మాతృ భాష సేవలో

 185వ రోజు: (శుక్ర వారము) 09-06-2023

మన మాతృ భాష సేవలో ఈ రోజు పద్యము:

ఒళ్లు వంచి పనుల నుత్సాహముగ చేయ

ఫలితమదియె కలుగు బాగుగాను 

కష్ట పడెడు గుణము ఘన కీర్తి కలిగించు 

తెలిసి మెలగ మేలు తెలుగు  బాల.

 మనము చేసేది ఏ పనినైన ఇష్టముగ, సంతోషముగ, మన:పూర్వకముగ ఫలితము ఆశసించకుండ చేసిన ఎడల అది మనకు మంచి ఫలితమునిచ్చును. అంతే కాకుండ కష్టపడే గుణము శారీరక మనోధైర్యం పాటు మంచి కీర్తిని కూడ చేకూర్చును. 

 

ఈ రోజు పదము. 

ముంగిస : అంగూషము, అహిభుక్కు, అహిమారకము, ఉరగారి, మకులము, పింగళము, బభ్రువు, ముంగి, లోహితాననము, సర్పతృణము, హ్రీకము.