🎻🌹🙏🙏🙏
వేణుమాధవుని ప్రేయసి...ఆరాధన...ఆమెయే రాధ...
చరిత పుటలలో ప్రేమకావ్యమై నిలిచిపోయె ఆమె గాథ...
మాధవుని పదాల రేణువైనా కావాలని, తపించి పోయిన యోగిని...రాధ...
తన కన్నుల గిన్నెలలో ఆ మోహనరూపాన్ని నింపేసుకోవాలని తాపత్రయం...
పరిణయానికి నోచకున్నా, ప్రణయానికి చిరునామాగా మారిన కథ...
ఆమె తనువంతా ఆయన వలపులే...మనసంతా అతని తలపులే...
ఆ మురళీగాన లాహిరిలో...ఆమె కన్నులెప్పుడూ అరమోడ్పులే...
జగతి దృక్కులలో స్వైరిణి అయితేనేమి, మాధవుని మనోహరిణి...
రాధ జీవనం మాధవుసన్నిధి లోని కొన్ని ఘడియల కాలమే...
మిగిలిన బ్రతుకంతా...ఆ మధుర క్షణాల మననమే...
రాధా మాధవ బంధం...అమలిన శృంగారానికి అద్వితీయ రాగబంధం...
అది రెండు ఆత్మలు ఏకమైన అనురాగసంగమం...ఎప్పటికీ అజరామరం..🙏🌹🎻
కామెంట్‌లు లేవు:
కామెంట్‌ను పోస్ట్ చేయండి