ఆదిశంకరాచార్య

 *శ్రీ బాలా, గాయత్రి కవచం & *శ్రీ ఆదిశంకరాచార్య విరచితం శ్రీ  గాయత్రి  అష్టకం*

🕉🌞🌏🌙🌟🚩

🔥ఓంశ్రీమాత్రే నమః🔥

అద్వైతచైతన్యజాగృతి

🕉🌞🌏🌙🌟🚩

*శ్రీబాలాకవచం*

🕉🌞🌏🌙🌟🚩

*1) వాగ్భవః పాతు శిరసి కామరాజః సదా హృది ! శక్తిబీజం సదా పాతు నాభౌ గుహ్యే చ పాదయోః !!* 

*2) ఐం క్లీం సౌ:  వదనే పాతు బాలా సర్వార్థసిద్ధయే ! జిహ్వాం పాతు మహాహంసీ స్కంధదేశే తు భైరవీ !!*

 *3)సుందరీ నాభిదేశం తు శిరసి కమలా సదా ! భ్రువౌ నాసాద్వయం పాతు మహాత్రిపురసుందరీ !!* 

*4) లలాటే సుభగా పాతు కంఠదేశే తు మాలినీ ! వాగ్భవం పాతు హృదయే ఉదరే భగసర్పిణీ !!*

 *5) భగమాలినీ నాభిదేశే లింగే పాతు మనోభవా ! గుహ్యే పాతు మహాదేవీ రాజరాజేశ్వరీ శివా !!*

*6) చైతన్య రూపిణీ పాతు పాదయో ర్జగదంబికా ! నారాయణీ సర్వగాత్రే సర్వకాలే శివంకరీ !!*

*7) బ్రహ్మాణీ పాతు మాం పూర్వే దక్షిణే పాతు వైష్ణవీ ! పశ్చిమే పాతు వారాహీ ఉత్తరే తు మహేశ్వరీ !!*

 *8) ఆగ్నేయ్యాం పాతు కౌమారీ మహాలక్ష్మీస్తు నైరృతే ! వాయవ్యాం పాతు చాముండా ఇంద్రాణీ పాతు ఈశకే !!*

*9) ఆకాశే చ మహామాయా పృథివ్యాం సర్వమంగలా ! ఆత్మానం పాతు వరదా సర్వాంగే భువనేశ్వరీ !!* 

*ఇతి సిద్ధయామలాంతర్గతం శ్రీబాలాకవచం సంపూర్ణం.*

🕉🌞🌏🌙🌟🚩

*శ్రీ గాయత్రిదేవి అష్టకం*

💫💫💫💫💫💫

*1) విశ్వామిత్రపఃఫలాం ప్రియతరాం విప్రాలిసంసేవితాం నిత్యానిత్యవివేకదాం స్మితముఖీం ఖండేందుభూషోజ్జ్వలాం !*

 *తాంబూలారుణభాసమానవదనాం మార్తాండమధ్యస్థితాం గాయత్రీం హరివల్లభాం త్రినయనాం ధ్యాయామి పంచాననాం !!* 

*2)జాతీపంకజ కేతకీ కువలయైః సంపూజితాంఘ్రిద్వయాం తత్త్వార్థాత్మిక వర్ణపంక్తిసహితాం తత్త్వార్థబుద్ధిప్రదాం !*

 *ప్రాణాయామ పరాయణైర్బుధజనైః సంసేవ్యమానాం శివాం గాయత్రీం హరివల్లభాం త్రినయనాం ధ్యాయామి పంచాననాం !!*

*3) మంజీరధ్వనిభిః సమస్తజగతాం మంజుత్వసంవర్ధనీం విప్రప్రేంఖితవారివారితమహారక్షోగణాం మృణ్మయీం !* 

*జప్తుః పాపహరాం జపాసుమనిభాం హంసేన సంశోభితాం గాయత్రీం హరివల్లభాం త్రినయనాం ధ్యాయామి పంచాననాం !!*

*4) కాంచీచేల విభూషితాం శివమయీం మాలార్ధమాలాదికాన్ బిభ్రాణాం పరమేశ్వరీం శరణదాం మోహాంధబుద్ధిచ్ఛిదాం!*

*భూరాదిత్రిపురాం త్రిలోకజననీమధ్యాత్మశాఖానుతాం గాయత్రీం హరివల్లభాం త్రినయనాం ధ్యాయామి పంచాననాం !!*

