వరమై జాతికి మేలొసంగును

 మ.వరమై జాతికి మేలొసంగును సదా పల్గాకులన్ గాంచి దు

ర్భరమౌ వారల నీతి మార్చి సుమతిన్ వర్తింప విజ్ఞానులై,

పరపీడా రతి దుర్గుణాస్పద మసంభావ్యమ్ము నౌనంచు నం

దరి మేలుం గనునట్లు ధర్మ గతి నొందంజే యగా భారతీ!౹౹ 45

ఉ.ఏమని చెప్పినన్ జనులకేమగు? సత్యమటంచు నమ్మ నా

కే మరియాద దక్కునని యీల్గుచు నుందు రసత్య వాదనో

ద్దామముతో నమాయకుల దైన్యములన్ కనిపెట్టి దుర్మదుల్

తామొనరించు ద్రోహము నధర్మము నెన్నగ లేరు భారతీ!౹౹46