తెలుగు పరీక్ష

 *" తెలుగు పరీక్ష 😊 "* 

*సమాధానాలలో  పదానికి  చివర "తి " మాత్రమే  రావలెను!!* 

*ప్రయత్నించండి* 

1) ఒక  నది పేరు 

2) ఒక పుణ్య క్షేత్రం  

3) ఒక గ్రహము  

 4) ఒక తిథి  

5) ఓరుగల్లు నేలిన రాజుల ఇలవేల్పు   

6) ఒక  తెలుగు  సంవత్సరం

7 అసోమ్ లో ఒక పట్టణం  

8) భార్య 

9) ఒక నక్షత్రం  

10) నారదుని వీణ 

11) ఇంద్రుడు  

12) విష్ణుమూర్తి మెడలోనిమాల

13) శివుని  సతి

14)మానవుని దేహంలో ఒక అవయవం  

15) ఒక పూల తీగ 

16) చిన్న పిల్లల ఆట వస్తువు 

17) ధైర్యం  

18) ఏడుకొండల వాడు  

19) కృష్ణుని  సతి  

20) ఒక  వాహనం  

21) ఒక ఋషి పత్ని  

22) జటాయువు సోదరుడు  

23) దుర్యోధనుని  ఇల్లాలు  

24) హరిశ్చంద్రుని  భార్య  

25) బలరాముని  పత్ని

సమాదానలు వ్రాసి కామెంటులొ పెట్టండి. మీ పేరు ఫొను నెంబరు వ్రాయటం మరవకండి

*శ్రీ రంగనాథస్వామి ఆలయం*

 🕉 *మన గుడి : నెం 395*

⚜ *కర్నాటక  :  శ్రీరంగపట్నం- మండ్యా*

⚜ *శ్రీ రంగనాథస్వామి  ఆలయం*

💠 పురాణాల ప్రకారం, భక్తులు ఆధ్యాత్మిక ముక్తిని పొందే ప్రధాన ఆలయాలలో శ్రీ రంగనాథ స్వామి ఆలయం ఒకటి. 

కావేరి నది తన మార్గంలో శివనసముద్రం, శ్రీరంగపట్నం మరియు శ్రీరంగం అనే మూడు ద్వీపాలుగా ఏర్పడిందని నమ్ముతారు. 

ఈ ప్రదేశాలలో ఒకే రోజున మూడు ఆలయాలను సందర్శించిన భక్తులు ఖచ్చితంగా మోక్షాన్ని పొందుతారు అని

గట్టి నమ్మకం.

💠 ఆలయ ప్రధాన దేవత శ్రీ రంగనాథుని అవతారంలో ఉన్న విష్ణువు కాబట్టి ఈ పట్టణానికి ఈ పేరు వచ్చింది.

💠 రంగనాథస్వామి ఆలయం దక్షిణ భారతదేశంలోని అత్యంత ముఖ్యమైన వైష్ణవ క్షేత్రాలలో ఒకటి మరియు శ్రీరంగపట్నంలో సందర్శించవలసిన ప్రధాన ప్రదేశాలలో ఒకటి . ఈ ఆలయం పంచరంగ క్షేత్రాలలో ఒకటి, మిగిలిన నాలుగు...

శ్రీరంగంలోని శ్రీ రంగనాథస్వామి ఆలయం, కుంభకోణంలోని సారంగపాణి ఆలయం, తిరుచ్చిలోని అప్పకుదతన్ ఆలయం మరియు మైలాడుతురైలోని పరిమళ రంగనాథస్వామి ఆలయం. 

💠 శ్రీరంగపట్నాన్ని ఆది రంగం అని, శ్రీరంగం అంత్య రంగం అని, కర్ణాటకలోని శివసముద్రంను మధ్యరంగం అని కూడా పిలుస్తారు.

💠 పురాణాల ప్రకారం, గౌతమ మహర్షి ఈ ప్రదేశంలో మహావిష్ణువును శయన భంగిమలో దర్శనం చేసుకోవడానికి కఠోర తపస్సు చేసాడు. తన భక్తుడిని ఆశీర్వదించడానికి, విష్ణువు తనను తాను ఈ ప్రదేశంలో రంగనాథ స్వామిగా శయనించిన రూపంలో దర్శనం ఇచ్చాడు.

రాబోయే యుగాలలో భక్తులు తనను ప్రార్థించగలిగేలా శాశ్వతంగా ఇక్కడే ఉండమని గౌతమ మహర్షి కోరగా, దేవుడు అక్కడ విగ్రహ రూపంలో ఉన్నాడు. 

💠 ఈ ఆలయానికి సంబంధించి ఇంకొక పురాణగాథలు ఉన్నాయి.  

ఈ క్షేత్రం వద్ద ప్రవహించే కావేరి నది వైకుంఠంలోని నది వలె పవిత్రమైనదిగా పరిగణించబడుతుంది.  

శ్రీ రంగనాథస్వామి విగ్రహం మానవ నిర్మితం కాదు.  శ్రీ రంగనాథ భగవానుడు ఈ ప్రదేశంలోనే మూర్తిగా వెలిశాడు.  

💠 ఒకసారి కావేరి నది శ్రీ మహావిష్ణువు ఆదిశేష మరియు మహాలక్ష్మి సమేతంగా తనపై విశ్రమించమని తపస్సు చేసింది.  

ఆమె తపస్సుకు సంతోషించిన శ్రీమహావిష్ణువు ఆదిశేషునిపై ఉన్న శ్రీ రంగనాథస్వామి విగ్రహాన్ని ధరించాడు.

💠 శ్రీరంగపట్టణం అనాదిగా ప్రసిద్ధ పుణ్యక్షేత్రం. విజయనగర పాలకుల కాలంలో ఇదొక అతిపెద్ద సామంతరాజ్యంగా పేరొందింది.

 మైసూరు, తలకాడు  రాజ్యాలు కూడా ఈ కావేరీ పట్టణం అదుపాజ్ఞల కిందే ఉండేవి. విజయనగర సామ్రాజ్య ప్రాబల్యం క్షీణించిన తరువాత ఇది మైసూరు ప్రభువుల పాలన కిందికి వచ్చింది. 

💠 1610 నుంచి 1947 లో భారతదేశానికి స్వాతంత్య్రం వచ్చే వరకు శ్రీరంగ పట్టణం మైసూరు రాజ్యంలోని అంతర్భాగంగానే ఉండేది.

 

💠 మైసూరుకు కేవలం 15 కిమీ దూరంలోనే ఉన్నప్పటికీ ఇది పక్క జిల్లా అయినట్టి మండ్య లో ఉంది.

894 లో ఇక్కడ గంగ రాజ్యపాలకుడు తిరుమల రాయడు అనే రాజు నిర్మించిన శ్రీ రంగనాథస్వామి ఆలయం సుప్రసిద్ధం. 

💠 మొత్తం కర్ణాటక రాష్ట్రంలోనే అతిపెద్ద రంగనాథుడి విగ్రహం ఈ ఆలయంలోనే ఉంది. శేష తల్పం మీద శయనించిన కారణంగా శ్రీ రంగనాథుడిని శేషతల్ప శాయి అనికూడా అంటారు.

💠 ఆలయ ముఖద్వారాన్ని నవరంగ ద్వారం అంటారు. దానికి ఇరువైపులా ద్వారపాలకులైన జయవిజయుల విగ్రహాలు చెక్కబడ్డాయి. ఆలయ ప్రాంగణం, అక్కడి స్తంభాలు హోయసల పాలకుల నిర్మాణాలని భావిస్తున్నారు. 

ప్రధాన ప్రవేశద్వారం దగ్గరున్న నాలుగు స్తంభాలు విజయనగర పాలనాకాలంలో నిర్మించినవి. వాటి మీద విష్ణువు 24 రూపాలు చెక్కబడ్డాయి. 

రంగనాయకి, నరసింహస్వామి , సుదర్శన, గోపాలకృష్ణ, రామాలయాలు,  శ్రీనివాస ఆలయం, రామానుజ దేశికుల మంటపం కూడా మనం ఈ ఆలయ ప్రాంగణంలో చూడవచ్చు.

💠 విజయనగర పాలకుల కాలంలో ప్రతిష్ఠ చేయబడిన ఇక్కడి సుప్రసిద్ధ ఏకశిలా గరుడ స్థంభం చూడదగినట్టిది.

ఆలయ ప్రవేశానికి అటూ ఇటూ ఉన్న రెండు ముచ్చటైన ఏనుగు విగ్రహాలు హోయసల పాలకుల కాలం నాటివని భావిస్తున్నారు.

💠 ఆలయ స్థంభాల మీద నరసింహుడు, ఆంజనేయుడు, శంఖ చక్రాల మూర్తులు చెక్కబడ్డాయి.

💠 గర్భగుడిలో, విష్ణుమూర్తి పాము ఆదిశేషునిపై, పాము యొక్క ఏడు పడగలపై ఏర్పడిన పందిరి క్రింద, అతని భార్య లక్ష్మి అతని పాదాల వద్ద ఉంది.  

పక్కనే ఉన్న ఇతర దేవతలు;  

శ్రీదేవి, భూదేవి మరియు బ్రహ్మ.

 నరసింహ, గోపాలకృష్ణ, శ్రీనివాస, హనుమంతుడు, గరుడ మరియు ఆళ్వార్ లకు అంకితం చేయబడిన ఇతర చిన్న మందిరాలు ఈ సముదాయంలో ఉన్నాయి.

💠 మైసూర్ నుండి 14 కి.మీ దూరంలో ఉంది. బెంగళూరు నుండి ఈ పట్టణం 125 కి.మీ దూరంలో ఉంది.

భార్య ఇంటికి ఆభరణం!!*

 భార్య ఇంటికి ఆభరణం!!* 

(నేడు ప్రపంచ వివాహ దినోత్సవం)

* భరించేది భార్య,

* బ్రతుకు నిచ్చేది భార్య,

* చెలిమి నిచ్చేది భార్య 

* చేరదీసేది భార్య 

* ఆకాశాన సూర్యుడు    లేకపోయినా...

ఇంట్లో  భార్య లేకపోయినా...

అక్కడ జగతికి వెలుగుండదు,

ఇక్కడ ఇంటికి వెలుగుండదు. 

* భర్త  వంశానికి సృష్టికర్త 

* మొగుడి అంశానికి మూలకర్త,

*కొంగు తీసి ముందుకేగినా...

* చెంగు తీసి మూతి తుడిచినా...ముడిచినా..

తనకు లేరు ఎవరు సాటి 

* ఇలలో తను లేని ఇల్లు...  కలలో....

ఊహకందని భావన...

* బిడ్డల నాదరించి...

* పెద్దల సేవలో తరించి

* భర్తని మురిపించి..

మైమరపించి...

* బ్రతుకు మీద ఆశలు పెంచి... 

* చెడు ఆలోచనలు త్రుంచి...

* భ్రమరం  లా ఎగురుతూ...

* భర్త ను భ్రమల నుండి క్రిందకు దించుతూ...

* కళ్ళు కాయలు కాచేలా...

*  భర్త  జీవితాన పువ్వులు పూచేలా చేసిన

జీతం లేని పని మనిషి.

 

జీవితాన్ని అందించే మన మనిషి.

 ... 

ఏమిచ్చి తీర్చుకోగలం భార్య రుణం 

ఆమెకు భారం కాకుండా ఉండడం తప్ప.. 

ఒకరికి ఒకరు తోడు నీడ చిరకాలం. 

బిడ్డల బాధ్యతలు తీరాక వృద్ధాప్యంలో నూతన వసంతం తోడు నీడ బంధం. 

అదే  భార్యకు మనమిచ్చే విలువైన ఆభరణం..!

🙏🙏🙏🙏🙏🙏🙏

మహాభారత సారాంశం*

 *లక్షల శ్లోకాలు గల మహాభారత సారాంశం* 

ఆణిముత్యాలు వంటి ఈ తొమ్మిది వాక్యాలలో మహాభారత సారాంశం తెలుసుకోండి.

1 మీ పిల్లల అంతులేని వాంఛలు, గొంతెమ్మ కోరికలు తీర్చుకుంటూ పోతే కాలక్రమేణా వారు అదుపు తప్పి, మీ ఆధీనంలోంచి దూరం అవుతారు..వారి ఆధీనంలో కి మీరు వెళ్తారు.

   ఉదా *కౌరవులు.*

2. నువ్వు ఎంత బలవంతుడు అయినా,ఎంత శక్తివంతమైన ఆయుధాలు కలిగి ఉన్నప్పటికీ..ఎన్నో నైపుణ్యాలు కలిగినప్పటికీ.. వాటిని అధర్మం కోసం వినియోగిస్తే..అవి నిరుపయోగమవుతాయి.

  ఉదా: *కర్ణుడు*

 

3 యోగ్యత తెలుసుకోకుండా పుత్ర వాత్సల్యం తో అనర్హునికి అపారమైన జ్ఞానాన్ని అందిస్తే వినాశం జరుగుతుంది.

 ఉదా.. *అశ్వత్థామ*.

 4. పాత్ర తెలుసుకోకుండా విచక్షణా రహితంగా హామీలు ఇస్తే వారికి జీవితాంతం లోబడి బానిస గా చేతులు ముడుచుకొని శక్తిసామర్థ్యాలు ఉన్నప్పటికీ నిర్వీర్యుడై బ్రతకవలసి వస్తుంది.

  ఉదా-- *భీష్ముడు.*

5.సంపద, శక్తి, అధికారం మరియు తనను బలపరిచే వారి సమస్తము  దురహంకారం తో అధర్మం గా వినియోగిస్తే వినాశం జరుగుతుంది.

ఉదా.. *దుర్యోధనుడు*

6.స్వార్ధపరుడు, రాగద్వేషాలు గలవాడు,గర్విష్టి, జ్ఞానం కలిగిన వాడు అయినా తనవారి పట్ల వల్లమాలిన అభిమానం గల అంధునికి రాజ్యాధికారం ఇస్తే వినాశం జరుగుతుంది.

  ఉదా:- *ధృతరాష్ట్రుడు*

 

 7. తెలివితేటలకి ధర్మం, సుజ్ఞానం తోడైతే విజయం తప్పక లభిస్తుంది.

 ఉదా: *అర్జునుడు*.

8. మోసం,కపటం, జిత్తులమారి ఆలోచనలు అన్ని వేళలా చెల్లవు. 

  ఉదా: *శకుని*

9. నీవు నైతిక విలువలు పాటిస్తూ, సక్రమ మార్గంలో ప్రయాణం చేస్తూ నీ ధర్మం నువ్వు చేస్తూ ఉంటే ఏ శక్తీ నీకు హానిచేయదు.

     ఉదా.. *యుధిష్ఠిరుడు*

     

 *సర్వే జనాః సుఖినోభవంతు.*

Panchaag

 

విష్ణు సహస్రనామం

 విష్ణు సహస్రనామం ఎలా వచ్చింది🙏🏵️🙏

భీష్మపితామహుడు విష్ణు సహస్రనామం పలుకుతున్నప్పుడు అందరూ శ్రద్ధగా విన్నారు. కృష్ణుడు, ధర్మరాజుతో సహా, కాని ఎవరూ రాసుకోలేదు. మరి మనకెలా అందింది ఈ అద్భుతమైన విష్ణు సహస్రనామం?

అది 1940వ సంవత్సరం. శ్రీ శ్రీ శ్రీ మహాపెరియవా కంచి పరమచార్య చంద్రశేఖరేంద్ర సరస్వతి మహాస్వామి వారిని ఒక వ్యక్తి ఇంటర్‌వ్యూ చేయడానికి టేప్ రికార్డర్‌తో వచ్చాడు. ఆ టేప్ రికార్డర్‌ చూసి స్వామి వారు ఆ వ్యక్తిని అక్కడున్న వారినందిరినీ ఉద్దేశించి, "ప్రపంచంలో అతి పురాతన టేప్ రికార్డర్‌ ఏది?" అని అడిగారు.

ఎవరూ సమాధానం చెప్పలేక పోయారు. మళ్ళీ స్వామివారు, "విష్ణు సహస్రనామం మనకెలా వచ్చింది?" అని అడిగారు

ఒకరన్నారు, "భీష్ముడందించారన్నారు"

స్వామివారు, "భీష్ముడు విష్ణు సహస్రనామం పలుకుతున్నప్పుడు ఎవరు వ్రాసుకున్నారు?"

మళ్ళీ నిశబ్దం.

స్వామివారు చెప్పడం మొదలుపెట్టారు. భీష్ముడు సహస్రనామాలతో కృష్ణుడిని స్తుతిస్తున్నప్పుడు, కృష్ణుడు, పాండవులు, వ్యాస మహర్షితో సహా అందరూ అత్యంత శ్రద్ధగా వినడం మెదలుపెట్టారు. ఎవరూ వ్రాసుకోలేదు.

అప్పుడు యుధిష్టురుడన్నాడు, "ఈ వేయి నామాలని మనమంతా విన్నాము కాని మనమెవరం వ్రాసుకోలేదు. ఇపుడెలా కృష్ణా" అని.

"అవును కృష్ణా ఇప్పుడెలా! ఆ సహస్రనామాలు మాకందరికీ కావాలి" అని అందరూ కృష్ణుడిని వేడుకున్నారు.

శ్రీ కృష్ణుడన్నాడు. "అది కేవలం సహదేవుడు, వ్యాసుడి వల్లనే అవుతుంది" అని చెప్పాడు.

"అదెలా" అని అందరూ అడిగారు.

శ్రీ కృష్ణుడు చెప్పాడు, "మనందరిలో సహదేవుడొక్కడే సూత స్పటికం వేసుకున్నాడు. ఈ స్పటికం మహేశ్వర స్వరూపం. దీని ప్రత్యేకతేంటంటే వాతావరణంలోని శబ్ద తరంగాలని గ్రహించి తనలో దాచుకుంటుంది. సహదేవుడు శివుడిని ధ్యానించి ప్రార్ధిస్తే ఈ స్పటికంలోని సహస్రనామ శబ్ద తరంగాలని వెనక్కి రప్పించి (రిప్లే) వ్యాస మహర్షితో వ్రాయించమని కృష్ణుడు సలహా ఇచ్చాడు.

శ్రీ కృష్ణుడి ఆజ్ఞ మేరకు, ఆ సహస్రనామ శబ్ద తరంగాలు వచ్చిన చోట అనగా భీష్ముడికి అతి సమీపంలో సహదేవుడు, వ్యాసమహర్షి కూర్చుని, ఆ సహస్రనామ శబ్ద తరంగాలు రిప్లే అవుతూంటే వ్యస మహర్షి వ్రాసిపెట్టాడు.ఆ విధంగా మనకు మొట్టమొదటి టేప్ రికర్డర్ శివస్వరూప స్పటికం ద్వార మనకి విష్ణు సహస్రనామం అందిందని మహాస్వామి వారు సెలవిచ్చారు.

అపార కరుణాసింధుం జ్ఞానదం శాంతరూపిణం

 శ్రీ చంద్రశేఖర గురుం ప్రణమామి ముదావహం ।

విష్ణుం నారాయణం కృష్ణం మాధవం మధుసూధానం ||

హరిం నరహరరిం రామం గోవిందం దధివామనం ||

A Collection from 

Admin 

Brahmana Samaakhya

మొటిమల నివారణ

 మొటిమల నివారణ కొరకు  - 

      వేపాకులు , స్వచ్చమైన పసుపు , పాలు , సెనగపిండి వీటిని సమబాగాలుగా నూరి పేస్ట్ లా చేసి దానిని ముఖానికి ఒత్తుగా పట్టించి ఆరిన తరువాత గొరువెచ్చని నీటితో కడుగుతూ ఉంటే మొటిమలు నివారించును.

 గమనిక - మగవారు కేవలం మొటిమల పైన మాత్రమే రాయవలెను.

  

       ఆయుర్వేదములోని ఎన్నొ రహస్య మూలికల అనుభవ యోగాల గురించి నా గ్రంథాల యందు సంపూర్ణముగా , అందరికి అర్థమయ్యే సులభ భాషలో వివరించాను . వాటిని చదివి మరింత విజ్ఞానాన్ని పొందగలరు . 

  

 గమనిక  -

      నేను రాసిన " ప్రాచీన ఆయుర్వేద ఔషధాలు " మరియు " ఆయుర్వేద మూలికా రహస్యాలు " రెండు గ్రంథాలలో ఎన్నొ రహస్య చిట్కాలు , మా కుటుంబపరంగా  గత 250 సంవత్సరాల నుంచి మా పెద్దవారు మాకు అందించిన ఎంతో అనుభవసారాన్ని ఈ గ్రంథాలలో అందరి అర్థం అయ్యే విధంగా సామాన్య బాషలో వివరించాను. ఇంట్లో ఉండి మరియు అందుబాటులో ఉన్న వాటితోనే పెద్ద పెద్ద రోగాలు నయం చేసుకునే విధంగా అత్యంత సులభయోగాలు మన ప్రాచీన భారతీయులు రచించిన చెట్లను బట్టి భూమిలో నీటిని కనుక్కునే విధానాలు , వృక్షాలకు ఆయుర్వేద మూలికల ఉపయోగించి దిగుబడి పెంచే వృక్షాయుర్వేద చిట్కాలు , రైతులకు ఉపయోగపడే విధంగా ఏయే నక్షత్రాలలో పంటలు వేస్తే ఫలితాల ఎక్కువుగా ఉంటాయో తిథి, నక్షత్ర, వారాలతో సహా ఇవ్వడం జరిగింది. ఆయుర్వేదం నేర్చుకోవాలి అనుకునేవారికి ఇది మంచి దిక్సూచిలా ఉపయోగపడును. 

