:
రావణుని భార్యలైన రాక్షస స్త్రీలతోనూ, అతడు చెరబట్టి తెచ్చిన రాజకన్యలతోనూ ఆ భవనం నిండి ఉంది. ఏనుగులు, రక్షక భటులతో కూడుకొన్న ఆ భవనం, మొసళ్ళు, పెద్ద చేపలు, తిమింగలాలు, పాములు తిరుగాడుతూ, పెనుగాలులు వీస్తూ ప్రచండంగా ఉన్న సముద్రాన్ని పోలి ఉంది.
*(08)*
కుబేరునికి ఎంత ఐశ్వర్యం ఉందో, ఆకుపచ్చ గుర్రాలు పూన్చిన రథం వాహనంగా గల ఇంద్రునికి ఎంత ఐశ్వర్యం ఉందో, అంతటి ఐశ్వర్యం స్థిరంగా ఆ రావణుని గృహంలో కొలువై ఉంది.
*(09)*
రావణుని గృహంలోని సంపత్సమృద్ధి, యక్షాధిపతియైన కుబేరుని, యముని, వరుణుని సమృద్ధితో తులతూగుతుంది. కాదు వాటిని మించినదని చెప్పడం సత్య దూరం కాదేమో.
*(10)*
రావణుని భవన మధ్య భాగంలో, మత్తగజాల ఆకృతిలో రూపొందిన అనేక శిఖరాలతో కూడుకొని, చక్కగా నిర్మితమైన ఒక భవనం (పుష్పకం) వాయుపుత్రుడైన హనుమంతుని కంటబడింది.
*జై శ్రీహనుమాన్*
కామెంట్‌లు లేవు:
కామెంట్‌ను పోస్ట్ చేయండి