న’గరం’

 *శీర్షిక: న’గరం’* (మినీ కవితలు)

             ~తుమ్మ జనార్దన్ (కలం పేరు: జ్ఞాన్)

11. నగరం పెరుగుతుంది

లేనివాడికి అందడం లేదు

ఉన్నవాడికి చాలడం లేదు.

12. బండి నడపడానికి హెల్మెట్ ఉంటే చాలు

లైసెన్సు లేకున్నా పర్లేదు

ఆపేదెవరు, అడిగేదెవరు.

13. హైటెక్ సిటీ

రద్దీ (Traffic) నియంత్రణకు

ఏ టెక్నాలజీ పనిచేయడం లేదు.

14. ట్రాఫిక్ గీతల్ని పిచ్చిగీతలనుకుంటారు

లక్ష్మణ రేఖలనుకుంటే బాగుండేది.

15. ఇక్కడ హిల్స్ పరిస్థితి

మైసూర్ బోండాం లాంటిది.

16. పేదవారు కొండలపై నివసించేవారు

ఇప్పుడు పెద్దవారు/ధనికులు 

నివసించాలనుకుంటున్నారు.

17. ఆశల పల్లకీ ఎక్కి 

నగరం చేరేవారే అందరూ

నిరంతరాయంగా జరుగుతూనే ఉంది

ఇది ఎప్పుడు ఆగుతుందో.....

18. ముత్యాల నవ్వులతో

ముత్యాల నగరం చేరారు

చివరికి అదీ కరువైంది ఇక్కడ.

19. జీతాలే ఎక్కువ కాదు 

ఖర్చులూ అంతే.

20. ఆంధ్రులు (సంక్రాంతి) పండుగకి వెళ్తే

సిటీ రోడ్లు పండుగ చేసుకున్నాయి.