తిరుప్పావై 30వ పాశురం*

 *తిరుప్పావై 30వ పాశురం*

🕉🌞🌏🌙🌟🔥

🔥🕉🌞🌏🌙🌟

*30.పాశురం*

*ॐॐॐॐॐॐॐॐॐॐ*

       *వఞ్గక్కడల్ కడైన్ద మాడవనై క్కేశవనై*

        *త్తిఙ్గళ్ తిరుముగత్తు చ్చేయిళ్ళై యార్ శేన్ణిఱైఞ్ఙి*

     *అఞ్గప్పఱైకొణ్ణవాత్తై, యణిపుదువై*        *పైఙ్గమలర్ త్తణ్దెరియల్ పట్టర్ పిరాన్ కొదైశొన్న*

        *శజ్ఞత్తమిళ్ మాలై ముప్పదుమ్ తప్పామే*

        *ఇఙ్గిప్పరిశురైప్పా రీరిరణ్దు మాల్వరైత్తోళ్*

        *శేఙ్గిణ్ తిరుముగత్తు చ్చెల్వ* *త్తిరుమాలాల్*

        *ఎఙ్గమ్* *తిరువరుళ్ పెత్తుఇంబరువరెమ్బావాయ్*

        *ఆణ్దాల్ తిరువడిగళే శరణమ్!!*

*ॐॐॐॐॐॐॐ*

*భావం*   

 

*ॐॐॐॐॐॐॐ*

ఓడలు గల పాల సముద్రమును దేవతలకోసం మధించి, వారికి అమృతాన్ని ప్రసాదించినవాడును, బ్రహ్మరుద్రాదులకు ప్రభువైనట్టి నారాయణుని చంద్రముఖిలైన గోపికలు ఆలంకృతులై చేరి, మంగళాశాసనము చేసి, గోకులమునందు 'పఱై' అను వంకతో స్వామీ కైంకర్యమును పొందారు.

వీరు పొందిన యీ కైంకర్య విధమునంతను అలంకారమైన శ్రీవిల్లిపుత్తూరులో అవతరించినట్టియును, తామర పూసల మాలలను ధరించిన పెరియాళ్వార్ల (విష్ణుచిత్తుల) పుత్రికయైన గోదాదేవి (అండాళ్ తల్లి) సాయించింది. ఇది గోపికలు గుంపులు గుంపులుగ కూడి అనుభవించిన ప్రబంధమై, ద్రావిడ భాషలో పాశుర రూపంగా ప్రవహించింది.

ఈ ముప్పది పాశురాలను ఒక్కటిని కూడా విడువకుండ యీ సంసారమున అనుసంధించువారు గొప్ప పర్వతవలెనున్న నాల్గు భుజములును ఆశ్రిత వాత్సల్యముచే ఎఱ్ఱబారిన కనుదోయిగల శ్రీముఖమును. ఉభయ విభూతి ఐశ్వర్యములందునుగల శ్రియ: పతియొక్క సాటిలేని దివ్య కృపను పొంది, బ్రహ్మనందముతో కూడినవారై యుండగలరు.

 శ్రీ గోదా రంగనాథుల అవ్యాజకృపచే యీ 'తిరుప్పావై' ద్రవిడ దివ్య ప్రబంధమును తెలుగున' శ్రీసూక్తిమాలికగా ప్రవహింపచేసి పాడించుకున్న వారి దివ్యవాత్సల్యమునకు యీ దాసుడు రంగనాథుడు ఆజన్మ కృతజ్ఞతాంజలులు ఘటిస్తున్నాడు.

        *శ్రీ సూక్తి మాలిక సంపూర్ణమ్*   

        *శ్రీ అండాళ్ దివ్య తిరువడిగళే శరణమ్*

*ॐॐॐॐॐॐॐॐॐॐ*

*అవతారిక*

 *ॐॐॐॐॐॐॐॐॐॐ*

గోదాదేవి -- గోపికలు ఆచరించిన వ్రతమును తానూ అనుకరించి వ్రతసమాప్తి చేసి, వ్రత ఫలమును తాను కూడా పొందినది. శ్రీకృష్ణసమాగమును ఆనాడు గోపికలు పొందినట్లే మన గోదాదేవి తన ప్రియతముడగు శ్రీరంగనాథుని భర్తగా పొందినది.

