కవిత్వము చెప్పుమనగా

 〽️〽️〽️〽️〽️〽️〽️〽️〽️

కృష్ణదేవరాయల వారొకమారు కవిత్వము చెప్పుమనగా పెద్దన సమాధానముగా:

*"నిరుపహతి స్థలంబు రమణీ ప్రియ దూతిక తెచ్చి యిచ్చు క*

*ప్పుర విడె, మాత్మ కింపయిన భోజనము, య్యెల మంచమొప్పు త*

*ప్పరయు రసజ్ఞులూహ తెలియంగల లేఖక పాఠకోత్తముల్* 

*దొరికిన గాక, యూరక కృతుల్ రచియింపు మటన్న శక్యమే."*

అని చమత్కారముగా జవాబు చెప్పినాడు. ఈ పద్యమానాడు రాజాశ్రితులగు కవుల భోగలాలస జీవనమును చాటి చెప్పుచున్నది.

*విస్తృత భావవ్యాఖ్యానం:*

ఈ పద్యంలో పెద్దన గారు చెప్పినది ఏమిటంటే: కవిత్వ సృష్టి అనేది కేవలం ప్రతిభతోనే సంభవించదు. దానికి అనుకూల వాతావరణం, శారీరక - మానసిక సౌఖ్యం, ఆర్థిక భద్రత అవసరం. రాజాశ్రయములో ఉన్న కవులు సాధారణంగా: విలాసవంతమైన జీవితం గడుపుతూ, రుచికరమైన భోజనం, సౌకర్యవంతమైన నివాసం, సుందరీ సహవాసం వంటి భోగాలను అనుభవిస్తూ, తమ కవిత్వాన్ని ఆస్వాదించే రసజ్ఞుల సమక్షంలో రచనలు చేసేవారు. అటువంటి సౌకర్యాలు లేకుండా కవిత్వం సృష్టించడం కష్టమని పెద్దన గారు హాస్య రసంతో తెలిపారు. వెంటనే శ్రీకృష్ణదేవరాయలు వారు గ్రహించి అల్లసాని పెద్దలు గారికి ఐదు ఊళ్ళు బహుమతిగా ఇచ్చిరట

〽️〽️〽️〽️〽️〽️〽️〽️〽️〽️