*5) ధ్యాతుర్గర్భ కృశానుతాపహరణాం సామాత్మికాం సామగాం సాయంకాలసుసేవితాం స్వరమయీం దూర్వాదలశ్యామలాం !*

 *మాతుర్దాస్యవిలోచనైకమతిమత్ఖేటీంద్రసంరాజితాం గాయత్రీం హరివల్లభాం త్రినయనాం ధ్యాయామి పంచాననాం !!*

*6) సంధ్యారాగ విచిత్రవస్త్రవిలసద్విప్రోత్తమైః సేవితాం తారాహీరసుమాలికాం సువిలసద్రత్నేందుకుంభాంతరాం !*

 *రాకాచంద్రముఖీం రమాపతినుతాం శంఖాదిభాస్వత్కరాం గాయత్రీం హరివల్లభాం త్రినయనాం ధ్యాయామి పంచాననాం !!*

*7) వేణీభూశిత మాలకధ్వనికరైర్భృంగైః సదా శోభితాం తత్త్వజ్ఞానరసాయనజ్ఞరసనాసౌధభ్రమద్భ్రామరీం !*

 *నాసాలంకృతమౌక్తికేందుకిరణైః సాయంతమశ్ఛేదినీం గాయత్రీం హరివల్లభాం త్రినయనాం ధ్యాయామి పంచాననాం !!*

*8)పాదాబ్జాంతరరేణుకుంకుమలసత్ఫాలద్యురామావృతాం రంభానాట్యవిలోకనైకరసికాం వేదాంతబుద్ధిప్రదాం !*

 *వీణావేణుమృదంగకాహలరవాన్ దేవైః కృతాంఛృణ్వతీం గాయత్రీం హరివల్లభాం త్రినయనాం ధ్యాయామి పంచాననాం !!*

 *9)హత్యాపానసువర్ణతస్కరమహాగుర్వంగనాసంగమాన్ దోషాంఛైలసమాన్ పురందరసమాః సంచ్ఛిద్య సూర్యోపమాః !*

 *గాయత్రీం శ్రుతిమాతురేకమనసా సంధ్యాసు యే భూసురా జప్త్వా యాంతి పరాం గతిం మనుమిమం దేవ్యాః పరం వైదికాః !!*

*ఇతి శ్రీమత్పరమహంసపరివ్రాజకాచార్య శ్రీమచ్ఛంకరాచార్యవిరచితం గాయత్ర్యష్టకం సంపూర్ణం.*

🕉🌞🌏🌙🌟🚩

*శ్రీగాయత్రీ కవచం*

💫💫💫💫💫💫

*ఓం శ్రీగణేశాయ నమః !!*

 

*యాజ్ఞవల్క్య ఉవాచ:-*

*1)  స్వామిన్ సర్వజగన్నాథ సంశయోఽస్తి మహాన్మమ ! చతుఃషష్ఠికలానం చ పాతకానాం చ తద్వద !!* 

*2) ముచ్యతే కేన పుణ్యేన బ్రహ్మరూపం కథం భవేత్ .! దేహం చ దేవతారూపం మంత్రరూపం విశేషతః !!* 

*3) క్రమతః శ్రోతుమిచ్ఛామి కవచం విధిపూర్వకం ! బ్రహ్మోవాచ ! గాయత్ర్యాః కవచస్యాస్య బ్రహ్మా విష్ణుః శివో ఋషిః !!*

*4) ఋగ్యజుః సామాథర్వాణి ఛందాంసి పరికీర్తితాః ! పరబ్రహ్మస్వరూపా సా గాయత్రీ దేవతా స్మృతా !!*

*5) రక్షాహీనం తు యత్స్థానం కవచేన వినా కృతం ! సర్వం సర్వత్ర సంరక్షేత్సర్వాంగం భువనేశ్వరీ !!* 

*6) బీజం భర్గశ్చ యుక్తిశ్చ ధియః కీలకమేవ చ ! పురుషార్థవినియోగో యో నశ్చ పరికీర్త్తితః !!* 

*7) ఋషిం మూర్ధ్ని న్యసేత్పూర్వం ముఖే ఛంద ఉదీరితం ! దేవతాం హృది విన్యస్య గుహ్యే బీజం నియోజ యేత్ !!*

*8) శక్తిం విన్యస్య పదయోర్నాభౌ తు కీలకం న్యసేత్ ! ద్వాత్రింశత్తు మహావిద్యాః సాంఖ్యాయనస గోత్రజాః !!*

