తల్లిదండ్రులు వదిలిపెట్టిన అత్యంత విలువైన బహుమతులు మన అన్నదమ్ములు అక్కాచెల్లెళ్లు---//-
మనం వృద్ధాప్యంలో ఉన్నప్పుడు మన తల్లిదండ్రులు వదిలిపెట్టిన అత్యంత విలువైన బహుమతులు అన్నదమ్ములు, అక్కాచెల్లెళ్లు మాత్రమే అని మనము గ్రహించ గలము...
మనము బాల్యం లో ఉన్నప్పుడు, అన్నదమ్ములు అక్కాచెల్లెళ్లు మనతో సన్నిహితముగ ఆడుకున్న వారే.
ప్రతిరోజూ, మనము ఒకరిని ఒకరు వెంబడిస్తూ & సందడిగా ఉల్లాసంగా గడిపాము & కలిసి మంచి బాల్యాన్ని గడిపాము.
పెద్దయ్యాక, మనము మన స్వంత కుటుంబాలను కలిగిన తరువాత , మన స్వంత ప్రత్యేక జీవితాలను గడుపుతాము & సాధారణంగా అరుదుగా కలుసుకుంటాము. మనందరినీ కనెక్ట్ చేసే ఏకైక లింక్ మన తల్లిదండ్రులు.
మనం వృద్ధాప్యం సమీపించే సమయానికి అప్పటికే మన తల్లిదండ్రులు మనల్ని విడిచిపెట్టి వెళ్తారు మరియు మన చుట్టూ ఉన్న బంధువుల సంఖ్య తగ్గిపోతుంది, అప్పుడే మనకు క్రమంగా ఆప్యాయత విలువ తెలుస్తుంది.
నేను ఇటీవల ఇంటర్నెట్లో ఒక వీడియోను చూశాను, అందులో 101 ఏళ్ల అన్నయ్య తన దూరపు 96 ఏళ్ల చెల్లెల్ని చూడటానికి వెళ్లాడు. కొంత సమయం గడిపిన తర్వాత ఇద్దరూ విడిపోవడానికి సిద్ధంగా ఉన్నప్పుడు, చెల్లెలు తన అన్న కారుని వెంబడించి, తన సోదరుడికి కొంత డబ్బు ఇచ్చి, తినడానికి ఏదైనా మంచిది కొనుక్కోమని కోరింది. ఆమె మాటలు చెప్పడం పూర్తికాకముందే ఇద్దరూ కన్నీళ్లు పెట్టుకున్నారు.
ఇంత వృద్ధాప్యంలో కూడా అన్నదమ్ములు మరియు అక్కాచెల్లెళ్లు ఉండటం నిజంగా చాలా అదృష్టమే...
అవును, ఈ లోకంలో మనకు రక్తసంబంధం ఉన్న వ్యక్తిని కలిగి ఉండటం ఎంత ముఖ్యమో మనం వృద్ధాప్యంలోకి వచ్చిన తర్వాత మాత్రమే మనకు తెలుస్తుంది.
మీరు పెద్దవారైనప్పుడు & మీ తల్లిదండ్రులు ఇద్దరూ వెళ్లిపోయినప్పుడు, మీ అన్నదమ్ములు అక్కాచెల్లెళ్లు ఈ ప్రపంచంలో మనకు అత్యంత సన్నిహితులవుతారు
స్నేహితులు దూరంగా వెళ్లిపోవచ్చు, పిల్లలు పెరిగి ఎగిరి పోవచ్చు కానీ మీ పక్కన మీ జీవితభాగస్వామి తప్ప, మీ జీవితపు చివరి అంకాన్ని పూర్తి చేయడానికి మీ అన్నదమ్ములు అక్కాచెల్లెళ్లు మాత్రమే వుంటారు
మనము వృద్ధాప్యంలో ఉన్నప్పుడు కూడా అన్నదమ్ములు అక్కాచెల్లెళ్లు ఒకచోట చేరడం చాలా ఆనందంగా వుంటుంది
వారితో కలిసిమేలిసి ఉండడం వల్ల ఎలాంటి ఇబ్బందులు వచ్చినా భయపడం. మనము వృద్ధాప్యానికి చేరుకున్న తరుణంలో దయచేసి మీ అన్నదమ్ములు అక్కాచెల్లెల్ల తో కరుణ మరియు దయతో ఉండండి.
గతంలో ఏది జరిగినప్పటికీ ఏది ఏమైనఅయినప్పటికీ, అన్నదమ్ములు అక్కాచెల్లెలళ్లు మరింత సహనంతో మరియు ఒకరినొకరు క్షమించుకుంటూ ఉండాలి.
అన్నదమ్ముల అక్కాచెల్లెళ్ల మధ్య విడదీయలేని ముడి లేదు. తొలగించలేని కవచం లేదు.