            నా మూడొవ గ్రంథము నందు 50 రకాల మొక్కల గురించి అత్యంత విపులంగా ఇవ్వడం జరిగింది . ఈ మొక్కలన్నియు ప్రతి ఒక్కరికి తెలిసినవి మరియు మన ఇంటి చుట్టుపక్కల ఉన్నటువంటివే . ఈ గ్రంధములలో మీకు లభ్యమయ్యే సమాచారం మరే గ్రంథములలో లభ్యం అవ్వదని చెప్పగలను . మొక్కలను సులభముగా గుర్తించుటకు రంగుల చిత్రములు కూడా ఇవ్వడం జరిగినది . ఏయే జబ్బులకు ఎటువంటి ఆహారపదార్థాలు తీసుకోవలెనో , తీసుకోకూడదో కూడా సంపూర్ణముగా మీకు ఇందులో లభ్యం అగును . ఔషధాలు మరియు తీసుకోవాల్సిన ఆహారవిహారాలు  ఒకేదగ్గర లభ్యం అగును . 

   ప్రాచీన ఆయుర్వేద ఔషధాలు గ్రంథము 288 పేజీలతో ఉండును . దీని విలువ 400 రూపాయలు , ఆయుర్వేద మూలికా రహస్యాలు గ్రంథము 384 పేజీలతో ఉండి 500 రూపాయలు , సర్వమూలికా చింతామణి గ్రంథము 352 పేజీలతో ఉండును . దీని విలువ 550 రూపాయలు . అందరికి అర్ధమయ్యేలా సులభ బాషలో ఉండును. గ్రాంథిక భాష ఉపయోగించలేదు . 

                ఈ గ్రంథములు కావలసిన వారు  9885030034 నంబర్ కు Phonepay or Googlepay or Paytm కు డబ్బు పంపించి ఇదే నంబర్ కు Whatsup నందు screenshot పెట్టి మీ పూర్తి Adreass ఇవ్వగలరు . కొరియర్ చార్జీ 100 రూపాయలు అదనం .

      ఈ గ్రంథాలు కావలసినవారు క్రింద ఇచ్చిన నంబర్ కి ఫోన్ చేయగలరు .

     కాళహస్తి వేంకటేశ్వరరావు  

 అనువంశిక ఆయుర్వేద వైద్యులు 

         9885030034

కర్ణుడు కనక స్వార్థపరుడు అయితే

 6 అనే సంఖ్యను నా వైపు నుండి చూస్తే.. 6 లాగా ..మీ వైపు నుండి చూస్తే 9 లాగా కనపడుతుంది ..

మన ఇద్దరిలో ఎవరు కరెక్ట్ అంటే ఎవరైనా ఏమ్ చెప్పగలరు ... ఇద్దరూ కరక్టే అని చెప్తారు...

ధర్మరాజు కి అస్త్ర శస్త్రాలలో నైపుణ్యం తక్కువ ..

భీముడు కేవలం గదా యుద్ధంలో మాత్రమే నైపుణ్యం కలవాడు ...

నకుల సహదేవులలో ఒకరు అశ్వ శాస్త్రం లో నిపుణుడు .. మరొకరు. కత్తి యుద్ధంలో నైపుణ్యుడు... 

కేవలం అర్జునుడు మాత్రమే విలు విద్యలో నైపుణ్యం కలవాడు ...

మాలో ఏ ఒక్కరితో అయినా సరే యుద్ధం చేసి గెలవమని చెప్పినప్పుడు.. 

కర్ణుడు అర్జునుడిని కాక వేరెవ్వరిని ఎన్నుకున్నా ..అది న్యాయం కాదు ...

అలాగే ..కర్ణుడు కౌరవుల పక్షం వీడి ..పాండవుల పక్షానికి వస్తె మహారాజుని చేస్తా అని కూడా కృష్ణుడు చెప్పినట్లు ..మనం చదువుకున్నాము...

కర్ణుడు కనక స్వార్థపరుడు అయితే.. పాండవుల పక్షానికి వెళ్ళేవాడు కదా !!  .. 

..

🙏🙏🙏

శ్రీరాముణ్ణి అందరూ అనుసరించాలి*

 *శ్రీరాముణ్ణి అందరూ అనుసరించాలి* 

ప్రతి ఒక్కరూ సుఖదుఃఖాలను సమంగా చూడగలిగిన దృష్టిని అలవరచుకోవాలి. కానీ మనం ఈవిధంగా ప్రవర్తించం. ఆనందం వచ్చినప్పుడు మనల్ని మనమే మర్చిపోతాం. దుఃఖం వచ్చినప్పుడు క్రుంగిపోతాం. అలా కాకుండా మనం శ్రీరాముణ్ణి అనుకరించడానికి ప్రయత్నించాలి. 

*"నిన్ను రేపు చతుస్సాగర పర్యంతమైన భూమండలానికి రాజుగా చేస్తాను"* అని శ్రీరామునితో దశరథుడు చెప్పినప్పుడు ఆయన *'సరే'* అన్నాడు. అదే దశరథుడు మరునాడు పిలిచి *"నువ్వు అన్నీ విడిచి అరణ్యానికి వెళ్ళాలి"* అని చెపితే కూడ వెనుకటి వలెనే *"సరే"* అన్నాడు. రాజ్యాభిషిక్తుణ్ణి చేస్తాను అన్నప్పుడు ఆనందం  పరవశుడై పోలేదు. అరణ్యానికి వెళ్ళమన్నప్పుడు దుఃఖాక్రాంతుడైపోలేదు.

ధర్మమార్గంలో ఉన్నవానికి తిర్యగ్జంతువులుకూడ సహాయం చేస్తాయి. తిర్యజ్గంతువుల మాట అటుంచి సోదరుడు కూడా దుర్మార్గుణ్ణి విడిచి వేస్తాడు.

" *యాంతి న్యాయ ప్రవృత్తస్య తిర్యంచోపి సహాయతామ్ |* 

 *అపంథానం తు గచ్చంతం సోదరోపి విముంచతి ||* 

రామాయణంలో వర్ణించిన రామరావణుల చరిత్ర ఈ విషయాన్ని స్పష్టీకరిస్తుంది. శ్రీరాముడు ఎల్లప్పుడూ ధర్మమార్గాన్ని అనుసరించాడు. కలలో కూడ అధర్మం వైపు చూడలేదు. *"ధర్మమే రాముని రూపంలో అవతరించింది"* అని వాల్మీకి వర్ణించాడు.

ఇందుకు విరుద్ధంగా రావణుడున్నాడు. అతడు మూర్తీభవించిన అధర్మం. ఒకప్పుడు విశ్వామిత్రుడు యాగం చేశాడు. దానివల్ల రావణునికి కలిగే నష్టం ఏదీ లేదు. అయినా ఈ యాగం జరగడం అతనికి ఇష్టం లేదు. అందుచేత దానికి విఘ్నం కలిగించమని వెప్పి మారీచ సుబాహుల్ని పంపాడు. అదే విధంగా దండకారణ్యంలో ఉండే మునులందరికీ అతడు చాలా కష్టాలు కలిగించాడు. ఇవన్నీ రామాయణం చదివిన వాళ్ళందరికీ తెలిసినవే. అతడు చేసిన చాలా చెడ్డపని ఏమనగా శ్రీమహాలక్ష్మీ అవతారమూ, మహా పతివ్రతా అయినా సీతా దేవిని అపహరించడం. అలాంటప్పుడు వాని సాక్షాత్సోదరుడే అయిన విభీషణుడు కూడా వానిని విడిచి పెట్టేశాడంటే ఆశ్చర్యం ఏముంది? రావణుణ్ణి అధర్మ మార్గం నుండి  తప్పించడానికి విభీషణుడు ఎంతగానో ప్రయత్నించాడు. ఎంత చెప్పినా ప్రయోజనం లేదని గ్రహించిన తరువాత *"ఏది జరగాలో  అది జరుగుతుంది. అయితే నేను మాత్రం నీవు అవలంబించిన అధర్మమార్గంలో నీకు అండగా ఉండలేను"* అని రావణునితో చెప్పి రావణుని వదిలి వేసాడు. తరువాత రాముని ఆశ్రయించి ఆయన కృపకు పాత్రుడయినాడు.

