శాశ్వతైశ్వర్య మిచ్చి సదా నను బ్రోచునో
సకల బాధలను పెట్టి సంకట బడచూచునో
పరమేశ్వరాజ్ఞ ఏమో తెలియదు
అది ఎవరెరుగరు ఈశ్వరాజ్ఞ
ఎందు కొరతలేని బ్రహ్మానంద మొసగునో
ఎప్పటికీలాగుననే హింసపరచి యేచునో
పరమేశ్వరాజ్ఞ ఏమో తెలియదు
అది ఎవరెరుగరు ఈశ్వరాజ్ఞ
నందనునిగ భావించి నన్ను గౌరవించునో
నలుగురి లోపల మిక్కిలి నగుబాటొనరించనో
పరమేశ్వరాజ్ఞ ఏమో తెలియదు
అది ఎవరెరుగరు ఈశ్వరాజ్ఞ
వెరువకుమని అభయమిచ్చి వేగమే రక్షించునో
వీడధముడు దుష్టుడనుచు విడువక శిక్షించునో
పరమేశ్వరాజ్ఞ ఏమో తెలియదు
అది ఎవరెరుగరు ఈశ్వరాజ్ఞ
- శ్రీ మళైకొండ రామదాసు
గానం - శ్రీ యం బాలమురళీకృష్ణ
కామెంట్‌లు లేవు:
కామెంట్‌ను పోస్ట్ చేయండి