ఎప్పుడూ పాత చేదు సంగతులజోలికి వెళ్లకూడదు లేదా పాత పగ ద్వేషం పెట్టుకోకూడదు. ఎక్కువగా పరస్పర ఆధారపడటం & పరస్పర ప్రేమతో, సంబంధాలు మెరుగవుతాయి
ఈ ప్రపంచంలో మన తల్లిదండ్రులు వదిలిపెట్టిన అత్యంత విలువైన బహుమతులు మన అన్నదమ్ములు అక్కాచెల్లెళ్లు----------
20, జనవరి 2024, శనివారం
విలువైన బహుమతులు
నవగ్రహా పురాణం🪐 . 142వ అధ్యాయం
నవగ్రహా పురాణం🪐
. 142వ అధ్యాయం
పురాణ పఠనం ప్రారంభం
🪐🪐🪐🪐🪐🪐🪐🪐🪐🪐
బుధగ్రహ మహిమ - 1
"ప్రియంగు గులికాశ్యామం రూపేణా ప్రతిమం బుధమ్ ! సౌమ్యం సౌమ్యగుణోపేతం తం బుధం ప్రణమామ్యహమ్ !!”
నిర్వికల్పానంద రాగయుక్తంగా బుధ స్తోత్రం పఠించి , అరమూసిన కళ్ళు తెరిచి , శిష్యుల వైపు చూశాడు. వాళ్ళ ముఖాలు కుతూహలాన్నీ , ఉత్కంఠనూ ప్రతిబింబిస్తున్న అద్దాల్లా ఉన్నాయి.
"బుధుడు బుద్ధినీ , ప్రజ్ఞనూ , యుక్తినీ ప్రసాదించే గ్రహం. గణితశాస్త్ర జ్ఞానాన్నీ , కావ్యరచనా శక్తినీ అనుగ్రహించే బుధుడు 'లిపి'కి అధిపతి. ఆయన కారకత్వాలు ఇంకా కొన్ని ఉన్నాయి. ఇప్పుడు మనం ప్రజ్ఞకూ , బుద్ధికీ , జ్ఞానానికీ మన కథనాన్ని పరిమితం చేసి చెప్పుకుందాం. బుధగ్రహ అనుగ్రహంతో అశేష ప్రజ్ఞా పాటవాలనూ , అఖండమైన జ్ఞానాన్నీ పొందిన మహానుభావులలో 'పాణిని' అగ్రగణ్యుడు. భారత జాతికి ఆయన 'పాణినీయం' అనే మహత్తరమైన వ్యాకరణ గ్రంథాన్ని అందించాడు. అది ఎనిమిది అధ్యాయాల గ్రంథం. ఆ కారణంగా ఆ వ్యాకరణ గ్రంథాన్ని 'అష్టాధ్యాయి' అని కూడా అంటారు..."
"గురువు గారూ , పతంజలి మహర్షి భాష్యం రచించింది ఆ వ్యాకరణ గ్రంథానికి కదూ ?" విమలానందుడు అడిగాడు.
*"అవును , నాయనా ! పాణినీయ వ్యాకరణానికి పతంజలి వ్రాసిన భాష్యాన్ని 'మహాభాష్యం' అంటారు. ప్రపంచంలోని ఏ భాషకూ లేని సంపూర్ణమైన , శాస్త్రీయమైన , తర్కబద్ధమైన వ్యాకరణం 'పాణినీయం' ఒక్కటే అంటారు భాషావేత్తలు. పాణినీయం కేవలం వ్యాకరణం మాత్రమే కాదనీ , నిర్దుష్టమైన , సమగ్రమైన భాషా శాస్త్రమనీ అంటారు. అనన్య సామాన్యమైన ఆ మహాగ్రంథాన్ని రచించిన మహామేథావి పాణిని బాల్యంలో 'మహామొద్దు'. ఎంత 'మొద్దు' అంటే , ఎంతో మంది ఆచార్యులు అతడిని స్వీకరించడానికి నిరాకరించారు ! పాటలీపుత్ర నగరానికి సమీపంలోని 'శాలాతుర' అనే గ్రామంలో పాణిని జన్మించాడు. విద్యాభ్యాసానికి యోగ్యమైన వయసు వచ్చి , చాలా మంది గురువుల నిరాదరణకు గురి అయిన అనంతరం , యవ్వనదశలోకి అడుగు పెడుతున్న పాణిని , తనను ఆదరించే గురువును అన్వేషిస్తూ పాటలీపుత్రం చేరుకున్నాడు. ఆ నగరంలో 'వర్షాచార్యుడు' అనే పండితుడు గురుకుల విద్యాలయం నిర్వహిస్తున్నాడనీ , అజ్ఞానిని విజ్ఞానిగా రూపొందించగలిగిన శక్తి కలిగిన విద్యా వేత్త అనీ తెలుసుకున్నాడు. వర్షాచార్యుడి ఆశ్రమానికి వెళ్ళాడు. విద్యార్జన పట్ల తనకున్న తీవ్రమైన ఆసక్తినీ , గురువు లభించని దురదృష్టాన్నీ వర్షాచార్యుడికి విన్నవించి , తనను శిష్యుడిగా స్వీకరించి విద్యాదానం చేయమని అర్థించాడు. పాణిని దయనీయ స్థితిని గ్రహించిన వర్షాచార్యుడు జాలిపడ్డాడు. అతనిలో వ్యక్తమవుతున్న తీవ్రమైన ఇచ్ఛ అతన్ని విద్యావంతుడిగా చేస్తుందన్న నమ్మకంతో వర్షాచార్యుడు పాణినిని శిష్యుడిగా స్వీకరించి , విద్యాబోధన ప్రారంభించాడు.
