శివామృతలహరి

     శ్రీ.చిల్లర కృష్ణమూర్తి గారు వ్రాసిన
 #శివామృతలహరి శతకంలోని ఒక పద్యం;

శా||
దేవా ! దివ్యమునీంద్రపూజిత ! భవద్దీవ్యత్పదాంభోజ సం
సేవా స్వాదు మరందపాన కలనా చి త్సౌఖ్యమగ్నంబు : మ
ద్భావేందిందిర మెట్లుగోరు నితర వ్యాపారముల్ , స్నిగ్ధ రా
జీవంబయ్యది రేయి విచ్చుకొనునా? శ్రీ సిద్ధలింగేశ్వరా!

భావం ;( నాకు తెలిసినంత వరకు)

దివ్య స్వరుపులైన మునులతో నిత్యం పూజించబడే మహాదేవా!
తుమ్మెద పద్మాల నుండి తేనెను ఎలా సేవిస్తుందో, అలాగే నీ యొక్క పాద పద్మాలను ఆశ్రయించి సేవించటం ద్వారా కలిగే మకరందం పానం చేసే అనుభూతిని కోరుకొనే నా మనసు , అల్పమైనటువంటి ఇతర వ్యాపకాలను ఎలా కోరుకుంటుంది స్వామీ! ఉదయభానుడి కిరణాలతో విచ్చుకొనే తామర మొగ్గ,
రాత్రి పూట చంద్రుడి కిరణాలతో విచ్చుకోదు కదా, అందుకే నిరంతరము నీ చరణ సేవా భాగ్యం కల్పించు స్వామీ! శ్రీ సిద్ధ లింగేశ్వరా!
అని ప్రార్థించారు.