శివుఁడు మన ఇంటికి వస్తాడు

 *🌴ఇలాచేస్తే శివుఁడు మన ఇంటికి వస్తాడు, ఇలా జీవిస్తేనే...! శివుఁడు మన ఇంటికి వస్తాడు🌴* 

*🌹సమస్త జీవుల పట్ల భూతదయతో మెలిగితే "వృషభ వాహనుడై" శివుఁడు మన ఇంటికి వస్తాడు...!!!*

*🌹తల్లీదండ్రులను పూజిస్తూ జీవనం సాగిస్తే అమ్మ పార్వతిని వెంట తీసుకొని "జగత్పితయై" శివుఁడు మన ఇంటికి వస్తాడు...!!!*

*🌹గురువులను గౌరవిస్తూ మసలుకుంటే బ్రహ్మజ్ఞాన ప్రదాతయైన "శ్రీ దక్షిణామూర్తిగా" శివుఁడు మన ఇంటికి వస్తాడు...!!!*

*🌹విడదీయలేని అన్యోన్యతతో భార్యభర్తలు కాపురం చేస్తే శివుఁడు "అర్ధనారీశ్వరుడై" మన ఇంటికి వస్తాడు...!!!*

*🌹మనసులో ఉన్న విషపూరిత భావనలను విసర్జిస్తూ నడుస్తుంటే "నాగాభరణభూషితుడై" శివుఁడు మన ఇంటికి వస్తాడు...!!!*

*🌹పిల్లలకు మానవత్వ విలువలను నేర్పుతూ జీవిస్తే జగజ్జననిని వెంటపెట్టుకొని "గౌరీశంకరుడై" శివుఁడు మన ఇంటికి వస్తాడు...!!!*

*🌹ఆకలైనవారికి పట్టెడు మెతుకులను వడ్డిస్తూ ముందుకి సాగితే "శ్రీ అన్నపూర్ణాసమేతుడై" శివుఁడు మన ఇంటికి వస్తాడు...!!!*

*🌹దాహమైన వారికి దప్పికను తీరుస్తూ ప్రయాణిస్తే "గంగాధరుడై" శివుఁడు మన ఇంటికి వస్తాడు...!!!*

*🌹బాహ్య సౌందర్యం మీద ధ్యాస తగ్గించి మనో సౌందర్యాన్ని ఉపాసిస్తూ జీవిస్తే "శ్రీ మీనాక్షి అమ్మను వెంటపెట్టుకొని సుందరేశ్వరుడై" శివుఁడు మన ఇంటికి వస్తాడు...!!!*

*🌹ప్రకృతిని ప్రేమిస్తూ పచ్చదనాన్ని కాపాడుతూ జీవిస్తే "శ్రీ కామక్షి అమ్మను వెంటపెట్టుకొని ఏకామ్రేశ్వరుడై" శివుఁడు మన ఇంటికి వస్తాడు...!!!*

*🌹పరమాత్ముడిచ్చిన కన్నులను పెద్దవిగా చేసుకుని ప్రపంచంలో ఉన్న మంచిని చూస్తూ జీవిస్తే "శ్రీ విశాలక్షి అమ్మను వెంటపెట్టుకొని విశ్వనాథుడై" శివుఁడు మన ఇంటికి వస్తాడు...!!!*

*🌹అసూయాద్వేషాలను వదిలి జీవిస్తే భళా అంటూ మెచ్చుకుని "భోళా శంకరుడై" శివుఁడు మన ఇంటికి వస్తాడు...!!!*

*🌹తోటివారిపైన చల్లటి చూపులను వెదజల్లుతూ జీవిస్తే "కైలాస వాసుడై" శివుఁడు మన ఇంటికి వస్తాడు...!!!*

*🌹కాలం కలిసిరాకున్నా ఖచ్చితమైన ఆత్మ విశ్వాసంతో జీవీస్తే "కాలభారవుడై" శివుఁడు మన ఇంటికి వస్తాడు...!!!*

*🌹ప్రపంచం మనల్ని చిరిగిన చీటీగా వల్లకాడులో వదిలివెళ్ళిన నాడు "రుద్రుఁడై" శివుఁడు తనలో కలుపుకుంటాడు...!!!*

*🌷అనంతాన్ని ఆవరించిన శివుఁడు అందరి మొరను వినగలడు...!!!*

*🌷శివుడంటే నాగరికత, శివుడంటే జీవన విధానం, శివుడంటే సర్వం, శివుడంటేనే పర్వం...!!!*

*🌷 సముద్రాన్ని ఆయనపై ఒలకబోయలేకున్నా, ఆయనపై సముద్రమంత నమ్మకాని పెట్టుకుని నాలుగు గంగనీటి తుంపరలు చల్లినా సరే సంతసిస్తాడు...!!!* 

*🌷శివుడు కేవలం విగ్రహంలో మాత్రమే కాదు , మన మనో నిగ్రహంలో ఉంటాడు...!!!*

*🌷 తాను సృష్టించిన వస్తువులను తనకివ్వడంతో శివారాధన పూర్తికాదు, మనది అనుకున్న తనదాన్ని (నేను అనే అహాన్ని) తనకివ్వడంతోనే శివారాధన పరిపూర్ణం...!!!*

*🌹 ఇలాచేస్తే శివుఁడు మన ఇంటికి వస్తాడు , ఇలా జీవిస్తేనే శివుఁడు మన ఇంటికి వస్తాడు...!!! ఇంటికి రావడమేంటి మన ఇంట్లోనే శాశ్వతంగా ఉంటాడు...!!!*

*అప్పుడు జన్మకో శివరాత్రి కాదు, జన్మమే శివరాత్రి...!!!* 

(Collection: munga ganganna)

*||సర్వం శ్రీపరమేశ్వరార్పణమస్తు||*

           Thanks for Reading

             Sharing is Caring

         I am Wonderful being

🙏🙏🙏 🙏🙏🙏 🙏🙏🙏