“అయితే - తన నమ్మకం వమ్ముకానుందని వర్షాచార్యుడు అచిరకాలంలోనే గ్రహించాడు. పాణినిలో ధారణశక్తీ , జ్ఞాపకశక్తీ - రెండూ లేవని అర్ధం చేసుకున్నాడాయన. గురుకులంలోని బాల విద్యార్థుల స్థాయిని కూడా పాణిని అందుకోలేకపోయాడు. కాలం గడిచిపోతోంది. ఋతువులు మారుతున్నాయి. సంవత్సరాలు గడిచిపోతున్నాయి. పాణిని స్థాయి యథాపూర్వంగానే ఉన్నా కూడా వర్షాచార్యుడు అతన్ని ఆశ్రమంలో ఉండనిచ్చాడు. అందుకు కారణాలు రెండు: పాణినిలో ఉన్న అనన్యసామాన్యమైన గురుభక్తి. విద్యాభ్యాసం కోసం నిర్విరామంగా అతను పడుతున్న ప్రయాస. వృధా ప్రయాసతో పాణిని జీవితంలో అమూల్యమైన కాలం కూడా వృధా అయిపోతోందని నిశ్చయించుకున్న వర్షాచార్యుడు ఒకనాడు పాణినిని తన ఏకాంత సమ్ముఖానికి పిలిపించుకున్నాడు...” నిర్వికల్పానంద కథనాన్ని కొనసాగించాడు.
పాణిని గురువుగారి పాదాలకు నమస్కరించి , చేతులు కట్టుకుని వినయంగా నిలుచున్నాడు. వర్షాచార్యుడు పాణిని ముఖంలోకి తదేకంగా చూశాడు.
"పాణినీ , విద్య చాలా విలువైంది. కాలం విద్యకన్నా విలువైంది. మానవ జీవితానికి ఉన్న కాలపరిమితి స్వల్పమే ! ఎంత శ్రమించినా నీకు విద్యాగంధం అంటదని నేను నిర్ధారణగా తెలుసుకొన్నాను. నువ్వు కూడా ఈ పాటికి గ్రహించే ఉండాలి ! నువ్వు విద్యాలాభాన్ని పొందలేకపోతున్నావు. అమూల్యమైన కాలాన్ని నష్టపోతున్నావు !"
"చిత్తం ! కాల నష్టం జరిగినా నేను విచారించను గురువు గారూ ! నాకు విద్య కావాలి !" పాణిని వినయంగా అన్నాడు.
"నాకు తెలుసు పాణినీ ! వృధా కాలయాపనతో జీవితకాలం వ్యర్థం కాకూడదు ! విద్య ఉన్నా లేకున్నా మనిషి జీవితాన్ని చరితార్థం చేసుకోవాలి ! లోకంలోకి వెళ్ళు ! ఏదైనా వృత్తిని స్వీకరించి , జీవించు !" వర్షాచార్యుడు సానుభూతితో అన్నాడు.
"గురువుగారూ..." పాణిని కంఠస్వరంలో విచారం ధ్వనించింది.
"నీ కన్నా వయసులో చిన్నవాళ్లైన విద్యార్థుల అవహేళనకు నువ్వు అనుక్షణమూ గురి అవుతున్నావు. నిన్ను విద్యావంతుడిని చేయలేకపోతున్నానన్న అపఖ్యాతికి నేనూ గురి అవుతున్నాను. చేయగలిగిన పనిని చేస్తూ , జీవించు ! నా గురుకుల వాసం నుండి రేపే నిన్ను విడుదల చేస్తున్నాను !" వర్షాచార్యుడు తన నిర్ణయాన్ని వెల్లడించి , అవతలకి నడిచాడు.
తన కళ్ళను కప్పేస్తున్న కన్నీటి తెరల గుండా పాణిని , కక్ష్యలోంచీ వెళ్ళిపోతున్న గురువుగారిని చూస్తూ ఉండిపోయాడు.