-- *జగద్గురు శ్రీశ్రీశ్రీ భారతీతీర్థ మహాస్వామి వారు*

విజయం

         *విజయం అంటే ఏమిటి?*

                  ➖➖➖✍️

```

మన దేశం నుండి    ఒక ప్రొఫెసర్ అమెరికా వెళ్లారు. అక్కడ ఒక కాలేజీ     లో విద్యార్థులతో మాట్లాడుతూ...    “విజయం అంటే ఏమిటి?” అని అడిగితే ఒక యువతి “విజయం అంటే దండిగా డబ్బు సంపాదించడం!”అన్నది.

అపుడు ఆ ప్రొఫెసర్ “అయితే ఇరవై ఏళ్ళక్రితం ప్రపంచంలో అత్యంత ధనవంతుడు ఎవరో చెప్పండి?” అంటే ఎవరూ చెప్పలేదు.

[ఎందుకటే ప్రతి ఏడాదికీ అది మారిపోతూవుంటుంది కాబట్టి]

బ్రతకడానికి కొంత డబ్బు కావాలి కానీ, డబ్బే బ్రతుకు కాదు!                అంటే విజయమంటే డబ్బు సంపాదన కాదు అన్నమాట.

   

మరో యువకుడు లేచి “విజయం అంటే బలం/శక్తి”  అన్నాడు.

అలా అయితే అలెగ్జాండర్, నెపోలియన్, ముస్సొలిని, హిట్లర్, స్టాలిన్, బిన్ లాడెన్ ... వీళ్ళంతా బలవంతులు, ప్రపంచాన్ని గెలవాలని అనుకొన్నవారే కదా, వీళ్ళు జీవితం లో సంతోషంగా వుండగలిగారా?  వీళ్ళ జీవితాలు ఎలా గడిచి, ముగిశాయో చరిత్ర చెపుతున్నది కదా ! తన బలంతో, తన ముష్టిఘాతాలతో మహా బలవంతులను మట్టికరిపించిన మహమ్మద్ అలీ అనే ప్రపంచ చాంపియన్ బాక్సర్, తరువాత కొన్నేళ్ళకు పార్కిన్ సన్ వ్యాధి వల్ల  కాఫీకప్పును కూడా పట్టుకోలేక పోయాడు. అయితే విజయమంటే బలం/శక్తి సంపాదన కాదు అన్నమాట.

మరో యువతి “విజయమంటే ప్రఖ్యాతి, అందం!” అంది. 

“అయితే కేట్ మోస్, జీన్ ష్రింప్టన్, సోఫియాలారెన్, మార్లిన్ మన్రో ... లాంటి అతిలోక సౌందర్యవతుల జీవితాలు ఎంత బాధాకరంగా వుండేవో చాలామందికి తెలియదు.  భారత్ విషయానికొస్తే, పర్విన్ బాబీ అనే ఒక హిందీ హీరోయిన్ వుండేది. ఆమె ఎంత అందగత్తే అంటే, అమితాబ్ బచ్చన్ తో సహా, ఆమెను పెళ్ళి చేసుకోవాలి అని అనుకొనని హిందీ సినిమా హీరో నే లేడు. డానీ, కబీర్ బేడీ, మహేష్ భట్ లతో ఆమె ప్రేమ, పెళ్ళి నడిచి అవన్నీ విఫమయ్యాయి. ధర్మేంద్ర, రాజేష్ ఖన్నా, అమితాబ్ బచ్చన్.. ఇలా అందరూ ఆమె వెంట పడ్డవారే. కొద్దిరోజులకు ఆమెకు జీవితం అంటే శూన్యం అని తెలిసిపోయి, నమ్మిన వాళ్ళు మోసం చేస్తే, తాగుడుకు బానిస అయ్యి, ఒక దశలో కాలికి కురుపు లేచి, అది ఒళ్ళంతా ప్రాకి, ఏ శరీరం కోసం అయితే అంతమంది మగ వాళ్ళు పిచ్చిక్కెపోయారో, అదే శరీరమే కంపు వాసన కొడుతూవుంటే, ఆమెకు ఏదో వింతవ్యాధి వచ్చిందని, జనం ఆమెను తాళ్ళతో కట్టి, ముంబాయి వీధుల్లో లాగుకొంటూ తీసుకెళ్ళి ఆమె ఇంట్లో పడేస్తే ఆఖరుకు పక్కింటి వాళ్ళు ఆమె ఇంట్లోనుండి భరించలేనంత కంపు వస్తోందని కంప్లైంట్ చేస్తే, కార్పొరేషన్ వాళ్ళు వచ్చి 3 రోజులక్రితమే చనిపోయిన ఆమెను చూసి తీసుకెళ్ళి పూడ్చేసారు. అయితే అందం, ప్రఖ్యాతి అనేవి విజయం కావన్నమాట!

మరోసారి మరొకరు “విజయమంటే అధికారం” అని అన్నారు.

”అయితే కాగితం మీద ఈ దేశాన్ని పాలించిన ప్రధానమంత్రుల పేర్లు అన్నీ వ్రాయండి!” అని అంటే వున్న 50 మందిలో 39 మంది అందరు ప్రధానుల పేర్లూ వ్రాయలేకపోయారు.

మా అనంతపురంలో  ఒకప్పుడు రాష్ట్రపతి గా వెలిగిన సంజీవరెడ్డి గారి ఇంటిదగ్గర ఇపుడు పిచ్చిమొక్కలు పెరుగుతున్నాయి, పందులు దొర్లుతున్నాయి. విజయం అంటే అధికారం కాదు అన్న మాట.

చివరగా ఆదే ప్రొఫెసర్ భారత్ లో మరో యూనివర్సిటీ లో యువతీ యువకులను ఇదే ప్రశ్న వేసారు  - “విజయం అంటే ఏమిటి?”  అందరూ మౌనంగా వుంటే అపుడు ఆయన అన్నారు, “మీ అవ్వ తాతల పేర్లు మీకు తెలుసా?” అందరూ 'తెలుసు’ అన్నారు. “వాళ్ళ అవ్వ, తాతల పేర్లు తెలుసా?” అని అడిగితే అయిదారుమంది “తెలుసు” అన్నారు. “వాళ్ళ అవ్వ తాతల పేర్లు తెలుసా?”

‘తెలియదు’ అన్నారు.

అపుడు ప్రొఫెసర్ గారు “శ్రీరాముడు, శ్రీకృష్ణుడు, బుద్ధుడు, ఆదిశంకరుడు, అందరూ?”

”ఓ, తెలుసు!” అని ముక్తకంఠం తో బదులిచ్చారు.

”మీకు మీ స్వంత అవ్వ తాతలు గుర్తుకులేరు కానీ మీరు ఎన్నడూ చూడని వీళ్లంతా ఎలా గుర్తుకున్నారు?”అని అడిగినపుడు పద్మిని అనే ఒక యువతి, ప్రొఫెసర్ గారు అంతదాకా చేసిన గొప్ప ఉపన్యాసానికి చాలా ఎమోషనల్ అయ్యి కళ్లలో నీరు తిరుగుతుండగా ఇలా అంది : “సార్, మీ ప్రశ్నకు నేను జవాబు చెపుతాను. మాకు మా పూర్వీకుల పేర్లు తెలియకపోవడం, రాముడు, కృష్ణుడు, బుద్ధుడి పేర్లు ఇంకా గుర్తువుండటానికి కారణం ఇదే... తమ కోసం కాకుండా సమాజ హితం కోసం తపించిన ఋషులు, మునులు చిరంజీవులైనారు.

తమ కోసం, తమ కుటుంబం కోసం మాత్రమే జీవించేవారిని ఈ లోకం మరచిపోతుంది, ఇతరులకోసం జీవించేవారిని ఈ లోకం ఎప్పటికీ గుర్తుకుపెట్టుకొనేవుంటుంది. ఇదే విజయం అంటే!”

”నా గురించి నేను దుఃఖించక పోవడమే నా ఆనందానికి కారణం!” అని 2600 ఏళ్ళ క్రితం బుద్ధుడు చెప్పిన మాట, “ఇతరులకోసం జీవించేవారే నిజంగా జీవించినట్టు, అలా చేయని ఇతరులు జీవించివున్నా మరణించినట్టే లెక్క” [Only they live who live for others, the others are more dead than alive]  అని వివేకానంద 1896 లో అన్న మాట ఇదే కదా.✍️```

                               ….సేకరణ.

.          *సర్వం శ్రీకృష్ణార్పణమస్తు*

                       🌷🙏🌷

  🙏లోకా సమస్తా సుఖినోభవన్తు!🙏

పరమేశ్వర ఆరాధన !

పరమేశ్వర ఆరాధన !        

             చ:  ఉనికి  శిలోచ్చయంబు , నిజయోష  శిలోచ్చయరాజ  పుత్రి ,  నీ

                   ధనువు  శిలోచ్చయంబు , పురదాహ!  రథీకృత రత్నగర్భ !  నీ 

                    మనమున  కీ  శిలాశకల  మండలమెట్లు  ప్రియంబు  సేసె?  నే

                    మనగలవాడ  నిన్ను?  వ్రతహానియొనర్చు  దురాత్ముఁడుండగన్.

                     శ్రీ కాళ హస్తీశ్వర మాహాత్మ్యము--2--ఆ :  122పద్యం:  ధూర్జటి  మహాకవి! 

                అర్ధములు:  శిలోచ్చయము-- రాళ్ళసముదాయం-పర్వతం;  నిజయోష-- భార్య ;  పురదాహ--త్రిపురములను దహించినవాడా!  రథీకృత--రథముగా చేయబడిన; రత్నగర్భ-- భూమి; శిలాశకలములు--రాతిముక్కలు:  మండలము--సముదాయము; 

                    భావము;  త్రిపురములను దహించిన ఓపరమశివా! రత్నగర్భను రథముగా నెన్నుకొనినవాడా!  నీనివాసం  రాళ్ళగుట్ట(కొండ )నీభార్యయా పర్వత రాజపుత్రి ( ఒకపెద్ద బండరాయి కూతురు)  నీకు రాళ్ళకేమి కొదవయ్యా! నీపరివారమంతా రాళ్ళేకదా? అయినా నీకీ రాతిముక్కలెలా  ప్రియమయ్యాయి స్వామీ! నిన్నని పనేమిలే  నాపూజా వ్రత భంగకారకుడుండగా!

అని భావము. 

                           ఇదియొక  గొప్పపద్యము. నిందాస్తుతితో  పరమేశ్వరారాధనము  చేయుట. వినుటకిదినింద వలేగన్పించును గాని , నిజమున కిది పరమేశ్వర తత్వమను ప్రస్తుతించుటయే. 

                               హిమవత్పర్వతమాతని నివాసమని, పరమేశ్వరుడు  మనకందనంత స్థానంలో ఉంటాడనీ భక్తితో ఆరాధిస్తే  అతని సన్నిధికి చేరగలమని  సూచిమచటమే! పరివత రాకుమారిగా పార్వతిని పేర్కొనటం ప్రకృతి స్వరూపిణియని  చెప్పటమే! పర్వతములు

భూధహములట!- అంటే  భూభార వహన శక్తిగలవని యర్ధము. అట్టిపర్వతములకు శివుడు బంధువగుట పరోక్షముగా భూభారనిర్వహనమునకు తోడుపడుటయే.పర్వతరాజపుత్రి యతని భార్య యగుట ,సకల ప్రాణిసముదాయమునకు  మాతృరూపిణిగా సూచించుటయే!

                             రథీకృత  రత్నగర్భ!  యని సంబోధించటం  సమస్త రత్నములకు నెలవైన భూమి యతని సేవకి యని సూచిమచుట. దానివలన రత్నములకు లోటులేనివాడని  సూచించుట. ఇన్నియున్నవాడవే  నీకేని లోటని యాఱాతిముక్కల కాసపడితివని  పరనేశ్వరుని  నిలదీయుట. ఈపద్యమువందలి చమత్కారము.

                      ఇంతకు కథాపరముగా అక్కడ జరిగినదిది. కాళము --అనగా పాము  రత్నములతో  పూజించి వెడలిన వెనుక  హస్తి వచ్చింది. అది మృగమాయె  దానికేమితెలుసు.? అవి మణులని విలువైన రత్నములని.మణులుకూడ  రాళ్ళేయగుట  రాతిముక్కలవలె 

నది భావించినది. పరమేశ్వరుని పూలతోపూజించాలిగానీ  పనికిరాని రాళ్ళతోనా? అని బాధపడి  వానిని తొలగించి పూలతో ఆకులతో పూజించి వెడలిపోతుంది. 

                                  ఈవిధంగా ఈగ్రంధంలో మృగజాతుల ఆరాధనా విశేషాలను ధూర్జటిబహు రమ్యంగా వర్ణించాడు.

                 వ్యాజ స్తుత్యలంకారం  ఈపద్యంలో  ప్రధానంగా గమనింపదగినది.

                                                                               స్వస్తి!🙏🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

గౌరవాన్ని కలిగిస్తాయి*

 💎🌅  *_-|¦¦|శుభోదయమ్|¦¦|-_* 🌄🪔

🪔 *_𝕝𝕝ॐ𝕝𝕝 సుభాషితమ్ 𝕝𝕝卐𝕝𝕝_* 💎

          శ్లో𝕝𝕝 *విత్తం బంధుర్వయఃకర్మ*

               *విద్యా భవతి పంచమీ* |

               *ఏతాని మాన్యస్ధానాని*

              *గరీయో యద్యదుత్తరమ్* ||

                *--- మనుస్మృతి ---*

          తా𝕝𝕝 *న్యాయార్జిత ధనం, బంధుత్వం, వయస్సు, వంశాచారములనాచరించుట, విద్య అను ఈ ఐదు ఒకదాని కంటే మరోకటి మిక్కిలి గౌరవాన్ని కలిగిస్తాయి*

 ✍️🌷💐🌹🙏

*శ్రీ ఉగ్ర నరసింహస్వామి ఆలయం*

 🕉 *మన గుడి : నెం 394*

⚜ *కర్నాటక  : మద్దూరు - మండ్యా*

⚜ *శ్రీ   ఉగ్ర నరసింహస్వామి ఆలయం* 

⚜ *శ్రీ వరదరాజస్వామి (నేత్ర నారాయణ) ఆలయం*

💠 మద్దూరు కర్ణాటకలోని మాండ్య జిల్లాలో ఉన్న ఒక చిన్న పట్టణం. మద్దూరుకు వందల సంవత్సరాల చరిత్ర ఉంది మరియు అనేక మంది ప్రముఖ పాలకులు ఈ స్థలాన్ని సందర్శించి అనేక దేవాలయాలను నిర్మించారు.

🔆 మద్దూరు అనే పేరు ఎందుకు వచ్చింది?

💠 కొన్ని శతాబ్దాల క్రితం, పాళెగార్ల పాలనలో, ఆయుధాలు మరియు మందుగుండు సామగ్రి ఇక్కడ తయారు చేయబడింది మరియు నిల్వ చేయబడింది. 

అందుకే దీనిని మద్దూరు అని పిలుస్తారు. కన్నడలో 'మద్దు' అంటే గన్ పౌడర్. 

💠 శ్రీ ఉగ్ర నరసింహ ఆలయానికి కుడి వైపున ఉన్న మద్దూరమ్మ దేవి పేరు మీదుగా ఈ పట్టణానికి పేరు వచ్చిందని కొందరు అంటున్నారు. 

ఈ ఊరు మద్దూర్ మద్దూర్-వడకి కూడా బాగా ప్రసిద్ధి చెందింది.

 

💠 కదంబ ఋషి ఇక్కడ జలాలను పూజించి, తపస్సు చేసినందున ఈ నగరాన్ని 'కదంబ నది క్షేత్రం' అని కూడా పిలుస్తారు. 

హోయసల వంశానికి చెందిన రాజు విష్ణువర్ధనుడు ఈ నగరాన్ని శ్రీవైష్ణవ బ్రాహ్మణులకు బహుమతిగా ఇచ్చాడు.

కావేరి, శింసా, హేమావతి, వీరవైష్ణవి మరియు లోకపావని అనే ఐదు నదులకు మాండ్య నిలయంగా పరిగణించబడుతుంది. 

💠 పూర్వం, సోమవర్మ ఈ ప్రాంతాన్ని అగ్రహారంగా మార్చి ఇక్కడ కోటను నిర్మించినప్పుడు ఈ పట్టణాన్ని మండెవేము లేదా మండేయ అని పిలిచేవారు.

💠 కృతయుగంలో, ఒక ఋషి క్రూరమృగాలకు పవిత్రమైన పదమైన వేదాన్ని ఉచ్చరించడానికి ప్రయత్నించాడని నమ్ముతారు, అందుకే ఈ ప్రదేశాన్ని ముందుగా వేదారణ్య అని పిలిచేవారు. 

💠 ఈ స్వామి మూర్తిని భగవత్ రామానుజులు స్వయముగా ప్రతిష్ఠింపజేశారు.   

విష్ణుకుండిన మహరాజు ఈ ఆలయము నిర్మింపజేసెను.

ఇందు స్వామి 12 అడుగుల అతి ఎత్తైన రూపము.  

ఈ స్వామి మహిమను గురించి ఒక ఐతిహ్యము కలదు .

💠 విష్ణుకుండిన మహరాజు తల్లికి వృద్ధాప్యములో కనులు కనపడకుండా పోవుటచే రామానుజులను ప్రార్ధింప ఆమెను కంచి వరదరాజస్వామి దర్శనము చేయించ చేయమనెను . 

ఆమె అంతదూరము ప్రయాణము చేయలేక పోయినందున , రాజు కంచి వరదుని మూర్తిని చేసిన శిల్పుల చేతనే  అదే కొలతలతో మరొక  విగ్రహము చేయించి మద్దూరు కోటలో ప్రతిష్ఠింప  చేయగా రాజమాత తిరిగి దృష్టి పొందుటచే నేత్రనారాయణుడను పేరు పొందెను .

దీని కారణంగా ఇది కంచి కణ్వరదరాజ స్వామి అని, నేత్ర నారాయణస్వామి అని కూడా ప్రసిద్ధి చెందింది.   ఇది కాకుండా మరొక పురాతనమైన శ్రీ పట్టాభిరామ దేవాలయం కూడా ఉంది.

💠 నేత్ర సంబంధ వ్యాధులు కలవారు చూపు తిరిగి పొందుటకు ఈ స్వామిని  ప్రార్ధించెదరు.

💠 ఈ దేవాలయం.మహాభారతం, ద్వాపరయుగం కాలం నాటి ఆలయం.

ద్వాపర యుగంలో, పాండవులలో ఒకరైన అర్జునుడి పేరు మీద మద్దూరును అర్జునపురి అని పిలిచేవారు.

💠 ఒకసారి అర్జునుడు తన నరసింహ అవతారాన్ని చూపించమని శ్రీకృష్ణుడిని అభ్యర్థించాడు;  

ఆ ఉగ్రరూపాన్ని చూపడం సాధ్యం కాదని కృష్ణుడు అర్జునుడికి సమాధానం చెప్పాడు.  బదులుగా అతను ఒక విగ్రహం రూపంలో దర్శనం పొందవచ్చు. 

 అందుచేత కృష్ణుడి కోరికపై బ్రహ్మ శ్రీ ఉగ్ర నరసింహుని చెక్కి అర్జునుడికి దర్శనం ఇచ్చాడు.  ఆ తర్వాత మద్దూరులో దేవత ప్రతిష్ఠించారు.  ఈ ఉగ్ర నరసింహ స్వామి విగ్రహం  ఈ గ్రహం మీద పూజించబడే నరసింహ భగవానుని అత్యంత క్రూరమైన రూపాలలో ఒకటి.

💠 నరసింహ స్వామికి ఎనిమిది చేతులు మరియు మూడు కళ్ళు ఉన్నాయి. 

 నరసింహ భగవానుడి కాళ్ళపై పడుకున్న హిరణ్యకశిపుని రెండు చేతులు చీల్చివేస్తున్నాయి;  రెండు చేతులు హిరణ్యకశిపుని పేగులను పట్టుకున్నాయి, అవి భగవంతుని అతీంద్రియ శరీరంపై మాలలా కనిపిస్తాయి;  ఇతర నాలుగు చేతులు భగవంతుని ఆయుధాలను పట్టుకుని ఉన్నాయి - సుదర్శన (చక్రం ), పాంచజన్య (శంఖం), పాశ & అంకుశ.  

స్వామికి కుడివైపున ప్రహ్లాదుడు, ఎడమవైపున గరుడదేవుడు వినయంగా నిలబడి స్వామిని ప్రార్థిస్తూ ఉంటారు.  

హిరణ్యకశిపుని చంపేటప్పుడు అతని మూడవ కన్ను ప్రత్యక్షమైంది.

💠 నది ఒడ్డున ఉన్న నరసింహ స్వామి దేవాలయాలు చాలా తక్కువగా ఉన్నాయని మరియు ఈ స్థలం  అటువంటి ప్రత్యేకతను కలిగి ఉందని పూజారి సూచించారు.

💠 మద్దూర్ బెంగుళూరు నుండి 80 కిలోమీటర్ల దూరంలో ఉంది .

జనులు స్వార్థపరులు.

 శ్లోకం:☝️

*కారణాత్ ప్రియతామేతి*

     *ద్వేష్యో భవతి కారణాత్ ।*

*అర్థార్థీ జీవలోకోఽయం*

      *న కశ్చిత్ కస్యచిత్ ప్రియః ।।*

భావం: ఒక వ్యక్తి కొన్ని కారణాల వల్ల (వారి వారి అవసరాన్ని బట్టి) ఇతరులచే ప్రేమించబడతాడు మరియు అతను కొన్ని కారణాల వల్ల ద్వేషింపబడతాడు. జనులు స్వార్థపరులు. ఎవరూ ఎవరిచేత ప్రేమించబడరు.

సకల దేవతలకును దేవుడు

 👆శ్లోకం

సురేశః శరణం శర్మ                             

విశ్వరేతాః ప్రజాభవః ।                        

అహస్సంవత్సరో వ్యాళః                      

ప్రత్యయః సర్వదర్శనః ॥

ప్రతిపతార్ధ:

సురేశః --- సకల దేవతలకును దేవుడు; దేవదేవుడు; భక్తుల కోర్కెలను తీర్చువారిలో అధిపుడు.      

శరణం --- తన్ను శరణు జొచ్చినవారిని రక్షించువాడు; ఆర్తత్రాణ పరాయణుడు; ముక్తుల నివాస స్థానము.

