ఇష్టం బగునదె

*కం*

ఇష్టం బగునదె మనసగు

కష్టము నది స్వంతమయ్యు గమనించంగా

స్పష్టంబగు నీ సూక్ష్మము

సుష్టుగ గుర్తించకున్న శుంఠగు సుజనా.

*భావం*:-- ఓ సుజనా!ఇష్టమైన దే మనస్సు కు నచ్చుతుంది,అది కష్టం తోనే దక్కుతుంది, గమనించగా స్పష్టంగా అర్థమయ్యే ఈ చిన్న విషయాన్ని బాగా గుర్తించకపోతే మూఢుడవగుదువు.

*** *కొంపెల్ల శ్రీనివాస శర్మ*

*కం*

ఎవ్వారల కష్టంబుల

నవ్వారలు భారమంచు నాక్రోశించున్.

దవ్వున నును కొండలవలె

చివ్వున నొరులొందు సుఖము చిత్రణె సుజనా.

*భావం*:-- ఓ సుజనా! ఎవరి కష్టాలు వారి కి భారంగా అనిపించి ఆందోళన చెందుతారు. దూరంలో ఉన్న కొండల నునుపు వలె ఇతరులు నీకంటే సుఖంగా ఉన్నట్లు కనబడతారంతే.

*** *కొంపెల్ల శ్రీనివాస శర్మ*