సత్యమద్వైతము

 ఇది *శ్రీశర్మద* సేకరణ 👇

🌸🌸 🌸🌸

శ్రీభగవత్పాదాచార్యులు తాము దిగ్విజయాత్ర చేసే సమయంలో చోళ దేశములో నున్న శ్రీ మధ్యార్జున క్షేత్రమునకు వెళ్ళినప్పుడు పండితులనేకులు శ్రీ భగవత్పాద సమీపమునకువచ్చి ఈవిధముగ అన్నారు 

మీరువ్రాసిన భాష్యాది గ్రంథాలకు 

మీ ఉపదేశాలు శ్రుతులకు తాత్పర్యమైన అద్వైతమే పరమ తాత్పర్యము - అని తెలుసుకున్నాము 

అయిననూ ఈవిషయంలో మీరుప్రతిపాదించినదే సత్యము - అని తెలియజేయు వైదికమైన నిదర్శనము ఏదైనావుంటే అందరకు ఇప్పుడున్న అద్వైత నిశ్చయము స్థిరమౌతుంది 

                    వెంటనే శ్రీభగవత్పాదులు చోళదేశములో మధ్యలోనున్నట్లుగా కనుబడుచున్న శ్రీ మధ్యార్జున క్షేత్రములో విరాజిల్లుచున్న శ్రీ మహాలింగము స న్ని ధికి పండితులతోకలసివెళ్లి   

ఈ విధంగా ప్రార్థించారు " భగవన్ ! శ్రుతి తాత్పర్యమును పూర్తిగా తెలిసినవారు మీరే 

శ్రుతి మీనుండి యే ఆవిర్భవించినది 

అందువలన శ్రుతి కి తాత్పర్యమైన విషయమిది? 

అని సంశయ రహితముగా ఉండేటట్లు అందరి సమక్షంలో ప్రకటించాలి " 

వెంటనే భగవానుడు శరీరముతో మహాలింగమునుండి ఆవిర్భవించి తన కుడిచేతిని అభయ ముద్రతో పైకెత్తి "సత్యమద్వైతమ్  

సత్యమద్వైతమ్ 

సత్యమద్వైమ్ " అని మూడు పర్యాములు మేఘ గంభీరమైన ధ్వనితో చాటి చెప్పినాడు