శర్మ --- సచ్చిదానంద స్వరూపుడు; మోక్షగాముల పరమపదము.

విశ్వరేతాః --- విశ్వమంతటికిని బీజము, మూల కారణము.

ప్రజాభవః --- సకల భూతముల ఆవిర్భావమునకు మూలమైనవాడు, జన్మకారకుడు.

అహః - ఎవరినీ ఎన్నడూ వీడనివాడు; పగటివలె ప్రకాశ స్వరూపుడై అజ్ఞానమును తొలగించి జ్ఞానోన్ముఖులను చేయువాడు; తన భక్తులను నాశనము కాకుండ కాపాడువాడు.

సంవత్సరః - భక్తులనుద్ధరించుటకై (వెలసి)యున్నవాడు; కాల స్వరూపుడు.

వ్యాళః - భక్తుల శరణాగతిని స్వీకరించి అనుగ్రహించువాడు; (సర్పము, ఏనుగు, పులి వంటివానివలె) పట్టుకొనుటకు వీలుగానివాడు (చేజిక్కనివాడు)

ప్రత్యయః --- ఆధారపడ దగినవాడు; విశ్వసింపదగినవాడు (ఆయనను నమ్ముకొనవచ్చును); ప్రజ్ఞకు మూలమైనవాడు.

సర్వదర్శనః --- తన కటాక్షపరిపూర్ణ వైభవమును భక్తులకు జూపువాడు; సమస్తమును చూచుచుండెడివాడు

పంచాంగం 31.07.2024

 ఈ రోజు పంచాంగం 31.07.2024 Wednesday.

స్వస్తి  శ్రీ చాన్ద్రమాన క్రోధి నామసంవత్సర: దక్షిణాయనం గ్రీష్మ ఋతు ఆషాఢ మాస కృష్ణ పక్ష ఏకాదశి తిధి సౌమ్య వాసర: రోహిణి నక్షత్రం ధ్రువ యోగ: బాలవ తదుపరి కౌలవ కరణం. ఇది ఈరోజు పంచాంగం.

ఏకాదశి మధ్యాహ్నం 03:58 వరకు.

రోహీణి పగలు 10:13 వరకు.

సూర్యోదయం : 05:59

సూర్యాస్తమయం : 06:46

వర్జ్యం : మధ్యాహ్నం 03:52 నుండి సాయంత్రం 05:29 వరకు.

దుర్ముహూర్తం : మధ్యాహ్నం 11:57 నుండి 12:48 వరకు.

అమృతఘడియలు : ఉదయం 07:03 నుండి 08:38 వరకు తిరిగి రాత్రి 01:33 నుండి 03:09 వరకు.

రాహుకాలం : మధ్యాహ్నం 12:00 నుండి 01:30 వరకు.

యమగండం: ఉదయం 07:30 నుండి 09:00 వరకు.

శుభోదయ:, నమస్కార:

26 ఏకాదశి పేర్లు

   కామిక ఏకాదశి కొరకు ధాన్యాల నుంచి ఉపవాసము..ఫలాలు, పాలు స్వీకరించవచ్చు.

మీకు వీలైనంత ఎక్కువగా భగవన్నామ స్మరణ, కుదిరిన వారు

మహా మంత్రజపము (వారి వారి ఉపదేశానుసారం/కుల దేవతా పూజాదికాలు) రామాయణ,భారత, భగవద్గీత, భాగవతము ఎక్కువ సమయము చదవగలరు.

ఉపవాసం చేసినా చేయకపోయినా, ఈ 26 ఏకాదశి పేర్లు ఖచ్చితంగా ఏకాదశి నాడు జపించండి.

26 ఏకాదశి నామములు :-

1 పాపమోచని ఏకాదశి

2.కామాదా  ఏకాదశి

3.వరూధిని ఏకాదశి

4.మోహినీ ఏకాదశి

5.అపర ఏకాదశి

6.పాండవ నిర్జల ఏకాదశి

7.యోగిని ఏకాదశి

8.శయన ఏకాదశి

9.కామిక ఏకాదశి

10.పవిత్రోపన ఏకాదశి

11.అన్నదా ఏకాదశి

12.పార్శ్వ ఏకాదశి

13.ఇందిరా ఏకాదశి

 14.పాశాంకుశ ఏకాదశి  

15. రమా ఏకాదశి  

16.ఉత్థాన ఏకాదశి              

17.ఉత్పన్న ఏకాదశి

18.మోక్షదా ఏకాదశి

19.సఫల ఏకాదశి 

20.పుత్రదా ఏకాదశి               

21.షట్తిల ఏకాదశి 

22.భైమి ఏకాదశి 

23.విజయ ఏకాదశి

24.ఆమలకి ఏకాదశి                       25.పరమ ఏకాదశి

26. పద్మిని ఏకాదశి

వాటి వాటి సమయానుసారం ఒక్కో నెలలో వచ్చే క్రమానుసారం వాటి పేర్లు సుస్పష్టంగా చదవి,భగవదనుగ్రహం పొందండి

🌹🌴🙏🪔🙏🌴🌹

కామిక ఏకాదశిగా .

 *_𝕝𝕝 ॐ 𝕝𝕝 31/07/2024 - కామిక ఏకాదశీ 𝕝𝕝 卐 𝕝𝕝_*

*≈≈≈❀┉┅━❀ 🕉️ ❀┉┅━❀≈≈≈*

ఆషాఢ మాసములో కృష్ణ పక్ష ఏకాదశిని  కామిక ఏకాదశిగా జరుపుకుంటారు.

ఈ ఏకాదశికి పేరుకు తగినట్లే మనసులోని కోరికలను సిద్ధింపచేసే శక్తి ఉందని భావిస్తారు. శ్రీ మహావిష్ణువు యోగనిద్రలోకి వెళ్లిన నాలుగు నెలల కాలంలో వచ్చే తొలి ఏకాదశి కావటంతో దీనిని విశేషంగా పరిగణిస్తారు. శ్రీహరిని ఆరాధించటం, తులసీ దళాలతో పూజ చేయటం, వెన్నను దానం చేయటం ఈ ఏకాదశి  ప్రత్యేకతలుగా చెప్పబడ్డాయి.

 

*_కామిక ఏకాదశి మహత్యం - వ్రత కథ_*

ధర్మవర్తనుడైన యుధిష్ఠిరుడు శ్రీకృష్ణున్ని " ఆషాఢ మాసములో కృష్ణ పక్షములో వచ్చే ఏకాదశి మహిమలను గురించి వివరించమని" కోరగా, దానికి ఆ వాసుదేవుడు సంతోషించినవాడై "ఓ రాజా! ఏకాదశి యొక్క మహిమలను వివరించటం కూడా పుణ్య కార్యమే, ఒకసారి నారద మునీంద్రుడు కమలముపై ఆసీనుడై ఉన్న తన తండ్రి బ్రహ్మ దేవుడిని ఇలా అడిగాడు. " ఆషాఢ కృష్ణ పక్షములో వచ్చే ఏకాదశిని గురించి వివరించండి. ఆ రోజునకు అధిదేవత ఎవరు, వ్రతమును ఆచరించవలసిన విధి విధానమును గురించి దయయుంచి తెలపండి" అని కోరాడు. 

 

దానికి బ్రహ్మ బదులిస్తూ " నా ప్రియమైన కుమారుడా! మానవాళి సంక్షేమం కోసం నీవు అడిగిన విషయములన్నీ వివరించెద. ఆషాఢ కృష్ణ పక్షములో వచ్చే ఏకాదశిని కామిక ఏకాదశి అంటారు. ఈ ఏకాదశి  మహిమ విన్నంతనే అశ్వమేధ యాగ ఫలం లభిస్తుంది. శంఖ, చక్ర గదాధరుడు, తామర పాదములు కలిగి ఉన్నవాడు, శ్రీధరుడు, హరి, విష్ణు, మాధవుడు మరియు మధుసూధనుడు అనే పేర్లతో పిలవబడేవాడు అయిన శ్రీ మహావిష్ణువును కామిక ఏకాదశి రోజు ఆరాధిస్తారు. 

 

కామిక ఏకాదశి రోజున శ్రీహరిని ఆరాధిస్తే వచ్చే పుణ్యఫలం కాశీలో గంగ స్నానం కన్నా, హిమాలయాలలో ఉండే కేదారనాథుని దర్శనం కన్నా, సూర్యగ్రహణ సమయంలో కురుక్షేత్రంలో ఆచరించే స్నానం కన్నా, సమస్త భూమండలాన్ని దానం చేసిన దానికన్నా, గురు గ్రహం సింహ రాశిలో ఉన్న పౌర్ణమి రోజు-సోమవారం, గోదావరి నదిలో పుణ్య స్నానం చేస్తే వచ్చే పుణ్యఫలం కన్నా ఎక్కువ. 

 

కామిక ఏకాదశి రోజు పాలు ఇచ్చే గోవును, దూడ మరియు గ్రాసములతో  కలిపి దానం చేయటం వలన సమస్త దేవతల ఆశీర్వాదం పొందుతారు. గతములో చేసిన పాపములకు భయపడేవారు, పాపమయమైన జీవితంలో కూరుకపోయినవారు ఏకాదశి వ్రతమాచరించి మోక్షమును పొందవచ్చు. ఏకాదశి రోజులు స్వచ్చమైనవి మరియు పాప విమోచనమునకు అనువైనవి. 

 

నారదా! ఒకసారి ఆ శ్రీహరియే స్వయంగా ఇలా అన్నాడు." కామిక ఏకాదశి రోజు ఉపవసించినవారు,సమస్త ఆధ్యాత్మిక సాహిత్యాలను అధ్యయనం చేసిన వారి కన్నా గొప్పవారు." ఈ రోజు రాత్రి ఆధ్యాత్మికంగా జాగరణం చేసిన వారు ఎప్పుడూ యమధర్మరాజు కోపానికి గురికారు. ఈ వ్రతం ఆచరించిన వారు భవిష్యత్తులో మళ్ళీ జన్మనెత్తే అవసరం ఉండక మోక్షమును పొందుతారు. కనుక ఈ ఏకాదశిని ప్రత్యేక శ్రద్ధతో ఆచరించాలి. కామిక ఏకాదశి రోజున తులసి ఆకులతో విష్ణువును ఆరాధించేవారు, అన్ని పాపముల నుండి విముక్తి పొందుతారు. తామరాకును నీటి బొట్టు అంటనట్లే వారిని కూడా పాపము అంటదు. 

 

ఒక్క తులసి ఆకుతో ఆరాధించటం వలన వచ్చే పుణ్యము, బంగారం, వెండి దానం చేస్తే వచ్చే దాని కన్నా ఎక్కువ. తులసి ఆకుతో ఆరాధిస్తే శ్రీహరి, ముత్యాలు, కెంపులు, పుష్పరాగములు, వజ్రాలు, నీలం మరియు గోమధికములతో పూజించినదానికన్నా ఎక్కువ సంతోషిస్తాడు. లేత తులసి ఆకులతో చేసే ఆరాధన గత జన్మ పాపాలను కూడా తొలగించివేస్తుంది. 

కామిక ఏకాదశి రోజున తులసి మొక్కను ఆరాధిస్తే కూడా పాపములు తొలగిపోతాయి. తులసిని నేతి దీపంతో ఆరాధించే వాళ్ల పాపములను చిత్రగుప్తుడు లెక్కలోకి తీసుకోడు. ఈ రోజున శ్రీకృష్ణుని నువ్వుల మరియు నేతి దీపములతో ఆరాధిస్తారో, వారు శాశ్వతముగా సూర్యలోకములో నివసించే అర్హత కలిగి ఉంటారు. కామిక ఏకాదశికి బ్రహ్మ హత్యా పాతకాన్ని, భ్రూణ హత్యా పాపమును కూడా తొలగించే శక్తి ఉంది. " అని బ్రహ్మ నారదునితో చెప్పినట్లుగా" శ్రీకృష్ణుడు ధర్మరాజు తో చెప్పెను.

*_𝕝𝕝 ॐ 𝕝𝕝 శ్రీమన్నారాయణాయ చరణౌ శరణం ప్రపద్యే 𝕝𝕝 卐 𝕝𝕝_*

*_𝕝𝕝 లోకాస్సమస్తాః సుఖినో భవన్తు 𝕝𝕝_*

*_𝕝𝕝 శుభమస్తు 𝕝𝕝_*

Panchang

 

మిత్రోత్సాహము

 : మిత్రోత్సాహము జనులకు

మిత్రత్వము జూపినపుడు మేలొనరించున్

మైత్రీ బంధము నుండినఁ

శత్రువు లను పారద్రోలి సాంత్వన నిచ్చున్:

 ఉతికెడిది పట్టు చీరట

ఉతికించెడిది మరి నా మనోహరి యట నే

నుతికిన నిర్మల మగునట

ఉతికెద వేరొండు చీర నుతకగ నేలా

రచన:శనగల చంద్రశేఖర్

(పోతన గారి ప్రసిద్ధ పద్యానికి పేరడి పద్యం సరదాగా రాసినది. క్షమించండి )

😊😊😊😊😊

 *దత్తపది* 

*తే.గీ.* 

*పాలు* మీగడ తియ్యని పద్యరచన!

*వెన్న* పూసగ మెత్తని విలువ లందె!

*జున్ను* ముక్కల భావము జుఱ్ఱుకొనగ!

*మీగడ* తరకల మధురిమ వేగమందె!

కృషితో నాస్తి దుర్భిక్షం

 

13 సెప్టెంబర్ 2015

కృషితో నాస్తి దుర్భిక్షం

!!

కృషితో నాస్తి దుర్భిక్షం! జపతో నాస్తి పాతకః! మౌనేన కలహో నాస్తి! నాస్తి జాగరతో భయః!!

కృషి(వ్యవసాయము)చేయుచో కఱవుండదు; జపమొనర్చిన పాతకములు తొలగిపోవును; మౌనముగా నుండుచో పోట్లాటలు రావు; జాగరూకత వల్ల భయముండదు.

మన భారత దేశం మౌలికంగా వ్యవసాయాధారిత దేశం. అందుచేత వ్యవసాయం చేస్తే కఱవుండదని అన్నారు.కాని రాను రాను వ్యవసాయం గిట్టుబాటుగా లేకపోవడమే కాకుండా రైతు నష్టాలబారినపడి వ్యవసాయానికి క్రమక్రమంగా దూరమౌతున్నాడు.ఉచిత విద్యుత్తూ జలయజ్ఞం వగైరాలు అతణ్ని ఎంత వరకూ గట్టెక్కిస్తాయో వేచి చూడాల్సిందే.

మంగళవారం*🍁 🌹 *జూలై 30, 2024*🌹 *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐*

     🍁 *మంగళవారం*🍁

   🌹 *జూలై 30, 2024*🌹

      *దృగ్గణిత పంచాంగం*

                  

*స్వస్తి శ్రీ క్రోధినామ సంవత్సరం* 

*దక్షిణాయణం - గ్రీష్మ ఋతౌః*

*ఆషాఢమాసం - కృష్ణపక్షం*

*తిథి : దశమి* సా 04.44 వరకు ఉపరి *ఏకాదశి*

వారం :*మంగళవారం*(భౌమవాసరే)

*నక్షత్రం : కృత్తిక* ఉ 10.23 వరకు ఉపరి *రోహిణి*

*యోగం : వృద్ధి* మ 03.56 వరకు ఉపరి *ధ్రువ*

*కరణం : భద్ర* సా 04.44 *బవ* రా 04.17 తె వరకు

*సాధారణ శుభ సమయాలు*

*ఉ 09.30 - 01.00 సా 05.00 - 06.00*

అమృత కాలం :*ఉ 08.02 - 09.36*

అభిజిత్ కాలం :*ప 11.48 - 12.40*

*వర్జ్యం : రా 02.16 - 03.51*

*దుర్ముహుర్తం : ఉ 08.22 - 09.14 రా 11.07 - 11.52*

*రాహు కాలం : మ 03.27 - 05.03*

గుళిక కాలం :*మ 12.14 - 01.50*

యమ గండం :*ఉ 09.01 - 10.37*

సూర్యరాశి : *కర్కాటకం* 

చంద్రరాశి : *వృషభం*

సూర్యోదయం :*ఉ 05.48* 

సూర్యాస్తమయం :*సా 06.40*

*ప్రయాణశూల :‌ ఉత్తర దిక్కుకు*

*ప్రయాణం పనికిరాదు*

*వైదిక విషయాలు*

ప్రాతః కాలం :*ఉ 05.48 - 08.22*

సంగవ కాలం :*08.22 - 10.57*

మధ్యాహ్న కాలం :*10.57 - 01.31*

అపరాహ్న కాలం :*మ 01.31 - 04.06*

*ఆబ్ధికం తిధి: ఆషాఢ బహుళ దశమి*

సాయంకాలం :*సా 04.06 - 06.40*

ప్రదోష కాలం :*సా 06.40 - 08.54*

నిశీధి కాలం :*రా 11.52 - 12.36*

బ్రాహ్మీ ముహూర్తం :*తె 04.19 - 05.03*

______________________________

           🌹 *ప్రతినిత్యం*🌹

*_గోమాతను 🐄పూజించండి_* 

        *_గోమాతను 🐄 సంరక్షించండి_*

    ⚜️♦️ *శ్రీ ఆంజనేయం*

     *శిరసా నమామి*♦️⚜️

⚜️🚩శ్రీరామచంద్రుడు 

విజయానంతరం హనుమంతునితో...

♦️ఏకైకస్యోపకారాయ ప్రాణాన్ దాస్యామి హే కపే,

ప్రత్యహం క్రియమాణేన

శేషస్యఋణినావయమ్♦️

👉హనుమా... నీవు చేసిన ఒక్కొక్క ఉపకారమునకు 

నేను ప్రాణార్పణం చేసి

ఋణమున తీర్చుకొనువాడును. 

నిస్వార్ధంగా నీవు చేసిన సేవల 

ఋణమును నేనెట్లు తీర్చుకొనగలను? 

సదా నీకు ఋణపడియే యుందును..... అని భావం.

             🍁 *ఓం*🍁

🌹 *ఆంజనేయా నమః* 🌹

🍁🪷🌹🛕🌹🌷🪷🌷🍁

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><><>

          🌷 *సేకరణ*🌷

      🌹🌿🍁🍁🌿🌹

        *న్యాయపతి వేంకట*

       *లక్ష్మీ నరసింహా రావు*

      🌷🍃🍁🍁🍃🌷

 🌹🌷🍁🍁🍁🍁🌷🌹

సూక్ష్మంలో మోక్షం

 సూక్ష్మంలో మోక్షం... తప్పక చదవాల్సిందే..

తెల్లవారింది.నాకు ఐదు గంటలకే మెలకువ వచ్చింది లేచి చేసేది ఏముందని

అలాగే పడుకొని ఉన్నాను.మార్నింగ్ వాక్ కి

వెళ్ళాలి.కానీ బద్దకంగా అనిపించింది.

        మావారు బ్యాంక్ మేనేజర్ గా పనిచేసేవారు.ఆయన చనిపోయి రెండేళ్లు

అయింది.కొడుకు....కూతురు అమెరికాలో

స్థిర పడి పోయారు.నన్నూ అక్కడకు 

వచ్చేయమంటారు.కానీ నాకే ఇషష్టం లేదు 

ఆయన పోయాక నాకు

ఆసక్తి పోయింది.నిరాశ...నిస్పృహలతో

కాలం గడుపుతున్నాను.

     కాఫీ తాగాలి అనిపించింది.కానీ ఈ మధ్యన చక్కెర వ్యాధి రావడాన డాక్టర్స్ సలహా మేరకు కాఫీ మానేశాను.కాఫీ త్రాగడం ఎప్పటి అలవా టో!

       చిన్నగా నిట్టూర్చి పైకి లేచాను.బ్రష్

చేసుకొని వాకింగ్ కి బయలు దేరాను.కొంత సేపటికి జాగింగ్ చేస్తూ ఒక యువతి ఎదురు పడింది.వయసు పాతిక ఉంటుంది.

అందంగా...ఆరోగ్యంగా...అంతకు మించి చలాకీగా ఉంది.

        నన్ను చూడగానే "గుడ్ మానింగ్ ఆంటీ!" అని విష్ చేసింది.ఆ అమ్మాయి ఎవరో గుర్తు రాలేదు.

    ఇంటికి వెళ్ళాక కూడా ఆ అమ్మాయి ని 

గుర్తుకు తెచ్చుకునే ప్రయత్నం చేశాను.

కానీ గుర్తు రాలేదు.మరుసటి రోజు వాకింగ్ కి వెళ్ళినప్పుడు కూడా అదే చిరు నవ్వుతో

విష్ చేసింది.

       అలా వారం గడిచింది.ఒక రోజు తను నన్ను విష్ చేసినప్పుడు " సారీ అమ్మా!

నిన్ను గుర్తు పట్టలేక పోయాను!"అన్నాను.

      ఆ యువతి చిన్నగా నవ్వి " మన మధ్య పరిచయం ఉంటే కదా ఆంటీ!మీరు నన్ను గుర్తు పట్టడానికి" అన్నది.

      నేను ముఖం ప్రశ్నార్థకంగా పెట్టాను.

అప్పుడా అమ్మాయి" విష్ చేయడానికి పరిచయం ఎందుకు?" అన్నది.తన మాటకు

నేను నవ్వేసాను.నేను నవ్వి చాలా కాలం అయింది.ఆ విషయం మనసు గుర్తు చేసింది.

      " నీ పేరు?" అని అడిగాను."స్వప్న.మరి మీ పేరు?" అని అడిగింది."వకుళ" అని చెప్పాను.స్వప్న నన్ను దాటిపోతూ 

వెనక్కి తిరిగి "ఆంటీ! మీ నవ్వు చాలా బాగుంటుంది" అన్నది.నాకు మావారు గుర్తుకు వచ్చారు.ఆయన కూడా అదే మాట అనేవారు.గుండెలో సంతోషం పొంగింది.

    మధ్య మధ్యలో నాకు స్వప్న ఉత్సాహం...సంతోషం గుర్తుకు వస్తూ ఉండేవి.ఉత్తేజంగా అనిపించేది.

   ఒక రోజు "ఒక ఐదు నిముషాలు అలా కూర్చుని మాట్లాడుకుందాం" అన్నాను.

స్వప్న సరేనంది.ఇద్దరం అక్కడ ఉన్న సిమెంట్ బల్ల మీద కూర్చున్నాము.

     "నీకు పెళ్లి అయిందా?" అని అడిగాను.

"అయింది.ఒక బాబు...పాప" అంది స్వప్న.మాటల్లో మావారు పోయిన విషయం...మా పిల్లలు అమెరికాలో ఉన్న విషయం చెప్పాను.మావారు పోయినందుకు

సంతాపం తెలియ బరిచింది.

      కొద్ది క్షణాల తరువాత "ఇప్పుడు ఇంటికి

వెళ్లి బ్రేక్ ఫాస్ట్ ఏం చేస్తారు?" అని అడిగింది స్వప్న." బ్రెడ్" అని చెప్పాను.

"ప్రతి రోజూ అదేనా?" అని అడిగింది స్వప్న.

"ఒక్కదాన్నే గా!అందుకే!" అన్నాను.

      "ఒక్కరు కాబట్టే మంచి ఆహారం తీసుకోవాలి.మీ ఆరోగ్యం మీరు కాపాడు కోవాలి" అంది స్వప్న.కొంచెం సేపు ఆగి

తనే" మీవారు..పిల్లలు ఉన్నప్పుడు వాళ్లకు