శ్రీరంగము నుండి శ్రీరంగనాథుడు వ్రతసమాప్తి సమయమునకు తమ అంతరంగభక్తులను ఆండాళ్ తల్లి ఉన్న శ్రీవిల్లిపుత్తూరునకు పంపి ఆమెను శ్రీరంగమునకు తోడి తెమ్మని ఆజ్ఞాపించెను. అంత శ్రీభట్టనాథులు వారి శిష్యులుగా వల్లభరాయలతో సహా శ్రీరంగమునకు ఆండాళ్ తల్లిని తీసుకొని వెళ్ళెను.

 అచ్చట స్వామి శ్రీరంగనాథుడు అందరి సమక్షమున శ్రీగోదాదేవిని తమతో చేర్చుకొనెను. అందుచేతనే గోదా - శ్రీరంగనాథ కళ్యాణ దినమునకు 'భోగి' అను వ్యవహారము కలిగెను. భోగము అనగా పరమాత్మానుభవమే. దానిని పొందిన దినము అగుటచే *భోగి* అనుట ఈ పండుగకు సార్థకము. 

ఈ వ్రతము అందరు ఆచరింపదగినది. ఈ వ్రతమును ఆచరింపలేకపోయినను, నిత్యము ఈ ముప్పది పాశురములు తప్పక అభ్యాసము చేయు వారికి కూడా తాను వ్రతము చేసి పొందిన ఫలము లభింపవలెనని గోదాదేవి ఈ పాశురమున ఆశించుచున్నది. 

గోదాదేవి తాను గోపికగానే వ్రతము చేసినది. ఫలము భగవత్ప్రాప్తి. అట్టి భగవానుడే అమ్మవారిని పొందుటకై చేసిన యత్నము పాలసముద్రమును ఆనాడు మధించుటలో కాననగును.

అందుచే మనము స్వామిని పొందవలెనని ప్రయత్నము చేయుటకంటే, స్వామియే మనను పొందుటకు ప్రయత్నము చేయునట్లు ఆనాటి అమృతమథన వృత్తాంతము ఇందు కీర్తించుచున్నారు. ఈ ముప్పది పాశురములు పఠించినవారిని ఆనాడు పాలసముద్రమును మథింప చేసి లక్ష్మిని పొందినట్లు సర్వేశ్వరుడు తనంత తానే ప్రయత్నించి పొందును. 

ఈవిధంగా ఈ పాశురమున  

ఫలశృతి చెప్పబడినది.      

ఇది ధనుర్మాస వ్రతంలోని 30వ (మాలిక) ఈ వ్రతాన్ని చేసినవారికి లభించే ఫలాన్ని గూర్చి వివరించిన మాలిక. ఎన్నడో ద్వాపర యుగంలో వ్రేపల్లెలోని గోపికలాచరించిన కాత్యాయనీ వ్రతాన్ని శ్రీ అండాళ్ తల్లి కలియుగంలో తానాచరించి తరించింది. ఈ 30 రోజుల వ్రతానుష్టానం వలన _ భక్తి ప్రవత్తులతో భగవంతుని సాన్నిధ్యాన్ని పొందవచ్చునని నిరూపించింది తల్లి.

అత్యంత నిష్టతో ఆచరించిన యీ వ్రతంవలన అజ్ఞానులు సైతం భగవత్సాక్షాత్కారాన్ని పొందగలరని నిరూపించింది. తాను అనుసరించి, యితరులచే అనుసరింపచేసి మార్గదర్శుకురాలై, ఆచార్య పురుషకారాన్ని వహించి మనబోటివారలను తరింపచేయ సమకట్టి, తల్లి మనకనుగ్రహించినదీ వ్రతాన్ని. ఈ 'తిరుప్పావై' దివ్య ప్రబందాన్ని అనుసంధించి మనమూ తరిద్దాం! అమ్మ ఋణాన్ని తీర్చుకొందాం శ్రీ సూక్తి మాలికలు పాడుకుందాం!

*ॐॐॐॐॐॐॐॐॐॐ*

*శంకరాభరణము _ ఝుంపెతాళము*

    

*ॐॐॐॐॐॐॐॐॐॐ*

ప.     శ్రీసూక్తి మాలిక! ఆనంద డోలిక!

        కేశవుని వ్రతకల్ప ద్రవిడ సుమ మాలిక!

        

    అ..ప..    పాశురపు పేటిక ముప్పదుల కానుక!

        ఆశువుగ గోదపాడిన గీతమాలిక!

    

    1. చ..    పాలకడలిక ఓడలున్నను సురలకై

        లీలగ మధించిన కేశువుని జేరి 

        గొల్లెతలు చంద్రముఖులా యలంకృతులు 

        నల్లనయ్యకు కృపా పాత్రులైన విధమ్ము

        ఉల్లమలరగ గోద గీతముల పాడినది

        శ్రీ సూక్తి మాలిక......