*9) ద్వాదశ లక్ష సంయుక్తా వినియోగాః పృథక్పృథక్ ! ఏవం న్యాసవిధిం కృత్వా కరాంగం విధిపూర్వకం !!*

*10) వ్యాహృతి త్రయముచ్చార్య హ్యనులోమ విలోమతః ! చతురక్షరసంయుక్తం కరాంగన్యాసమాచరేత్ !!*

*11) ఆవాహనాది భేదం చ దశ ముద్రాః ప్రదర్శయేత్ ! సా పాతు వరదా దేవీ అంగప్రత్యంగసంగమే !!*

*12) ధ్యానం ముద్రాం నమస్కారం గురుమంత్రం తథైవ చ ! సంయోగమాత్మసిద్ధిం చ షడ్విధం కిం విచారయేత్ !!* 

*అస్య శ్రీగాయత్రీకవచస్య బ్రహ్మవిష్ణురుద్రా ఋషయః,*

 *ఋగ్యజుఃసామాధర్వాణి ఛందాంసి,*

 *పరబ్రహ్మస్వరూపిణీ గాయత్రీ దేవతా,*

 *భూర్బీజం, భువః శక్తిః, స్వాహా కీలకం,* 

*శ్రీగాయత్రీప్రీత్యర్థే జపే వినియోగః !! ఓం భూర్భువః స్వః తత్సవితురితి హృదయాయ నమః !* 

*ఓం భూర్భువః స్వః వరేణ్యమితి శిరసే స్వాహా ! ఓం భూర్భువః స్వః భర్గో దేవస్యేతి శిఖాయై వషట్ ! ఓం భూర్భువః స్వః ధీమహీతి కవచాయ హుం ! ఓం భూర్భువః స్వః ధియో యో నః ఇతి నేత్రత్రయాయ వౌషట్ ! ఓం భూర్భువః స్వః ప్రచోదయాదితి అస్త్రాయ ఫట్ !!*

*13) వర్ణాస్త్రాం కుండికాహస్తాం శుద్ధనిర్మలజ్యోతిషీమ్మ్ ! సర్వతత్త్వమయీం వందే గాయత్రీం వేదమాతరం !!*

. *అథ ధ్యానం:-*

*14) ముక్తా విద్రుమహేమనీలధవలచ్ఛాయైర్ముఖైస్త్రీక్షణై- ర్యుక్తామిందు నిబద్ధరత్నముకుటాం తత్త్వార్థ వర్ణాత్మికాం ! గాయత్రీం వరదాభయాంకుశ కశాం శూలం కపాలం గుణం శంఖం చక్రమథారవిందయుగలం హస్తైర్వహంతీం భజే !!* 

*15) ఓం గాయత్రీ పూర్వతః పాతు సావిత్రీ పాతు దక్షిణే ! బ్రహ్మవిద్యా చ మే పశ్చాదుత్తరే మాం సరస్వతీ !!*

*16) పావకీ మే దిశం రక్షేత్పావకోజ్జ్వలశాలినీ ! యాతుధానీం దిశం రక్షేద్యాతు ధానగణార్దినీ !!* 

*17) పావమానీం దిశం రక్షేత్పవమాన విలాసినీ ! దిశం రౌద్రీమవతు మే రుద్రాణీ రుద్రరూపిణీ !!* 

*18) ఊర్ధ్వం బ్రహ్మాణీ మే రక్షేదధస్తాద్వైష్ణవీ తథా ! ఏవం దశ దిశో రక్షేత్ సర్వతో భువనేశ్వరీ !!* 

*19) బ్రహ్మాస్త్ర స్మరణాదేవ వాచాం సిద్ధిః ప్రజాయతే ! బ్రహ్మదండశ్చ మే పాతు సర్వశస్త్రాస్త్ర భక్షక్రః !!*

*20) బ్రహ్మశీర్షస్తథా పాతు శత్రూణాం వధకారకః ! సప్త వ్యాహృతయః పాంతు సర్వదా బిందుసంయుతాః !!* 

*21) వేదమాతా చ మాం పాతు సరహస్యా సదైవతా ! దేవీసూక్తం సదా పాతు సహస్రాక్షర దేవతా !!*

*22) చతుఃషష్టికలా విద్యా దివ్యాద్యా పాతు దేవతా ! బీజశక్తిశ్చ మే పాతు పాతు విక్రమ దేవతా !!*

*23) తత్పదం పాతు మే పాదౌ జంఘే మే సవితుఃపదం ! వరేణ్యం కటిదేశం తు నాభిం భర్గస్తథైవ చ !!*

