శివామృతలహరి

శ్రీ.చిల్లర కృష్ణమూర్తి గారు వ్రాసిన
#శివామృతలహరి శతకంలోని ఒక పద్యం;

మ||
భువిలో గల్గిన వృక్షజాతులు కలంబుల్ చేసి సంద్రాల యం
బువులన్నింటి"సిరా"యొనర్చి ధరయున్ పొల్పైన పత్రంబుగా
నవదీక్షంగొని వ్రాసినన్ కవులు విన్నాణంబునన్ సత్యమౌ
శివతత్త్వంబు వచింప సాధ్యమగునే? శ్రీ సిద్ధలింగేశ్వరా!

భావం;
ఈ భూప్రపంచంలోని సమస్త  వృక్షములను కలములుగా చేసి,
అన్ని సముద్రాలలోని నీటిని సిరాగా మార్చి, భూమిని మొత్తం పత్రముగా చేసికొని కవులందరూ దీక్ష బూని, ఎంత నేర్పరితనముతో వ్రాసినప్పటికీ నిజమైన శివ తత్వాన్ని వర్ణించడం సాధ్యమవుతుందా స్వామీ! శ్రీ సిద్ధ లింగేశ్వరా!