ఉ.పాపము పుణ్యమేదొ తెలుపన్ మది ధార్మిక చిత్త వృత్తితో
చూపిన మార్గముం జనులు శుధ్ధ మనస్కత నాదరించి తా
మే పొరపాటు చేసిన సహింపగ నొల్లరు గాన విజ్ఞులే
దాపరికమ్ములేని మతి ధర్మ నిబధ్ధత నుండగా దగున్౹౹ 63
ఉ.ఏ పలుకేది యైన మదికింపును గూర్చెడు రీతి నీతితో
నోపి వచింప యోగ్యమగు నుక్తిని యుక్తిగఁ బల్కగా వలెన్
తాపము గల్గ జేయని హితమ్మగు మాటల నెంచుకొన్నచో
నేపగిదిన్ వచింప నవి యిష్టములై వెలుగొందు వేడ్కమై౹౹ 64
కామెంట్‌లు లేవు:
కామెంట్‌ను పోస్ట్ చేయండి