గోచి
-------
సీ||
గోచి కొఱకు క్రొత్త గుడ్డతో పనిలేదు;
పాత పంచెను జించి వాడవచ్చు!
పండుగలకు గాని పబ్బమ్ములకు గాని
బెట్టు చేయగ లేడు కుట్టువాడు!
వాషింగు మిషనునే వాడంగ బనిలేదు
చేతితో శుభ్రమౌ శీఘ్రముగను!
బట్ట బయట నారబెట్టంగ వచ్చును
దొంగ లెత్తుక పోవు బెంగ లేదు!
ఆ.వె||
యోగులైన గాని యోగ్యులైనను గాని
గోచి పెట్టినంత పేచి లేదు;
మనిషి పట్ల సుంత మన్నన చాలును!
శేషఫణియె చెప్పె చిత్తమలర!
--------కోడూరి శేషఫణి శర్మ
కామెంట్లు లేవు:
కామెంట్ను పోస్ట్ చేయండి