**********
"స్వామీ ! పాణినిని వెళ్ళిపొమ్మంటూంటే నేను విన్నాను. కడుపున పుట్టిన పుత్రుడికన్నా మిన్నగా పాణిని మనిద్దర్నీ గౌరవిస్తున్నాడు. ఆరాధిస్తున్నాడు ! మీ నిర్ణయాన్ని మార్చుకోవచ్చు కదా ?" వర్షాచార్యుల సతీమణి ఆ నాటి రాత్రి భర్తతో అంది.
"నిరక్షరకుక్షిగా జీవించేలా ఆ బ్రహ్మ పాణిని నుదుటి మీద రాసినట్టున్నాడు. వాడికి విద్యను గ్రహించే శక్తి లేదు. గ్రహించిన విద్యను మేధస్సులో నిక్షిప్తం చేసుకునే శక్తీ లేదు. అను నిత్యమూ పాణినిని అవహేళన చేసే సహపాఠుల మీదా , ఎంత బోధించినా అందిపుచ్చుకోలేని పాణిని మీదా నాకు ఆగ్రహం కలుగుతూనే ఉంది. అది వాంఛనీయం కాదు ! రేపు భోజనం పెట్టి , కొంత దారి బత్తెం ఇచ్చి పాణిని పంపించివేయి !" వర్షాచార్యుడు నిష్కర్షగా అన్నాడు.
సూర్యోదయం అయింది. వర్షాచార్యులు విద్యార్థులకు పాఠం చెప్తున్నారు. పాణిని నెమ్మదిగా ఆయన్ను సమీపించాడు. విచార భారంతో ఆయనకు కడసారి పాదాభివందనం చేశాడు.
"విచారించకు నాయనా ! శరీర పోషణ ప్రాథమిక కర్తవ్యం. ఏది సాధించాలన్నా మనిషికి ఉన్న సాధనం శరీరమే. విద్య మీద మమకారాన్ని విసర్జించి , ఏదైనా స్వయం ఉపాధి చూసుకో ! సుఖీభవ !" వర్షాచార్యులు దీవించారు.
నీళ్ళు నిండుతున్న కళ్ళతో సహవిద్యార్థులకు మౌనంగా వీడ్కోలు పలికి , పాణిని గురుపత్ని ఉండే ఆశ్రమ అంతర్భాగం వైపు అడుగులు వేశాడు.
**********
అశ్రుధారలతో తన పాదాలను తడుపుతున్న పాణినిని గురుపత్ని రెండు చేతులతో లేవనెత్తి , వాత్సల్యంతో అతని కళ్ళల్లోకి చూసింది. చెమ్మగిల్లుతున్న తన నేత్రాలను నిర్లక్ష్యం చేస్తూ , పాణిని కన్నీటిని ప్రేమగా తుడిచింది.
“నాయనా ! గురువుగారి నిర్ణయాన్ని అపార్థం చేసుకోవద్దు. చదువు నేర్చుకోవడంలో అశక్తత నీది. నేర్పించడంలో అశక్తత నా పతి దేవులది !" అందామె ఓదార్పుగా.
"వర్షాచార్య మహోపాధ్యాయులు అనుగ్రహించలేకపోతే , ఇంకెవరు నాకు విద్య అనుగ్రహించగలరు మాతా ?" పాణిని దుఃఖాన్ని దిగమింగుతూ అన్నాడు.
“వర్షాచార్య మహోపాధ్యాయులను మించిన మహా మహోపాధ్యాయుడు ఉన్నాడు , పాణినీ !" గురుపత్ని చిరునవ్వుతో అంది.
"మాతా !”
"నాలుగు వేదాలూ ; శిక్ష , వ్యాకరణమూ , ఛందస్సూ , నిరుక్తమూ , జ్యోతిషమూ , కల్పమూ అనబడే ఆరు అంగాలూ ; మీమాంస , న్యాయ , శబ్దశాస్త్రాలూ , పురాణమూ , ధర్మశాస్త్రమూ , ఆయుర్వేదమూ , ధనుర్వేదమూ , అర్థశాస్త్రమూ - అనే అష్టాదశ విద్యలనూ నిర్మించిన విశ్వగురువు ఉన్నాడు. పాణినీ ! ఆ విశ్వగురువు ఎవరో కాదు పరమశివుడు ! హిమాలయ ప్రాంతానికి వెళ్ళు ! తపస్సు చేసి , ఆ జగద్గురువును ప్రసన్నం చేసుకో ! విద్యను వరంగా అర్ధించు !"
👆 సేకరణ:- శ్రీ కె వి రమణ మూర్తిగారి వాట్సాప్ పోస్ట్.