    2.చ..    ఈ పాశురమ్ములను ముప్పదిని విడువక 

        గోపాల సన్నిధిని నిత్యమనుసంధింప

        గోపదేవుని పూర్ణా కృపగల్గు గాక! యని 

        గోపతిని కొలిచిన విష్ణుచిత్తుని తనయ

        శ్రీ పాదములే మనకు శరణమని చూపినది.

        శ్రీ సూక్తి మాలిక! ఆనంద డోలిక!

        కేశవుని వ్రతకల్ప ద్రవిడమును మాలిక!

*ॐॐॐॐॐॐॐॐॐॐ*

    *పుష్పములతో ఈ క్రింది కృష్ణాష్టోత్తర, గోదాష్టోత్తర శతనామములు చెప్పుచూ హృదయమును పుష్పమును చూపిస్తూ దానియందు ప్రేమనింపి అర్చన చేయాలి* 

 

*ॐॐॐॐॐॐॐॐॐॐ*

ఓం   కేశవాయ నమః            

ఓం   నారాయణాయ నమః    

ఓం వాసుదేవాయ నమః

  ఓం ప్రధ్యుమ్నాయ నమః

ఓం  మాధవాయ నమః          

 ఓం అనిరుద్దాయ నమః

ఓం  గోవిన్డాయ నమః             

ఓం పురుషోత్తమాయ నమః

ఓం విష్ణవే నమః                  

ఓం అధోక్షజాయ నమః

ఓం మధుసూదనాయ నమః   

 ఓం నారసింహియ నమః

ఓం  త్రివిక్రమాయ నమః          

ఓం అచ్యుతాయ నమః

ఓం వామనాయ నమః          

 ఓం జనార్దనాయ నమః

ఓం శ్రీ ధరాయ నమః              

ఓం ఉపేంద్రాయ నమః

ఓం హృషీకేశాయ నమః          

 ఓం హరయే నమః

ఓం పద్మనాభాయ నమః          

ఓం శ్రీ కృష్ణాయ నమః

ఓం దామోదరాయ నమః          

ఓం  సంకర్షణాయ నమః

*ॐॐॐॐॐॐॐॐॐॐ*

*మంచి మార్గంలో అడుగు పెట్టడం - సంక్రాంతి*

*ఆండాళ్ దివ్య తిరువడిగళే శరణం*     

*ॐॐॐॐॐॐॐॐॐॐ*

తిరుప్పావై ముప్పైవ రోజు సంక్రాంతి. సంక్రాంతి మన దక్షిణ దేశం వారికి ముఖ్యమైన పండగ.

 మన వాళ్ళంతా ఆనందంతో ఉత్సాహంతో ఒక పెద్ద పండగ చేసుకుంటారు. ప్రకృతిలో వసంత ఋతువు ఆహ్లాదాన్ని ఇచ్చినా, ఈ కాలం మనకు పంటలతో ఒక నిండు తనాన్ని కల్గించే కాలంగా మనం అనుభవిస్తుంటాం.

నెలరోజులు ధనుర్మాస వ్రతం ఆచరించిన గోదాదేవి, తనను ఒక గోపికగా భావించి శ్రీరంగంలో వేంచేసి ఉన్న శ్రీరంగనాథుణ్ణి వివాహమాడాలని అనుకుంది. తత్ ఫలితంగా శ్రీవిల్లిపుత్తూర్ నుండి గోదాదేవిని రప్పించుకొని శ్రీరంగనాథుడు విగ్రహస్వరూపంతోనే వివాహమాడాడు. గోదాదేవి వ్రతం ఆచరించి రంగనాథుణ్ణి పొందిన రోజుని భోగి అంటారు.

రంగనాథుణ్ణి భోగరంగడు అని అంటారు. భగవంతుణ్ణి వివాహమాడి వైభోగ్యాన్ని పొందింది కనుక ఆ రోజుకి భోగి అని పేరు. భోగి దాటిన మరునాడే సంక్రాంతి. తరువాత రోజు కనుమ. ఈ మూడు రోజులు కలిపితే ఒక అందమైన పండగ. 

