ఉచ్ఛిష్టగణేశ కవచం

అథ శ్రీఉచ్ఛిష్టగణేశకవచం ప్రారంభః

దేవ్యువాచ ..

దేవదేవ జగన్నాథ సృష్టిస్థితిలయాత్మక .

వినా ధ్యానం వినా మంత్రం  వినా హోమం వినా జపం .. 1..

యేన స్మరణమాత్రేణ లభ్యతే చాశు చింతితం .

తదేవ శ్రోతుమిచ్ఛామి కథయస్వ జగత్ప్రభో .. 2..

ఈశ్వర ఉవాచ ..

శ్రుణు దేవీ ప్రవక్ష్యామి గుహ్యాద్గుహ్యతరం మహత్ .

ఉచ్ఛిష్టగణనాథస్య కవచం సర్వసిద్ధిదం .. 3..

అల్పాయాసైర్వినా కష్టైర్జపమాత్రేణ సిద్ధిదం .

ఏకాంతే నిర్జనేఽరణ్యే గహ్వరే చ రణాంగణే ..  4..

సింధుతీరే చ గంగాయాః కూలే వృక్షతలే జలే .

సర్వదేవాలయే తీర్థే లబ్ధ్వా సమ్యగ్జపం చరేత్ .. 5..

స్నానశౌచాదికం నాస్తి నాస్తి నిర్వంధనం ప్రియే .

దారిద్ర్యాంతకరం శీఘ్రం సర్వతత్త్వం జనప్రియే .. 6..

సహస్రశపథం కృత్వా యది స్నేహోఽస్తి మాం ప్రతి .

నిందకాయ కుశిష్యాయ ఖలాయ కుటిలాయ చ .. 7..

దుష్టాయ పరశిష్యాయ ఘాతకాయ శఠాయ చ .

వంచకాయ వరఘ్నాయ బ్రాహ్మణీగమనాయ చ .. 8..

అశక్తాయ చ క్రూరాయ గురూద్రోహరతాయ చ .

న దాతవ్యం న దాతవ్యం న దాతవ్యం కదాచన .. 9..

గురూభక్తాయ దాతవ్యం సచ్ఛిష్యాయ విశేషతః .

తేషాం సిధ్యంతి శీఘ్రేణ హ్యన్యథా న చ సిధ్యతి .. 10..

గురూసంతుష్టిమాత్రేణ కలౌ ప్రత్యక్షసిద్ధిదం .

దేహోచ్ఛిష్టైః ప్రజప్తవ్యం తథోచ్ఛిష్టైర్మహామనుః .. 11..

ఆకాశే చ ఫలం ప్రాప్తం నాన్యథా వచనం మమ .

ఏషా రాజవతీ విద్యా వినా పుణ్యం న లభ్యతే .. 12..

అథ వక్ష్యామి దేవేశి కవచం మంత్రపూర్వకం .

యేన విజ్ఞాతమాత్రేణ రాజభోగఫలప్రదం .. 13..

ఋషిర్మే గణకః పాతు శిరసి చ నిరంతరం .

త్రాహి మాం దేవి గాయత్రీఛందో ఋషిః సదా ముఖే .. 14..

హృదయే పాతు మాం నిత్యముచ్ఛిష్టగణదేవతా .

గుహ్యే రక్షతు తద్బీజం స్వాహా శక్తిశ్చ పాదయోః .. 15..

కామకీలకసర్వాంగే వినియోగశ్చ సర్వదా .

పార్శ్వర్ద్వయే సదా పాతు స్వశక్తిం గణనాయకః .. 16..

శిఖాయాం పాతు తద్బీజం భ్రూమధ్యే తారబీజకం .

హస్తివక్త్రశ్చ శిరసీ లంబోదరో లలాటకే .. 17..

ఉచ్ఛిష్టో నేత్రయోః పాతు కర్ణౌ పాతు మహాత్మనే .

పాశాంకుశమహాబీజం నాసికాయాం చ రక్షతు .. 18..

భూతీశ్వరః పరః పాతు ఆస్యం జిహ్వాం స్వయంవపుః .

తద్బీజం పాతు మాం నిత్యం గ్రీవాయాం కంఠదేశకే .. 19..

గంబీజం చ తథా రక్షేత్తథా త్వగ్రే చ పృష్ఠకే .

