కొనలేరని మరచిపోవు

*

*కం*

తనయులకై సంపదలిడి

ఘనకార్యము చేసినటుల గర్వించు జనుల్

ఘనమగు సంస్కారములను

కొనలేరని మరచిపోవు కునుకుచు సుజనా.

*భావం*:-- ఓ సుజనా! పిల్లల కు సంపదలనిచ్చి ఘనకార్యము చేసినట్లు గర్వపడే తల్లిదండ్రులు ఆ సంపదలేవీ గొప్ప సంస్కారములను కొనలేవని మత్తులో మరచిపోవుదురు.

*సందేశం*:-- పిల్లల కు సంపదలివ్వకపోయినా పర్వాలేదు కానీ సంస్కారం ఇవ్వలేకపోవడమే పెద్ద తప్పు.

*** *కొంపెల్ల శ్రీనివాస శర్మ*