భాగవతము
పోతనామాత్యులవారి భాగవతము నందలి ఆణిముత్యాలు🌹
🌺🌹🌺🌹🌺🌹🌺🌹🌺🌹
ద్వితీయ స్కంధము
రామ! గుణాభిరామ! దినరాజ కులోంబుధి సోమ! తోయద
శ్యామ! దశాననప్రబలసైన్య విరామ! సురారి గోత్ర సు
త్రామ! సుబాహు బాహుబల దర్ప తమః పటు తీవ్ర ధామ! ని
ష్కామ! కుభృల్ల లామ! గరకంఠ సతీ నుత నామ! రాఘవా!
శ్రీరామా! నీగుణాలన్నీ చాలా మనోహరములయినవయ్యా! సూర్యదేవుని కులం అనే సముద్రంలో పుట్టిన చంద్రుడవు నీవు. నీలమేఘం వంటి మేనిఛాయతో అలరారుతూ ఉంటావు. పదితలల రక్కసుని పిక్కటిల్లిన బలం కల సేనలను రూపుమాపినవాడవు. దేవతల పగవారు అనే కొండలకు ఇంద్రుడవు. సుబాహువు ఆనే రాక్షసుని బాహువుల బలం వలన కలిగిన పొగరు ఒక చీకటి అయితే దానికి నీవు సూర్యుడవు. నీకు ఏ కోరికలూ లేవు. భూమిని పాలించేవారిలో మేలుబంతి అయినవాడవు. పరమేశ్వరుని యిల్లాలు పార్వతీదేవి నీ నామాన్ని నిరంతరమూ జపిస్తూ ఉంటుంది. రఘువంశం నీ వలన మహిమను పొందిందయ్యా.
సేకరణ:- శ్రీ కె వి రమణ మూర్తిగారి వాట్సాప్ పోస్ట్.
🚩శ్రీ వివేకానందస్వామి🚩 . 🚩జీవిత గాథ🚩 🍁🍁🍁🍁🍁🍁🍁🍁🍁🍁 . భాగం 153
చారిత్రాత్మక కథాస్రవంతి🌹
. ఓం నమో భగవతే రామకృష్ణాయ
. 🚩శ్రీ వివేకానందస్వామి🚩
. 🚩జీవిత గాథ🚩
🍁🍁🍁🍁🍁🍁🍁🍁🍁🍁
. భాగం 153
చికాగో బయలుదేరడానికి ముందు ఒక వారం స్వామీజీ సత్వరంగా పనిచేయవలసి వచ్చింది. ఆగస్టు 27వ తేదీ ఆదివారం నాడు ఆయన అన్నిస్క్వామ్లోని ఒక చర్చ్లో ఉపన్యసించారు. "భారత దేశానికి తక్షణ ఆవశ్యకత సాంకేతిక విద్యే కాని, మతం కాదు" అనే అంశాన్ని ఆ ప్రసంగంలో నొక్కివక్కాణించారు. ఆ ప్రసంగం ఉద్వేగమూ, ఉప్పొంగే కార్యతత్పరతలతో నిండిపోయింది.
అది విన్న శ్రోతలు కూడా ఆ ఉద్వేగానికి స్పందించి, అటువంటి విద్యను తక్షణమే అమలుపరచే కళాశాలను భారతదేశంలో స్థాపించడానికి నిధులు వసూలు చేయనారంభించారట! స్వామీజీ గురించీ, అన్నిస్క్వామ్లో ఆయన గడపిన రోజుల గురించి శ్రీమతి రైట్ దీర్ఘమయిన వివరణ ఇచ్చారు.....
""ఆయన సామాన్యంగా మోకాలు దిగువ దాకా వచ్చే పొడవైన కాషాయపు అంగీ ధరించేవారు. ఫాదరీలు ధరించే మాదిరిగా అది ఉంది. పొడవైన, మందమయిన ఒక కాషాయ వస్త్రాన్ని నడుముకు బిగించుకొనేవారు. కాళ్లను కాస్త ఈడుస్తూ నడుస్తూన్నట్లుగా కనిపించినా ఆయన నడకలో ఒక ప్రత్యేక ఠీవి ఉంది. పైకెత్తిన తల, తిన్నని మెడ, సునిశిత దృక్కులూ ఆయనకు ఒక అధికారిక వైఖరిని కల్పించాయి.
అంతేకాదు ఆయనను దాటుకొంటూ వెళ్లే ప్రతి ఒక్కరూ ఒక్క క్షణం ఆగి ఆయనను చూడకుండా ఉండలేకపోయారంటే అతిశయోక్తి కాదు. ఆయన మెల్లగా నడుస్తారు. ఆయనలో తొందరో, వేగమో కనిపించదు. ఆయన విశాల నేత్రాలు కొన్ని సమయాలలో నిప్పులు వర్షిస్తాయి.