దక్షిణాయనం పూర్తయ్యి ఉత్తరాయణం వస్తుంది. దక్షిణాయనం దేవతలు రాత్రి, ఉత్తరాయణం పగలు. రాత్రి మనం విశ్రాంతి తీసుకొని పగలు లోకంలో ప్రవర్తిస్తుంటాం. మనలో ఎలాగైతే పగలు ప్రవృత్తి ఇక రాత్రి నివృత్తి అయ్యినట్లుగనే దేవతలకు  ఉత్తరాయణం ప్రవృత్తి ఇక దక్షిణాయణం నివృత్తి.

 దేవతలు మేల్గాంచి ఉన్నప్పుడు మనుష్యులలో దైవీ శక్తులు మేలుకొని ఉంటాయి, దక్షిణాయనంలో  అసురీ ప్రవృత్తులు మేలుకొని ఉంటాయి. రోజులో బ్రహ్మ ముహూర్తం ఎట్లా అయితే తెల తెల వారే సమయంలో ఉంటుందో, ధనుర్మాస కాలం సత్వగుణాన్ని పెంచేదిలా ఉంటుంది, ఇప్పుడు చేసిన ఆచరణ ఏడాది కాలం మనల్ని మంచి మార్గంలో నడిచేట్టు చేస్తుంది.

ఈ భావనతోనే మనం ధనుర్మాస వ్రతం ఆచరిస్తాం. తిరుప్పావై ఒక్కో పాశురాన్ని తెలుసుకొని ఆ జ్ఞానంతో బాగుపడేట్టు మనల్ని తయారుచేసుకుంటాం, తద్వార చుట్టూ ఉండే లోకాన్ని ఎట్లా చూడాలి, మన చుట్టు ఉండే సమాజంతో ఎట్లా ప్రవర్తించాలి అనేది తెలుస్తుంది.

మనలో చక్కని సంస్కారం ఏర్పడుతుంది.  మంచి మార్గంలో అడుగు పెట్టడం అన్నమాట, క్రాంతి అంటే అడుగు పెట్టడం, సం అంటే మంచిగా అని అర్థం. ఈ రకంగా మంచిగా బ్రతకటానికి తీసుకున్న నిర్ణయం కాబట్టి అది *"సంక్రాంతి"* అయ్యింది.

సూర్యుడు ఒక రాశి నుండి మరొక రాశికి మారే సమయం కూడా, ధనుఃరాశి నుండి మకర రాశికి మారుతాడు కనుక కొందరు ఈ రోజు శుభకార్యాలు చెయ్యరు. సంక్రమణం ఏర్పడ్డప్పుడు పితృదేవతలకు తృప్తి కలిగించటానికి నువ్వులు మొదలైన వాటితో తర్పణాదులు చేస్తుంటారు.

అందుకే మరునాడు కనుమ పండుగ, తమ బంధువులను, అల్లుల్లను ఇంటికి రప్పించుకొని వివిద సత్కారాలు చేస్తారు. ఎందుకు చేస్తుంటారంటే తిరిగి గోదాదేవి ఆచరణయే కారణం. శ్రీరంగనాథుడు గోదాదేవిని వివాహమాడటంచే విష్ణుచిత్తులవారికి ఆల్లుడైయ్యాడు. శ్రీరంగంలో వివాహం జరిగి, కనుమ నాడు గోదాదేవితో కలిసి శ్రీవిల్లిపుత్తూర్ చేరి ఆరాధన అందుకున్నాడు.

ఇవన్నీ భావించి మన పూర్వులు మనకొక పండగను అందించారు. ఈ పండగలో గొబ్బిల్లను పూజిస్తారు, గొబ్బిల్లు వ్రతం ఆచరించిన గోపికల ప్రతీక. గోపికలు శ్రీకృష్ణుడిని కోరినవారు, వేరొకరు వారికి తెలియదు. శ్రీకృష్ణుడు ఏది చెబితే అది వారికి వేదం. ఆయన చెప్పినదాన్ని పాటించాలి అని కోరుకుంటారు.

ప్రతి వ్యక్తి ఈ గోపీ ప్రవృత్తితో గోదాదేవి ఎలాగైతే భగవంతుణ్ణి పొందిందో, మనంకూడా భగవత్ ప్రవృత్తి కల్గి లోకంలో ప్రవర్తించాలని తెలియడానికి మన పెద్దలు మనకు ఈ అందమైన పండగను ఏర్పాటు చేసి ఇచ్చారు.

మనం ఆచరించే ప్రతి పండగకీ పై పై కి ఆనందాన్ని ఇచ్చేవిగా అనిపించినా, దాని వెనకాతల ఆధ్యాత్మిక సందేశం మన ప్రతీ పండగలో కనిపిస్తుంది.