ఇష్టం అయినవి చేసి పె ట్టి ఉంటారు.ఇప్పుడుమీకు ఇష్టమైనవి చేసుకు

తినండి" అన్నది.ఆ తరువాత మేం విడి 

పోయాము.

        ఇంటికి వెళ్ళిన తరువాత కూడా స్వప్న మాటలు తలపుకు వచ్చాయి.అందులోని వాస్తవం గుర్తించాను.చాలా కాలం తరువాత

నాకు ఇష్టమైన జీడిపప్పు ఉప్మా చేసుకు తిన్నాను.ఎందుకో మనసుకు తృప్తిగా అనిపించింది.

     మరుసటి రోజు కలిసినప్పుడు స్వప్నకి

జీడిపప్పు ఉప్మా గురించి చెప్పాను.ఎంతో సంతోషించింది."మంచి పని చేశారు" అని అభినందించింది.మాటల్లో జీవితం నిరాసక్తత

గా ఉన్నట్లు చెప్పాను.స్వప్న మౌనం వహించింది.

    నెల తరువాత ఒక రోజు    " వీలు చూసుకొని ఒకసారి మా ఇంటికి రా!" అని ఆహ్వానించాను.స్వప్న వచ్చే ముందు ఫోన్ చేసి వస్తాను" అని నా సెల్ నంబర్ తీసుకుంది.మా వారు పోయాక నేను

మా ఇంటికి ఆహ్వానించిన తొలి వ్యక్తి స్వప్న.

      సాయంత్రం నాలుగు గంటలకు  వస్తున్నట్లు స్వప్న ఫోన్ చేసింది.

నాకు సంతోషం అనిపించింది.

     తనకోసం కాఫీ చేసి ఫ్లాస్క్ 

లో పోసి ఉంచాను.చెప్పినట్లు సరిగ్గా   

నాలుగు గంటలకు స్కూటీ మీద వచ్చింది.

వస్తూ వస్తూ నాకోసం గులాబీ కుండీ  తెచ్చింది.

       "ఎందుకిది " అని అడిగాను."రోజూ దీనికి నీళ్లు పోస్తూ పూవు పూసే రోజు కోసం ఎదురు చూడండి!" అంది.

        స్వప్న సోఫాలో కూర్చుంది.కాఫీ అందించాను."మీరు తీసుకోరా?" అని అడిగింది."డయాబెటీస్.అందుకే ఇష్టమైనా

 తీసుకోవడం లేదు" అన్నాను.

        తను కిచెన్ లోకి వెళ్లి ఒక కాఫీ కప్పు తెచ్చి అందులో కొద్దిగా కాఫీ పోసి నాకు అందిస్తూ"జబ్బు కంటే భయమే శరీరం మీద

 ఎక్కువ ప్రభావం చూపిస్తుంది.ఏం కాదు.హ్యాపీగా త్రాగండి" అంది.నేను మంత్ర ముగ్ధురాలిలా కాఫీ సిప్ చేశాను.చాలా కాలం తరువాత త్రాగుతున్న కాఫీ నాకు అద్భుతంగా అనిపించింది.  అప్పుడు స్వప్న చిక్కటి పాలల్లో..

బ్రూ పౌడర్ కలుపుకు త్రాగినా రుచి అద్భుతంగా ఉంటుంది.అందుకు కొంచెం

మైండ్ సెట్ మార్చుకో వాలి" అన్నది.

         కాఫీ త్రాగడం పూర్తి అయ్యాక "ఇల్లు చూద్దువు గాని రా!" అని స్వప్నను లోనికి తీసుకు వెళ్ళాను.

   తను పూజా మందిరం చూసి " రోజూ పూజ చేయడం లేదా?" అని అడిగింది." లేదు"

అన్నాను.తను రెండు అగరొత్తులు  తీసి వెలిగించింది.క్షణంలో గది పరిమళ భరితం

అయింది.అప్పుడు స్వప్న "పూజ చేసినప్పుడు

మన మనసూ ఇలా పరిమళ భరితం అవుతుంది" అన్నది.

       " ఈ అమ్మాయి ఏ విషయం చెప్పినా ఎంతో

బాగుంటుంది" అని మనసులో అనుకున్నాను.

         స్వప్న బయలు దేరినప్పుడు " గులాబీ మొక్కకు నీరు పోసేటప్పుడు చిన్నప్పుడు 

మీ పాపకు పాలు పట్టడం గుర్తు చేసుకోండి!"

అన్నది."అలానే" అన్నాను.

          గదిలో అలుముకున్న అగరొత్తుల

 పరిమళం స్వప్న వెళ్ళిపోయినా ఆమెను

గుర్తు చేస్తూనే ఉంది.

      మరునాటి ఉదయం రోజులా నిస్పృహతో

లేవలేదు.కాఫీ త్రాగాలన్న ఉత్సాహంతో లేచాను.కాఫీ చక్కెర లేకుండా త్రాగాను.స్వప్న చెప్పినట్లు మైండ్ సెట్ మార్చుకొని త్రాగితే

బాగుంది అనిపించింది.చాలా కాలం తరువాత

ప్రభాత సమయంలో  ఉత్సాహంగా అనిపించింది.

     వాకింగ్ సమయంలో అదే విషయం స్వప్నకి 

చెప్పాను.సంతోషం వ్యక్తం చేసింది.

     స్వప్న ఇచ్చిన గులాబీ మొక్కకు రోజూ శ్రద్ధగా నీరు పోయసాగాను.క్రమేపీ దానితో

అనుబంధం పెరిగింది.ప్రతి రోజూ దాన్ని 

శ్రద్ధగా పరిశీలించ సాగాను.మొగ్గ తొడగడం...పువ్వు విచ్చడం...పరిమళం

అద్భుతం అనిపించ సాగింది.

      మావారు ఉన్నప్పుడు పూల కుండీలు

ఉండేవి గాని...వాటి పోషణ ఆయన చూసుకునేవారు.ఇప్పుడు ఇది నాకు సరి 

కొత్త అనుభవం.

     మధ్య మధ్యలో స్వప్న తను ఇచ్చిన గులాబీ మొక్క గురించి వాకబు చేస్తూ నా ఆనందం

పంచుకుంది.

              ఈమధ్య స్వప్న నాతో పాటే వాకింగ్ చేయసాగింది.ఒకరోజువాకింగ్ మధ్యలో " మీకో చిన్న పని చెప్తాను. అలా చేసి 

ఎలా ఉందో నాకు చెప్పండి" అంది.

      "ఏమిటది?" అని ఆసక్తిగా అడిగాను.

రెండు చిన్న బౌల్స్ తీసుకొని ఒకదానిలో

బియ్యం గింజలు..ఒకదానిలో నీరు పోసి

మీ పిట్ట గోడ మీద పెట్టండి" అన్నది.

తన భావం గ్రహించి" సరే" అన్నాను.

         అలా పెట్టిన గింజలు పిట్టలు తింటూ...

దప్పిగొన్న పక్షులు నీరు తాగుతుంటే ఆ దృశ్యం మనోహరంగా అనిపించ సాగింది.

      ఉదయం తాగుతున్న కాఫీ...పూజ...

అగరొత్తుల పరిమళం... పూస్తున్న గులాబీలు...గింజలు తింటున్న పిట్టలు...

నీరు తాగుతున్న పక్షులు....ఇవి చిన్న చిన్న

మార్పులే గానీ నా జీవితంలో పెను మార్పులు తెచ్చాయి.ఒకప్పుడు నిరాశ..నిస్పృహలతో నిరుత్సాహంగా ఉండే నేను ఇప్పుడు ఉత్సాహంగా...సంతోషంగా ఉంటున్నాను.

నాలోని మార్పుకు స్వప్నే కారణం.

      ఒకరోజు సాయంత్రం స్వప్న స్కూటీ మీద

వచ్చింది.తనతో పాటు ఇద్దరు పిల్లలను తెచ్చింది."వీళ్ళు మా పని మనిషి పిల్లలు.

బాగా చదువుతారు.కానీ వీళ్ళమ్మ వీళ్ళను

చదివించలేక పోతున్నది.అందుకే ఈ బాబుకు నేను స్కూల్ ఫీ కడుతున్నాను.

మీకు అభ్యంతరం లేకపోతే ఈ పాప స్కూల్ ఫీ కి మీరు సహాయం చేయండి" అన్నది.

నేను క్షణం ఆలస్యం చేయకుండా ఒప్పేసు

కున్నాను.వాళ్లకు సహాయం చేయడం నాకు

ఎంతో తృప్తిని ఇచ్చింది.

      పిల్లలు నన్ను అడిగి జామ చెట్టు దగ్గరకు వెళ్ళి జామ కాయలు కోసుకున్నారు.స్వప్న నాతో "మీ హాబీస్ ఏమిటి?" అని అడిగింది." ఒకప్పుడు బొమ్మలు గీసేదాన్ని" అని చెప్పాను.

" వావ్" అని స్వప్న నన్ను కౌగిలించుకుంది.

"ఆంటీ! నాకు పెయింటింగ్స్ అంటే పిచ్చి.

నాకోసం ఒకటి డ్రా చేయండి" అని చిన్న పిల్లలా మారాం చేసింది ."వాటి జోలికి వెళ్లి

చాలా కాలం అయింది.వేయగలనో! లేదో!"

అన్నాను."తప్పక వేయగలరు!" అంది స్వప్న.

ఆన డమే కాదు...ఆ సాయంత్రం నేను పెయింటింగ్ వేయడానికి అవసరమైన డ్రాయింగ్ చార్ట్...పెన్సిల్స్...వాటర్ కలర్స్

తెచ్చి ఇచ్చింది.

      దాన్ని బట్టి తనకు పెయింటింగ్స్ ఎంత ఇష్టమో అర్థం చేసుకున్నాను.

        ఆలోచించి రాధా కృష్ణుల పెయింటింగ్ మొదలు పెట్టాను.మొదట కొంచెం తడబడినా త్వరగానే దారిలోకి వచ్చాను.

పెయింటింగ్ పూర్తి చేయడానికి నాలుగు రోజులు పట్టింది.ఆ విషయం స్వప్నకి చెప్పాను.

       ఆ సాయంత్రమే పరుగున నా దగ్గరకు వచ్చేసింది.పెయింటింగ్ చుడగానే " "ఎక్సలెంట్ ఆంటీ!" అని నన్ను కౌగిలించుకొని బుగ్గ మీద ముద్దు పెట్టింది.

నాకు సంతోషం...సిగ్గు రెండూ కలిగాయి.

     " పెయింటింగ్ మీద మీ సైన్ చేసి నాకు గిఫ్ట్ గా ఇవ్వండి" అని కోరింది.అలానే చేశాను.

      ఆ రాత్రి అమెరికాలో ఉన్న మా అమ్మాయికి ఫోన్ చేశాను. "ఎప్పుడూ మేం చేయడమే గాని,నీవు చేసింది లేదు.ఫస్ట్ టైం నువ్వే చేశావు" అని ఆశ్చర్య పోయింది.క్లుప్తంగా స్వప్న గురించి చెప్పాను." నీ లైఫ్ స్టైల్ 

మార్చింది .నా అభినందనలు తెలియ జేయి"

అన్నది.

        కొద్ది రోజులకు స్వప్న తన ఇంటికి 

ఆహ్వానించింది.తనే వచ్చి స్కూటీ మీద తీసుకు

వెళ్ళింది.ఇంటికి వెళ్లగానే నేను పెయింట్ చేసిన రాధాకృష్ణ  అందమైన ఫ్రేమ్ లో

కనిపించి కనువిందు చేసింది.నాకు మనసులో  గర్వంగా అనిపించింది.

       స్వప్న నాకు వాళ్ళ అత్త మామ గార్లను

పరిచయం చేసింది.నేను సోఫాలో  కూర్చున్నాను.స్వప్న కాఫీ తేవడానికి లోనికి

వెళ్ళింది.

       స్వప్న అత్తగారు నాతో మాట్లాడుతూ..

" మా కోడలు దేవతమ్మా!మమ్మల్ని కంటికి రెప్పలా చూసుకుంటుంది."అన్నది.అంతలో

స్వప్న కొడుకు...కూతురు మా దగ్గరకు వచ్చారు.నేను వాళ్లకు నేను తెచ్చిన బిస్కెట్స్...చాక్లెట్స్ ఇచ్చాను. వాళ్ళు 

అక్కడినుంచి వెళ్లి పోయారు.

      అప్పుడు స్వప్న అత్తగారు" ఈ బాబే స్వప్న కొడుకు.ఆ పాప అనాధ.స్వప్న దత్తత తీసుకొని పెంచుకుంటున్నది.అం తే కాదు...

మరిక పిల్లలు పుట్టకుండా ఆపరేషన్ చేయించుకుంది.అదేమంటే...మన పిల్లలను మనం పెంచడం ...ప్రేమించడం గొప్ప కాదు.

అనాధకు చేయూత నీయడం గొప్ప అంటుంది.

మా అబ్బాయి అందుకు సమర్ధిస్తాడు" అని

చెప్పింది.

      అది విన్న నాకు సంభ్రమాశ్చర్యాలు

కలిగాయి.స్వప్న కు అంత చిన్న వయసులోనే

ఎంత పరిపక్వత అనుకున్నాను.కాఫీ తెస్తున్న స్వప్న లో నాకు దేవతా మూర్తి గోచరించింది.

    స్వప్న,అత్తగారితో " మొత్తం చెప్పేసారా?

చెప్ప నిదే ఊరుకోరు కదా!" అంది నవ్వుతూ.

నేను సింపుల్ గా " అభినందనలు స్వప్నా!"

అన్నాను.

          ఇల్లు చేరానే గాని ఆ రాత్రి నిద్ర పట్టలేదు.స్వప్నను చూసాక జీవన మాధుర్యం

బోధ పడింది.ఈరోజు తను చేసిన పని తెలిశాక నా జీవిత గమ్యం బోధ పడింది.

నా దగ్గర బాగానే డబ్బు ఉంది.నా డబ్బు మా పిల్లలు ఆశించరు.ఆ విషయం నాకు బాగా తెలుసు. చాలా సేపు ఆలోచించి ఏం చేయాలో

నిర్ణయం తీసుకున్నాను.అప్పుడు హాయిగా నిద్ర పట్టింది.

       కొద్ది కాలానికి మా వారి పేరు మీద

ఒక చారిటబుల్ ట్రస్ట్ ఏర్పరిచాను.దానికి

సెక్రటరీ గా స్వప్నను ఏర్పాటు చేశాను.

      ఇప్పుడు నాకు జీవితం నిరాశగా... నిస్పృహగా అనిపించడం లేదు.సంతోషంగా...

ఉత్సాహంగా అనిపిస్తున్నది.ఒకప్పుడు సమయం గడవని నాకు ..ఇప్పుడు సమయం చాలడం లేదు.

       వయసులో చిన్నదే అయినా ..నా మనసులో గురువు స్థానం స్వప్నకే

ఇచ్చాను!! 

Note≈ ఒంటరిగా ఉంటే అన్ని కోల్పోయినట్టు కాదు... మనస్సుకు నచ్చినట్టు ఊడటం తప్పు కాదు.... 🙏🙏🙏

ఈశ్వరో విక్రమీ ధన్వీ

 👆శ్లోకం 

ఈశ్వరో విక్రమీ ధన్వీ                             

మేధావీ విక్రమః క్రమః|

అనుత్తమో దురాధర్షః                          

కృతజ్ఞః కృతిరాత్మవాన్||

ప్రతిపదార్ధ:

ఈశ్వరః --- సర్వులనూ పాలించి పోషించువాడు; అన్నింటిపై సకలాధిపత్యము గలవాడు; మరే విధమైన సహాయము, ప్రమేయము లేకుండ, ఇచ్ఛామాత్రముగ, లీలామాత్రముగ ఏదయిన చేయగలవాడు.

విక్రమీ --- విశిష్టమగు పాద చిహ్నములు గలవాడు; అమిత శౌర్య బల పరాక్రమములు గలవాడు.

ధన్వీ --- (దుష్ట శిక్షణ, శిష్ట రక్షణ కొరకు) శార్ఙ్గము అను ధనుసును ధరించినవాడు.

మేధావీ --- అసాధారణ, అపరిమిత మేధ (జ్ఞాపక శక్తి) గలవాడు; సర్వజ్ఞుడు.

విక్రమః --- బ్రహ్మాండమును కొలిచిన అడుగుల గలవాడు (శ్రీవామన మూర్తి); పక్షిరాజగు గరుత్మంతునిపై పాదములుంచి పయనించువాడు.

క్రమః --- సమస్తము ఒక క్రమవిధానములో చరించుటకు హేతువు (క్రమ - పద్ధతి); సమస్త జీవరాశులలోను చైతన్యము (క్రమ - కదలిక); అనంత, అసాధారణ వైభవ సంపన్నుడు (క్రమ - సంపత్తు); సంసార సాగరమును దాటించువాడు (క్రమణ - ఈదుట).

అనుత్తమః ---అంతకంటె ఉత్తమమైనది మరొకటి లేదు.

దురాధర్షః --- తననెదిరింపగల గల శక్తి వేరెవ్వరికి లేనట్టివాడు.

కృతజ్ఞః --- నామ స్మరణము, శరణాగతి, పూజాది భక్తి కార్యములచే ప్రసన్నుడై భక్తులననుగ్రహించువాడు; పత్ర పుష్పాది అల్ప నివేదనల చేతనే సంతుష్టుడై కామితార్ధ మోక్షములను ప్రసాదించువాడు; సమస్త ప్రాణుల పుణ్య, అపుణ్య కర్మలనెరిగినవాడు.

కృతిః --- తన భక్తుల సత్కార్యములకు కారణమైనవాడు; తన అనుగ్రహముచే పుణ్య కర్మలను చేయించువాడు.

ఆత్మవాన్ --- సత్కార్యములొనర్చు ఆత్మలకు నిజమైన ప్రభువు; తన వైభవమునందే ప్రతిష్ఠుడైనవాడు.

మనిషి జయించవలసిన 6 దోషాలు

 ✳️*మనిషి జయించవలసిన 6 దోషాలు✳️

******వ్యక్తి నిరంతరం తాను ‘ఉన్న స్థితి నుండి ఉన్నత స్థితి’కి చేరడమే అభ్యున్నతి. అదే జీవన సాఫల్యం.

ఈ ప్రయాణంలో ఎదురయ్యే " అతినిద్ర, బద్ధకం, భయం, క్రోధం, అలసత్వం, ఎడతెగని ఆలోచన అనే ఆరుదోషాలను జయించినప్పుడే లక్ష్యాన్ని చేరగలుగుతాడు ".

                విదురుడు- భారతంలోని ఉద్యోగ పర్వం.

మన జీవితం మన భావోద్వేగాలకు అనుకూలంగా నిర్మించబడిలేదు. మన భావోద్వేగాలు జీవితాన్నీ మార్చలేవు. ప్రతి ప్రయాణం గమ్యాన్ని చేరుస్తుందని చెప్పలేం. కానీ, ప్రయాణించిన దూరం గమ్యాన్ని దగ్గరగా చేస్తుంది. అనుకున్నది జరగడం, జరగక పోవడం సంభవమే. విజయంలో పొంగిపోతే అహం కారం పలకరిస్తుంది. అపజయంలో క్రుంగిపోతే ఆత్మన్యూనత వరిస్తుంది.

మన ఉన్నతికి విఘాతం కలిగించే దోషాలను వదలి వేయడం, లోపాలను సవరించుకుంటూ, ముందుకు సాగడం వల్ల పరిణతి ఉన్నతి లభిస్తాయి. ఈ క్రమం లో పైన చెప్పిన ఆరు దోషాలను విశ్లేషించుకుంటే..

👉 అతినిద్ర :- 

నిద్రలో శరీరం విశ్రాంతమౌతుంది. ప్రాకృతిక శక్తి మనలోకి ప్రవేశించి శక్తిమంతులను చేస్తుంది. కానీ.. అతినిద్ర లేదా నిద్ర లేమి వల్ల ఆరోగ్యం పాడవు తుంది. ఆరోగ్యమే మహాబాగ్యం. అది చెడిపోతే అన్నీ పోయినట్లే.

👉 రెండో లక్షణం బద్ధకం:- 

ఇష్టమయిన దాని కోసం అవసరమైన దానిని వదిలివేయడం బద్ధకం. దానివల్ల వాయిదా వేసే జబ్బు కలిగి, సమయానికి ఏ పనీ పూర్తిచేయలేం. అనుకోని పరిస్థితులు ఎదురైతే వాటిని ఆమోదించ లేని సమయంలో కలిగేది భయం.

👉 భయం :- 

భయం వల్ల ఏ పనిని సంకల్పించినా, ‘‘ఇది నాకు సాధ్యపడుతుందా?  అపహాస్యం పాలవుతానేమో? అపజయం కలుగుతుందా’’? అనే అనుమానాలు వెన్నాడుతూ ఉంటాయి. అనుమానాల వల్ల ఉత్సాహం తగ్గి, ధైర్య సాహసాలు సన్నగిల్లుతాయి. బుద్ధి పనిచేయదు, శక్తి సామర్థ్యాలు మందగిస్తాయి. ప్రయత్నం మధ్యలోనే విడిచిపెడతాం.

👉 క్రోధం :- 

క్రోధం అన్ని అనర్థాలకూ మూలకారణం. పరిస్థితు లు మనం అనుకున్నట్లుగా లేనప్పుడు కోపం వస్తుం ది. కోపం మనలోని భావోద్వేగానికి సంకేతం. కోపం దీర్ఘమైతే క్రోధంగా మారుతుంది. క్రోధం వల్ల మోహం కలుగుతుంది. మోహం వల్ల స్మృతి తపుఁతుంది. దాని వల్ల బుద్ధి సరిగా పనిచేయదు. 

👉 అలసత్వం :- 

అలసత్వం వల్ల విద్య దక్కదు. విద్య లేనివానికి ధనం లేదు, ధనం లేక మిత్రులు ఉండరు, మిత్రులు లేకపోతే సుఖమూ ఉండదు.

👉 ఎడతెగని ఆలోచనలు :- 

ఎడతెగని ఆలోచనల వల్ల కార్యరంగంలోకి దిగడం కుదరదు. ఈ ఆలోచనలు ప్రతిబంధకాల వైపు మాత్రమే నడిపిస్తాయి. ప్రణాళికలు రూపొందాలంటే ఆలోచనలు అవసరమే కానీ, అవి ఆచరింపబడితే నే విజయం.

ఇలా ఈ ఆరు దోషపు అలవాట్లను వదిలితేనే అభ్యున్నతి అంటుంది భారతం.

 ✳️ శ్రీ కృష్ణార్పణమస్తు🙏

సనాతన ధర్మం

 *🕉️🙏🕉️*

*🕉️🙏"సనాతన ధర్మం - పునర్జన్మ"🕉️🙏*

                 

*🕉️🙏ఒకసారి మన సనాతన ధర్మంపై, వేదాంత శాస్త్రంపై మక్కువ ఉన్న ఒక విదేశీయుడు, పరమాచార్య స్వామివారిని దర్శించాలని కంచి మఠానికి వచ్చాడు.🕉️🙏*