'ప్రశాంతంగా కూర్చునివున్న ఆయన కొన్ని సమయాలలో తల పైకెత్తి దృష్టిని పైకప్పుకేసి త్రిప్పి 'శివ శివ' అనడం కద్దు. ఆయన ఉద్వేగం అగ్నిపర్వతపు లావాలా వ్యాపించి అక్కడున్న అందరినీ మాడ్చివేసేదిగా ఉండేది.
చిత్రకారులు తదేకంగా చూస్తూ ఆయన చిత్రాన్ని గీయనారంభించారు.
"ఈ లోకంలో సత్యం అంటూ ఏదైనా ఉందీ అంటే అది ఆధ్యాత్మిక జీవితం మాత్రమే అంటూ ఆయన శిక్షణ పొందినట్లుగా అనిపించింది. భగవంతుని పట్ల ప్రేమ, మనిషి పట్ల ప్రేమ ఇవే సత్యమని ఆయన నమ్మకం."
ఈ విధంగా సాగుతుంది శ్రీమతి రైట్ దీర్ఘవివరణ. డబ్బు విషయంలో స్వామీజీ అనాసక్తతను గురించి ఆమె ప్రత్యేకంగా ఇలా వ్యాఖ్యానించింది:
“ఎవరైనా స్వామీజీకి డబ్బు ఇవ్వడానికి ప్రయత్నించినప్పుడు, వారు తమ కేదో కీడు తలపెట్టినట్లు వైదొలగేవారు. 'ఆహా! సరిపడినంత కష్టాలను నేను అనుభవించాను. వాటిలో నన్ను ఎక్కువగా పరీక్షించింది ఏదో తెలుసా? డబ్బును -పదిలపరచడమే' అంటూ పిల్లవాడిలా ఆయన చెప్పేవారు.
డబ్బు లేకుండా ఏమీ చేయలేం అనే స్థితిలో కూడా ఆయన డబ్బును తిరస్కరించడం మేం నమ్మలేక పోయాం. డబ్బు పట్ల ఒక వ్యక్తి ఇంత అనాసక్తతతో ఉండగలరా అనే ఆలోచన ఆయన వెళ్లిపోయిన చాలా రోజుల దాకా మా మనస్సులలో పాదుకుపోయింది. "🙏
సేకరణ:- శ్రీ కె వి రమణ మూర్తిగారి వాట్సాప్ పోస్ట్
వేమన పద్యాలు -- 9
వేమన పద్యములు🌹
. అర్థము - తాత్పర్యము
. Part - 4
🌺🌹🌺🌹🌺🌹🌺🌹🌺🌹
💥వేమన పద్యాలు-- 7
అంగ మేడ బుట్టె లింగమెక్కడ బుట్టె
ఎంగి లేడ బుట్టి యేకమాయె
ఎంగి లెంగి లనుచు నెగ్గులు పడనేల
విశ్వదాభిరామ రామ వినుర వేమా !
🌹తాత్పర్యము --
ఎంగిలి ఎంగిలి అంటుంటారు.
ఎక్కడ ఎంగిలి ?
సృష్టిలో ప్రతీదీ ఎంగిలితో కూడినదే.
పంచభూతాలు ఎంగిలితో ఉండవా ?
ఈ ఎంగిలి ఎక్కడ పుట్టినది ?
అంతా ఎంగిలి మంగలమే.
తత్వాన్ని అర్థం చేసుకోవాలి.
💥వేమన పద్యాలు -- 8
అంగమ్మాలినవాడు దాత యగునా యైదారు గొడ్డేరులున్
గంగా నర్మద సింధు గౌతమగునా గంగెద్దు కాభరణముల్
శృంగారించిన శంభుతేజి యగునా క్షీరాబ్దిలో నెప్పుడున్
కొంగన్ముంచిన రాజహంస యగునా గోరాజ వేమాహ్వయా
🌹తాత్పర్యము --
దాత శరీరధారియే కదా !
నదులలోని నీరు గంగానదీ తుల్యము కాదు గదా !
దేని గొప్పతనము దానిదే !
గంగిరెద్దుకి ఆభరణములు తగిలించి ఎంత అలంకరించినా శివుని వాహనము వృషభము కాలేదు కదా !
పాలసముద్రములో కొంగను తీసుకెళ్ళి ఎంతసేపు ముంచినా అది రాజహంస కాలేదు గదా!
💥వేమన పద్యాలు -- 9
అంగ యోగములును ఆరుమతంబులు
మూడు యోగములను మొనయరాదు
కడమ యోగమునను కల్గును మోక్షంబు
విశ్వదాభిరామ రామ వినుర వేమా !
🌹తాత్పర్యము --
అష్టాంగయోగాలు , ఎన్ని మతములు , జ్ఞాన సిద్ధి వైరాగ్యము ఎన్ని ఉన్నను తపశ్శక్తితో మోక్షప్రాప్తికి మానవుడు పరితపించవలెను.
