శివామృతలహరి

        శ్రీ.చిల్లర కృష్ణమూర్తి గారు వ్రాసిన

 #శివామృతలహరి శతకంలోని ఒక పద్యం;

మ||

పురవిధ్వంసక ! తావకీన పదాసంపుల్లాబ్జ కాసార సు

స్థిరసంవాస వరప్రసాద గరిమన్ స్వేచ్ఛోర్మికా డోలలన్

నిరతం బుయ్యెలలూగు హంసమును దీనిం బట్టి దేహంపుపెన్

జెర లసాలన్ పడవైచి చూచెదె 'మజా'! శ్రీ సిద్దలింగేశ్వరా!

భావం;( నాకు తెలిసినంత వరకు)

త్రిపురాలను దగ్ధం చేసిన ఈ మహేషా! నీ యొక్క పాద పద్మములు వెలసివుండే తటాకంలో నీ వరప్రసాద మహిమవలన నిత్యము హాయిగా, ఆ నీటి అలలపై స్వేచ్ఛగా ఊయలలూుగే హంసమును(నా ఆత్మను) తీసుకువచ్చి ఈ దేహము అనేటువంటి పెద్ద చెరసాలలో పడేసి తమాషా చూస్తావేమయ్యా!

నాకు విముక్తి ప్రసాదించి నీలో కలుపుకో స్వామి, శ్రీ సిద్ధ లింగేశ్వరా!