*🕉️🙏అతను కొన్ని సందేహాలను అడగాలని అనుకున్నాడు. వెంటనే అతనికి స్వామివారి నుండి పిలుపు వచ్చింది. సమయం వృధా చెయ్యకుండా తన సందేహాలను స్వామివారి ముందుంచాడు.🕉️🙏*

*🕉️🙏”స్వామిజీ , నేను మీ "సనాతన ధర్మం" యొక్క అన్ని సిద్ధాంతాలను అర్థం చేసుకున్నాను, వాటిని గౌరవిస్తాను కూడా. కాని ఈ ‘ఒకే ఆత్మ పాప పుణ్యాల ఫలం వల్ల మళ్ళీ జన్మించడం క్రిందటి జన్మ కర్మఫలం ఈ జన్మకు రావడం’ అనే ఈ "పునర్జన్మ సిద్ధాంతం" నాకు అర్థం కావడం లేదు. మీరు ఈ విషయంలో నాకు కొంచం చెప్పగలరా?” అని అడిగాడు.🕉️🙏*

*🕉️🙏”ఎందుకంటే మా ధర్మం ప్రకారం- ఈ జన్మలో చేసిన పాపపుణ్యాల ఫలితం ఈ జన్మలోనే అనుభవిస్తాము. అంటే మేము నిజాయితీగా ఉంటే దేవుడు మాకు మంచి చేస్తాడు.   కపటంతో ప్రవర్తిస్తే మాకు చెడు ఫలితాలను ఇస్తాడు” అని చెప్పాడు.🕉️🙏*

*🕉️🙏అప్పుడు మహాస్వామి వారు అతని దగ్గర ‘కారు ఉన్నదా అని అడిగి ఈ కాంచీపురంలోకి వెళ్ళి కొంచం సమాచార గణాంకాలను సేకరించుకు రాగలవా?’ అని అడిగారు.🕉️🙏*

*🕉️🙏అతను వెంటనే ఒప్పుకున్నాడు. కాని తన ప్రశ్నకు ఎందుకు వెంటనే సమాధానం చెప్పలేదు, అని అనుకున్నాడు.🕉️🙏*

*🕉️🙏”సరే స్వామిజీ , ఏమి చెయ్యమంటారో సెలవివ్వండి” అని అడిగాడు.🕉️🙏*

*🕉️🙏అందుకు మహాస్వామి వారు, “కాంచీపురంలోని ఒక పది ప్రసూతి వైద్యశాలలకు వెళ్ళు. అక్కడ గత రెండు రోజులలో పుట్టిన పిల్లల వివరాలు, వారి ఆరోగ్యం, తల్లితండ్రుల పేర్లు, వారి స్థితి, వారి విద్యార్హతలు, పుట్టిన సమయం వంటివి తెలుసుకుని రా” అని చెప్పారు.🕉️🙏*

*🕉️🙏ఆ విదేశీయుడు, “సరే ఇదేమి పెద్ద పని కాదు,” అని తన కారులో వెళ్ళిపోయాడు. 🕉️🙏*

*🕉️🙏సాయత్రం లోపల కావల్సిన వివరాలతో మహాస్వామి వారి ముందుకు వచ్చాడు. ఆ వివరాలను స్వామి వారికి చెప్పాడు.🕉️🙏*

*🕉️🙏“ఈ రెండు రోజులలో పది ఆస్పత్రులలో 15 మంది పిల్లలు పుట్టారు. 7గురు మగపిల్లలు, 8మంది ఆడపిల్లలు. వారిలో ముగ్గురికి పోషకాహార లోపం ఉంది. ఇద్దరు ధనికులైన తల్లితండ్రులకు ప్రథమ సంతానం. వారు అత్యంత ఖరీదైన ఆస్పత్రులలో పుట్టారు. నలుగురు పిల్లలు రోజుకూలి చేసుకునే వారికి పుట్టారు. వారికి అప్పటికే పిల్లలు ఉన్నారు” అని చెప్పుకొచ్చాడు.🕉️🙏*

*🕉️🙏"స్వామివారు అతన్ని చూసి, కొన్ని ప్రశ్నలు వెయ్యడం మొదలుపెట్టారు.."*

*”వీరు పుట్టిన ఈ రెండు రోజులలో వారు నిజాయితీగా ఉండడమో లేదా కపట బుద్ధితో ప్రవర్తించడమో చేసారని నువ్వు అనుకుంటున్నావా?”🕉️🙏*

*🕉️🙏“లేదు వారు కనీసం తమ తల్లిని కూడా గుర్తించలేని చంటిపిల్లలు. కాబట్టి ఈ జన్మలో వాడికి 'పాపము పుణ్యము' అనేది ఏమి లేదు.” అని చెప్పాడు.🕉️🙏*

*🕉️🙏మహాస్వామి వారు ”మీ సిద్ధాంతము ప్రకారం ఈ పిల్లలందరూ ఏ పాపము పుణ్యము చెయ్యలేదు కాబట్టి అందరూ ఒకేలాగా ఉండాలి. కాని లేరు. కొంత మంది ఆరోగ్యం బాగులేదు. కొంత మంది ధనవంతుల పిల్లలు, కొంతమంది కూలివాని పిల్లలు. ఒకేరోజు, ఒకే అక్షాంశం, రేఖాంశం ఒకే ఊరిలో పుట్టిన పిల్లలైనా ఒక్కొక్కరు ఒక్కొక్క పరిస్థితిలో ఉన్నారు.🕉️🙏*

 *🕉️🙏ఇదే "పునర్జన్మ సిధ్ధాంతం” అని చెప్పారు.🕉️🙏*

*🕉️🙏"ఆ విదేశీయుడు ఈ మాటలను విని స్థాణువైపోయాడు. ఇక్కడే "పునర్జన్మ సిద్ధాంతం" నిజం అనేది తేటతెల్లమవుతోంది.🕉️🙏*

*🕉️🙏 "ఈ పిల్లలందరూ వారి వారి పూర్వజన్మ పాపపుణ్యాల ఫలితంగానే ఈ జన్మలో ఇలా పుట్టారు".🕉️🙏*

*🕉️🙏"ఆ విదేశీయుడిని చూసి సనాతనధర్మ సాకారరూపం చిరునవ్వు నవ్వుతోంది."🕉️🙏*

*🕉️🙏"సనాతన ధర్మానికి పుర్జన్మ సిద్ధాంతం ప్రాణం. దాన్ని నమ్ముతాను అని చెప్పడానికే నుదుట బొట్టు పెట్టుకోవడం".🕉️🙏*

*🕉️🙏"పునరపి జననం పునరపి మరణం పునరపి జననీ జఠరే శయనం"||*🕉️🙏

*🕉️🙏అపార కరుణాసింధుం జ్ఞానదం శాంతరూపిణం।*

*శ్రీ చంద్రశేఖర గురుం ప్రణమామి ముదావహం॥🕉️🙏*

*🕉️🙏కంచిపరమాచార్యవైభవం🕉️🙏*

                       

*🕉️🙏లోకా సమస్తా సుఖినోభవన్తు!🕉️🙏*

వేడుకలు

 ☘️☘️☘️☘️☘️

మన భారతదేశంలో హిందువులు ఒక సంవత్సర కాలంలో జరుపుకునే వేడుకలు

1) వివాహ వేడుక

2) 16 రోజుల పండుగ వేడుక

3) అప్పగింతల వేడుక

4) శ్రీమంతం వేడుక

5)  కుమారుడు లేక కూతురు పురిటి స్నానం వేడుక

6) ఉయ్యాల వేడుక

7) నామకరణ వేడుక

8) ముక్కు చెవులు కుట్టించే వేడుక

9) పుట్టి వెంట్రుకలు తీపించే

 వేడుక

10) జన్మదిన వేడుక

11) ఉపనయన సంస్కార వేడుక

12) విద్యారంభ వేడుక

13) పుష్పవతి వేడుక

14) ఓణీలు లేదా పంచలు వేడుక

15) షష్టిపూర్తి వేడుక

16) దశదినకర్మ వేడుక

17) ముక్కోటి ఏకాదశి వేడుక

18) భోగి పండుగ

19) సంక్రాంతి పండుగ

20) కనుమ పండుగ

21) రథసప్తమి పండుగ

22) శివరాత్రి పండుగ

23) ఉగాది పండుగ

24) శ్రీరామ నవమి పండుగ

25) అక్షయ తృతీయ వేడుక

26) ఏరువాక పూర్ణిమ వేడుక

27) శ్రావణ శుక్రవారం లో వేడుక

28) రాఖీ పౌర్ణమి వేడుక

29) నాగుల చవితి వేడుక

30) దీపావళి వేడుక

31) కృష్ణాష్టమి వేడుక

32) వినాయక చవితి నవరాత్రుల వేడుకలు 

33) అట్లతద్ది వేడుక

34) దసరా శరన్నవరాత్రుల వేడుకలు 

35) కార్తీక సోమవారాల వేడుకలు 

36) ధనుర్మాసం వేడుకలు

37) గీతా జయంతి వేడుక

38)హనుమాన్ జయంతి వేడుక 

39) సత్యనారాయణ స్వామి వ్రతం 

40) సావిత్రి వ్రతం 

41) కేదారేశ్వర స్వామి వ్రతం 

42) జగన్నాధ రథోత్సవం వేడుకలు

43)బ్రహ్మోత్సవ వేడుకలు

44)వివిధ ఆలయాల రథోత్సవ వేడుకలు

45)నదీ పుష్కర వేడుకలు

46) అయ్యప్ప మాలలు

47) శివ మాలలు

48) హనుమాన్ మాలలు

49) వెంకటేశ్వర స్వామి మాలలు

50) కుమారస్వామి మాలలు

51) భవాని మాలలు

52)గృహప్రవేశం వేడుకలు

53)మొక్కులు

54)తీర్ధ యాత్రలు

55)శాంతి యజ్ఞాలు హోమాలు

56)గిరి ప్రధక్షణలు

57)తిరుణాళ్ళు

58)జాతరలు

59)కొలుపులు

60)ఊరేగింపులు గుడి ప్రతిష్టలు ధ్వజస్తంభ ప్రతిష్టలు.

ఇందులో మీరు ఏది మిస్ ఆయారో చెప్పండి.

☘️☘️☘️☘️☘️

సత్యనారాయణ స్వామీ

 🙏🙏🙏🙏🙏

పెళ్లయిన వెంటనే సత్యనారాయణ స్వామీ వ్రతం ఎందుకు  చేయమంటారు?

సత్యనారాయణ స్వామి వ్రతాన్ని ప్రతి ఇంట్లో విధిగా ఆచరించడం ఆనవాయితీ ! పెళ్లయిన మరుసటి రోజు ఇంటికి వచ్చిన కొత్త దంపతులతో ఖచ్చితంగా ఈ వ్రతాన్ని ఆచరింపజేస్తారు . గృహప్రవేశానికి, ఇతరములైన శుభకార్యాలు చేసుకున్నా, ప్రత్యేకించి కార్తీకమాసంలోనూ ఖచ్చితంగా సత్యనారాయణ వ్రతాన్ని విధిగా ఆచరించడం మనవారికి అలవాటు . కానీ ఎందుకు ఆ సత్యనారాయణ స్వామీ వ్రతాన్ని విధిగా చేసుకోవాలని చెబుతారని విషయాన్ని మనం పెద్దగా ఎప్పుడూ ఆలోచించి ఉండకపోవచ్చు ! ఒక సంప్రదాయంగా ఈ వ్రతాన్ని కొనసాగించే వారు ఎందరో ఉంటారు 

సత్యనారాయణ స్వామీ వ్రతం అనే వరం మనకి నారదుని పుణ్యమా అని సంప్రాప్తినిచ్చిందే . ఆయన్ని కలహ భోజనుడని తిట్టుకుంటాం కానీ లోకోపకారం కోసం ఆయన అందించినన్ని వరాలు , వ్రతాలు మారె మహర్షీ అందించలేదేమో ! అందుకే ఆయన దేవర్షి స్థానాన్ని పొందారు కావొచ్చు . ఇంతకీ ఈ వ్రతాన్ని జాతి, మత, కుల విబేధాలు లేకుండా ఎవరైనా ఆచరించుకోవచ్చు . స్త్రీలుకూడా నిరభ్యంతరంగా చేసుకోవచ్చు . ఈ వ్రతాన్ని ఆచరించడం వలన కలియుగంలో దుఃఖాలు తొలగిపోయి , సకల సంపదలూ సంప్రాప్తిస్తాయని, సంతానం కలుగుతుందని , అదీ అదీ అననేల, సకల సౌభాగ్యాలూ వృద్ధి చెందుతాయని  స్వయంగా నారాయణుడే నారదునికి చేప్పారు . 

పైగా సత్యనారాయణుడు అంటే, కేవలం విష్ణు స్వరూపము కాదు ! ఆయన త్రిమూర్త్యాత్మకుడైన కలియుగ దైవం . అందుకే శ్రీ సత్యనారాయణ స్వామివారిని

" మూలతో బ్రహ్మరూపాయ

మధ్యతశ్చ మహేశ్వరం

అధతో విష్ణురూపాయ

త్ర్త్యెక్య రూపాయతేనమః " అని స్తుతిస్తారు.

 

ఇక, వివాహం అయిన వెంటనే ఈ వ్రతాన్ని ఆచరింపజేయడానికి కారణం కూడా ఇందులోనే దాగి ఉంది . కొత్త జీవితాన్ని ప్రారంభించబోయే నవ దంపతులు సకల సౌభాగ్యాలతో వర్ధిల్లాలని అందుకు , ఆ సత్యనారాయణుని ఆసీస్సులు అవసరమని వారితో తొలుత సత్యనారాయణ వ్రతాన్ని ఆచరింపజేస్తారు . ఇంకా గర్భాదానానికి ముందర ఈ వ్రతాన్ని దంపతులు ఆచరించడం  వలన వారు సత్సంతానాన్ని పొందుతారని విశ్వశిస్తారు. అందువలనే , నూతన దంపతుల చేత సత్యనారాయణ వ్రతాన్ని ఆచరింపజేస్తారు 

సాధారణంగా ఎప్పుడైనా కూడా ఈ సత్యనారాయణ వ్రతాన్ని ఆచరించుకోవాలి అనుకుంటే, ఒక మంచి రోజు చూసి, బంధు మిత్రులను పిలిచి, పంచభక్ష్య పరమాన్నాలు చేసి, పూలు, ఫలము భగవంతునికి సమర్పించి , భక్తి శ్రద్ధలతో పూజ జరిపి బ్రాహ్మణులకు దక్షిణ తాంబూలములిచ్చి, బంధు మిత్రులకు, విందు భోజనాలు పెట్టి, ప్రసాదము తాను తిని యితరులకు పెట్టాలి. ఇట్లా చేస్తే వాళ్ళు కోరిన కోరికలు ఈడేరి  సంతోషముగా ఉంటారు. 

ఈ వ్రతము విశేషముగా కలియుగములో  విశేష పలితాన్నిస్తుంది. 

🙏🙏🌹🙏🙏

మధ్యరంగ శ్రీ రంగనాథ స్వామి ఆలయం*

 🕉 *మన గుడి : నెం 393*

⚜ *కర్నాటక  :  శివసముద్రం - మండ్యా*

⚜ *మధ్యరంగ శ్రీ రంగనాథ స్వామి ఆలయం*

💠 హిందూ మాసం మార్గశి లేదా మార్గశిర పవిత్ర మాసంగా పరిగణించబడుతుంది. 

ఇది డిసెంబర్ మరియు జనవరి నెలల మధ్య శీతాకాలంలో వస్తుంది. 

ధనుర్ మాసము అని పిలువబడే ఈ 30 రోజుల కాలంలో చాలా మంది హిందువులు దేవాలయాలను సందర్శించి ప్రార్థనలు చేస్తారు . ఆలయాలు తెల్లవారుజామున తెరిచి ఉంటాయి - దాదాపు 4.30 గంటలకు, సాధారణం కంటే చాలా ముందుగానే.

త్రిరంగ యాత్ర లేదా దర్శనం ఈ కాలానికి ప్రత్యేకమైనది. 

💠 పేరు సూచించినట్లుగా, దర్శనంలో ఒకే రోజున మూడు రంగనాథ ఆలయాలను సందర్శించడం ఉంటుంది - తెల్లవారుజాము మరియు సాయంత్రం మధ్య. ఇక్కడ రంగా అనేది శ్రీ రంగనాథ స్వామిని సూచిస్తుంది, విష్ణువు యొక్క రూపం,  ఆదిశేషుడు మీద పడుకుని ఉంటాడు.

💠 ఈ పవిత్ర త్రిమూర్తులు ఏర్పడే మూడు ఆలయాలు కావేరి నది కర్ణాటక నుండి తమిళనాడులోకి ప్రవహించడం ద్వారా సృష్టించబడిన ద్వీపాలలో ఉన్నాయి.

• మొదటి దానిని ఆది రంగ (శ్రీరంగపట్నంలోని శ్రీ రంగనాథస్వామి దేవాలయం) అని పిలుస్తారు.

• మధ్యలో ఉన్న దానిని మధ్య రంగ (శివసముద్రంలోని ఆలయం) అని పిలుస్తారు

• శ్రీరంగంలో అంత్య రంగా.

ఇక్కడి శ్రీ రంగనాథస్వామిని "మధ్య రంగ" అని కూడా పిలుస్తారు, ఇతను శ్రీ వైష్ణవ భక్తులచే గౌరవించబడ్డాడు. 

💠 రంగనాథుని మూడు రూపాలలో, ఇక్కడి దేవత సర్వోన్నత జీవి యొక్క యవ్వన రూపాన్ని సూచిస్తుందని నమ్ముతారు, అందుకే దీనిని 'మోహన రంగ' మరియు 'జగన్మోహన రంగ' అని కూడా పిలుస్తారు. 

మధ్యరంగ అనేది ఒక అందమైన విగ్రహాన్ని కలిగి ఉన్న ఒక పురాతన దేవాలయం, అయినప్పటికీ కొద్ది మంది సందర్శకులు మాత్రమే వెళ్లి చూస్తారు. 

ఇది వారాంతంలో మంచి సంఖ్యలో సందర్శకులను చూస్తుంది

 💠 ద్వీపంలోని మరో మూడు వైపులా మరో మూడు దేవాలయాలు ఉన్నాయి.

శివనసముద్రంలో ఉన్న పురాతన శ్రీ సోమేశ్వర దేవాలయం మరొక ప్రసిద్ధ దేవాలయం. 

ఆదిగురువు శ్రీ శంకరాచార్యులు ఈ ప్రదేశాన్ని సందర్శించారని మరియు ఈ ప్రదేశంలో "శ్రీ చక్రాన్ని" స్థాపించారని చెబుతారు. ఆశ్చర్యకరంగా, ఇక్కడ సోమేశ్వర లింగం రంగనాథ విగ్రహానికి చాలా ముందు ఉందని మరియు సప్తర్షులు ఈ లింగానికి పూజలు చేసి పూజిస్తున్నారని నమ్ముతారు.

💠 శివనసముద్రం బెంగుళూరు నుండి చాలా ప్రసిద్ధ వారాంతపు గమ్యస్థానంగా ఉంది మరియు సాధారణంగా దాని రెండు గంభీరమైన నీటి జలపాతాలు - గగన్ చుక్కి మరియు భారచుక్కి ద్వారా ప్రసిద్ధి చెందింది.

🔆 ఈ ప్రదేశాన్ని శివసముద్ర అని ఎందుకు పిలుస్తారు?

💠 ఈ పేరు వెనుక కొన్ని ఇతిహాసాలు ఉన్నాయి. ఒకరి ప్రకారం, ఒక రోజు, శివుడు మరియు పార్వతి ఆకాశంలో షికారు చేస్తూ, పై నుండి కావేరీ నదిని చూస్తున్నారని చెబుతారు.

ఒక పెద్ద రాయి నది ప్రవాహాన్ని అడ్డుకోవడం శివుడు గమనించాడు. కానీ నది సముద్రంలా వ్యాపించి ఆ రాయిని చుట్టుముట్టి ముందుకు ప్రవహించింది.

తనకు మహాసముద్రంలా కనిపించిన నది యొక్క పరిమాణాన్ని చూసి ఆశ్చర్యపోయిన శివుడు "ధన్య కావేరీ"  అని ప్రకటించాడు. శివుని మెప్పించిన నది వంటి సముద్రాన్ని గమనించిన పార్వతి దానికి "శివనసముద్రం" అని పేరు పెట్టింది.

💠 మరొక పురాణం ప్రకారం, "వృతసుర హత్య" నుండి ప్రభావితమైన దేవేంద్రుడు అనేక పవిత్ర ప్రదేశాలలో తపస్సు చేస్తున్నాడు. 

బ్రహ్మదేవుడి  సూచనల ప్రకారం, అతను అందమైన రంగనాథ స్వామీ విగ్రహాన్ని ఏర్పాటు చేసి, ఇక్కడ అతనిని పూజించడం ప్రారంభించాడు. 

💠 ఒకరోజు, నీటి ప్రవాహం వేగంగా పెరిగి, ఆ స్థలాన్ని ముంచెత్తడం ప్రారంభించింది.

తన తపస్సుకు భంగం కలుగుతుందనే ఆందోళనతో అతను ఈ ప్రదేశంలో ఉన్న భారీ బండలో కొంత భాగాన్ని పగులగొట్టి, బండకు ఇరువైపులా నది ముందుకు ప్రవహించేలా చేశాడు. 

రాయి యొక్క కుడి వైపు నుండి చాలా శక్తితో నది క్రిందికి /పడిపోయింది. దీనిని "భారచుక్కి" జలపాతం అని పిలుస్తారు.

( భారీగా ప్రవహించేది అని అర్థం)

ఎడమవైపు నుండి, ప్రవహించడానికి  ముందు అది కొండపైకి మరింత స్థిరమైన విధానాన్ని తీసుకుంది. ఇది "గగనచుక్కి" 

(ఆకాశం లాగా స్థిరముగా ఉండేది అని అర్థం) జలపాతం అని పిలువబడింది. 

దేవేంద్రుడు తన పూజను విజయవంతంగా పూర్తి చేసి, తన పాపానికి ప్రాయశ్చిత్తం చేసుకున్నాడని స్థానిక పురాణం

💠 శివనసముద్రంలో ఉన్న శ్రీ రంగనాథస్వామి ఆలయం ద్రావిడ నిర్మాణ శైలిలో నిర్మించబడింది.  

💠 మైసూర్ నుండి 85 కి.మీ మరియు బెంగుళూరు నుండి 115 కి.మీ దూరంలో ఉంది.  

పద్య తాంబూలం

: పద్య తాంబూలం 

జ్ఞాననేత్ర మెపుడు తానుగా వెలుగునో 

ముడులు విడును బాగ జడలు పెరుగు, 

వైరాగ్య భావమ్ము వదలకున్నను చాలు 

గోముసేయక బట్ట గోచి యగును, 

తృప్తి శాంతులు నిండు తీరైన ఘడియలో 

గడ్డి పరకయె బంగార మగును,

మనసు పరుగులాపి మర్యాద నేర్చినన్ 

మాటవిలువ తగ్గి మౌనమగును..

వేదఋషులఁ దిట్టు వేమనాదులఁ దిట్టు,

వేషములకె పోవు వెఱ్ఱివాడు, 

గోచి పెట్టినంత గొప్పవాడైపోడు, 

గడ్డమింత పెంచ దొడ్డ యతియ?🙏

- రామ్ డొక్కా, ఆస్టిన్, టెక్సస్

(2022లో వ్రాసుకొన్నది)

: శ్రీమాత్రేనమః 

లేత సూర్యుని బోలు పూతమౌ మోముపై 

 కరుణారసంబు పొo 

  గారు వాని 

నలినీదళములట్లు నలు 

వుగా శోభిల్లు 

లోచనద్వయితోడ 

