పసుపు గణపతి*

 🕉️🕉️🕉️🕉️🕉️🕉️🕉️🕉️🕉️

        *పసుపు గణపతి*

🕉️🕉️🕉️🕉️🕉️🕉️🕉️🕉️🕉️

*పసుపు గణపతిని* *ముందుగా ఎందుకు పూజిస్తాం?* 

*సమస్త కార్యములు నిర్విఘ్నంగా జరుగుటకు ముందుగా "విఘ్నేశ్వరుని" పూజించాలి.*

*ఏ పూజ కానీ వ్రతం కానీ ఏ శుభకార్యం కానీ ప్రారంభించే ముందు "పసుపు" విఘేశ్వర పూజ చేయాలి.*

*దానికో కథ వుంది....*

*పూర్వం "త్రిపురాసురులు" అనే రాక్షసులు వుండే వారు. వారు బ్రహ్మచే అనేక వరాలు పొంది లోకాలన్నిటినీ బాధించసాగారు.*

*ఆకాశంలో "మూడు" నగరాలను నిర్మించుకొని దేవతలను, లోకాలనూ బాధించసాగారు. వీళ్ళ బాధలు భరించలేక దేవతలు, ప్రజలు..."శివుణ్ణి" ప్రార్థించారు.*

*అపుడు శివుడు రక్షిస్తానని అభయమిచ్చాడు.*

*"శివుడు" ఆలోచించి ఒక ఉపాయాన్ని చెప్పాడు. నందిని ఆ మూడు నగరాలను తన కొమ్ములతో యెత్తి పట్టుకోమన్నాడు.*

*అప్పుడు శివుడు... నంది కొమ్ముల పై యెత్తిన మూడు నగరాలతో సహా త్రిపురాసులను సంహరించాడు.*

*ఆ సమయంలో "నంది" "కొమ్ము" ఒకటి తెగి పడిపోయింది. అదే పసుపుకొమ్ము. దానితో నందికి చాలా దు:ఖం కలిగింది. "గణపతి" అప్పుడు ఆ కొమ్ము ఎక్కడ పడిందో వెదికి తెచ్చాడట.*

*కొమ్ము దొరికినందుకు నందికి చాలా ఆనందం కలిగింది.*

*అది చూచిన శివుడు "నందీ...నీ పసుపు కొమ్ము పడిన చోటున మొలిచిన...."పసుపు కొమ్ముల" తోనే చూర్ణించగా వచ్చిన "పసుపు"తో "పసుపు గణపతి"ని చేసి....యే పూజకైనా మొదట పూజింప వలసినదే" అన్నాడట...*

*ఆ పసుపు కొమ్ములతో చూర్ణించిన "పసుపు"తోనే తయారుచేసిన పసుపు గణపతికి పూజ మొదలైందట!*

*అందుకే ఆయన "ఆది దేవుడు, "ప్రథమ పూజ్యుడు" అయ్యారు.*

*వినాయకుడి పూజలో మనకు అతి ముఖ్యమైనది మనం మనస్సును పెట్టి స్వామి ఎదురుగా కూర్చొని ధ్యానం చేయడం.*

*వినాయకునకు కుదురుగా కూర్చునే వాళ్ళంటే మహా ఇష్టం! ఎందుకంటే…*

*ఆయన స్థిరంగా కూర్చుంటాడు. అందుకే పూజలో స్వామిని ఉద్దేశించి "స్థిరో భవ, వరదో భవ, సుప్రసన్నో భవ, స్థిరాసనం కురు." అని చదువుతారు. అందుకే "గజాననుని" ముందు, రోజూ కూర్చునే ప్రయత్నం చేద్దాం .*

*మనం చేసే ప్రతి పనిని శ్రద్ధగా చేయడానికి, జ్ఞాపక శక్తి పెరగడానికి, ప్రతి విషయం త్వరగా అర్ధం అవడానికి ఇది బాగా ఉపకరిస్తుంది.*

*”పిలిస్తే పలికే దైవం "గణనాధుడు."*

*గం గం గణేశాయ నమః।*

*ఓం నమః శివాయ॥*

*శుభమస్తు. అవిఘ్నమస్తు.*

*శుభోదయం. శుభదినం.*

🕉️🕉️🕉️🕉️🕉️🕉️🕉️🕉️