వార్ధక్యం

 🌹🌹🌹🌹🌷🌷🌷🌹🌹🌹🌹

*వార్ధక్యం శాపమా? వరమా?*

ముదిమి మీద పడుతుంటే

ముడుతలు పడుతుంది చర్మం.

మనకూ జుగుప్సగా ఉంటుంది. చూసే వాళ్ళకూ రోతగా ఉంటుంది. అది చెప్తుంది 'శరీరం మీద అభిమానం తగ్గించుకోమని'.

కంటిచూపు తగ్గుతుంది. అంటే బయటిచూపు తగ్గించుకోమని

దృష్టిని అంతర్లీనం చెయ్యమని

పరమాత్మవైపు మరల్చమని.

వినికిడి తగ్గుతుంది

అంటే బాహ్య లౌకిక విషయాలను వదలి అంతరాత్మ ప్రబోధం వినమని.

జిహ్వ చాపల్యం తగ్గదు. కాని జీర్ణశక్తి తగ్గుతుంది.

అంటే భగవత్సేవకు దేహం నిలుపుకోవడానికి

అవసరమైనంతవరకే తినమని.

చేతులు వణకుతాయి.

అంటే రెండు చేతులూ ఒకదానికొకటి ఆసరాగా జోడించి

దైవప్రార్థన చేయమని.

పాదాలు తడబడతాయి.

అంటే వేసిన తప్పుటడుగుల్ని తెలుసుకుని స్వామి శరణాగతి పొందమని.

మాటలు మందగిస్తాయి.

అంటే మాట విలువనెరిగి మాట్లాడమని

చిన్నప్పుడు

"నాన్నా! నాకిది అర్థం కాలేదు చెప్పవూ!” అన్న పిల్లలే ఇప్పుడు 'నీకు చెపితే అర్థం కాదు అంటారు'

అంచేత జీవిత పరమార్థం తెలుసుకుని

వార్థక్యాన్ని శాపంగా కాకుండా వరంగా అనుకుంటే

మనం తరించినట్లే. మన జన్మ సార్థకమైనట్లే.

*(ఒక మిత్రుని ఈ కవిత "విశాఖ సంస్కృతి" మాసపత్రిక నవంబర్ 2018 సంచికలో ప్రచురితమైనదట.)*

వాట్సాప్ సేకరణ.