విలువలు

ఒక బాగా పేరు ఉన్న వ్యక్తి, 200 మంది ఉన్నగదిలోఉపన్యాసం ఇస్తున్నాడు.

తన జేబులో నుంచి ఒక వంద రూపాయల నోట్ ని తీసి ఇది ఎవరికైనా కావాలా అని అడిగాడు.

ఆ గదిలో ఉన్న 200 మందిచేతులు గాలిలోకి లేపారు.

సరే ఈ వంద రూపాయలని మీలో ఒకరికి తప్పకుండా ఇస్తాను అని ఆ వంద

రూపాయలని బాగా మడతలు పడేలా నలిపేసాడు.

మరల తను ఇప్పుడు ఇది ఎవరికి కావాలి అని అడిగాడు. మళ్లీ అందరు చేతుల్ని లేపారు.

తను మంచిది అని వాళ్ళతో అని మరల ఆవంద  రూపాయలని కింద

పడేసి తన కాళ్ళతో తోక్కేసాడు. అప్పుడు ఆ వంద రూపాయలు నోటు బాగా మడతలు పడి,

మట్టి కొట్టుకుపోయింది. 

మరల అతడు దాన్ని తీసి ఇప్పుడు ఇది ఎంతమందికి కావాలి అన్నాడు. ఇప్పుడు కూడా అందరు తమ చేతులు పైకెత్తారు.

అప్పుడు అతడు అక్కడ ఉన్న వాళ్ళతో ఇలా చెప్పాడు...

నా మిత్రులారా మీరందరూ ఇప్పటి వరకు ఒక మంచి పాఠాన్ని నేర్చుకున్నారు.

ఇప్పటి వరకు ఈ వంద రూపాయల్ని ఏమి చేసిన మీరందరూ ఇంకా కావాలి అంటున్నారు.

ఎందుకంటే నేను ఏమి చేసిన ఈ వంద

రూపాయల విలువ ఏ మాత్రం తగ్గలేదు. ఇది ఇప్పటికి వంద రూపాయలు.

అలాగే మన జీవితంలో కూడా చాలా సందర్భాలలో మనం తీసుకున్న నిర్ణయాల వల్ల మనకి

ఎన్నో ఎదురు దెబ్బలు తగులుతుంటాయి.. కొన్ని సార్లు కిందకి పడిపోతాం. కొన్ని

సార్లు మనం ఎందుకు పనికిరాము అనుకుంటాం. జీవితం ఎప్పుడూ పరీక్షలు పెడుతూనే ఉంటుంది.. ఒకవేళ

మనం పరీక్షలలో ఫెయిల్ అయితే జీవితంలో ఓడిపోయినట్లు కాదు..

జీవితం ప్రతి సారి మనకు ఒక క్రొత్త అవకాశాన్ని అందిస్తూనే ఉంటుంది... జారవిడచిన

అవకాశాల కోసం చింతించక క్రొత్త ఆశలతో సరికొత్త ఊహలతో 

ముందడుగు వేయి...

వంద రూపాయల నోటు ఎంత చిరిగినా దాని విలువ ఎలా పోగొట్టుకోలేదో.. మన విలువ కూడా ఎప్పటికీ

తరగదు..

నువ్వు ఎప్పడు నీ విలువను

పోగొట్టుకోలేవు"

నువ్వు ఒక గొప్ప వ్యక్తివి

ఈ విషయం ఎప్పటికి మరవొద్దు

నేను ఇలాంటి పోస్ట్స్ పెడుతుంటే మీరు నన్ను కవి గానో లేక మేధావి గానో  అనుకోవద్దు 

నేను మాములు మధ్యతరగతి కుటుంబ బాధ్యత గల వ్యక్తి ని మాత్రమే 

నా పోస్ట్స్ , మరియు నాపై మీ  అభిప్రాయం తప్పకుండా చెప్పండి