*24)దేవస్య మే తు హృదయం ధీమహీతి గలం తథా ! ధియో మే పాతు జిహ్వాయాం యఃపదం పాతు లోచనే !!*

*25) లలాటే నః పదం పాతు మూర్ధానం మే ప్రచోదయాత్ ! తద్వర్ణః పాతు మూర్ధానం సకారః పాతు భాలకం !!*

*26) చక్షుషీ మే వికారస్తు శ్రోత్రం రక్షేత్తు కారకః ! నాసాపుటేర్వకారో మే రేకారస్తు కపోలయోః !!* 

*27) ణికారస్త్వ ధరోష్ఠే చ యకారస్తూర్ధ్వ ఓష్ఠకే ! ఆత్యమధ్యే భకారస్తు గోకారస్తు కపోలయోః !!*

*28) దేకారః కంఠదేశే చ వకారః స్కంధదేశయోః ! స్యకారో దక్షిణం హస్తం ధీకారో వామహస్తకం !!* 

*29) మకారో హృదయం రక్షేద్ధికారో జఠరం తథా ! ధికారో నాభిదేశం తు యోకారస్తు కటిద్వయం !!*

*30) గుహ్యం రక్షతు యోకార ఊరూ మే నః పదాక్షరం ! ప్రకారో జానునీ రక్షేచ్చోకారో జంఘదేశయోః !!*

*31) దకారో గుల్భదేశం తు యాత్కారః పాదయుగ్మకం ! జాతవేదేతి గాయత్రీ త్ర్యంబకేతి దశాక్షరా !!*

*32) సర్వతః సర్వదా పాతు ఆపోజ్యోతీతి షోడశీ ! ఇదం తు కవచం దివ్యం బాధాశతవినాశకం !!* 

*33) చతుఃషష్ఠి కలావిద్యాసకలైశ్వర్యసిద్ధిదం ! జపారంభే చ హృదయం జపాంతే కవచం పఠేత్ !!*

*34) స్త్రీగోబ్రాహ్మణ మిత్రాదిద్రోహాద్యఖిలపాతకైః ! ముచ్యతే సర్వపాపేభ్యః పరం బ్రహ్మాధిగచ్ఛతి !!*

*35) పుష్పాంజలిం చ గాయత్ర్యా మూలేనైవ పఠేత్సకృత్ ! శతసాహస్రవర్షాణాం పూజాయాః ఫలమాప్నుయాత్ !!*

*36) భూర్జపత్రే లిఖిత్వైతత్ స్వకంఠే ధారయేద్యది ! శిఖాయాం దక్షిణే బాహౌ కంఠే వా ధారయేద్బుధః !!* 

*37) త్రైలోక్యం క్షోభయేత్సర్వం త్రైలోక్యం దహతి క్షణాత్ ! పుత్రవాన్ ధనవాన్ శ్రీమాన్నానావిద్యానిధిర్భవేత్ !!*

*38) బ్రహ్మాస్త్రాదీని సర్వాణి తదంగ స్పర్శనాత్తతః ! భవంతి తస్య తుచ్ఛని కిమన్యత్కథయామి తే !!*

*39) అభిమంత్రిత గాయత్రీకవచం మానసం పఠేత్ ! తజ్జలం పిబతో నిత్యం పురశ్చర్యాఫలం భవేత్ !!* 

*40)లఘుసామాన్యకం మంత్రం, మహామంత్రం తథైవ చ ! యో వేత్తి ధారణాం యుంజన్, జీవన్ముక్తః స ఉచ్యతే  !!* 

*41)సప్తావ్యాహృతివిప్రేంద్ర సప్తావస్థాః ప్రకీర్తితాః ! సప్తజీవశతా నిత్యం వ్యాహృతీ అగ్నిరూపిణీ !!*

*42) ప్రణవే నిత్యయుక్తస్య వ్యాహృతీషు చ సప్తసు ! సర్వేషామేవ పాపానాం సంకరే సముపస్థితే !!* 

*43) శతం సహస్రమభ్యర్చ్య గాయత్రీ పావనం మహత్ ! దశశతమష్టోత్తరశతం గాయత్రీ పావనం మహత్ !!* 

*44) భక్తియుక్తో భవేద్విప్రః సంధ్యాకర్మ సమాచరేత్ ! కాలే కాలే ప్రకర్తవ్యం సిద్ధిర్భవతి నాన్యథా !!*

