంధ ప్రధానముగా నరాల మీద పనిచేసి నరాలకు బలాన్ని చేకూర్చును . దీనిని వాడుట వలన ప్రశాంతమైన నిద్ర లభించును .
* క్షయరోగముతో ఇబ్బంది పడువారికి ఇది అత్యంత బలవర్ధకమైనది . ఊపిరితిత్తులకు బలాన్ని చేకూర్చుటయే కాక శరీర రోగనిరోధక శక్తి పెంచుటలో అత్యంత వేగముగా పనిచేయును .
* విరిగిన ఎముకలు త్వరగా కట్టుకొనుటకు ఈ అశ్వగంధ బాగుగా పనిచేయును .
* స్త్రీలు మరియు పురుషలలో కలుగు వంద్యదోషాలను నివారించును .
* రక్తము నందలి దోషములను పోగొట్టును .
* కీళ్లనొప్పులు నుంచి ఉపశమనం కలిగించును .
* నాడీవ్యవస్థ కు చెందిన వ్యాధుల పైన బాగుగా పనిచేయును .
* పక్షవాతం మొదలగు వాతవ్యాధుల యందు దీని పనితీరు అద్బుతముగా ఉంటుంది .
* మెదడులోని న్యూరాన్ల పైన దీని ప్రభావం ఉంటుంది. దీనిని వాడుట మూలన మెదడు చురుకుగా పనిచేయును . జ్ఞాపకశక్తి మెరుగుపడును .
* అగ్నిమాంద్యము , మలబద్దకం నివారించును .
* బాలింతలకు వచ్చు సూతికారోగము నివారించును .
* శరీరంలోని టాక్సిన్స్ బయటకి పంపి శరీరాన్ని శుద్ది చేయును .
* కఫ సంబంధ దోషములైన శ్వాస ( ఆయాసం ) , శోష మొదలైన వాటిని నివారించును .
* గ్రంధి సంబంధ రోగాలు ఉదాహరణకి థైరాయిడ్ వంటి వాటిపై అమోఘముగా పనిచేయును .
* గుండెసంబంధ సమస్యల కలవారు అశ్వగంధ వాడవలెను .
* కొంతమంది పిల్లలు శారీరకంగా ఎండుకుపోయి ఉంటారు. అటువంటివారికి తేనె అనుపానంగా ఈ అశ్వగంధ చూర్ణమును ఇచ్చిన మంచి కండపట్టి పుష్టిగా తయారగుదురు .
* వృద్ధాప్యము నందు వచ్చు సమస్యలను ఎదుర్కోవడానికి అశ్వగంధ నిత్యము సేవించవలెను .
* స్త్రీల శారీరక బలహీనతని పోగొట్టును . ప్రదర రోగములను నివారించును .
* మూర్చరోగులకు ఇది వరం వంటిది .
* స్త్రీలలో కలుగు బహిష్టు సంబంధ సమస్యలను నివారించును .
* స్త్రీ మరియు పురుషులలో హార్మోన్స్ మీద ఇది చాలా అద్బుతముగా పనిచేయును .
పైన చెప్పిన అనేక ఉపయోగాలు మాత్రమే కాకుండగా అనేకమంది HIV వ్యాధిగ్రస్తులకు ఇది నేను ఇవ్వడం జరిగింది. దీనిని ఉపయోగించిన తరువాత వారిలో CD4 కౌంట్ నందు మార్పు కనిపించింది. అంతకు ముందు ఉన్నటువంటి నీరసం , నిస్సత్తువ తగ్గిపోయాయి. ఇలా మరెన్నో వ్యాధులపైన దీనిని ప్రయోగించాను . అద్బుతమైన ఫలితాలు వచ్చాయి .
కరోనా చికిత్సలో కూడా ఇది చాలా అద్బుతముగా పనిచేసింది . నేను ఎంతో మంది రోగులకు ఇచ్చాను . కరోనా నుంచి కోలుకొనిన తరువాత వచ్చే దుష్ప్రభావాలనుంచి కాపాడుకోవడానికి ఇది వాడుట అత్యుత్తమం .
మీకు ఇక్కడ మరొక్క ముఖ్యవిషయం చెప్పవలెను . నేను మామూలుగా ఆయుర్వేద షాపుల్లో దొరికే శుద్ధిచేయని మామూలు అశ్వగంధ చూర్ణము ఉపయోగించినప్పటికంటే నేను పాలల్లో ఉడకబెట్టి తయారుచేసిన అశ్వగంధ చూర్ణం వాడుట వలన ఫలితాలు అతి తక్కువ సమయములో వేగముగా ఫలితాలు వచ్చాయి . ఈ అశ్వగంధ చూర్ణం వాడువారు పాలు , పెరుగు , వెన్న , పప్పు తరచుగా వాడవలెను . తాంబూలం , మద్యము , కర్బుజా పండు , పనసపండు , చల్లనినీరు , చద్ది అన్నం నిషిద్దం .
గమనిక -
శుద్ధిచేసిన అశ్వగంధ చూర్ణం కావలెను అనిన నన్ను సంప్రదించగలరు . కావలసిన వారు ఫొన్ ద్వారా మాత్రమే సంప్రదించగలరు . sms , whatsup mess ki సమాధానం ఇవ్వడం జరగదు . మీరు సంప్రదించవలసిన ఫొన్ no 9885030034 .
కాళహస్తి వేంకటేశ్వరరావు
అనువంశిక ఆయుర్వేద వైద్యం
9885030034
