.చిల్లర కృష్ణమూర్తి గారు వ్రాసిన

 #శివామృతలహరి శతకంలోని ఒక పద్యం;

మ||

అగజాధీశ ! నినున్ జగజ్జననియౌ ఆర్యామహాదేవినిన్

నిగమమ్ముల్ నుతియించు నేర్పుమెఱయన్ నిత్యంబు స్తు త్యార్హులై

సుగతింగూర్చెడు నాది దంపతు లటంచున్; మోక్ష మిప్పింపవే

సిగపై క్రొన్నెలపూవుదాలుపు శివా ! శ్రీ సిద్ధలింగేశ్వరా !

భావం;

మేరు పర్వతాధీశ్వరుడైన శివా!

నిన్నూ, జగజ్జనని అయిన పార్వతీ మాతను ప్రార్థన చేస్తూ మీరే సద్గతులు ప్రసాదించే ఆది దంపతులని చెప్తూ నిత్యము మిమ్మల్ని కీర్తించే నాకు మోక్షం ప్రసాదించవా?

సిగలో చంద్ర వంకను ధరించిన ఓ చంద్రశేఖరా! శివా శ్రీ సిద్ధ లింగేశ్వరా!