భాగవతం

  *'భాగవతం వింటే బాగవుతాం'*

_శ్రీ పోతన భాగవత మధురిమలు_ 

(6-215-ఆ)

ఎల్ల తనువులందు నిరవొంది తనతోడఁ

బొందు చేసినట్టి పొందుకాని

పొందు పొందలేఁడు పురుషుండు గుణము నా

గుణినిఁ బోలు నట్టి గుణి భజింతు.

*భావము:-* సమస్త జీవుల దేహాలలో నివసిస్తున్నా జీవులు ఆ అంతర్యామిని గుర్తించడం లేదు. వారు తమలో తాము స్నేహం చేస్తున్నారే కాని పరమాత్మతో పొందు చేయడం లేదు. గుణాలలో చిక్కుకున్న జీవులు గుణాలకు అధీశ్వరుని దర్శింపలేకున్నారు. అటువంటి గుణవంతుడైన భగవంతుణ్ణి స్తుతిస్తున్నాను.

శ్రీ భక్త పురందరదాసు వారి కీర్తనతో *గణేశుని స్తుతిస్తూ*..... శుభోదయం.

*శ్రీ కృష్ణం వందే జగద్గురుం*

ధర్మో రక్షతి రక్షితః