రచన
గోపాలుని మధుసూదన రావు
తనకు ముందట చలి మంట , తరణి వెనుక
గడ్డమున కాలు కలసిన కాళ రాత్రి
భిక్ష అరచేత, వాసంబు వృక్షఛాయ
అయిన యంతంబుకావాశ లతనియందు 16
ఘనముగా సేయ స్నానంబు గంగయందు
అరయ వ్రతదానములనెన్ని యాచరించ
జ్ఞానహీనతనుండిన జనుడు ముక్తి
వందజన్మలకైనను పొందలేడు 17
దేవగృహములు , తరునీడ ,తృప్తినుండ
అజనచర్మపుధారణ ,యవనిపడక ,
సర్వ సుఖభవత్యాగముల్ ,సతతముండ
అరయ వైరాగ్య మీయదె అట్టి సుఖము ! 18
యోగిగానున్న సంసారభోగిగున్న
వంటరిగనున్న వసుధలో జంటగున్న
చిత్తమెవరిది బ్రహ్మను జేరియుండు
ఆతడానందమయునిగా ననయముండు 19
కోరి చదువంగ గీతను కొంచమైన
గంగనీరంబు గ్రోలగ కణముయైన
ఒక్కసారైన భజియించ నొనరహరిని
చర్చయుండదు జమునితో జన్మయందు 20
కామెంట్‌లు లేవు:
కామెంట్‌ను పోస్ట్ చేయండి