పార్వతీపరమేశ్వరుల దివ్య ఆశీస్సులు అందరిపై ఉండాలని మనసారా కోరుకుంటూ అందరికీ శుభరాత్రి
సర్వేజనా సుఖినోభవంతు
సేకరణ:- శ్రీ కె వి రమణ మూర్తిగారి వాట్సాప్ పోస్ట్.
భాగవతము
పోతనామాత్యులవారి భాగవతము నందలి ఆణిముత్యాలు🌹
🌺🌹🌺🌹🌺🌹🌺🌹🌺🌹
ద్వితీయ స్కంధము
రామ! గుణాభిరామ! దినరాజ కులోంబుధి సోమ! తోయద
శ్యామ! దశాననప్రబలసైన్య విరామ! సురారి గోత్ర సు
త్రామ! సుబాహు బాహుబల దర్ప తమః పటు తీవ్ర ధామ! ని
ష్కామ! కుభృల్ల లామ! గరకంఠ సతీ నుత నామ! రాఘవా!
శ్రీరామా! నీగుణాలన్నీ చాలా మనోహరములయినవయ్యా! సూర్యదేవుని కులం అనే సముద్రంలో పుట్టిన చంద్రుడవు నీవు. నీలమేఘం వంటి మేనిఛాయతో అలరారుతూ ఉంటావు. పదితలల రక్కసుని పిక్కటిల్లిన బలం కల సేనలను రూపుమాపినవాడవు. దేవతల పగవారు అనే కొండలకు ఇంద్రుడవు. సుబాహువు ఆనే రాక్షసుని బాహువుల బలం వలన కలిగిన పొగరు ఒక చీకటి అయితే దానికి నీవు సూర్యుడవు. నీకు ఏ కోరికలూ లేవు. భూమిని పాలించేవారిలో మేలుబంతి అయినవాడవు. పరమేశ్వరుని యిల్లాలు పార్వతీదేవి నీ నామాన్ని నిరంతరమూ జపిస్తూ ఉంటుంది. రఘువంశం నీ వలన మహిమను పొందిందయ్యా.
రాశిఫలాలు
☘️🙏🕉️శ్రీ గురుభ్యోనమః🕉️🙏☘️
•••••┉━•••••┉━ •••••┉━•••••┉━•••••┉━•••••┉━
*20-01-2024 / శనివారం / రాశిఫలాలు*
•••••┉━•••••┉━ •••••┉━•••••┉━•••••┉━•••••┉━
మేషం
ఉద్యోగ అవకాశాలు మెరుగవుతాయి. సోదరుల సహాయంతో నూతన కార్యక్రమాలకు శ్రీకారం చుడతారు. వృత్తి, వ్యాపారాలలో అనుకూల వాతావరణం ఉంటుం. కొన్ని వ్యవహారాలలో సమాజంలో మీ గౌరవ మర్యాదలు పెరుగుతాయి. వివాదాలకు సంభందించి కీలక సమాచారం సేకరిస్తారు.
---------------------------------------
వృషభం
చేపట్టిన పనులు మందకోడిగా సాగుతాయి. ఆర్థికంగా ఇబ్బందులు కొంత చికాకు పరుస్తాయి. వృత్తి, వ్యాపారాలలో భాగస్థులతో అకారణ వివాదాలు ఉంటాయి. కుటుంబ సభ్యులతో మాట పట్టింపులుంటాయి. అధికారుల నుండి ఒత్తిడి పెరుగుతుంది. దైవ దర్శనాలు చేసుకోవడం మంచిది.
---------------------------------------
మిధునం
నిరుద్యోగులకు నూతన అవకాశములు అందుతాయి. ఋణ సమస్యలు నుండి బయటపడతారు. ఆప్తుల సహాయ సహకారాలు అందుతాయి. అవసరానికి చేతికి ధన సహాయం అందుతుంది. నూతన పరిచయాలు ఉత్సాహనిస్తాయి. వ్యాపారాలు గతం కంటే మంచి లాభాలు అందుతాయి.
---------------------------------------
కర్కాటకం
కుటుంబ సభ్యులతో దైవ సేవా కార్యక్రమాలలో పాల్గొంటారు. ఇంటా బయట కొందరి ప్రవర్తన మానసికంగా చికాకు పరుస్తాయి. ముఖ్యమైన పనులు వాయిదా పడుతాయి. వృత్తి, వ్యాపారాలు మందకొడిగా సాగుతాయి. ఆర్థిక వ్యవహారాలు నిరుత్సాహ పరుస్తాయి. వృత్తి, వ్యాపారాలలో శ్రమ తప్ప ఫలితం కనిపించదు.