*45) ప్రణవం పూర్వముద్ధృత్య భూర్భువస్వస్తథైవ చ ! తుర్యం సహైవ గయత్రీజప ఏవముదాహృతం !!*

*46) తురీయ పాదముత్సృజ్య గాయత్రీం చ జపేద్ద్విజః ! స మూఢో నరకం యాతి కాలసూత్రమధోగతిః !!*

*47) మంత్రాదౌ జననం ప్రోక్తం మత్రాంతే మృతసూత్రకం ! ఉభయోర్దోషనిర్ముక్తం గాయత్రీ సఫలా భవేత్ !!*

*48) మత్రాదౌ పాశబీజం చ మంత్రాంతే కుశబీజకం ! మంత్రమధ్యే తు యా మాయా గాయత్రీ సఫలా భవేత్ !!* 

*49) వాచికస్త్వహ మేవ స్యాదుపాంశు శతముచ్యతే ! సహస్రం మానసం ప్రోక్తం త్రివిధం జపలక్షణం !!*

*50)అక్షమాలాం చ ముద్రాం చ గురోరపి న దర్శయేత్ ! జపం చాక్షస్వరూభేణానామికామధ్యపర్వణి !!*

 *51)అనామా మధ్యయా హీనా కనిష్ఠాదిక్రమేణ తు ! తర్జనీమూలపర్యంతం గాయత్రీ జపలక్షణం !!*

*52) పర్వభిస్తు జపేదేవమన్యత్ర నియమః స్మృతః ! గాయత్రీ వేదమూలత్వాద్వేదః పర్వసు గీయతే !!*

*53) దశభిర్జన్మ జనితం శతేనైవ పురా కృతం ! త్రియుగం తు సహస్రాణి గాయత్రీ హంతి కిల్బిషం !!*

*54) ప్రాతఃకాలేయు కర్తవ్యం సిద్ధిం విప్రో య ఇచ్ఛతి ! నాదాలయే సమాధిశ్చ సంధ్యాయాం సముపాసతే !!*

*55) అంగుల్యగ్రేణ యజ్జప్తం యజ్జప్తం మేరులంఘనే ! అసంఖ్యయా చ యజ్జప్తం తజ్జప్తం నిష్ఫలం భవేత్ !!*

*56) వినా వస్త్రం ప్రకుర్వీత గాయత్రీ నిష్ఫలా భవేత్ ! వస్త్రపుచ్ఛం న జానాతి వృథా తస్య పరిశ్రమః !!* 

*57) గాయత్రీం తు పరిత్యజ్య అన్యమంత్రముపాసతే ! సిద్ధాన్నం చ పరిత్యజ్య భిక్షామటతి దుర్మతిః !!*

*ఋషిశ్ఛందో దేవతాఖ్యా బీజం శక్తిశ్చ కీలకం ! నియోగం న చ జానాతి గాయత్రీ నిష్ఫలా భవేత్ !!* 

*59)వర్ణముద్రాధ్యానపదమావాహనవిసర్జనం ! దీపం చక్రం న జానాతి గాయత్రీ నిషఫలా భవేత్ !!* 

*60) శక్తిర్న్యాస స్తథా స్థానం మంత్రసంబోధనం పరం ! త్రివిధం యో న జానాతి గాయత్రీ తస్య నిష్ఫలా !!* 

*61) పంచోపచార కాంశ్చైవ హోమద్రవ్యం తథైవ చ ! పంచాంగం చ వినా నిత్యం గాయత్రీ నిష్ఫలా భవేత్ !!*

*62) మంత్రసిద్ధిర్భవే జ్జాతు విశ్వామిత్రేణ భాషిం ! వ్యాసో వాచస్పతిర్జీవస్తుతా దేవీ తపఃస్మృతౌ!!* 

*63) సహస్రజప్తా సా దేవీ హ్యుప పాతకనాశినీ ! లక్షజాప్యే తథా తచ్చ మహా పాతక నాశినీ ! కోటిజాప్యేన రాజేంద్ర యదిచ్ఛతి తదాప్నుయాత్ !!* 

*64)న దేయం పరశిష్యేభ్యో హ్యభక్తేభ్యో విశేషతః ! శిష్యేభ్యో భక్తియుక్తేభ్యో హ్యన్యథా మృత్యు మాప్నుయాత్ !!* 

*ఇతి శ్రీమద్వసిష్ఠ సంహితోక్తం శ్రీ గాయత్రీ కవచం సంపూర్ణం.*

🕉🌞🌏🌙🌟🚩