🌹ఓం నమః శివాయ 🌹

హాలాహలమును గాంచియు

గోలను సురవర్గ మెల్ల గోడను చుండ న్నే

లీలను గ్రోలితివో నీ 

లీలలు నెఱుగంగ లేము నిక్కము నీశా.      06*

ఎన్నడు నిను నే గాంతును ?

కన్నుల పండువుగ మాత గౌరీసతి తోన్ .

తిన్నని కన్నులు గోరియు

మన్నన జూపించి నట్టి మహనీయ శివా !       07*

త్రిభువనముల జీవమ్ముల

కభయమ్మది నీయ నెంచి హాలాహలము

న్నిభచర్మాంబరధర !

యభయమ్ముగ గ్రోలినావె యభవా ! యీశా !    08*

సిరియాళుని రక్షించిన

కరివసనా ! కామదహన ! కామిత దాతా !

నిరతము నిను పూజింతును 

కరములు జోడించి నన్ను కావగ నీశా !         09*

నిత్యము నిను నే గొలుతును

సత్యాత్మక విశ్వరూప ! సద్యోజాతా !

భృత్యుని నను నిరతము కృత

కృత్యునిగా చేయుమయ్య భృంగీ శీశా !       10*

✍️గోపాలుని మధుసూదన రావు 🙏