జగముల వెలిగించు జగదేక శక్తివై

 *సీసపద్యము*

జగముల వెలిగించు జగదేక శక్తివై

   జనముల నుతులొందు జనని వీవు

ఎల్లజీవులనెల్ల చల్లంగ కాచేటి

   ఆదిశక్తిగ నీవు అవని వెలుగ

రాక్షస గణముల శిక్షించి వధియించి

   సజ్జనంబులనెల్ల సాకు తల్లి

నీదు రక్షణ మందు నెగడేటి జనికెల్ల

   నిత్యకల్యాణంబు సత్య మిదియె.

*తే.గీ.*

సింహమైన ను తలవంచి సేవలొనరు

త్రిభువనంబుల యందున విభవమొందు

ఆది శక్తిమాయమ్మగ నలరు తల్లి

జనుల గాచెడి యమ్మకు జయము జయము.

*అందరికీ దుర్గాష్టమి,మహానవమి,విజయదశమి శుభాకాంక్షలు.*

విలంబితమైననూ విశేష నుతులివియె.

*** *కొంపెల్ల శ్రీనివాస శర్మ*