 

*ప్రతి పండగలో మూడు విషయాలు సూచిస్తారు.*

 

*1. ఆధ్యాత్మిక ఉన్నతి*

*2. శారీరక ఆనందం*

*3. మన దోషాలు* *తొలగటం*

మామూలుగా మనం వంట వండేప్పుడు కూరగాయలు తరిగేప్పుడో, అన్నం ఉడికించేప్పుడో మనకు తెలియకుండా కొన్ని సూక్ష్మ జీవులని సంహరిస్తుంటాం. అలా చేసినందుకు మనకు పంచ మహా పాతకాలు చుట్టుకుంటాయి అంటుంటారు. మనం అన్నం మాని నివృత్తి చేయలేం, అందుకే పంచ మహా యజ్ఞాలు చెయ్యాలని అంటారు.

అవి మనం దేవతలని ఆరాదించటం, మనకు శరీరం ఇచ్చినందుకు పితృ దేవతలను ఆరాదించటం, మన చుట్టూ ఉండే ప్రాణికోటితో భూతదయతో ప్రవర్తించటం, ధానధర్మాలు చెయ్యటం ఇలా మంచ మహా యజ్ఞాలు చెయ్యాలని అంటారు.

ఇక ఒక రైతు పంట పండించేందుకు భూమి దున్నిన మొదలుకొని, క్రిమికీటాదులని సంహారం చేస్తాడు కాబట్టి రైతు తప్పని సరి పంచమహా యజ్ఞం చెయ్యాల్సి వస్తుంది. ఇండ్లముందు వివిద ధాన్యాలను చల్లటం, ఇలా తమ వృద్దిని చూపటంతో పాటు లోపల భూత దయ ఇమిడి ఉంది. పంట ఇంటికి తెచ్చేముందు ప్రకృతి దేవతలకు ఆరగింపు చేస్తారు.

వివిద ధానధర్మాలు చెతనైనంతవరకు చేస్తారు.  బసవన్నలను సత్కరిస్తారు. రంగనాథుణ్ణి సత్కరించినట్లా అన్నట్లు తమ తమ అల్లుళ్లను సత్కరిస్తారు. అలాంటి ఈ పండగ మనలోని దోషాలని తొలగించి పుష్టిని ఇచ్చుగాక.

ఈ రోజు పాశురం ఈ దివ్య ప్రబంధాన్ని రాసిందెవరు అని తెలిపే పాశురం. ఇక ఫలశృతిని తెలుపుతుంది ఈ పాశురం. ఈ ముప్పై పాశురాలను రోజు చదవాలి, లేని పట్ల చివరి రెండు అయినా తప్పని సరి అనుసంధానం చేయాలి. ద్వాపరంలో గోపికలు ఈ వ్రతం ఆచరించి కృష్ణుణ్ణి పోందారు. కలియుగంలో గోదాదేవి ఈ వ్రతం ఆచరించి రంగనాథుణ్ణి చేరింది.

 

 *"వంగ క్కడల్"* అలలతో కూడిన ఆ పాలసముద్రాన్ని "కడైంద" చిలికినప్పుడు  *"మాదవనై"* ఆయన లక్ష్మీదేవిని పొందినవాడైయ్యాడు. ఆయనే *"క్కేశవనై"*  కేశవుడు, అందమైన కేశపాశం కల వాడు.

దేవలోక ఐశ్వర్యాన్ని వెలికి తీయడానికి పాల సముద్రంలో మందర పర్వతాన్ని వాసుకీ అనే పాముతో దేవతలు అసురులు మైత్రితో చిలికారు. ఆనాడు స్వామి వారి మైత్రిని కాపాడటానికి ఎన్నో రూపాలు ధరించాడు. పర్వతం క్రిందకు పడి పోకుండా కూర్మంగా ఒక రూపం, పైన పర్వతం నిలిచి ఉండటానికి పైన ఒక రూపం, ఇటు  దేవతలకు అటు అసురులకు బలాన్నిచ్చేలా మరో రెండు రూపాలు ధరించాడు. కలిసి చేసే పనికి పరమాత్మ తనదిగా భావించి చేస్తాడనే దానికి ఇది నిదర్శణం.

అలా మనం కలిసి ఆచరించే తిరుప్పావైకి ఫలితం ఆయన తప్పక ఇస్తాడు. ఆలా చిలికినందుకు అమృతానికి అమృతమైన అమ్మవారిని పొంది ఆయన మాధవుడైనాడు. అసలు సాగర మధనం స్వామి జరిపింది అమ్మను తన వద్దకి చేర్చుకోవడానికే అని ఆండాళ్ అమ్మ *"మాదవనై"* అంటూ రహస్యం చెబుతుంది.

