శివ శివా అని ఎవడు ఆనందంగా

 శివ శివా అని ఎవడు ఆనందంగా ఉల్లాసంగా శివనామం పలుకుతాడో వాడి మీదకి వజ్రాయుధం వేస్తే అది పూలదండగా మారిపోతుంది. వాడిని అగ్నిలో తోసేస్తే అది మంచుగా మారిపోతుంది. సముద్రంలో పడేస్తే అది ముంచేయకుండా భూమిలాగా మారి వాడిని నిలబెడుతుంది. శత్రువు మిత్రుడైపోతాడు. వాడికి విషమిచ్చినా అమృతంగా మారిపోతుంది.

ఇది ఏ స్వర్గానికో, కైలాసానికో వెళ్తే జరిగేది కాదు. భూమిమీద ఉన్నప్పుడే జరుగుతోంది. తప్పకుండా ఇలా మారుస్తాడు. లేదా ఈ రెండింటికీ అతీతమైన శివం తెలిశాక వజ్రాయుధమైనా ఒకటే, పూలదండ అయినా ఒకటే. పొగడ్తకీ పొంగిపోడు, తెగడ్తకీ బాధపడడు. ఇటువంటి ద్వంద్వాతీతస్థితిని ఇస్తాడు.