శ్రీలక్ష్మీస్తోత్రం లోపాముద్రా ||*
శ్రీలక్ష్మీస్తోత్రం లోపాముద్రా ||*
*|| మూలపాఠ శ్రీలోపాముద్రా ఉవాచ ||*
మాతర్నమామి కమలే పద్మాయతసులోచనే .
శ్రీవిష్ణుహృత్కమలస్థే విశ్వమాతర్నమోఽస్తు తే .. 1..
క్షీరసాగరసత్పుత్రి పద్మగర్భాభసుందరి .
లక్ష్మి ప్రసీద సతతం విశ్వమాతర్నమోఽస్తు తే .. 2..
మహేంద్రసదనే త్వం శ్రీః రుక్మిణి కృష్ణభామిని .
చంద్రే జ్యోత్స్నా ప్రభా సూర్యే విశ్వమాతర్నమోఽస్తు తే .. 3..
స్మితాననే జగధ్దాత్రి శరణ్యే సుఖవర్ద్ధిని .
జాతవేదసి దహనే విశ్వమాతర్నమోఽస్తు తే .. 4..
బ్రహ్మాణి త్వం సర్జనాఽసి విష్ణౌ త్వం పోషికా సదా .
శివౌ సంహారికా శక్తిః విశ్వమాతర్నమోఽస్తు తే .. 5..
త్వయా శూరాగుణీవిజ్ఞా ధన్యామాన్యాకులీనకా .
కలాశీలకలాపాఢ్యై విశ్వమాతర్నమోఽస్తు తే .. 6..
త్వయా గజస్తురంగశ్చ స్త్రైణస్తృర్ణం సరః సదః
దేవో గృహం కణః శ్రేష్ఠా విశ్వమాతర్నమోఽస్తు తే .. 7..
త్వయా పక్షీపశుః శయ్యా రత్నం పృథ్వీ నరో వధూః .
శ్రేష్ఠా శుధ్దా మహాలక్ష్మి విశ్వమాతర్నమోఽస్తు తే .. 8..
లక్ష్మి శ్రి కమలే పద్మే రమే పద్మోద్భవే సతి .
అబ్ధిజే విష్ణుపత్ని త్వం ప్రసీద సతతం ప్రియే .. 9..
శ్రీలక్ష్మీనారాయణసంహితాయాం శ్రీలోపాముద్రాకృత శ్రీలక్ష్మీస్తోత్రం ||
*🌞శుభ శుభోదయం🌞*
🙏🙏🌷🙏🙏🌷🙏🙏🌷🙏
కామెంట్‌లు లేవు:
కామెంట్‌ను పోస్ట్ చేయండి