*"శేయిరైయార్"* భగవత్ కైంకర్య రూపమైన ఆభరణాలు కల *"శెన్ఱిఱైంజి"* ఆ గోపికలు *"అంగ ప్పఱై కొండవాత్తై"* చంద్రుడివలె ప్రకాశించే  *"తింగళ్ తిరుముగత్తు"*  ఆ శ్రీకృష్ణుడి దివ్య అనుగ్రహం పోందారు.

 *"అణి పుదువై"* భూమికి అలంకారమైన శ్రీవిల్లిపుత్తూర్ లో *"ప్పైంగమల త్తణ్ తెరియల్"* చల్లటి తులసి మాలను ధరించి ఉన్న *"పట్టర్బిరాన్"*  విష్ణుచిత్తుల వారి కూతురైన *"కోదై"* గోదాదేవి *"శొన్న"*  చెప్పిన *"శంగ త్తమిర్ మాలై"* తీపైన ఈ పాటల మాలయైన *"ముప్పదుం తప్పామే"* ముప్పై పాటలను, ఒక్కటీ వదలకుండా చెప్పాలి. తిరుప్పావై ఒక మాలిక కదా, మాలలో ఏ ఒక్క రత్నం లేకున్నా ఆ మాల అందం లేకుండా పోతుంది. మరియూ ఈ తిరుప్పావై భగవంతుణ్ణి చేరే క్రమమైన మెట్ల మాదిరివి, ప్రతి మెట్టూ అవసరం. *"శెంగణ్ తిరుముగత్తు"*  వాత్సల్యమైన ఆ ముఖంతో *"చ్చెల్వ త్తిరుమాలాల్"* ఉభయ విభూది అనే ఐశ్వర్యం కల నాథుడు, *"ఇంగిప్పరిశురైప్పర్"* ఆయన చల్లని చూపులు తిరుప్పావై చదివే వారిపై ఉంటాయి.

 *"ఈరిరండు మాల్ వరైత్తోళ్"* రెండు హస్తాలతో ఉన్న ఆయన నాలుగు హస్తాలు చేసుకొని  నాలుగు పురుషార్థాలను ఇస్తాడు. *"ఎంగుం తిరువగుళ్ పెత్త్"* అన్ని చోట్ల దివ్య అనుగ్రహాన్ని పొంది *"ఇన్బుఱువర్"* ఆచరించిన వారు  ఆనందాన్ని అనుభవిస్తారు.

*ॐॐॐॐॐॐॐॐॐॐ*

*తిరుప్పావై 30వ పాశురము /అనువాద పద్యం*

*రచన* 

*మఱ్ఱిపల్లి శ్రీధరాచార్యులు*

 *మిట్టాపల్లి* 

*ॐॐॐॐॐॐॐॐॐॐ*

*సీసమాలిక*

*క్షీరాబ్ధి మధియించి క్షీరాబ్ధి కన్యను*

        *పత్నిగా గైకొన్న పరమ పురుష* 

*విల్లిపుత్తూరున విష్ణు చిత్తుని పుత్రి*

      *ముప్పది పాటలు మురిపమంది*

*ద్రావిడ భాషలో తన్మయముగ పాడి*

        *కృతులను వెలయించె శృతుల వోలె*

*ఏ రీతి పూజించి యీవర మందిరో*

         *తెలిసిన వారికి దివియు భువియు* 

*పర్వతశిఖరాల బాహు శిరములున్న*

       *నారాయణుని సేవ నలరు చుండ*

*శుభములు నందించి సుఖములు గూర్చును* 

      *ఆభరణములన్ని యందజేయు*

*తులసి మాలికలతో తోయజాక్షునిపూజ*

      *శ్రీపెరియాళ్వారు శ్రీలనోము* 

*తే.గీ. మంచి మాటలు మూటగా పంచినట్టి*

*శూడి కొడుత నాంచారుకు శుభము గలిగె*

*వ్రతము చేసిన వారికి వారిజాక్షు*

*సుఖము సౌభాగ్య సంపదల్ శుభము లిచ్చు*

 *శ్రద్ధ భక్తులు కల్గించి బుద్ధినిమ్ము*

*శ్రీధరుని మానసంబున స్థిరము కమ్ము!*!

🕉🌞🌎🌙🌟