సర్వకామశ్చ హృత్పాతు పాతు మాం చ కరద్వయే .. 20..

ఉచ్ఛిష్టాయ చ హృదయే వహ్నిబీజం తథోదరే .

మాయాబీజం తథా కట్యాం ద్వావూరూ సిద్ధిదాయకః .. 21..

జంఘాయాం గణనాథశ్చ పాదౌ పాతు వినాయకః .

శిరసః పాదపర్యంతముచ్ఛిష్టగణనాయకః .. 22..

ఆపాదమస్తకాంతం చ ఉమాపుత్రశ్చ పాతు మాం .

దిశోఽష్టౌ చ తథాకాశే పాతాలే విదిశాష్టకే .. 23..

అహర్నిశం చ మాం పాతు మదచంచలలోచనః .

జలేఽనలే చ సంగ్రామే దుష్టకారాగృహే వనే .. 24..

రాజద్వారే ఘోరపథే మాతు మాం గణనాయకః .

ఇదం తు కవచం గుహ్యం మమ వక్త్రాద్వినిర్గతం  .. 25..

త్రైలౌక్యే సతతం పాతు ద్విభుజశ్చ చతుర్భుజః .

బాహ్యమభ్యంతరం పాతు సిద్ధిబుద్ధిర్వినాయకః .. 26..

సర్వసిద్ధిప్రదం దేవి కవచమృద్ధిసిద్ధిదం .

ఏకాంతే ప్రజపేన్మంత్రం కవచం యుక్తిసంయుతం .. 27..

ఇదం రహస్యం కవచముచ్ఛిష్టగణనాయకం .

సర్వవర్మసు దేవేశి ఇదం కవచనాయకం .. 28..

ఏతత్కవచమాహాత్మ్యం వర్ణితుం నైవ శక్యతే .

ధర్మార్థకామమోక్షం చ నానాఫలప్రదం నృణాం .. 29..

శివపుత్రః సదా పాతు పాతు మాం సురార్చితః .

గజాననః సదా పాతు గణరాజశ్చ పాతు మాం .. 30..

సదా శక్తిరతః పాతు పాతు మాం కామవిహ్వలః .

సర్వాభరణభూషాఢయః పాతు మాం సిందూరార్చితః .. 31..

పంచమోదకరః పాతు పాతు మాం పార్వతీసుతః .

పాశాంకుశధరః పాతు పాతు మాం చ ధనేశ్వరః .. 32..

గదాధరః సదా పాతు పాతు మాం కామమోహితః .

నగ్ననారీరతః పాతు పాతు మాం చ గణేశ్వరః .. 33..

అక్షయం వరదః పాతు శక్తియుక్తిః సదాఽవతు .

భాలచంద్రః సదా పాతు నానారత్నవిభూషితః .. 34..

ఉచ్ఛిష్టగణనాథశ్చ మదాఘూర్ణితలోచనః .

నారీయోనిరసాస్వాదః పాతు మాం గజకర్ణకః .. 35..

ప్రసన్నవదనః పాతు పాతు మాం భగవల్లభః .

జటాధరః సదా పాతు పాతు మాం చ కిరీటికః .. 36..

పద్మాసనాస్థితః పాతు రక్తవర్ణశ్చ పాతు మాం .

నగ్నసామమదోన్మత్తః పాతు మాం గణదైవతః .. 37..

వామాంగే సుందరీయుక్తః పాతు మాం మన్మథప్రభుః .

క్షేత్రపః పిశితం పాతు పాతు మాం శ్రుతిపాఠకః .. 38..

భూషణాఢ్యస్తు మాం పాతు నానాభోగసమన్వితః .

స్మితాననః సదా పాతు శ్రీగణేశకులాన్వితః .. 39..

శ్రీరక్తచందనమయః సులక్షణగణేశ్వరః .

శ్వేతార్కగణనాథశ్చ హరిద్రాగణనాయకః .. 40..

పారభద్రగణేశశ్చ పాతు సప్తగణేశ్వరః .

ప్రవాలకగణాధ్యక్షో గజదంతో గణేశ్వరః .. 41..

హరబీజగణేశశ్చ భద్రాక్షగణనాయకః .

దివ్యౌషధిసముద్భూతో గణేశాశ్చింతితప్రదః .. 42..