తోచువాని 

దొండ పండ్లను బోలు మండితతప్రభ తోడ 

మెఱుపుదీపించువా 

తెఱల వాని 

జీవరాశిని తన భావం 

బుతో కట్టు 

 అంగజునికి లొంగ 

 నట్టి వాని 

రాక్షస ధ్వాన్త విద్వంస రశ్మి వంతు 

ఘనునిధీమంతుబలవంతు కాంతి వంతు 

కీశసామంతు నతిలోక కీర్తి వంతు 

అవతరించినహనుమంతు నతుల దాంతు 

చూచితిలకించిపులికించి చోద్య మంది 

భక్తి ప్రభవించిచిగురించి  

పరిణమించి 

పరఁగిప్రసరించిఫలియించి పరిఢ వించి 

నతిని తలవంచి మది నెంచి నాడ నపుడు. 

🌺🙏🙏🌺

దేవీదాస శర్మ:

 మంగళగీతి 

రాతినికరిగించు రసరమ్య భాషయే

జాతికి ధీటుగజవసత్వములనిడి

ప్రీతినొసంగుచుపృథ్విన్ వెలుగుచు వి

ఖ్యాతినిగాంచిన యమరభాషతెలుగు

: మంగళగీతి 

మౌక్తికతుల్యమౌ మానసమందున

భక్తిప్రపత్తులన్ బాతిగ నిల్పియు

శక్తినంతయుకూర్చిశరణంబువేడితి

ముక్తినొసంగమ మోహనరూపుడ!

: 🌸ఆంజనేయ స్తుతి🙏

కందపద్యము

హనుమా మానుము మౌనము

కనుమా మా బాధలనిక కారుణ్యముతోన్ 

వినుమయ్యామావినతులు

మనమున నిన్నే కొలుతుము మారుతి మహిలో 

సాహితీ శ్రీ జయలక్ష్మి:

 బుద్ధి జ్ఞానము గలిగిన పురుషుడెపుడు

బద్ధు డవ్వడాశా పాశ బంధమునకు

బుద్ధి హీనుడే దానికి బద్ధు డౌను

నిక్కమిది తెలిసికొనుము నిర్మలాత్మ!

రచన :శనగల చంద్రశేఖర్

: కేసరి నందన హనుమా!

కౌసల్యా తనయు జేరి కార్యము దీర్చన్

దాసుడవైతివి, మరినీ

దాసుల కార్యముల దీర్చ దయజూపుమయా!

               🙏🙏🙏

                 పి.వి.శైలజ.: 

అంజని పుత్రా! హనుమా!

మంజులరాముని భజనను మాధుర్యము గన్

కంజర మీటుచు జేసెద

భంజన జేయుమ సతతము భక్తుల భయముల్

               🙏🙏

                   పి.వి.శైలజ: 

కం.

వదనము బహుసుందరమన

పెదవుల మురళీరవమయి ప్రీతి గొలుప నే

నొదిగెద నీ కరముల స

మ్ముదమారగ కరుణగనవె మోహనకృష్ణా!

దోర్బల బాలసుజాత

గోచి

 గోచి

-------

సీ||

గోచి కొఱకు క్రొత్త గుడ్డతో పనిలేదు;

          పాత పంచెను జించి వాడవచ్చు!

పండుగలకు గాని పబ్బమ్ములకు గాని

        బెట్టు చేయగ లేడు కుట్టువాడు!

వాషింగు మిషనునే వాడంగ బనిలేదు

       చేతితో శుభ్రమౌ శీఘ్రముగను!

బట్ట బయట నారబెట్టంగ వచ్చును

            దొంగ లెత్తుక పోవు బెంగ లేదు!

ఆ.వె||

యోగులైన గాని యోగ్యులైనను గాని

గోచి పెట్టినంత పేచి లేదు;

మనిషి పట్ల సుంత మన్నన చాలును!

శేషఫణియె చెప్పె చిత్తమలర!

--------కోడూరి శేషఫణి శర్మ

లోకంతీరు-10

 లోకంతీరు-10

కందం||

తరవాణీయన్నముగనమున్

చరవాణీపున్నెమనగజగమిలఝడిసెన్

పరువానికిపదనిసలున్

జనవాణీవాడివేడిసారముతగ్గెన్

భావము:-

 పాతకాలమునాటి తరవాణీ అన్నముతినినా,తరవాణీ తాగినా శరీర ఆరోగ్యమహత్తు

 చెప్పనలవి కానిది.నేడు ప్రపంచాన్ని చరవాణితన చెరలోబందీచేసింది.

ప్రయోజనాలనటుంచి

మానసిక రుగ్మతలకు

 ప్రధానహే తువౌతోంది.

ఈ లోకాన జీవనానుబం

ధాలను మృగ్యంచేస్తోంది.

బాహ్య సౌందర్యానికి మిక్కిలి ప్రాధాన్యతనివ్వడం,ఆత్భసౌందర్యానికి ప్రాధాన్యతనీయకపో

వడం,జనుల పలుకులందు తగినంత న్యాయధర్మసమ

సమర్ధత లోపించడం అవాంఛనీయములు

దేవరకొండ: రాజోలు

నిత్యపద్య నైవేద్యం

:

 మ.

తన సౌఖ్యంబును గోరుచుండుట మహద్దౌష్ట్యంబు  చూపించుటల్

ఘనసంతాపము స్వీయకార్యములచే కల్గించి లోకమ్మునన్ 

జనులన్ శోకమునందు నెట్టుటయు నిస్సంకోచభావమ్ముతో

ననృతంబాడుట నిత్యకృత్యము లయెన్ హా నేడిలన్ మిత్రమా! 5.

హ.వేం.స.నా.మూర్తి.:

 నిత్యపద్య నైవేద్యం-1564 వ రోజు

సంస్కృత సుభాషితం-అనువాద పద్యం-199. సేకరణ, పద్యరచన: సహజకవి, డా. అయినాల మల్లేశ్వరరావు, తెనాలి, 9347537635, గానం: గానకళారత్న, శ్రీ వెంపటి సత్యనారాయణ, తెనాలి

ప్రోత్సాహం: "గీతాబంధు" శ్రీ గోలి లక్ష్మయ్య, గుంటూరు

 సుభాషితం:

యత్కించి దపి సంకల్పాత్

నరో దుఃఖే నిమజ్జంతిl

న కించిదపి సంకల్పాత్

సుఖమక్షయ మశ్నుతేll 

తేటగీతి:

"ఏమయినను పొందగల నీ యిలను పైన"

యని మనిషి చేయు సంకల్ప మధిక చింత 

చిత్తమందు సంకల్పము చేయకున్న 

యధిక సుఖమును మానవుం డనుభవించు.

భావం: "ఏమైనా పొందుతాను" అని మనిషి చేసే సంకల్పం అతనిని దుఃఖంలో ముంచివేస్తుంది. స్వలాభాపేక్షతో ఎట్టి సంకల్పం చేయకుండా ఉంటే నాశనం లేని సుఖాన్ని అనుభవిస్తాడు.:

 ఆ.వె||

చట్టసభల లోన చెట్టలు జేరుచో

పట్ట బగ్గములును కట్టుబాట్లు

కంటబడవు సుమ్ము కలికాని కైనను!

ఎన్నుకొనెడి వారి నేమనవలె?

---------కోడూరి శేషఫణి శర్మ

----

"కం.

--

నగరాట్సేవితబాలక 

జగదంబకరుణనునొందు శరవణభవుఁడా

పగలన్ ద్రెంచుము మాదౌ

సుగతిన్ జూపించుమయ్య ' సుబ్రహ్మణ్యా' !!! "

----

*శ్రీ గణనాథోద్భవము

 శుభోదయం!🙏

     *శ్రీ గణనాథోద్భవము!* మూలం: శ్రీ శివ మహాపురాణం!

10ఉ.

బాలుని మాటలన్ వినిన భవ్యముదంబున పుత్రు జూచుచున్!

పోలిక గానమీ భువిని పోరున నిన్ననుచిచ్చి వేత్రమున్,

పాలకు జేయుచున్ నిజ నివాస భవంతికి నాతి యిట్లనెన్!

తాలిమి నాదు యాజ్ఞలను దప్పగ రాదు కమార నిత్యమున్!!

భావము: బాలకునిమాటలు విని సంతోషముతో వానిని జూచుచూ నీకు పోరునందు సమానులు లేరని పలుకుచూ వానికి ఒక దండమునిచ్చి తననివాసభవన పాలకుని జేయుచూ నాయానతినెప్పుడూ తప్పరాదుసుమా అని పలికి ఇంకనూ....

                      ☘️☘️🙏☘️☘️

శ్రీ రామ స్తుతి🙏

ఆ.

అధరమందు పుట్టు మధుర వాక్కుల చేత

కుదిరినట్టి మైత్రి కూలుపోవు

హృదయమందు పుట్టు పదిలమౌ స్నేహమే

చెదరదెప్పుడైన చిన్న సూరి

:

 పెదవులు పలికినమాటలు

కుదరుగ నిలుపవుగ మైత్రి గూలగజేయున్

హృదయము బలికిన మాటలు

చెదరక కలకాలముండు స్నేహము గూర్చున్

             జనమంచి

జీవులందు నీవు జనుల-జీవమీవు

ద్వైతమున నీవుతెలియన-ద్వెతమీవు

సర్వమునునీవు సకలార్ధ-సాక్షినీవు

పతిత పావన!వేణుగోపాలదేవ!!-డా.గుడిసేవ.

శ్రీ రామ స్తుతి🙏 

 సీ.ఘనమైన హారముల్  కాంచన చేలముల్

              ధరియించి కొలువైన ధర్మపాల !

     మహనీయ శ్రీరామ ! మధుర మధుర నామ !

              ధరణిపాలకరామ ! ధన్యచరిత !

     జానకీ ప్రాణేశ ! జగదభి రామయ్య !

               కాకుత్థ్సవంశజా ! ఘనచరిత్ర !        

     రఘువంశ చంద్రమా ! రాజిత గుణధామ             

              కమనీయరఘువరా ! కావు మమ్ము

తే.వల్కలమ్ముల ధరియించి వనము కేగి

    దనుజ దర్పమ్ము నణచిన ధర్మవీర !

    సవనమును గాచి బ్రోచిన శౌర్యరామ !

    దశరథాత్మజ ! రఘురామ ! ధర్మతేజ !

        సాహితీ శ్రీ జయలక్ష్మి

శిఖిన్యై* నమః..🙏🏼

 362. ఓం *శిఖిన్యై* నమః..🙏🏼

శ్రీ లక్ష్మీసహస్ర నామములలో 362వ నామము

నామ వివరణ. 

అమ్మ ఆడనెమలి

తే.గీ.  *శిఖిని!* నాకిమ్ము సర్వతోముఖజయంబు,

లసదృశమ్ముగ, నిన్ గొల్తు ననుపమాన!

దీప్తమౌనట్టి సద్గుణవ్యాప్తిఁ గొల్పి

నిరతమున్ నన్ను రక్షించు నీరజాక్షి.

🙏🏼

రచన .. చింతా రామకృష్ణారావు.

మాటగందం

 *మాటగందం*                  *చక్రవర్తి*

ఆవె.

చట్టసభలనిండ సార్థవాహులు చేర 

జనులబ్రతుకులుండు సంతయందు

గుంటనక్క లడవినంటి పాలించిన

క్రందు స్వార్థనీతి రాజ్యమేలు

కొడవలి చేతబట్టుకొని

 కొడవలి చేతబట్టుకొని గొంతుక కూర్చుని , పల్లి చేలలో 

కొడుముల నీరుజల్లుచును గొప్పులు త్రవ్వి దినాంతమందు , పూల్ 

ముడచిన కొప్పుపై కడవ పొందుగ నిల్పి , శ్రమం బెఱుంగకే 

వడివడి పోవు చానల విభావము చూడగ మోదమయ్యెడున్. 

చేతను పాల చిక్కము , సుచేలక మొక్కటి మూపుపైన , డా 

చేతను దుడ్డుకఱ్ఱ , చిఱు చెమ్మట మోమున కిర్రు చెప్పులున్ , 

ప్రీతిని గొఱ్ఱె పోతు తన వెంట చనంగను , దుక్కి టెద్దులన్ 

హూతి నదల్చుచున్ వెడల చుండెను రైతు కనoబడున్ మదిన్.

నాపద్యం

 నా చిత్రం...నాపద్యం

సీ.మా.

సింగిరెడ్డికుటుంబసిగలోనమణిగాను

బుచ్చమ్మమల్లయ్యబుడుతడయ్యి

హనుమాజిపేటలో నవతారమెత్తియు

నారాయ ణుడిగాను నామమొంది

ఉన్నతవిద్యలోఉత్తమఛాత్రుడై

ఆంధస్రాహిత్యము నభ్యసించి

కవితలుకథలును గజలుతెలుగులోన

పరిచయ మొనరించి వన్నెదెచ్చి

వీధిబడిమొదలు విశ్వంభరవరకు

జ్ఞానపీఠముబొందిజ్ఞాని వయ్యి

నన్ను దోచుకునుందు ,ననుపాట నుండియు

తెలుగుజాతిమనది,వెలుగుజాతి

మనదని పంచెను మంచిగావర్ణించి

మూడువేలకుపైన ముచ్చటైన

పాటల రాసియు పఖ్ర్యా తి నొందగ

చితస్రీమనుయేలి సిరులు బొంది

ఆ.వె.

తెలుగు భాష తీపితెలగాణకీర్తిని

తెలుగుకవిగ తానేతేజ పరిచి

కళల తల్లి సేవ కడవరకునుజేసి

వెలిగినారు వారు విశ్వ కవులు

సి.నా.రే.కి...నతులిత్తు చేతులెత్తి..

 సి.నా.రే.కి...నతులిత్తు చేతులెత్తి..

సీ..

సింగిరెడ్డివంశీయ చిత్రగీతతిలక

    అయ్యారె హే భళారె  యాసినారె

పదబంధలాలిత్య భావనామయకావ్య

       సృజనంబు ఘనముగాచేసినారె

పలుగజళ్ళలిఖించి పటుతనుజూపించి

       తెలుగును పుష్టిగ తీర్చినారె

విశ్వంభరరచించి విశ్వకీర్తిని గాంచి

     యా జ్ఞానపీఠుడునౌ సినారె....

తేగీ

ఆధునికసాహితీవాణినాదరించి

శోధనాత్మకరీతిలో సొబగులలది

భాష వెలుగంగ బహువిధప్రక్రియలను

పండజేసిన ఘనుడురా..పండితుండు

శ్రీ సి.నా.రే.కి  నతులిత్తు.. చేతులెత్తి.

వారి జయంతి వేళ అక్షరప్రశంస...

రాయప్రోలు జగదీశచంద్రశర్మ తెనాలి.

ఆగమేఘాలు

 

1)ఆగమేఘాలు:-

అగము=కొండ.ఆగమేఘాలు=కొండపైనున్న

మేఘాలు.మామూలుమేఘాలకన్న కొండపైని

మేఘాలుదగ్గరగానున్నచెట్లగాలికి వేగంగా ప్రయాణిస్తాయి.అతివేగమని దీనియర్థము....

2)శీతకన్ను:-శ్రీదుడంటే

కుబేరుడు.పార్వతిని

ఒకరకముగాచూచినందున శివుడు కోపించి

అతనికంటినిపగులునట్లుగా శపించెను.దృష్టిలోపమున్నట్లు గమనించనప్పుడీప దం

వాడతారు."శ్రీదకన్ను"

కాస్తా శీతకన్నైంది.ఇది

వైరిసమాసము.

గమనించండి...

మత్తేభము

----

"మత్తేభము..

--

జగదాధార శివా పరేతమహినీస్థానమ్మునచ్చెన్ గదే..

నగరాట్సేవిత కింకరప్రణుత నీనామంబెమోక్షంబిడున్

అగరాట్పుత్రికభార్యగానమరె యాగధ్వంసి రుద్రా భళా..

సగమైనుండెనె పార్వతమ్మయహ యీశా నీశరీరమ్మునన్ !!! "

----

క్రొత్తపలుకు-10

 క్రొత్తపలుకు-10 

స్నేహహస్త మీయ చెలరేగి కొందఱు 

స్వప్రయోజనమును బావుకొండ్రు 

స్వార్థమింత లేని సన్మైత్రి నిజమురా 

త్యాగయుక్తమైత్రి యమలమౌను 

*~శ్రీశర్మద*

గురువు ఉపదేశించిన

 *గురువు ఉపదేశించిన జ్ఞానమే ప్రయోజనకరం* 

“గురువు ఉపదేశించిన జ్ఞానమే ప్రయోజనకరం;  ఉపనిషత్తు చెబుతోంది.  గురు ఉపదేశం లేకుండా వచ్చే జ్ఞానము ప్రభావవంతంగా ఉండేది కాదు.  భగవంతుడు గీతలో చెప్పినప్పుడు,

 *ఇమం వివస్వతే యోగం బ్రోఖ్తవానహమవ్యమ్ I* 

 *వివస్వాన్ మనవే ప్రాహ మనురీక్ష్వాగవేప్రవీద్ II* 

 అన్నారు.  అంటే “సృష్టిలో సూర్యునికి ఇది నేర్పించాను” అంటాడు.  అప్పుడు, ఈ గురు-శిష్య వంశం సృష్టి నుండి వచ్చిందని చెప్పాలి.  గురువు లేకుండా మనం మన జీవితాన్ని నడిపించలేము.  కాబట్టి, గురు-శిష్య సంప్రదాయం ద్వారా శాస్త్ర తత్వాన్ని తెలుసుకున్న వ్యక్తి మాత్రమే మళ్లీ గురువుగా మారగలడు.  అంతే కాదు శాస్త్రంలో చెప్పిన విధంగా ఆసనాలు వేయగలగాలి.  మేము పుస్తకం చదివాము.  బాగా బోధిద్దాం.  కానీ వాటిని ఆచరించకపోతే ఆయనను గురువు అని ఎలా పిలుస్తాము?  ముందుగా మనం సరైన, శాస్త్రీయంగా మరియు నైతికంగా ఉండాలి.  అలా ప్రవర్తించమని మనం మరొకరికి చెప్పవలసి వస్తే, అలా ప్రవర్తించగలిగేలా యోగధంశం ఉండాలి.

ముందుగా సదాచరణంలో ఉండి తర్వాత ఇతరులకు ధర్మాన్ని ప్రబోధించడం గురువు విధి.  ప్రతి ఒక్కరు గురు సంప్రదాయ పూర్వకంగా గ్రంధాలను తెలుసుకోవాలి.  శాస్త్రోక్తాన్ని అనుసరించి ఆసనాలు వేయాలి.

-- *జగద్గురు శ్రీశ్రీశ్రీ భారతీతీర్ధ మహాస్వామి వారు*

నీటిలోపడిన

 💎🌅  *_-|¦¦|శుభోదయమ్|¦¦|-_* 🌄🪔

🪔 *_𝕝𝕝ॐ𝕝𝕝 సుభాషితమ్ 𝕝𝕝卐𝕝𝕝_* 💎

        శ్లో𝕝𝕝   *జలే తైలం ఖలే గుహ్యం*

                *పాత్రే దానం మనాగపి* |

                *ప్రాజ్ఞేశాస్త్రం స్వయం యాతి*

                *విస్తారం వస్తుశక్తితః||*

                 *--- చాణక్యనీతి ---*

     తా𝕝𝕝 *నీటిలోపడిన నూనె, నీచుడికి తెలిపిన రహస్యం, యోగ్యిడికిచ్చిన దానం‌, బుద్ధిమంతుడికి నేర్పిన విద్య* ఇవి కొద్దిపాటివైనా సహజంగానే వ్యాప్తి చెందుతాయి.... అనగా ఇవి బాగా వ్యాప్తిచెంది *బహుళ ప్రచారం అవుతాయి* అని భావము....

చాణక్యనీతి

 💎🌅  *_-|¦¦|శుభోదయమ్|¦¦|-_* 🌄🪔

🪔 *_𝕝𝕝ॐ𝕝𝕝 సుభాషితమ్ 𝕝𝕝卐𝕝𝕝_* 💎

        శ్లో𝕝𝕝   *జలే తైలం ఖలే గుహ్యం*

                *పాత్రే దానం మనాగపి* |

                *ప్రాజ్ఞేశాస్త్రం స్వయం యాతి*

                *విస్తారం వస్తుశక్తితః||*

                 *--- చాణక్యనీతి ---*

     తా𝕝𝕝 *నీటిలోపడిన నూనె, నీచుడికి తెలిపిన రహస్యం, యోగ్యిడికిచ్చిన దానం‌, బుద్ధిమంతుడికి నేర్పిన విద్య* ఇవి కొద్దిపాటివైనా సహజంగానే వ్యాప్తి చెందుతాయి.... అనగా ఇవి బాగా వ్యాప్తిచెంది *బహుళ ప్రచారం అవుతాయి* అని భావము....

హనుమ నామ స్మరణం

 ✴️✴️✴️✴️✴️✴️✴️✴️✴️

   *హనుమ నామ స్మరణం -*    

     *సర్వపాప నివారణం*

✴️✴️✴️✴️✴️✴️✴️✴️✴️

*ఎంతటి కష్టాన్నైనా తొలగించే అంజని పుత్రుడు. జీవితంలో సమస్యలెదురై క్లిష్ట పరిస్థితిలో వున్నప్పుడు కార్య సాధనకై భక్తులు శ్రీరామ సమేతుడైన ఆ రామభక్తుని స్మరిస్తే చాలు హనుమంతుడు వెంటనే వారి కోరికలు తీరుస్తాడు.*

*అంజనేయస్వామి చరిత్ర చదివిన వారికి బ్రహ్మచర్య వ్రతపాలన, శీలరక్షణ, బలబుద్దుల వికాసము శ్రీరామచంద్రల వారి యెడల భక్తి పూర్వకమైన దాస్య భావము మెదలైన మహత్తర గుణోపదేశము లభిస్తాయి.*

*అంజనేయుని ప్రార్ధించిన భక్తులకు నెల్లప్పుడూ సంరక్షిస్తుంటాడు ఆస్వామి. భూత, ప్రేత రాక్షసాదులు ఆ స్వామి నామాన్ని ఉచ్చరించినంత మాత్రమే పారిపోతాయి. స్మరణ చేస్తేనే చాలు, ఆరోగ్యం కుదుటపడుతుంది.*

*ఆయనవల్ల తులసీదాసుకు రామదర్శనం లభించింది. ఆయన్ని ధ్యానిస్తే అలౌకికమైన సిద్దులు లభిస్తాయి.*

*అందుకే శ్రీ రామచంద్రుడు హనుమంతుని యశస్సు గురించి చెబుతూ "యుధ్దంలో ఆంజనేయుడు చూపించిన పరాక్రమాన్ని యముడు, ఇంద్రుడు, కుబేరుడు ఇతర లోక పాలకులెవరూ చూపలేరు" అన్నాడు.*

*"హనుమంతుడు ఒక్కడు జీవించే వుంటే చాలు మనమంతా లేకుంటేనేం శ్రీరాముడికి తప్పక జయం లభిస్తుంది" అని యుధ్ధకాండలో అంటాడు  జాంబవంతుడు.*

