రామాయణమ్ 142
......................
శూర్పణఖ చెప్పిన విషయము పూర్తిగా విన్నాడు,మంత్రులందరినీ వెళ్లిపొమ్మన్నాడు.
తాను ఏమి చేయాలో దీర్ఘముగా ఆలోచించి
గుణ దోష విచారణ పూర్తిగా చేసి చేయవలసిన పనిగురించి ఒక అవగాహనకు వచ్చి వాహనశాలకు చేరుకున్నాడు.
.
రధాన్ని సిద్ధము చేయమని సారధికి ఆజ్ఞ ఇచ్చాడు.
.
సారధి అతిశీఘ్రముగా రత్నాలంకార భూషితమైన రధాన్ని సిద్ధము చేశాడు ,దానికి శ్రేష్టమైన గాడిదలు కట్టబడ్డాయి ,వాటి ముఖాలు పిశాచాల ముఖములాగా ఉన్నవి.
.
ఆ రధాన్ని ఎక్కి రావణుడు సముద్ర తీరము వైపుగా వెళ్ళాడు.
.
పది ముఖములు,ఇరువది భుజములు ,పది కంఠములు,పది శిరస్సులతో వైఢూర్యమువంటి
వంటి నిగనిగలతోస్వర్ణాభరణ భూషితుడై ఆకాశమార్గాన ప్రయాణం చేస్తుంటే చూసేవారికి కొంగలతోకూడిన నల్లటి మేఘములాగా కనపడ్డాటట.
.
ఆ తీరమంతా నయన మనోహరముగా ఉన్నది వివిధవృక్షజాతులు,ఎన్నో రకాల పక్షులు ,గంధర్వులు,మునులు ,దేవతలు,అప్సరసలు మొదలగు వారిచేత శోభాయమానముగా ఉన్నది.
.
ఆ సముద్రాన్ని దాటి ఆవలి వైపుకు వెళ్ళాడు రావణుడు అక్కడ సుందరముగా ,పవిత్రముగా ,ఏకాంతముగా ఉన్న ఒక ఆశ్రమానికి చేరుకున్నాడు.
.
అక్కడ కృష్ణా జినాన్ని,జటలను,నారచీరను ధరించి ,ఆహారనియమాలు పాటిస్తూ తాపసవృత్తిలో ఉన్న ముని వేష ధారియైన మారీచుని చూశాడు .
.
వచ్చిన రాక్షస రాజుకు యధావిధిగా అతిధి సత్కారాలు గావించాడు మారీచుడు.
అంత త్వరగా మరల తనవద్దకు రావడానికి గల కారణమేమిటి?
అని ప్రశ్నించాడు .
.
వూటుకూరు జానకిరామారావు
కామెంట్‌లు లేవు:
కామెంట్‌ను పోస్ట్ చేయండి