లవణస్య గణాధ్యక్షో మృత్తికాగణనాయకః .

తండులాక్షగణాధ్యక్షో గోమయశ్చ గణేశ్చరః .. 43..

స్ఫటికాక్షగణాధ్యక్షో రుద్రాక్షగణదైవతః .

నవరత్నగణేశశ్చ ఆదిదేవో గణేశ్వరః .. 44..

పంచాననశ్చతుర్వక్త్రః షడాననగణేశ్వరః .

మయూరవాహనః పాతు పాతు మాం మూషకాసనః .. 45..

పాతు మాం దేవదేవేశః పాతు మామృషిపూజితః .

పాతు మాం సర్వదా దేవో దేవదానవపూజితః .. 46..

త్రైలోక్యపూజితో దేవః పాతు మాం చ విభుః ప్రభుః .

రంగస్థం చ సదా పాతు సాగరస్థం సదాఽవతు .. 47..

భూమిస్థం చ సదా పాతు పాతలస్థం చ పాతు మాం .

అంతరిక్షే సదా పాతు ఆకాశస్థం సదాఽవతు .. 48..

చతుష్పథే సదా పాతు త్రిపథస్థం చ పాతు మాం .

బిల్వస్థం చ వనస్థం చ పాతు మాం సర్వతస్తనం .. 49..

రాజద్వారస్థితం పాతు పాతు మాం శీఘ్రసిద్ధిదః .

భవానీపూజితః పాతు బ్రహ్మావిష్ణుశివార్చితః .. 50..

ఇదం తు కవచం దేవి పఠనాత్సర్వసిద్ధిదం .

ఉచ్ఛిష్టగణనాథస్య సమంత్రం కవచం పరం .. 51..

స్మరణాద్భూపతిత్వం చ లభతే సాంగతాం ధ్రూవం . స్మరణాద్భూభుజత్వం

వాచః సిద్ధికరం శీఘ్రం పరసైన్యవిదారణం .. 52..

ప్రాతర్మధ్యాహ్నసాయాహ్నే దివా రాత్రౌ పఠేన్నరః .

చతుర్థ్యాం దివసే రాత్రౌ పూజనే మానదాయకం .. 53..

సర్వసౌభాగ్యదం శీఘ్రం దారిద్ర్యార్ణవఘాతకం .

సుదారసుప్రజాసౌఖ్యం సర్వసిద్ధికరం నృణాం .. 54..

జలేఽథవాఽనలేఽరణ్యే సింధుతీరే సరిత్తటే .

స్మశానే దూరదేశే చ రణే పర్వతగహ్వరే .. 55..

రాజద్వారే భయే ఘోరే నిర్భయో జాయతే ధ్రువం .

సాగరే చ మహాశీతే దుర్భిక్షే దుష్టసంకటే .. 56..

భూతప్రేతపిశాచాదియక్షరాక్షసజే భయే .

రాక్షసీయక్షిణీక్రూరాశాకినీడాకీనీగణాః .. 57..

రాజమృత్యుహరం దేవి కవచం కామధేనువత్ .

అనంతఫలదం దేవి సతి మోక్షం చ పార్వతి .. 58..

కవచేన వినా మంత్రం యో జపేద్గణనాయకం .

ఇహ జన్మాని పాపిష్ఠో జన్మాంతే మూషకో భవేత్ .. 59..

ఇతి పరమరహస్యం దేవదేవార్చనం చ

     కవచపరమదివ్యం పార్వతీ పుత్రరూపం .

పఠతి  పరమభోగైశ్వర్యమోక్షప్రదం చ

     లభతి సకలసౌఖ్యం శక్తిపుత్రప్రసాదాత్ .. 60..

   var 

(ఇతి పరమరహస్యందేవదేవార్చితస్య-

     కవచముదితమేతత్పార్వతీశేన దేవ్యై

పఠతి స లభ్యతే వైభక్తితో భక్తవర్యః

     ప్రచురసకలసౌఖ్యం శక్తిపుత్రప్రసాదాత్ ..)

ఇతి శ్రీరుద్రయామలతంత్రే ఉమామహేశ్వరసంవాదే

శ్రీమదుచ్ఛిష్టగణేశకవచం సమాప్తం