*ఆయనలో వుండే శ్రీరామభక్తి కారణంగానే ఆంజనేయుని స్మరణ అమోఘమైన ఫలాన్ని సాధిస్తుంది.*

*”శ్రీరామ"* *నామాన్ని ఆంజనేయుడు తన జీవిత సర్వస్వంగా భావించాడు.*

*హనుమంతుడు నలుడు, నీలుడు మెదలైన వానర వీరులకు శ్రీరామనామాన్ని ఉపదేశిస్తూ..*

*"త్రాసులోని ఒక పళ్లెంలో సమస్త మహా మంత్రాలను అనంత కోటి జ్జాన ధ్యాననాది సాధనా ఫలాలను ఉంచి, రెండవ పళ్లెంలో కేవలం శ్రీ రామనామాన్ని ఉంచితేచాలు అవన్ని కలిసినా సరితూగవు" అంటాడు.*

*శ్రీరామ నామాన్ని జపించే వారి పట్ల ఆంజనేయస్వామి తప్పక ప్రసన్నుడై వుంటాడు. అటువంటి వారిపట్ల వారికి తను కల్పవృక్షమై సమస్త కోరికలను తప్పక తీరుస్తాడు.*

*సమస్తరోగములకు ఒకే ఒక దివ్యౌషథం కలదు. ఆదియే "భగవన్నామం"*

*ఆధ్యాత్మిక చింతనకు ముఖ్యం కోరికల నుండి మనసును దూరం చేయడం అని పెద్దలు చెబుతారు.*

*శ్రీ హనుమత్ త్రికాల ధ్యానం.*

*[ఉదయ, మధ్యాహ్న, సాయం సమయములందు హనుమద్భక్తులు పఠించవలసిన భక్తి శ్లోకాలు]*

*ఉదయం:>*

*ప్రాతః స్మరామి హనుమంత మనంత వీర్యం*

*శ్రీ రామ చంద్ర చరణాంబుజ చంచరీకం*

*లంకా పురీ దహన వందిత దేవ బృందం*

*సర్వార్ధ సిద్ధి సదనం ప్రదిత ప్రభావం.*

*మధ్యాహ్నం:>*

*మాద్యం నమామి సృజినా ర్నవ తారనైకా*

*దారం శరణ్య ముదితానుపమా ప్రభావం*

*సీతార్తి సింధు పరిశోషణ కర్మ దక్షం*

*వందారు కల్ప తరు మవ్యయ మామ్జనేయం*

*సాయంత్రం:>*

*సాయం భజామి శరనోప శ్రుతాఖి లార్తి*

*పుంజ ప్రనాషణ విధౌ ప్రదిత ప్రభావం*

*అక్షామ్తకం సకల రాక్షస కేతు ధూమం*

*ధీరం ప్రమోదిత విదేహ సుతం దయాళుం .*

*ఓం నమో శ్రీ ఆంజనేయ॥*

*ఓం నమః శివాయ॥*

✴️✴️✴️✴️✴️✴️✴️✴️✴️

ఆషాడ మాసంలో కృత్తికా నక్షత్రం

 🕉️🕉️🕉️🕉️🕉️🕉️🕉️🕉️🕉️            

            *ఆడి కృత్తిక*

*శ్రీ సుబ్రహ్మణ్యుని ఆరాధనకు*

           *విశేషమైన రోజు*

 🕉️🕉️🕉️🕉️🕉️🕉️🕉️🕉️🕉️

*ఆషాడ మాసంలో కృత్తికా నక్షత్రం వచ్చే రోజుని ఆడి కృత్తిక అంటారు ...*

*ఇది సుబ్రహ్మణ్యునికి అత్యంత ప్రీతికరమైన రోజు ...*

*ఈ రోజున సుర్యోదయానికంటే ముందే నిద్ర లేచి శుచియైన తరువాత చలిమిడితో ( చలిమిడి అంటే బియ్యప్పు పిండిని బెల్లంతో కలిపి ముద్దగా చేయాలి ) ఆవు నేతితో మూడు వత్తుల దీపం శివ కుటుంబం ( శివుడు, పార్వతీ దేవి, వినాయకుడు, సుబ్రహ్మణ్యుడు ) చిత్రపటం ముందు వెలిగించి ... చిమ్మిలి ( తెల్ల నువ్వులు బెల్లం కలిపి చేస్తారు ), పచ్చి పాలు, వడపప్పు ( నానబెట్టిన పెసరప్పు ), అరటి పండ్లు, తాంబూలం ఇవన్నీ నివేదించి, సుబ్రహ్మణ్యుని స్తోత్రాలు, సుబ్రహ్మణ్య జన్మ వృతాంతం చదువుకుని, సాయంత్రం వరకూ ఉపవసించి, సాయంత్రం నక్షత్ర దర్శనం చేసుకుని ప్రసాదముగా పిండి దీపము, చిమ్మిలి, వడపప్పు, అరటి పండ్లు స్వీకరించాలి. ముందు రోజు రాత్రి మరియూ ఆ రోజు రాత్రి  బ్రహ్మచర్యం పాటించాలి. ఇలా చేయడం వలన సుబ్రహ్మణ్య స్వామి వారి విశేష అనుగ్రహం కలుగుతుంది. పిల్లలు వృద్ధిలోకి వస్తారు. మందమతులు, జడులు, మతి స్థిమితం సరిగ్గా లేని పిల్లలకు ఈ పూజ అమృత తుల్యంగా పనిచేస్తుంది. అందరికీ జ్ఞానం కలుగుతుంది. సుబ్రహ్మణ్యుడు ఉత్తమమైన జ్ఞానం కలిగిస్తాడు. ఇది తమిళ నాట ఎంతో విశేషంగా జరుపుకునే పండుగ.*

*మన తెలుగు రాష్ట్రాల్లో అంతగా ప్రాచుర్యం లేదు. తమిళనాడుకు సమీపంలో ఉన్న ఊర్లలో మాత్రమే జరుపుతుంటారు. ...*

*అసలు ఎందుకు ఈ కృత్తికకు అంత ప్రత్యేకతో తెలుసుకుందాం ...*

*తమిళులకు ఏ మాసమైన పౌర్ణమి రోజుతో మొదలవుతుంది, కనుక ఆషాడ పౌర్ణమి నుండీ వారికి ఆషాడ మాసం ప్రారంభమయ్యిందన్నమాట. మనకు ఆషాడ మాసంలో బహుళ ఏకాదశి నుండీ దక్షిణాయనం ప్రారంభమవుతుంది, అదే తమిళులకు తొలి శుద్ధ ఏకాదశి అన్నమాట.*

*అంతేకాదు దక్షిణాయనం ముఖ్యంగా పితృ దేవతల ఆరాధనకు ప్రీతికరమైనది.*

*పార్వతీ దేవి సుబ్రహ్మణ్యుని మాతృకలైన కృత్తికలకు ఏ మాసంలోనైనా కృత్తికా నక్షత్రం రోజున ఎవరైతే  సుబ్రహ్మణ్య స్వామివారిని ఆరాధిస్తారో వారికి సుబ్రహ్మణ్యుని సంపూర్ణ అనుగ్రహం కలుగుతుందని వరం ప్రసాదించిందట. అందులోనూ దక్షిణాయనానికి ముందు వచ్చే కృత్తిక గనుక దీనిని ఆది కృత్తిక అనీ, ఆషాడ మాసంలో వచ్చేది కనుక ఆడి కృత్తిక అనీ కూడా అంటుంటారు. అందుకే ఆషాడ ఆడి కృత్తిక సుబ్రహ్మణ్యుని ఆరాధనకు అత్యంత శ్రేయస్కరమైనది.*

*వీలైతే ఈ రోజు  ఎవరైనా వేదవిధునికి కుదిరితే ( బాల బ్రహ్మచారి అయిన వేదవిధునికి ) షడ్రసోపేతమైన భోజనం పెట్టి, ఎర్రటి పంచ, పైపంచ, శక్తిమేరకు దక్షిణ, తాంబూలం, అరటి పండ్లు, గొడుగు, పాదరక్షలు, రాగి చెంబు( లేదా పంచపాత్ర ఉద్దరిణ, అర్ఘ్య పాత్ర ) సమర్పించి తానే సుబ్రహ్మణ్యునిగా భావించి ఆశీర్వచనం తీసుకుంటే కలిగే ఫలితం మాటల్లో వర్ణించలేము ... ఒకవేళ బాల బ్రహ్మచారియైన వేదవిధుడు లేక గృహస్తు అయిన వేదవిధుడు లభించకపోతే మధ్యాహ్న సమయంలో ఎవరికైన ఆకలితో ఉన్నవారికి కడుపు నిండుగా ఆహరం పెట్టినా మంచిదే ... ఒకవేళ అటువంటి వ్యక్తి కూడా లభించకపోతే పశు పక్షాదులకు ఆహరం సమర్పించి సుబ్రహ్మణ్యుని ప్రార్ధించినా ఉత్తమ ఫలితం ఉంటుంది .*

*కనుక వీలైన వారందరూ తమ శక్తివంచన లేకుండా సుబ్రహ్మణ్య స్వామి వారిని  ఆరాధించండి.*

*ఓం శరవణభవ॥*

*ఓం గణేశాయ నమః॥*

*ఓం నమఃశివాయ॥*

🕉️🕉️🕉️🕉️🕉️🕉️🕉️🕉️🕉️

పాప కర్మల వైపే

 🛐🛐🛐🛐🛐🛐🛐🛐

పాప కర్మల వైపే మనుష్యులు మ్రొగ్గు చూపుటకుగల కారణములు

🛐🛐🛐🛐🛐🛐🛐🛐

*పాపపుణ్యాల గురించి చాలా మందికి మంచి అవగాహనే ఉంది. పాపపుణ్యాలు క్రమంగా సత్కర్మల మరియు దుష్కర్మల ఫలితమని వారికి తెలుసు. మంచి చెడుల మధ్య తేడాను గ్రహించగలిగినా ఆశ్చర్యకరంగా మానవుడు పాపపు కర్మలలోనే నిమగ్నుడవుతాడు.*

*ఒకసారి దుర్యోధనుని యిలా ప్రశ్నించారు. ''మీరు రారాజు. శాస్త్రాలను చదివారు. ధర్మమంటే ఏమిటో తెలుసు. అయినా మీరు యిలా ఎందుకు ప్రవర్తిస్తారు?'' అందుకు దుర్యోధనుడు -*

*जानामि धर्मं न च मे प्रवृत्तिः जानाम्यधर्मं न च मे निवृत्तिः ||*

*''ధర్మమంటే ఏమిటో నాకు తెలుసు. అయినా నా మనస్సు దాని వైపు మొగ్గటం లేదు. అధర్మమూ నాకు తెలుసు. కాని నామనస్సు పాప కర్మలను ఆచరించటానికే ఇష్టపడుతోంది.'' అని సమాధానమిచ్చుట ఆశ్చర్యకరమైన విషయం.*

*శ్రీకృష్ణ భగవానుని మాటలను వింటున్న అర్జునుడు ''దేవా ! నీవు బోధించే విషయం తెలుస్తున్నా మనిషి ప్రవర్తన చూస్తే వింతగా అనిపిస్తోంది'' అని ప్రశ్నించాడు.*

*अथ केन प्रयुक्तोऽयं पापं चरति पूरुषः |*

*अनिच्छन्नपि वार्ण्षेय बलादिव नियोजितः ||*

*''మనిషికి తాను ఏమి చేస్తున్నాడో తెలిసి చేసినా ఎవరి బలవంతం మీదనో చేస్తున్నట్లు పాపపు పనులనే చేస్తుంటాడు. దానికి కారణమేమిటి ?''  దానికి శ్రీకృష్ణ భగవానుని సమాధానం ఇది -*

*काम एष क्रोध एष रजोगुणसमुद्भवः |*

*महाशनो महापाप्मा विद्ध्येनमिह वैरिणम् ||*

*కామము మరియు క్రోధమనబడు శత్రువులు రజో గుణం వలన ఉద్భవించుచున్నవి. అవి మహా పాపిష్ఠమైనవి. అవే మనిషిని బలవంతంగా పాపానికి ప్రేరేపిస్తాయి.*

*పై అభిప్రాయం మనకు క్రొత్త కాదు. మనందరికీ సామాన్యంగా తెలిసినదే.  అయితే మళ్ళీ మళ్ళీ మనం దానిని గురించి చర్చించాలి. ఎందుకంటే మనం దానిని ఆచరణలోకి తీసుకురాలేకపోతున్నాం కదా. కామం, క్రోధం అనేవి ప్రతి మనిషికి బద్ధ శత్రువులు. మనిషికి మొదట యిష్టం లేకపోయినా పాపకార్యాలు చేసేటట్లు ఈ రెండూ బలవంతపరుస్తాయి. కామక్రోధాలను అదుపులో ఉంచుకున్నట్లయితే పాపం చేయాలనిపించదు.*

*ఒక వస్తువును తీవ్రంగా కోరుకోవటం కామమైతే, ఆ వస్తువు లభించకపోతే లేదా దానిని కోల్పోతే క్రోధం వస్తుంది. क्रुद्धो हन्याद्गुरूनपि - క్రోధంతో ఉన్నవాడు ఏమైనా చేస్తాడు. చివరికి తన గురువుగారిని హింసించటానికి కూడ వెనకాడడు.*

*శ్రీకృష్ణభగవానుడు కామ క్రోధాలను తొలగించుకోవలసిన అవసరం గురించి భగవద్గీతలో వివరించాడు. కామక్రోధాల బంధువులే లోభ, మోహ, మద, మాత్సర్యాలు.*

--- *జగద్గురు శ్రీశ్రీ భారతీ తీర్థ మహాస్వామివారు.*

*శ్రీ గురుభ్యోనమః!*

🛐🛐🛐🛐🛐🛐🛐🛐

*ఓం శాంతిః శాంతిః శాంతిః!*

*సర్వేజనా సుఖినోభవంతు!!*

*ఓం తత్సత్!!*

*సర్వం శ్రీ కృష్ణార్పణమస్తు!!*

*ఓం నమః శివాయ!!!*

🛐🛐🛐🛐🛐🕉️🛐🛐🛐

*(సంకలనం భగవంతుని కృపతో మీ ఆత్రేయపురపు వెంకట రమణమూర్తి)*

🛐🛐🛐🛐🛐🛐🛐🛐🛐

గురువు త్రిమూర్తి స్వరూపుడు

 గురువు త్రిమూర్తి స్వరూపుడు

గురువు విశద పరచు కడు నిగూఢ విషయమున్ 

గురువును నమ్మిన వారికి 

నెరవేరునభీప్సితములు నిక్కము ధాత్రిన్ 

రచన :శనగల చంద్రశేఖర్

(నా గురుదేవులకు నమస్సులతో )

విధురుని పాత్ర*

 *మహాభారత యుద్ధంలో విధురుని పాత్ర* 

           🏹🏹🏹🏹

విదురుడు యుద్ధ విద్యలు నేర్చిన వాడే. పాండురాజు తన బిడ్డల బాధ్యత తన సోదరులిద్దరి మీద పెట్టి పోయాడు. పెద్ద వాడు పుత్ర మోహాంధుడై తన కర్తవ్యం విస్మరించాడు. చిన్న వాడు విదురుడు బాధ్యతతో మెలగాడు.

మాయాజూదంలో పాండవులను పద భ్రష్టులను చేసిన ఆనందం లో ఇపుడు మన పాలన ఎట్లా ఉంది? అని పట్టరాని ఆనందంలో అడిగాడు ధృతరాష్ట్రుడు విదురుణ్ణి.

నిజంగా నీ శ్రేయస్సు కోరే వాళ్లు పాండు పుత్రులు. వాళ్లను పిలిపించి , ఆదేశించినపుడు నీకు కీర్తి, గౌరవం అని మంచి చెప్పాడు విదురుడు.

"నీకు వాళ్లే కనిపిస్తారు. నా బిడ్డలు ఎంత గొప్ప వాళ్లైనా నీ కంటికి ఆనరు . నీ (పాడు) మొగం చూపించక దూరంగా వెళ్లి పో —నీ కిష్టమైన చోట ఉండు"— అని బహిష్కరించాడు .

ఆయన వెళ్లి పోయాడు. మళ్ళీ ఏమనుకొన్నాడో! తనకు అప్రతిష్ఠ ఔతుంది-' అని భయపడ్డాడో ఏమో! దొంగ ఏడుపులు ఏడుస్తూ "నా తమ్ముడు నన్ను వదలి పోయాడు. పిలుచుకురా" అని సంజయుణ్ణి పాండవుల దగ్గరకు పంపాడు.

తర్వాత విదురుడు అంతంత లోనే ఉండి తన విధులు నిర్వర్తిస్తూ వచ్చాడు. రాజ్య తంత్ర నిర్వహణ ఈయన, ఆవాపం (అంటే పరరాజ్య చింత—  భీష్ముడు… నిర్వహించే శాఖలు.

తర్వాత పాండవుల పాలు వాళ్లకు ఇచ్చి వేయవలసిన రోజు వచ్చింది. [సంపద దక్కి యుండగ అశక్తులనం జను మమ్ము పిల్చి పూజింపగ అంత బేలె పతి? అంటాడు ధర్మ రాజు. అది ఆ నాటి పరిస్థితి. ] రాయబారం చేయమని పంపవలసినది విదురుణ్ణి. కానీ ఇలాంటి అయోగ్యపు పని చేయమని అడగడానికి ధృతరాష్ట్రుడికే మొగం చెల్లలేదు. తన ఆంతరంగిక మిత్రుడు సంజయుణ్ణి పంపించుకొన్నాడు.

రాయబారం వచ్చిన కృష్ణుడు స్పష్టంగా "మీ ఎల్లర అన్నంబులు అశుచులు. * విదురాన్నంబొక్కటి భోక్తవ్యంబని* నిశ్చయించితి అని చెప్పాడు. విదురుడి ఇంట ఆ 13 సంవత్సరాలు తల్లి కుంతి తలదాచుకొన్నది. విదురుడు ఇతరుల కంటే భిన్నంగా ఉంటూ ఉండిన పరిస్థితి అది. దుర్యోధనుడు విదురుణ్ణి లెక్క పెట్టడు.

ఆ పక్షంలో ఉన్నాడు గాబట్టి ఆ అధర్మం నిలపడానికే తానూ యుద్ధం లో పాల్గొనాలి. తనకు ఇష్టం లేదు. వాళ్లూ తనను నమ్ముకోలేదు. సహాయం కోరలేదు. కృష్ణుణ్ణి ఇంటికి పోయి కోరబట్టి పాల్గొన్నాడు. భీష్మ ద్రోణులనూ ప్రార్థించాడు దుర్యోధనుడు. తనకట్టి విపత్కర పరిస్థితి భగవంతుడు కలిగించలేదు. ఈ ఘోరకలి తప్పదు. నివారించవలసిన బాధ్యత గల రాజు ఉదాసీనత వహించాడు—అని

అక్కడ ఉండి ఆ విషాద వార్తలు వినలేక తీర్థయాత్రలు చేసి కాలం గడిపేశాడు విదురుడు.

తొడలు విరిగి చస్తూ * ఆ నాడే మా పినతండ్రి చెప్పాడు:— జూదపు ఆసపడం గాదు— అని. వినక పోతిని *—అని ఆ కులపాంసనుడు విదురుణ్ణి మహామతిని స్మరించుకొన్నాడు.

బలరాముడూ ఈ పనే చేశాడు. తనకు దుర్యోధనుడు అంటే ప్రీతి. పాండవులవైపు ధర్మం ఉంది. పోరాడితే కృష్ణుడికి ఎదురు నిలబడాలి… దిగితే తాడో పేడో తేల్చుకోవాలి— ఎటూ పాలుబోక ఆయనా తీర్థ యాత్ర చేశాడు. ఐనా ఉండబట్టలేక భీమ దుర్యోధనుల గదాయుద్ధం చూడడానికి హడావిడిగా పరుగులు దీస్తూ వచ్చాడు. 

విదురుడికి బంధు నాశం జరుగుతున్నదే!! అనే విషాదమే. తన అశక్తత తలపోస్తూ , పరదేశాలలో కాలం వెళ్లదీయవలసిన కష్టకాలం. అదెట్లో భరించి,, గతి లేని తన సోదరుణ్ణి అనునయించే బాధ్యత మళ్ళీ స్వీకరించి అతడికి మనశ్శాంతి కలిగించాడు.

జూలై 29, 2024*🌹 *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐* 

       🕉️ *సోమవారం*🕉️

   🌹 *జూలై 29, 2024*🌹

      *దృగ్గణిత పంచాంగం*                   

*స్వస్తి శ్రీ క్రోధినామ సంవత్సరం* 

*దక్షిణాయణం - గ్రీష్మ ఋతౌః*

*ఆషాఢమాసం - కృష్ణపక్షం*

*తిథి : నవమి* సా 05.55 వరకు ఉపరి *దశమి*

వారం :*సోమవారం*(ఇందువాసరే)

*నక్షత్రం : భరణి* ఉ 1055 వరకు ఉపరి *కృత్తిక*

*యోగం : గండ* సా 05.55 వరకు ఉపరి *వృద్ధి*

*కరణం : తైతుల* ఉ 06.39 *గరజి* సా 05.55 ఉపరి *వణజి*

*సాధారణ శుభ సమయాలు* 

*ఉదయం 06.00 - 07.30 & 09.30 - 10.30*

అమృత కాలం :*ఉ 06.17 - 07.50*

అభిజిత్ కాలం :*ప 11.48 - 12.40*

*వర్జ్యం : రా 10.39 - 12.13*

*దుర్ముహుర్తం : మ 12.40 - 01.31 & 03.14 - 04.06*

*రాహు కాలం : ఉ 07.24 - 09.01*

గుళిక కాలం :*మ 01.50 - 03.27*

యమ గండం :*ఉ 10.37 - 12.14*

సూర్యరాశి : *కర్కాటకం* 

చంద్రరాశి : *మేషం/వృషభం*

సూర్యోదయం :*ఉ 05.47*

సూర్యాస్తమయం :*సా 06.40*

*ప్రయాణశూల :‌ తూర్పు దిక్కుకు* 

*ప్రయాణం పనికిరాదు*

*వైదిక విషయాలు*

ప్రాతః కాలం :*ఉ 05.47 - 08.22*

సంగవ కాలం :*08.22 - 10.56*

మధ్యాహ్న కాలం :*10.56 - 01.31*

అపరాహ్న కాలం :*మ 01.31 - 04.06*

*ఆబ్ధికం తిధి : ఆషాఢ బహుళ నవమి*

సాయంకాలం :*సా 04.06 - 06.40*

ప్రదోష కాలం :*సా 06.40 - 08.54*

నిశీధి కాలం :*రా 11.52 - 12.36*

బ్రాహ్మీ ముహూర్తం :*తె 04.19 - 05.03*

______________________________

           🌷 *ప్రతినిత్యం*🌷

         *_గోమాతను 🐄 పూజించండి_* 

          *_గోమాతను 🐄 సంరక్షించండి_*

*🕉️శ్రీశైలేశ చరణ శరణాష్టకమ్🕉️*

సర్వార్తిభంజన ! సదాశివ ! దానవారే !

పార్థప్రహారకలితోత్తమమూర్థభాగ !

యక్షేశసేవితపదాబ్జ ! విభూతిదాయిన్ !

శ్రీశైలవాస ! చరణం శరణం తవాస్మి II

    🕉️ *ఓం నమః శివాయ*🕉️

🕉️🪷🌹🛕🌹🌷🪷🌷🕉️

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><><>

         🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🕉️🕉️🌹🌷

 🌹🍃🌿🕉️🕉️🌿🍃🌹