---------------------------------------
సింహం
వృత్తి, వ్యాపారాలలో ఆశ్చర్యకరమైన సంఘటనలు చోటు చేసుకుంటాయి. నిరుద్యోగ ప్రయత్నాలు వేగవంతం చేస్తారు. ఉద్యోగమున బాధ్యతలు సమర్థవంతంగా నిర్వర్తిస్తారు. సంతాన విద్యా విషయాలు సంతృప్తి కలిగిస్తాయి. గృహ నిర్మాణం ఆలోచనలు కార్యరూపం దాలుస్తాయి. చిన్ననాటి మిత్రులతో పాత విషయాలు చర్చిస్తారు.
---------------------------------------
కన్య
ఆర్థిక పరిస్థితి అనుకూలంగా ఉంటుంది. దైవనుగ్రహంతో కొన్ని పనులు పూర్తిచేస్తారు. గృహంలో శుభకార్య ప్రస్తావన వస్తుంది. వృత్తి వ్యాపారాలు ఆశించిన విధంగా అభివృద్ధి చెందుతాయి. చిన్ననాటి మిత్రులతో విందు వినోద కార్యక్రమాలలో పాల్గొంటారు. సోదరులతో స్ధిరాస్తి ఒప్పందాలు చేసుకుంటారు.
---------------------------------------
తుల
వ్యాపారస్థులకు ప్రభుత్వ సంభంధిత ఇబ్బందులు కలుగుతాయి. ముఖ్యమైన పనులు వాయిదా వెయ్యడం మంచిది. కుటుంబ బాధ్యతలు పెరుగుతాయి. వృత్తి ఉద్యోగాలు మందకోడిగా సాగుతాయి. బంధు మిత్రులతో వివాదాలకు దూరంగా ఉండటం మంచిది. ఆధ్యాత్మిక చింతన పెరుగుతుంది.
---------------------------------------
వృశ్చికం
నూతన వ్యాపార ప్రారంభ పనులు వాయిదా వేస్తారు. అనవసర వస్తువులపై ధన వ్యయం చేస్తారు. ఆరోగ్య విషయంలో శ్రద్ద వహించాలి. వృత్తి, ఉద్యోగాలలో ఊహించని మార్పులు ఉంటాయి. ఇతరుల వ్యవహారాలకు దూరంగా ఉండటం మంచిది. ముఖ్యమైన పనులు నిదానంగా సాగుతాయి.
---------------------------------------
ధనస్సు
ఉద్యోగుల శ్రమకు తగిన గుర్తింపు లభిస్తుంది. ఆర్ధిక వ్యవహారాలు సంతృప్తిగా సాగుతాయి. సన్నిహితుల నుండి విలువైన సమాచారం సేకరిస్తారు. నిరుద్యోగులకు శుభవార్తలు అందుతాయి. ఆధ్యాత్మిక సేవా కార్యక్రమాలకు ఆహ్వానాలు అందుతాయి. సంఘంలో విశేషమైన గౌరవ మర్యాదలు పొందుతారు.
---------------------------------------
మకరం
చేపట్టిన పనులు సకాలంలో పూర్తి చేస్తారు. దూర ప్రయాణాలు కలసివస్తాయి. వ్యాపారాలలో కీలక నిర్ణయాలు అమలు చేస్తారు. వృత్తి ఉద్యోగాలు ఆశాజనకంగా సాగుతాయి. నిరుద్యోగులు నూతన ఉత్సాహంతో ముందుకు సాగుతారు. ఆర్థిక పరిస్థితి మెరుగుపడుతుంది.
---------------------------------------
కుంభం
ఆరోగ్య విషయంలో అశ్రద్ధ చెయ్యడం మంచిది కాదు. చేపట్టిన వ్యవహారాలలో జాప్యం కలుగుతుంది. ఆప్తులతో అకారణంగా వివాదాలు కలుగుతాయి. వ్యాపారాలలో ఊహించని మార్పులు తప్పవు. వృత్తి, ఉద్యోగాలలో అదనపు పనిభారం ఉంటుంది. వృధా ఖర్చుల విషయంలో పునరాలోచన చెయ్యడం మంచిది.
---------------------------------------
మీనం
వృత్తి, వ్యాపారాలలో తొందరపాటు నిర్ణయాలు మంచిది కాదు. ఋణ దాతల నుండి ఒత్తిడి పెరుగుతుంది. ఆదాయం అంతంత మాత్రంగా ఉంటుంది. సంతాన ఆరోగ్య విషయాలలో జాగ్రత్త అవసరం. ముఖ్యమైన వ్యవహారాలు నిరుత్సాహ పరుస్తాయి. బందు వర్గంతో మాటపట్టింపులుంటాయి.
•••••┉━•••••┉━ •••••┉━•••••┉━•••••┉━•••••┉━
🍁 *శుభం భూయాత్* 🍀